واش تكره فالمرأة وأنت واش تكرهي فالراجل

[maitre-zinou]

اكره المراة المسترجلة و التي تحاول التطاول على مركز الرجل القيادي في المجتمع خاصة الاسلامي منكرين حق الرجل في هدا , و متجاهلين تنصيبه كقيم على المراة وفق مبدا القوامة المقرر من الله عز و جل في كتابه الكريم حين قال " الرجال قوامون على النساء "

 

[sabrina16]

merci pour le sujet ana nakreh les hommes ali ighiro ihabo tjr ikono khirmen elmera surtou mayhaboch mera fort 3lihom fi elkhadema j'aime pas hada jour m redjal nehabe radjal sur men roho machi nakasse mais walow nakssine.

 

[djodjou]

االسلام عليكم اكبر حاجة تعيب الراجل مهماكان جداب هي انو يكون زير نساء.

 

[الجمرة الخبيثة]

الطيرة وزغيد منا ومنا
​

 

[abidou 20081]

أنا نكره واحد يكذب

تحية طيبة وعطرة أختي العزيزة شهرة

ولي يكذب واش من شخصية عندو والسؤال لي يبقى مطروح وعلاش يكذب خوف ولا رخس ولا طحين
ولا تمسكين يعني يتمسكن حتى يتمكن ولوكان نخزرو لهذ ألأمور كامل نلقاوهم تاع رخس ومنها
نعرف الرجل لي قدر يكذب يعني يعاود رجلتو ويعرف روحو بلي رخيس ديركت بلا ماندخلو في الجانب الشرعي بلي حرام كاين البعض يقولك راني نبلعط ويفتخر بها يعجبك والله ماني عارف كيفاش
يفكر لأان الكذب يبقى كذب وهد الأمور كامل من الرخس ولي قدر يرخس واش رايحة تديريلو
وماكانش قد الصراحة والحقيقة لي عجباتو مليحة ولي ماعجباتوش الله يسهل عليه يجي النهار ويقولو
رجل ماكذبش ربي يخليك وربي يحفظك وينورك كيما نورتي الموضوع وربي يعطيك ماتتمني
دمتي بألف خير وهناء إن شاء الله ​

 

[abidou 20081]

اكره المراة المسترجلة و التي تحاول التطاول على مركز الرجل القيادي في المجتمع خاصة الاسلامي منكرين حق الرجل في هدا , و متجاهلين تنصيبه كقيم على المراة وفق مبدا القوامة المقرر من الله عز و جل في كتابه الكريم حين قال " الرجال قوامون على النساء "

تحية طيبة وعطرة خويا ميتر زينو

والله ياخويا غير عندك الحق المراة المسترجلة وهذي نظن رجل ماشي مرا
والمراة من هذا النوع تسمى بالمتسلطةوتفقد كل أنوثتها لكن بالنسبة لها
تظن أنها ذو قيمة وأنها ذو شخصية قوية للأاسف هذا تصورها الله سبحانه وتعالى خلق الذكر
وخلق الأنثى ولكل وضع دوره في المجتمع لكن مانراه من تحول في الأدوار خلق إختلال
في توازن الكون ومانراه من إنحلال خلقي هو نتيجة التعدي على الأدوار وحتى نكون منصفين
ونحكم من منطق حق أن الرجل هو سبب كل هذا لقد إستحقر المرأة وإستعبدها مما جعلها تلجأ
للخروج والعمل حماية لكن للأسف دائما تبقى بحاجة لرجل الرجل هو من أخرج المراة لإستغلالها
ومن أجل نزوته وأطماعه الخبيثة فأصبحنا نرى الشبان يقفون على جانب الرصيف والفتيات من مجرد ملف واحد تكون عاملة بالمقابل وجدت الفتاة هذه الحرية فأستغلتها في أمور أكبر مما كانت تبحث عليه
وتجاوزت المعقول وهذا مانراه الأن ربي يجيب الخير برك خويا لعزيز
وربي يخليك ويعطيك ماتتمنى دمت بألف خير وهناء إن شاء الله *​

 

[im£ne]

الكذب و الخيانة

 

[abidou 20081]

merci pour le sujet ana nakreh les hommes ali ighiro ihabo tjr ikono khirmen elmera surtou mayhaboch mera fort 3lihom fi elkhadema j'aime pas hada jour m redjal nehabe radjal sur men roho machi nakasse mais walow nakssine.

