راه طاح الماسك تاعكم يا بنات ( أرواحو تضحكو عليهم يا ليجان )

[Jagwar]

سلامووووو يا ليكيب تاع اللمة

راه جاكم لى تخافو منه يا لبنات :music_whistling:

هيا يا ليجان افتحو وذنيكم مليح و اسمعونى hmy:.

كاينة وحد الظاهرة مشهورة عندنا فى Dz و يسموها
" البنت كيف تحب تطيح الولد فى الشبكة تاعها "
انا نقولكم كيفاش البنت كيف يعجبها واحد شوفو واش تعملو :biggrin:

تبقى رايحة جاية عليه باش تلفت النظر تاعو :angel_not:
و من بعد كيف ما تولهش السيد هذا تبعث صاحبتها قدامو و تنادى عليها (يا سااااارة) .
آيا من بعد راه توله ليها ( نجحت الخطة الأولى )
و من بعد تروح تسلف لبسة فووور من عند صحبتها و تروح قدامو تميل قوش دروات :biggrin:
آيا خلاص السيد هذاك راه عجباتو و خلاص راه ماشى معاها :001_wub:
من بعد تزيد تروح تسلف بورطابل تاع وحدة صاحبتها :lol: و تولى فيها Appelle-moi STP و لا Flexyli STP روح معليش .
و من بعد راهى ماشية معاه ، البورطابل راه يصونى ، آلو Papi لا لا ابعتلى الشوفير تاعي يا Papi ما رانيش مروحة فى الكار .

و بعد شهر
تقولو حبيبى أنا ما قدرتش نحفظ ، كل ما نفتح لكتاب باش نراجع دروسى نلقى الفوطو تاعك و نتفكرك
( هههه راهى ماشية مع مهند ) :yahoo:
و من بعد ، آوووه حبيبى لازمك تكلمنى فى البورطابل فالليل ، أنا مين نجى نرقد صوتك يرن فى وذنى
( هههه راه عندو صوت تاع المرحوم حسنى ) :scared:



المهم خلاصة القول
اللى قال المرأة تقدر تدخل الشيطان فى قرعة راه غالط

ياو المراة تقدر تدخل الشيطان فى فلاش ديسك .

و أنا وراكم و الزمن طويل .

ايه واش رايكم عندى الحقة و لا رانى غالط .


















​

 

[كبرياء دمعة]

راك غالط لانو هاد الشى ينطبق على قلة من البنات وا صلا هاد الطريقة و لات بيريمى
و الحاجة اللى معروفة لولاد هما اللى ولاو يسيو طرق بزاف باش يطيحوا البنت مى مكشوفين دايما و كل الطرق ولات معروفة
غير اللى عندها خلل فى راسها و اللى تتاثر بزاف بالمسلسلات تامنهم و يدوها فى الطريق

 

[nina bonoise]

وعلاه حتان نعدي عليه كل يوم ههههههههههه
وعلاه نميل قداموا قوش دغوات هههههههههههه
جامي نديرها لطفل
عمري لا نطيح روحي قداموا

 

[minakapi]

ماشي قاع كيماهاك هادي لادارت هاكة عروبية مراهاش شايفة انا كي يعجبني نخليها بيني بين روحي منكحل عليه ماوالو.

 

[boutarfaya]

ههههههههههههههههههههههههههههههههه

والله وحدك يا ميسي
​

 

[ouafi.dz.34]

شوف خوية لعزيز للاسف لي راك تقول فيه الصح
انا وحدة نحشم ونكره وامقت لبنات لي يديرو هكدا هادي وحدة ماعندهاش النيف ومرخسة روووووووووووووووووحها
بصح دير في بالك بلي كاينين ومازالو لي حتا ويعجبها واحد فووووووووووووور علا جال كرامتها ماتهدر معاه ماتقيمو ولي في لقب في لقلب
المهم ربي يهدينا اجمعين ان شا الله

 

[Jagwar]

