البارح جابنا المراقب الورقة هاذي ...

** غزال الصحراء **

:: عضو بارز ::
أحباب اللمة
إنضم
19 جويلية 2007
المشاركات
10,901
نقاط التفاعل
164
النقاط
319
العمر
32
محل الإقامة
العدم
الجنس
ذكر
السلام عليكم و رحمة الله تعالى و بركاته , بعد الثورة لي درناها حنا التلاميذ مع الأساتذة

و حتى الإدارة ( ضد بوزيد و النظام الجديد و بالظبط التوقيت و المئازر)

وقعت خالوطة اي ولا كل واحد يحصل في خوه النائب يقول بوزيد أتصرف و بوزيد

يقول المدراء أتصرفو ...إلخ حتى جا بوتفليقة و دار قرار يقول فيه

( ما تخرجو حتى واحد على جال الطابلية الزرقة ) يعني عيب و لا الرئيس يدخل

في حوايج هاكا ** زيد يا بوزيد** و شفنا في الولايات لعجب مثلا في تيزي دارو

إضراب من البداية و في الجي قالك التلاميذ حبسو الإدارة في المؤسسة و رماو عليهم

لحجر ..إلخ ,,, ايا كي ما عرفوش واش يديرو و بوزيد ما حبش يستعرف بلي راهو

غلط و لازم يولي للسيستام لقديم قررو يديرو التالي :

-- الطابلية أدخل بزرقة و لا البيضاء كيف كيف

( يعني هدف القرار كان توحيد التلاميذ بمئزر ذو لا

لون واحد حتى ولينا مقسومين Blanc et Bleu )

** و في ما يخص التوقيت

و هاذي اللي علا جالها كتبت الموضوع و هي بلي البارح أي 22 أكتوبر المراقب

جابنا ورقة

مكتوب فيها التالي :

ما التوقيت الذي يناسبك :

1-الدراسة ماء الثلاثاء مع تأخير الدخول المسائي في باقي أيام الأسبوع

( يعني نوليو مع ال 2 كيما بكري )

2-الدراسة صبيحة السبت مع تأخير الدخول المسائي في باقي أيام الأسبوع

3- المحافظة على التوقيت الحالي ؟

طبعا تالمون راهي تالفتنا بهذا السيستام تاع من ال1.30 لل 5.30 واحد ما دار الخيار

3 مي تبقى

حاجة الخيارلي كنا حابينو هو :

4- الرجوع إلى النظام القديم يعني نقراو السبت كامل و تولي الحالة عادي كيما بكري

يعني عيب

وزير ما يستعرفش بخطأ و و لينا حنا لي نقرروا ماشي هو **زيد يا بوزيد**

و على فكرة حنا خيرنا أقل الضررين و هي تاع الثلاثاء مساء نولو نقرو عادي

على الأقل الواحد يولي يقدر يريح و يفطر بين ال 12 و 2 ماشي بين 12 و ال 1.30

تحياتي الخالصة دمتم في رعاية الله و حفظه .
 
آخر تعديل:
بارك الله فيك
حنا خيرنا نقراو عشية الثلاثاء
 
بارك الله فيك
حنا نقراو عشية الثلاثاء ونخرجوا على الرابعة ونص في كل يوم
 
هذي هي الدولـــــة
 
يعني قصدك توليو كل يوم تقراو من 2....5
؟؟؟؟
مش من 1.30.........5.30
 
صباح النور خويااا.يععطيك صحة على السوجي



والله فووووووووووور كي يرجعولنا الحاله كيما بكري والله غي واحد ماعرف كياه يشد


وزيد حتى ليكور لواحد درح يروحلها من لاشارج نتاع السماانه



ويعطيك الصحة في لافان
 
هنا في خنشلة كل مدير والتوقيت لي ساعدو اقسم بالله خالوطة صح كيما قلت اكماليات عندهم اقسام فابتدائيات وثانويات عندهم اقسام في اكماليات تعرف واحد مايسلكها ايماجين استاذ عندو قسم هنا وقسم لهيه يبقا يجري من ومن والتوقيت واحد على 4 واحد على 5 واحد على 2 واحد على 1:30 افففففففففف يكرهو العبد فالقراية الحمد لله لي ماقاسناش هاذ الموصيبة نتاع بوزيد
 
و الله بن بوزيد خلط الدنيا و قعد واش راح اديروا ربي يعاونكم
و ربي ينجحكم
 
بصح المشكل حنا من لي بدا البرنامج جديد نقراو نهار الثلاثاء مساء وديما نخرجوا على 5:30 نروحوا في ليل ولبارح طلعنا للمدير نشكوا باش ينحيلنا 5:30 قاللنا قريتو صباح ولا لعشية ماكمش ناجحين تغاضين على هدرتو ورجعنا نحاولو فيه باش نقراو السبت صباح ومنخرجوش على 5:30 قاللنا الأساتذة لي محبوش رحنا للأساتذة قالولنا ماعليش وكي رجعنا ليه قاللنا نفكر والله رانا نقرو فوق القلب
وسي بوزيد ماهوش حاس بينا خلاااااااااااااااص
ربي يهديهم
 
عندنا وزير الله يبارك.....











 
H@teM، تم حظره "حظر دائم". السبب: مخالفة القوانين
يعطيك الصحة خويا هشام على الموضوع
مستوى منحط من المسريرين في حد >اتهم كيفاه راح يطلعوا التلاميذ
فعلا شىء غريب
 
الفوضة .....والله حاجة تحشم صح يديرو قوانين ومبعد يتراجعو هدا دليل بللي رانا في فوضة كبيرة وزيد وين فالنضام التربوي؟؟ ربي يجيب لخير برك
 
احنا مجابولنا حتى خبر
 
بارك الله فيك
حنا خيرنا نقراو عشية الثلاثاء

اهلا بيك هشام

و فيك بركة , ايه مام حنا كيما قلت هذا هو أخف الضررين !
 
بارك الله فيك
حنا نقراو عشية الثلاثاء ونخرجوا على الرابعة ونص في كل يوم

4.30 !! مع الشحال الدخلة و من وقتاش و نتوما هاكا من بداية العام ؟

 
يعني قصدك توليو كل يوم تقراو من 2....5
؟؟؟؟
مش من 1.30.........5.30

ايه عبدو , المشكل لكبير في التغيير لي داروه يعني ( ما نقرواش السبت ) هو السوايع

قسموهم على العشية بكري كنا ماكسيموم 3 سوايع لعشية ضركا

ولات كل يوم من ال 1.30 لل5.30 ضركا كي يديرونا عشية الثلاثاء قراية و هاكا

نولو على الأقل نريحو بين ال 12 و ال 2 راك شايف ؟ يعني ماشي خير من السيستام

لقديم مي خير من بلاش ( شد متحوسك لا يجيك متحس منو ) .
 
صباح النور خويااا.يععطيك صحة على السوجي



والله فووووووووووور كي يرجعولنا الحاله كيما بكري والله غي واحد ماعرف كياه يشد


وزيد حتى ليكور لواحد درح يروحلها من لاشارج نتاع السماانه



ويعطيك الصحة في لافان

اهلا بيك اللؤلؤة المصونة

ايه ليكور حنا رانا دايرين نهار السبت الصباح هاذاك هو الvيد الوحيت لي عدنا

و هاذي على الأقل يخففونا شويا حاسبين لقرايا غير شارج ما علابلهمش بلي رانا من

لحم و دم .
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top