تحية طيبة وعطرة أختي العزيزة صبرينة

الشكر لك على المرور الكريم وربي يخليك نورتي الموضوع ربي ينورك
الرجل لي يغير من لمرا نظن ممكن تصرى في بعض الأماكن لكن ليس
منتشرة هذه الظاهرة عندنا لكن مادام أنه قبل بعملها كيف يغير منها
يعني من الأول قبل الخدمةتاعها وبعدها يغير منها الحق تاع ربي هذي
ما صدفتهاش لكن إن حدتث يبقى تناقض بعينه يعني إذا كان يعرف روحو مايحملش النجاح تاع مرتو وعلاش يديها خدامة ونقطة اخرى نظن نجاح مراتو من نجاحو هو كلك لأنهم شركاء في العش الزوجي
الرجل لازم يكون واثق من نفسو ولي ناقص ثقة ماشي رجل أصلا ولا عندو مركب نقص أو عقدة ملازماتو في حياتو وهذا النوع لازملو علاج نفسي ربي يخليك وربي يحفظك وربي يعطيك ماتتمني دمتي بألف خير وهناء إن شاء الله​

 

[مهدي بوطبة]

انا نكره الجال هي فيهم

الخيانة ثم الخيانة ثم الخيانة

وعلاهيا ختي تكرهي الجال راهو هو الخيمار نتاعنا

 

[abidou 20081]

االسلام عليكم اكبر حاجة تعيب الراجل مهماكان جداب هي انو يكون زير نساء.

وعليكم السلام ورحمة الله تعالى وبركاته

عندك الحق ختي زير النسا هذا ماشي رجل لكن تاني كاين نقطة
مهمة في هذ النقطة بذات هي تكالب البنات على الرجل ولو يعرفوه بأنه مرتبط
يعني لي مرتبط يكون معرض أكبر للمتالبة وبالمقابل إذا كانت لي عندو منقصة في واجبتها تفتح المجال
لهذا النوع من الفتيات باش يحقو غرضهم يعني ممكن تكون هذا النقطة مشتركة لكن من لديه وحدة
قايمة بواجبتها وهو مازال يتبع في بنات الناس هذا عندو مرض في قلبو وماشي رجل أصلا
ربي يخليك وربي يحفظك وربي يعطيك ماتتمني دمتي بألف خير وهناء إن شاء الله ​

*

 

[أمـــل المستقبل]

نكره الرجل اللي مشي متمسك بدينه هذي اول الحاجات و نكره الرجل اللي يتكبر و مشي عاطي قيمة للمرأة و الخائن و اللي ما عندوش ثقة فنفسه يا ترى كيفاش تكون عندو الثقة مع الغير اكيد لا و بالاضافة الى الرجل الخواف و اللي ما عندوش الكرامة و الجرأة في مواجهة الغير و شكرا على الموضوع الجميل​

 

[khadii]

الخيانة: نكره الرجل اللي يظلّ يشلّل في عينيه مع لبنات تاع برّا رغم أنّو متزوّج
hadi hia al khiyana nekraha fe al radjellllllllllllll

 

[abidou 20081]

الطيرة وزغيد منا ومنا
​

تحية طيبة وعطرة أختي العزيزة الجمرة الخبيثة لي ينجينك ربي منها وينجينامنها

الطيرة والزغيد مان ومنا هذا يعني صاريلو كيما ذكرت الأخت لي سبقت زير النسا
وهذا النوع كيما سبق وقلت نوع خبيث يحطمرتو فالدار ويقعد يتالب في بنات الناس
والغريب كاين بزاف بنات لي يعرفو بلي متزوج لكن رغم ذلك يقعدو معاه ويمشو
ومهما كذب عليهم وبلعط يعني يبدى يقول لي عندي راهي منقصة في حقي وكرهت لمعيشة
معاها وماتفكرش الطفلة وتقول كيفاش راها مازال في رقبتو ويدير هكذا يعني كيما يصرالها يصرالي
بصح لالا تكمل وبالاك تبدى تزوقلو في روحها وتقولو نعيشك لا بل في يعني المشكل تاني في
الطريق لي لقاوها مفروشة ربي ينورك وربي يخليك ويعطيك ماتتمني دمتي بألف خير وهناء إن شاء الله ​

 

[abidou 20081]

الكذب و الخيانة

تحية طيبة اختي دارين

نحب نقولها ونحب نعاودها ديما بلي هذ الزوج صفات تاع الكذب والخيانة
ماشي تاع الرجال تاع الرخاس ولي ماعندوش ضمير يقدر يدير كل شيء
ربي ينورك وربي يخليك ويعطيك ماتتمني دمتي بألف خير وهناء إن شاء الله ​

 

[abidou 20081]

وعلاهيا ختي تكرهي الجال راهو هو الخيمار نتاعنا

واش خويا المهدي جابتك كلمة الجال باين عليك تاع جال
بصح إذا كان الخمار تاعكم ماشي تاعنا هههههههههه
ربي ينورك خويا وربي يخليك ودمت يألف خير وهناء إن شاء الله ​

 

[abidou 20081]

نكره الرجل اللي مشي متمسك بدينه هذي اول الحاجات و نكره الرجل اللي يتكبر و مشي عاطي قيمة للمرأة و الخائن و اللي ما عندوش ثقة فنفسه يا ترى كيفاش تكون عندو الثقة مع الغير اكيد لا و بالاضافة الى الرجل الخواف و اللي ما عندوش الكرامة و الجرأة في مواجهة الغير و شكرا على الموضوع الجميل​