راك غالط لانو هاد الشى ينطبق على قلة من البنات وا صلا هاد الطريقة و لات بيريمى
و الحاجة اللى معروفة لولاد هما اللى ولاو يسيو طرق بزاف باش يطيحوا البنت مى مكشوفين دايما و كل الطرق ولات معروفة
غير اللى عندها خلل فى راسها و اللى تتاثر بزاف بالمسلسلات تامنهم و يدوها فى الطريق

هههه حنا لى رانا نسيو فى الطرق hmy:
خير دليل على كلامى ، راه قلك نسبة العنوسة فى الجزائر أكبر من أي نسبة فى أي بلد ، يعنى راكم حابين تتزوجو بأي طريقة
ياو شفنا منكم لعجب








​

 

[Jagwar]

وعلاه حتان نعدي عليه كل يوم ههههههههههه
وعلاه نميل قداموا قوش دغوات هههههههههههه
جامي نديرها لطفل
عمري لا نطيح روحي قداموا

عمري لا نطيح روحي قداموا
هاذى هي الهدرة تاع الصح
قوليلهم يا Bonoise ما تزيدوش تميل Gـوش دRـوات​

ماشي قاع كيماهاك هادي لادارت هاكة عروبية مراهاش شايفة انا كي يعجبني نخليها بيني بين روحي منكحل عليه ماوالو.

يعطيك الصحة اختى
هاذى الهدرة لى نحب نسمعها
بنت أصل و فصل تاع الصح
بصح ياك علابالك اختى لى قلتو ما رانيش غالط فيه .​

ههههههههههههههههههههههههههههههههه ​

والله وحدك يا ميسي ​

أوووه اليوم ما رانيش وحدى
راه معايا بوطرفاية من الكبار
صحيت شريكى قوللهم قوللهم :sneaky2:​

شوف خوية لعزيز للاسف لي راك تقول فيه الصح
انا وحدة نحشم ونكره وامقت لبنات لي يديرو هكدا هادي وحدة ماعندهاش النيف ومرخسة روووووووووووووووووحها
بصح دير في بالك بلي كاينين ومازالو لي حتا ويعجبها واحد فووووووووووووور علا جال كرامتها ماتهدر معاه ماتقيمو ولي في لقب في لقلب
المهم ربي يهدينا اجمعين ان شا الله

علابالى اختى بلى ما زال كاين بنات الأصل و الفصل لى ما يطيحوش النيف تاعهم و ما يقبلوهاش
بصح أنا رانى حكيتلكم على هادوك لى تعرفوهم انتوما خير منا .
قولو عليهم ربى يهديهم .







​

 

[boutarfaya]

أوووه اليوم ما رانيش وحدى
راه معايا بوطرفاية من الكبار
صحيت شريكى قوللهم قوللهم :sneaky2:​

راني معاك شريكي

كاين اللي حابسات من هاد النوع بصح ماشي قع ولا واش :angel_not:
​

 

[Jagwar]

ههه راك قستلهم الجرح:crying:..يااااااو بركاني من هادي المواضيع الملغمة..............


يا ليجانات قصدي لبنات بركاونا من العفايس هادي راه فاقلكم ميسي ....مالقري رانا قاع فايقين مي وش نديرو لازم نديرو رواحنا معلابلناش c non تروحلنا الخبزة.......ميسي كلامك فيه الصحيح و فيه الغالط....صح كاين بنات يدرو هاكاك و كاين اكتر من هاكhmy:..خلي البير بغطاه كيما يقولوا...:001_huh:...........و كاين العكس..انا نعرف وحدا عاجبها واحد و تحبو طايحة فيه موووووووووووووور :001_tt1:..:001_wub::blushing:.مقدرتش تقولوا و خباتها ف قلبها 7سنين و مازالت حتى ظرك تحبو.......لبنات فيهم اللي ذهب و فيهم اللي قصديرة​

ههههه خلى البير بغطاه يا الشهبندر ، راه هكذا و مازال أكثر
كيما قلت شريكى البنات فيهم الذهب و فيهم القصدير
بصح قولى هاذى لى راها 7 سنين و هي تحبو و راها تستنىhmy:
شحال راه فى عمرها درك :angel_not:؟؟؟؟






​

 

[Jagwar]

راني معاك شريكي ​

كاين اللي حابسات من هاد النوع بصح ماشي قع ولا واش :angel_not:​

B1 Sur ماشى كاملين
و حاشا خاصة بنات المنتدى تاعنا
تربية و بنات أصل و فصل تاع الصح .

















