مراسلكم غزال الصحراء من السيبار كافي ( كاvي )

[** غزال الصحراء **]

السلام عليكم , مانيش موالف بالسيبار مي هذا وين حسيت بقيمة الكونيكسيون في الدار

بما أني في قلب الحدث وددت نقل لكم مجريات الأحداث على الهواء

مباشرة !

الناس :

لاشان فيه 16 من عبد و لي بوست 8 قاع معمرين

أغلبية لي دخلو ما عندهم حتى صلاح جايين يديفوليو و قليل لي حاب بحث و لا حاجة !

فئة غريبة ( 2 ناس نعرفهم ) دخلو هازين سيدي أوديو

مولا السيبار داير فوضى كبيرة مع صاحبو و كي يحكي واحد من لي مكوناكتيين يقولو

نقص الصوت هنا مكان هدوء !!

إمرأة ( أضن أنها في 65 ) مريحة في البوست من ساعة و ما مستش لاسوري و لا

لكلافي , قاعدة تحكي في البورطابل !!

واحد مريح حاس بروحو بلي راه في كوكب خاطي كوكب اللي راهم هنا قاع

( و هو المتحدث ) :001_unsure:

الكونيكسيون و الحاسوب :

حاسوب متخلف مالgي P4 مي ثقيل و الوينداوز في حالة لا يحسد عليها

الكونيكسيون ما تجي تطلعلك صفحة يهبط عليك الليل ( مي كومام ديما الصابر ينال )

كل دقيقة بلوك ردويماري بلوك روديماري امممم راح النهار

ايا تبقاو على خير أنا كون نقعد هنا يطرطقلي عرق تحياتي .

ملاحظة : ان شاء الله يلحق هذا الموضوع برك خطراش راني شايف

الروشارج راه غير يزيد و كون ملحقش نعاودو نهار اوخر ...​

 

[Moha le sage]

انا لي راني دايخ ولا نتا لي درت عشر مواضيع ؟؟؟


01

 

[zagane]

السلام عليكم
راهي عندكم أزمة في الإنترنت هههههههههه

 

[zagane]

انا لي راني دايخ ولا نتا لي درت عشر مواضيع ؟؟؟


01

السلام عليكم
أول مرة نشوف مشرفرايح يعاقب نفسو على التكرار و رايح يحدف ٩ مواضيع
رايح يبدا بي نفسو المؤمن يبدا بي نفسو
هههههههههههههههه

 

[صدي الجحيم]

ههههههههههههههههههههههههههههه يخي حالة يخي ربي يكوون في العون
وهذيك العجوووز قولووولها تنووووووض راها ديجا قرنتني انا في بلاصتك بعني الغاشي ديرين لاشان وهيا قاعدة تهدر يخي حالة يخي
مووضووووووووووووووع روعة شكرا اخي

 

[سماح4]

أهلا بيك غزالنا ...لبحر عليها لا كونكسيون المهم راك بخير وداركم بخير والحمد لله تهلا فروحك واصبر راها تجي وترجع كيما كنت مزهيلنا اللمة.

 

[سماح4]

حتى انا راهي لاكونكسيون عندي ناقصة ماجات تهبط هذي المشاركة حتى حسيت روحي كبرت10 سنين .........ههههههه

 

[** غزال الصحراء **]

انا لي راني دايخ ولا نتا لي درت عشر مواضيع ؟؟؟


01

je croix نتا راك دايخ :confused1:​

 

[** غزال الصحراء **]

السلام عليكم
راهي عندكم أزمة في الإنترنت هههههههههه

اهلا بيك

لا السيبار عندو أزمة ماشي حنا , يا خي حاميها حارميها

و حارميها زاد عليها خخخ :biggrin:​

 

[لحن السعادة]

ههههههههههههههههههه ربي يكون في العون انا حبيت نعرف هذيك العجوز واش جات دير في السيبار
يا خاوتي أنا مفهمتش حاجة والفاهم يفهمني انا هذا الشهر ماخلصتش الانترنت وماخلصتش التلفون ثاني وراهي أكثر من 15 يوم ملي كان لازم عليهم يكوبيوها بصح مزالت عندي في رايكم علاه ؟؟؟

 

[** غزال الصحراء **]

ههههههههههههههههههههههههههههه يخي حالة يخي ربي يكوون في العون
وهذيك العجوووز قولووولها تنووووووض راها ديجا قرنتني انا في بلاصتك بعني الغاشي ديرين لاشان وهيا قاعدة تهدر يخي حالة يخي
مووضووووووووووووووع روعة شكرا اخي

و الله لا نتي وحدك ! مزية لي حسيتي بالموقف و الله لا راصك يحبس حوايج يدوخو

قالك عيش تشوف و أنا قلت عيش تتقرمد .. ياو تحيا لاكونيكسيون في الدار لا سيبار

لا عجوز .​

 

[** غزال الصحراء **]

أهلا بيك غزالنا ...لبحر عليها لا كونكسيون المهم راك بخير وداركم بخير والحمد لله تهلا فروحك واصبر راها تجي وترجع كيما كنت مزهيلنا اللمة.

و الله عندك الحق سموحة الرسمي قاع في سلامة الراص

الله يهنيك و يفرج عليك .​

 

[** غزال الصحراء **]

حتى انا راهي لاكونكسيون عندي ناقصة ماجات تهبط هذي المشاركة حتى حسيت روحي كبرت10 سنين .........ههههههه

هاها ! كبرتي 10 سنين مالا نتيا هي لعجوز لي راهي معايا في السيبار:biggrin:

راني نضحك برك مرسي عليك و ربي يوفقك .​

 

[MIRNA816]

في داري اليز ني عجايز ني تكسار راس ولى سيباركاvي يصبركم

 

[** غزال الصحراء **]

في داري اليز ني عجايز ني تكسار راس ولى سيباركاvي يصبركم

اهلا بيك

و الله هاذوك الصح , مي كي يديروها بيك إنقطاعات الجزائر يليق تكوناكتي

في السيبار .​

 

[MIRNA816]

اهلا بيك

و الله هاذوك الصح , مي كي يديروها بيك إنقطاعات الجزائر يليق تكوناكتي

في السيبار .​

و بيك اكتر
ايه تما ليا و ليك ربي السيبار كاvي ولا نشعة لاكونكسيون و الحمصة فوقها

 

[jiji 94]

شكرا لك اخي هشام ​

 

[اللؤلؤة المصونة]

هههههههههههههه تعرف قتلتنى بضحك ​

بورتون ماعندكش لاكونكسيون مي اك داير زوج سوجيات روعهـــــــ شفت الحاجة ام الاختراع.......​

ايا ربي يفرج​

 

[اماني12]

الله يصبرك احنا الكل خايفين تعدي علينا هديك الانقطاعات الجزائر.وتطول مكفاهمش زادو فيه حتى زيدو يقاطعوه.هدى هي بلادي . حظ سعيد للجميع

 

[بنت الـ25]

حاسوب متخلف مالgي P4 مي ثقيل و الوينداوز في حالة لا يحسد عليها

الكونيكسيون ما تجي تطلعلك صفحة يهبط عليك الليل ( مي كومام ديما الصابر ينال )

صحيت غزال
والله في هادي راني معاك مليون فالمية
واش نقولو....ربي يصبرهم لي يروحو للسيبار...كاvي
سلاااااااام​