تحية طيبة أختي العزيزة أمل المستقبل

عندك الحق في هذي ولي مايخافش من ربي مايخافش من العبد وكل شيء عندو ساهل
الرجلالمتكبر ياك غير خو بليس لعنة الله عليه وإذا مالقاش لي يقيمو رايح دراع يحط راسو في لرض
لي مايعطيش قيمة لمرتو يعني ماعطاش قيمة لنصفه الأخر ومنها رايح يكون ماقيمش نفسو
وكيما نعرفو كامل لازم السعادة تتبنى من الطرفين ماشي من طرف واحد وغذا ماقيمهاش مارايحش يعيش مهني ومارايحش يلقى قيمتو وحتى إذا قامت بواجباتها ماشي عن حب لكن عن خوف أو طاعة وفقط
الخائن تكفيه هذا الكلمة ولي هي كبيرة في معنتها ولي يقدر يتحمل هذ الكلمة ربي يسهل عليه
لي ماعندوش ثقة بنفسو هذا عندو مركب نقص ولا عاش حياة فيها أمور أثرتلو على تكوين الشخصية
يعني عيب يقدر يتعالج وخاصة إذا لقى المحيط مليح لي يقدر يعاود يسترجهع ذيك الثقة في نفسو
وإذا تقصدي يعني مايتيقش مشكاك هذا نقولك مريض ويجيب المرض لروحو ولغيرو ولي مشكاك خيرليه مايديرش الدار مايعيش موسوس
الرجل الخواف واتلله هي صحيح صفة ماترتبطش بالرجال لكن ربي خلق وفرق ممكن تلقاي إنسان خواف لكن الله يبارك عليه يعني مايظلم مايظلموه لكن لي عندو الخوف زايد على حدو يعني حقو ويسمح فيه هذا كيفاش رايح يحمي عرضو ويربي ولادو لازم يدير صرفة لعمرو يعني الكرامة تاعو تتمس ويسمح فيها وهذا مايوليش رجل ديركت ربي ينورك وربي يخليك ويعطيك ماتتمني دمتي بألف خير وهناء إن شاء الله والشكر لك على المرور الكريم الذي زاد الموضوع إشراقا ​

 

[killua0555]

مرحبا بيا هههه
بما انى كى عادة عضو محايد خخخخخخخ

نعاود نولى نجيب زوج حوايج يقلقونى فى بنات و الولاد دوكا ملقيتش :crying::crying:

 

[abidou 20081]

الخيانة: نكره الرجل اللي يظلّ يشلّل في عينيه مع لبنات تاع برّا رغم أنّو متزوّج
hadi hia al khiyana nekraha fe al radjellllllllllllll

تحية طيبة وعطرة أختي العزيزة خدي ربما إختصار خديجة

ندورو وين ندور ونرجعو للخيان ولي هي صفة خبيثة تاع الصح
وهي لي خلات هذا المشاكل وقلة الثقة بين الطرفين يعني الأنثى والذكر الذكر يقول بلي الطفيلات
غدارين والطفلة تقول الدراري غدارين وتبقى الخيان هي الصفة الخبيثة وأشد خبث لما تسببه من ألم
وإنحلال في المجتمع وهذا النوع من الناس أي الخائنين والله غير نشرو الفساد فوق الأرض وحسابهم عسير تاع الصح
الرجل لي متزوج ويظل يشلل في عينيه نقولك والله لوكان يشلل في عينيه لاباس كاين لي يتجاوز تشلال العين ويمشي مع بنات الناس وكيما قلت فايت كاين بنات على بالهم بلي متزوج بصح مانيش عارف كيفاش هما تبانلهم وتزيد تزوقلو روحها مليح تقولك نخطفو على مرتو
والخيانة مكروهة سواء عند الرجل أو المراة وكاين لي حبو يبدلولها المصطلح ويرجعوها قفازة وشطارة
لكن مهما فعلو تبقى الخيانة خيانة ولي ماعندوش ضمير الحيوان خير منو
ربي ينورك وربي يخليك ويعطيك ماتتمني دمتي بألف خير وهناء إن شاء الله ​

 

[abidou 20081]

مرحبا بيا هههه
بما انى كى عادة عضو محايد خخخخخخخ

نعاود نولى نجيب زوج حوايج يقلقونى فى بنات و الولاد دوكا ملقيتش :crying::crying:

مرحبا بيا أنا تاني منين تجي الناس رايحة أرواحي قرقبي علينا لماعن ههههههههههههه
أنت عضو محايد مليح ماراناش نضابو هنا هههههههههههههههههههههههه
خذي راحتك وقت ماحبيتي وجيبلنا كثر من زوج حوايج على بالي كاين بزاف هههههههه
ربي يخليك وربي ينورك دمتي بألف خير وهناء إن شاء الله ​