​

 

[fatiya89]

والله عندك االحق 100% معاك ....مـــــــــــى ماشي كل البنات هكدا اكثريـــــــــــتهم يديـــــــــــــــرو هادي الطــــــــــريقة
نعرف شي بنات يديرو كتر باش يلحق واش حــــــــــبو الله يهديــــــــــــــهم​

 

[Jagwar]

والله عندك االحق 100% معاك ....مـــــــــــى ماشي كل البنات هكدا اكثريـــــــــــتهم يديـــــــــــــــرو هادي الطــــــــــريقة​

نعرف شي بنات يديرو كتر باش يلحق واش حــــــــــبو الله يهديــــــــــــــهم​

​

​

ايه ربى يهديهم هذا ما نقدرو نقولولهم
يعطيك الصحة اختى فاتية .​

في عمرها 24

​

ربى يبارك مازالها فى عز شبابها و الطريق طويل و عريض قدامها
و ربى يطيحها يعطيها على قد نيتها .









​

 

[iméne09]

ههههههههههههههههه صح كاينة بزاف من لبنات يفيسو هكدا غير باش يطيحو ليجون مي صباع اليدين ماشي كامل كيف كيف ماتجمعش خو وزيد يعيشك قولي وعلاش خيرت بدات اسم (يا سااااارة) واصلا علاش علينا هدا كامل واحد ماقيمنيش مايشقاش باش نعيي روحي ونطيح بقيمتي كي رخيصة على جال واحد مايستاهل والو ولات عفسة بيريمي قليل لي ديرها غير لي مزال ماتحلبتش ربي يهديهم هدا واش نقدر نقولو ​

 

[معاك يا الخضراء]

هههههههه بانتلي روحي نتفرج فيلم مصري ؟؟:confused1:

واش ا خويا كي شفتونا ما عدناش لاتيين بيكم راكم تهدرو برك ههههه سبحان الله:thumbdown:
انا ما نسلف القش ما نقول بابي و مامي اي perimééééééé يا jeune
و هاد الساعة نتوما لي نهار طول و انتوما تجريو ورانا اوووووووووووووه حتا قلقتونا !!!!ouffff hmy:
ولا غرتو من مهند و اسمر و عمر و كوسوفي ووووو و عدتو تديرو فشان لرواحكم هههههه تشفو
سلام خويا كش ما تحب نزيدلك je suis la !!!ههههه :angel_not:

 

[نجاة40]

والله اني نشوف ذرك عادت تروحلو ديراكت وتقولهالو في وجهو نوووووووووووووووووورمال حاشا بنات فاميلا​

 

[Jagwar]

ههههههههههههههههه صح كاينة بزاف من لبنات يفيسو هكدا غير باش يطيحو ليجون مي صباع اليدين ماشي كامل كيف كيف ماتجمعش خو وزيد يعيشك قولي وعلاش خيرت بدات اسم (يا سااااارة) واصلا علاش علينا هدا كامل واحد ماقيمنيش مايشقاش باش نعيي روحي ونطيح بقيمتي كي رخيصة على جال واحد مايستاهل والو ولات عفسة بيريمي قليل لي ديرها غير لي مزال ماتحلبتش ربي يهديهم هدا واش نقدر نقولو ​

هههه و الله وحدك Mimina
رانى خيرت أسم " سارة " على خاطر اسم سارة راه شايع بزاف عندنا فى Dz و أنا البنت لى نتعرف عليها يضهر اسمها ( سااااارة) .​

هههههههه بانتلي روحي نتفرج فيلم مصري ؟؟:confused1:

