ارواحو تسمعوا اللخرة تاع الطبليات هههههههه

[RaNiA]

السلام عليكم ورحمة الله وبركاته ​

واش راكم شوية ؟ ​

اليوم حبيت نهدرلكم على الطابليات ​

في اللسي تاعنا شوكاونا اليوم قالولونا الطابليات تاع الدراري ازرق فاتح وتاع البنات وردي مش ابيض
لعقوبة
على الاقل قلنا ليمونش طوال حتشي وبدينا نوالفو زاد جاتهم يبدلولنا لاكولوغ
يخي تمسخير يخي ​

جايتهم على الطابلية تقول العلم لاصق فيها ​

احنا زعما قلنا الطبيلة بيضة كي الطبة قلبوهالنا وردي يخي يخي عجب تاع الصح هههههه​

نولي كي باربي نزيد نضرب فيها كونفارس وردي و نشري بوندوات وردي ونضفر 2 ضفرات ونروح نقرا هههه
مساكن سورتو تاع الباك ههههههه​

احنا في السيام و الليسي قالولي البنات والدراري مانروحوش في 13 اكتوبر
ولي حابة تروح تقرا كي باربي تروح وحدها ​

وانتم هدرولكم ولا لا ؟؟؟​

ومام في الفايس بوك عاملين دي جروب كونتر الطابليات هذو ​

منا يقولو كل شخص حر في نفسو
وهوما حابين يتحكمو في حرية الاولاد بالطابليات ​

كلش معوج وهوما جايتهم على لاكولوغ تاع الطبلية
ماقالوش نخففو في البرامج ولا في اوقات القراية
حصرولنا كلش وخلاونا حاصلين
اماردي كون خلاونا نقراو بالسبت افضل ​

دركا ولينا ما نقدروش نتنفسو نروحو من 8 الى 12 ومن 1 ونص و 5 ونص
احنا عندنا يومين نخرجو فيهم على 5ونص واحد ما قاعد يقرا سورتو في الحصة اللخرة الغاشي كامل يغلب
يسخايلو فينا روبو ولا واش ​

يجي وقت وينحيو المدارس العامة هذي يعود الغاشي كامل في الخاصة ​

ولي ماعندوش الصوارد تطفرت فيه ما يقرا ما والو يبقا في الدار
نوليو في عصر التخلف كي بكري ​

ولا واش رايكم انتم ؟؟؟
واش رح تديرو ؟​

 

[MR-REDOUANE]

ههههههه رانا معاكم قلبا و قالبا....ديروا اضراب حنا لمزية في وقتنا ماكانش لاشارج و حتى الطابليات جميع الالوان و اذا مالبستهاش ماكاين حتى مشكل ديفو ماراهوش فينا حنا و نتوما الديفو فيهم هوما ضايقة رواحهم

 

[لحظة أمل]

mliha ta3 troh takra ki barbie
wch thebi rah lmas'ouline ta3na
rashem fargr wbayen habine
cha3b kaml yetla3 kifhem
​

 

[حورية الجزائر]

الحمد لله يا ربي قرينا فالغفلة ههه

ربي يكون فالعون
​

 

[Dr.CrAzY]

ولي حابة تروح تقرا كي باربي تروح وحدها

ههههههههه مليحة هادي
باربي والفرسان الزرق
بن بوزيد وجماعتو قلقو ولاو يخرجو في قوانين تع طعيز
نورمالمون يشوفو للعوج في البروقرام ويعدلوه ويحسنوا من مردود
التلميذ لي راهو يكالي
أه دولة تنطق

​

 

[RaNiA]

الحمد لله يا ربي قرينا فالغفلة ههه​

ربي يكون فالعون​

على الاقل كون خلاوني نعقب الباك العام الجاي ويديرو القانون لي يحبو هههههه
يحبو حتى يقولولهم ارواحو بالتشيني والاصفر خخخخ​

 

[RaNiA]

ههههههه رانا معاكم قلبا و قالبا....ديروا اضراب حنا لمزية في وقتنا ماكانش لاشارج و حتى الطابليات جميع الالوان و اذا مالبستهاش ماكاين حتى مشكل ديفو ماراهوش فينا حنا و نتوما الديفو فيهم هوما ضايقة رواحهم

ههههههه التخمام عاد بالرجلين :laugh:
مرسي على الرد

 

[سلافة]

والله عندك حق انا وحدة من الناس راني نتعذب ايماجين في النهار عندنا ثمن مواد اغلبية المواد بلي روجيستر يعني ثمن روجيستر وثمن كتب وزيد الكتاب تاع الرياضيات وحدو فيه قنطار والفيزياء والعلوم كيفكيف والله عييت وزيد كيما اليوم راني خارجة على الربعة ونهار الاحد نخرج على الخمسة يعني في الشتاء نعود نخرج في الليل وما نزيد نوصل للدار غير على الخمسة ونص ............ وهاذي كل وراهو ما زالي العام الجاي ربي يكون في عوني وزيد راهو باك ما هوش لعب

 

[حورية الجزائر]

ههههههههه توقعي منهم اي حاجة ربما تولي باللون الاصفر ولا الاخضر الفستقي ههه

 

[RaNiA]

mliha ta3 troh takra ki barbie​

wch thebi rah lmas'ouline ta3na
rashem fargr wbayen habine
cha3b kaml yetla3 kifhem​