واش ا خويا كي شفتونا ما عدناش لاتيين بيكم راكم تهدرو برك ههههه سبحان الله:thumbdown:
انا ما نسلف القش ما نقول بابي و مامي اي perimééééééé يا jeune
و هاد الساعة نتوما لي نهار طول و انتوما تجريو ورانا اوووووووووووووه حتا قلقتونا !!!!ouffff hmy:
ولا غرتو من مهند و اسمر و عمر و كوسوفي ووووو و عدتو تديرو فشان لرواحكم هههههه تشفو
سلام خويا كش ما تحب نزيدلك je suis la !!!ههههه :angel_not:

ههههه دخلت علي كونتر أتاك :angel_not:.
ما علينا كيف عادت معاك يا الخضرا نقبلوها .
صار احنا لى رانا نجرو من وراكم و نقلقو فيكم hmy:
ايه مالا فهمينى فى الحكاية تاع السروال المحصور و المينى لى فوق فوق فوق الركبة و الماكياج لى راه بالزوج كيلو و الروج و الروز بون بون ، لمن راكم تعملو فيه هذا ، علاجال باه ما نقلقوكمش و لا كيفاه هيا فهمينى
و حنا نغيرو من مهند و أسمر hmy:
تصدقى بالله غير ما نعرفهم اختى رانى نسمع فى الناس تحكى عليهم صح بصح و الله ما نعرفهم .
و بالزيادة علاش نغير منو علا خاطر حبيبتى لى نخر معاها راهى تحب مهند و لا كيفاش
ياو انتوما لى راكم تغيرو تاع الصح
أنا مرة عملت موضوع نشتم فيه هيفاء وهبى دخلو غير لبنات ماشى باش يشتموها راهم دخلو باش يقولو عليها راهى باشعة
واش من باشعة هاذى راهى بوقوصة تاع الصح علاش ما تستعرفوش
يعنى هي باشعة و انتوما خير منها فى الزي .






​

 

[Jagwar]

والله اني نشوف ذرك عادت تروحلو ديراكت وتقولهالو في وجهو نوووووووووووووووووورمال حاشا بنات فاميلا​

حاشا بنات الفاميلا
عندك الحق اختى هذا و اكثر
و الله وصلنا لوقت ربى يستر برك .
ميرسى بوكو على المرور اختى نجاة









​

 

[sleepingbeauty]

و من بعد راهى ماشية معاه ، البورطابل راه يصونى ، آلو Papi لا لا ابعتلى الشوفير تاعي يا Papi ما رانيش مروحة فى الكار .

ههههههههههههههههههههه عجبتني هادي
الفوخ و الزوخ و المعيشة في الكوخ ههههههه
ربي يهديهم
شكرا اخي ميسي على الفضح على المباشر هههههههه​

 

[كبرياء دمعة]

هههه حنا لى رانا نسيو فى الطرق hmy:​

خير دليل على كلامى ، راه قلك نسبة العنوسة فى الجزائر أكبر من أي نسبة فى أي بلد ، يعنى راكم حابين تتزوجو بأي طريقة
ياو شفنا منكم لعجب​

يا خويا هاد الشى قولوا للى تعرفهم و شفت منهم لعجب
انا الحمد الله عمرى ما درتها و لا راح نديرها يا لوكان يجيبوا قدامى توم كروز و اهم شى نفتخر بلى انا وحدة معقدة كيما واحد ما حبيتش نهدر معاه و ما قيمتوش قال علية بلى انا وحدة معقدة و بيريمى ايه الاخلاق ولاو عقدة فى زمانا مى كلامه هادا نفتخر بيه
و اخلاقى و تربيتى ما يسمحوش باش ندير حاجة كيما هادى
يعنى باختصار وجهة نظرك ماشى فى محلها
مى كلامك ينطبق على قلة من البنات و هادوا اللى طيحوا بينا
ربى يهدينا اجمعين

و خلوا اسم سارة طرونكيل باسك راكم بديتوا تخسروا هههه