ههههههههه
عيش تشوف
وحايد يقراو معايا شراو بعد طابليات بيض طوال وكي قاللولنا غوز راحو يحتجو قالتلهم وحد المرا او كاين واحد يصبغ القش روحو اصبغو عندو وفرات ههههه
تسمع العجب
تسما واحد يشري ب 85 الف ومبعد يزيد يخسر عليها نعرف قداه ​

انا مازال ما شريتش اصلا ومش رح نشري نبقا بتاع العام لي فات بلا ليمونش
ما نروحش نقرا بالغوز وبليمونش ​

 

[ACHWAK2002]

ياو هذي ماشي اللخرة
هاذي البداية و مازال مازال

 

[RaNiA]

ولي حابة تروح تقرا كي باربي تروح وحدها​

ههههههههه مليحة هادي
باربي والفرسان الزرق
بن بوزيد وجماعتو قلقو ولاو يخرجو في قوانين تع طعيز
نورمالمون يشوفو للعوج في البروقرام ويعدلوه ويحسنوا من مردود
التلميذ لي راهو يكالي
أه دولة تنطق​

ههههه غير كون جاو الفرسان الزرق
وحايد لبسوها جاو كي الطياب تاع الليسي مليحتلهم غير يروحو يعلمهم يطيبو وفرات هههههه
كيما قلتي نورمالمون يعدلولنا البروقرام والسوايع 8 سوايع في اليوم يا عاجابة يا ربي ؟
​

 

[lyna]

انا ادركا قاعدة نخمم وش من لبسة تطلع مع روز والله ولاو دواب تع الصح روحو شوفو اوروبا و الماريكان كش واحد يلبس طبلية يخا بدعة الناس غادي حابا طلعهم كبا و علماء و حنا فام د ميناج حاشا ماشني نطيح مي والله صح قالك الروز قال والله تبهديلة في كلاسا الدراري كيما لي كلون ب الازرق انا راني سنة 2 تانوي والله كون غير صبرو عام اخر ودارو كيما يحبو شتات حتي ارنجي و لا جون جات غير في الكحل لي مليطلعش معاه الروز

 

[angel_fly]

فكرة مليحة تاع الاضراب نديرو اضراب في كامل التراب الوطني على التوقيت المشارجي و على الطابليات و غلى المنهاج تاع الهم اللي ما ظنيتش نخلصوه و على تنحية بن بوزيد .............................. و حوايج بزاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف
رانا كرهنا تاع الصح كرهنا

 

[lyna]

انا عندي نهار واحد على 5اما باقاها اكل عل 4 و نهار ندخل على 2 تع عشية تسما توقيت مليح تاعي
مي عجبتني خلاه باربي و الفرسان الزرق ههههههههههههههههههه

 

[lyna]

وش بيكم رانا في اليسي ماعندناش حق الاضراب و المظاهرات هادو اي والله غير تجي فينا لا يسحتونا اكل ام قاعدين يتسبو علاها و هادي البداية و مزال مزال

 

[هــــيلدا]

والله ربي يكون في عونكم
حنا صح قرينا في وقت الغفلة
مي والله ماهيش طول خدمة تاع الطابلة الوردي حاجة متخرج معاها رايحيين تصابليو في البسة
هذا كامل تمسخير
الواحد مجا يشري لولادو تابليات غير بالسيف ويزيدو يبدلوهالكم
هذو مينفع معاهم لا غضراب لا والو الداب تاع بن بوزيد حاشاكم راقد على وذنيه
ربي يكون في العون

 

[RaNiA]

والله عندك حق انا وحدة من الناس راني نتعذب ايماجين في النهار عندنا ثمن مواد اغلبية المواد بلي روجيستر يعني ثمن روجيستر وثمن كتب وزيد الكتاب تاع الرياضيات وحدو فيه قنطار والفيزياء والعلوم كيفكيف والله عييت وزيد كيما اليوم راني خارجة على الربعة ونهار الاحد نخرج على الخمسة يعني في الشتاء نعود نخرج في الليل وما نزيد نوصل للدار غير على الخمسة ونص ............ وهاذي كل وراهو ما زالي العام الجاي ربي يكون في عوني وزيد راهو باك ما هوش لعب

ايه احنا بالاثنين نقراو ساعتين رياضيات الصباح زايد 2 مواد خلاف
ولعشي ساعتين علوم وساعتين فيزياء
حابين يقتلونا قراية رح نطلعو انشتاينات الله يبارك ههههه
انا اصلا مني كتلميذة ما نقدرش نقرا هكا ندوخ خلاص

مام انا العام الجاي الباك ربي يكون في عونا ان شاء الله
الصبر مفتاح الفرج ههههه​

 

[angel]

لالا حنا الطابليات عندنا في الليسي بويض للبنات صح بليمونش
mais cé pas grave​

طلعي لي مونش بوحد الشبر تولي انتيك ​

الروز غير لنتاع السيام ربي معاهم مساكن والذراري قالو زورق​

امبعد ضركا قالو الذراري غير لزرق الي مانلبسوهش​

قالونا رايحين يبدلو ماعليش الذراري يلبسو طابليا بيضا ومانعرف ​

كلشي بعلم الله​

بصح انا نقول لاحول ولا قوة الابالله العلي العظيم​

يلعبو بينا كيما يحبو او يشتيو يلبسولنا كيما يحبو ​

ايه صح نسيت وحدة صاحبتي قالتلي رايحين ينحيو جد الطابليات كامل​

شكرا على الموضوع وغير الطابلة الروز الي مانلبسهاش​

 

[programmeur]

كيما قالت أختي حورية الجزائر
الحمد لله قرينا في وقت الغفلة
والله يعطيكم الصبر