يا حواء الجزائر و يا بنت الجامعة استقيمي

[Voyage dans un rêve]

السلام عليكم
و الله و الله و الله غير كرهت الجامعة راني حابة نبطل و نروح نتزوج ماشي خير؟؟

انا مانهدرش على لولاد لي في الجامعة هوما ربي يسهل عليهم و حتى واحد مايجيه الخوخ لعندو ويقول مانديش على هادا اللوم يطيح على لبنات
المرأة صفتها الحياء وين راح الحياء في الجامعات؟
الجامعة ولات هيكل برك مبنى مكتوب فيه جامعة و الله مانا نقراو ، راهم يروحو لحاجات اخرى

ملاحظة برك نقولها كاين واحد الموضوع هنا في اللمة تحط هل تؤيد الاختلاط في المدارس؟ حوست عليه باش نرد مالقيتوش
المهم مليح الاختلاط كي يكون من الصغر من الفترة الابتدائية حتى الجامعية هاكا يكونوا موالفين ماشي يقراو غير بنات و لا غير ولاد امبعد كي يروحو للجامعة يتخلعو
مثلا رانا نشوفو في الجامعات بعض البنات كي تدخل للجامعة همها الوحيد تجيب هادا و تجبد لاخر و تحكي مع فلان و تتمسخر بفلان تقول عمرها ماشافت سبحان الله ترومركيوهم و الله غير
مرgوها ..بزاف عليكم
و لي راهو يحوس عالحب الحب ماشي في الجامعة خليونا نقراو يرحم باباكم
انا ماشي ضد الحب بصح الحب يجي واحدو ماشي تروحو تحوسو عليه
الى هاذ البنات انا نقولهم احشمو برك يرحم باباكم خلونا نقراو.

 

[A_abir]

والله ياختي رايك متلي متلي في كل حرف قولتيه
انا متلك كنت رح نبطل الجامعة بصح لقيتها مطفرة غير فيا مش قادرين نقراو كي الناس
ولا حتى نمشيو في الجامعة بعقلنا .؟؟؟؟؟؟؟
حتى طريق من الكلية حتى الكارات عادت ديرونجمو hmy:
الي في طونوبيلو راهو يماردي والي راهو ؟؟؟؟؟؟؟؟؟؟؟؟
والله والله عيب الي راه يصرا عندك حق الحب يجي وحدو بصح في الجامعة :thumbdown::thumbdown::thumbdown::thumbdown::thumbdown::thumbdown::thumbdown:

المهم والله مازلت عندي هدرة بزااااف نفرغ قلبي في هدا الموضوع
مشكووووووورة حبيبتي
ربي يهدي عباااااااادو​

 

[Voyage dans un rêve]

والله ياختي رايك متلي متلي في كل حرف قولتيه

انا متلك كنت رح نبطل الجامعة بصح لقيتها مطفرة غير فيا مش قادرين نقراو كي الناس
ولا حتى نمشيو في الجامعة بعقلنا .؟؟؟؟؟؟؟
حتى طريق من الكلية حتى الكارات عادت ديرونجمو hmy:
الي في طونوبيلو راهو يماردي والي راهو ؟؟؟؟؟؟؟؟؟؟؟؟
والله والله عيب الي راه يصرا عندك حق الحب يجي وحدو بصح في الجامعة :thumbdown::thumbdown::thumbdown::thumbdown::thumbdown::thumbdown::thumbdown:​

المهم والله مازلت عندي هدرة بزااااف نفرغ قلبي في هدا الموضوع
مشكووووووورة حبيبتي

ربي يهدي عباااااااادو​

انا اعلنت الحرب على هاد العقليات و لي راهو حاب ينظم مرحبا بيه
اهدري واش تحبي
باسكو راهو يروح الصالح مع الطالح
وليينا كامل مانسواوش..
شكرا قلبي راهو معمر

 

[fahima m]

بصح علاه كيفاش ماخلاوكمش تقراو يخي تقراو في الكلاسة ولا في الساحة ولا الشارع فهموني انا مانيش في الجامعة لكن اضن انو الوحدة كي تعود حابة تقرى ما تنتبهش لهاذو الحوايج اشرحيلي برك الطريقة كيفاش راهم مايخلكمش تقراو باه ندي فكرة على الموضوع
شكرا تحياتي

 

[Voyage dans un rêve]

بصح علاه كيفاش ماخلاوكمش تقراو يخي تقراو في الكلاسة ولا في الساحة ولا الشارع فهموني انا مانيش في الجامعة لكن اضن انو الوحدة كي تعود حابة تقرى ما تنتبهش لهاذو الحوايج اشرحيلي برك الطريقة كيفاش راهم مايخلكمش تقراو باه ندي فكرة على الموضوع
شكرا تحياتي

كي تروحي للجامعة تفهمي علاش مايخلوكش تقراي

 

[fahima m]

لالا حبيت نفهم لانك درتي الموضوع وماذكرتيش وش راهم يديرو باه ما يخلكمش تقراو اعذريني اختي مانيش في الجامعة بصح نفهم مانيش صغيرة

 

[Voyage dans un rêve]

لالا حبيت نفهم لانك درتي الموضوع وماذكرتيش وش راهم يديرو باه ما يخلكمش تقراو اعذريني اختي مانيش في الجامعة بصح نفهم مانيش صغيرة

شوفي انا نقولك حاجات ديريهم في بالك:

كي تروحي للجامعة ماتقعديش في قاعات المطالعة باسكو يصوروك بالبورتابل ، و تلقاي لي كوبل معمرين لي تابل تحشمي لا تجبدي كتاب و لا تحضري بحث تلقاي روحك لازم تديه معاك للدار باش ماديرونجيش الكوبل لي قدامك خليهم على راحتهم مساكن

بالاكي يعرفك كاش استاذ و يشفا على اسمك بالمليح و لا بالدوني باسكو ادا كان يصحح في ورقتك نهار ليكزامان و كان مايعرفكش يمدلك النقطة ديالك و ادا عرف مولات الاسم شكون يخمم مع روحو شوية..

و بالاكي تهدري مع كاش طفل و خليهم يقولو عليك معقدة و لا جاية من المريخ هادي امبعد تكتشفي علاش واحدك
و ماكان لا زمالة لا هم يحزنون مايعرفوش الزمالة يعرفو غير الحب

وزيد و زيد و زيد و الله نحشم لا انا نقولهم ماشي حتى نديرهم
رغم كل هادا كي تقولي انا طالبة جامعية يروح الصالح مع الطالح..

على هادي لازم يحكمو قدرهم شوية بزااااااااااااااف

و القراية في الجامعة ماشي غير في الكلاسة

 

[** غزال الصحراء **]

وي C'est vrais , يكرهو العبد

أنا مانيش في الجامعة مي الجامعة غير قدام الدار تشوف لعجب يا محاينك

النيفو Bas , و الملاحة داتها لحمامة , كلش ماشي بلعوج ...

مي نقولك حاجة , ما تزيديش تعاوديها تاع أنبطل هاذي

أنتي لي عليك أديريه جبدي روحك من الصوالح هاذو و ألتي بقرايتك

و الباقي على ربي

ما تشوفي لناس واش راهي أدير ما توجعي قلبك ... و على تاع الحب مكانش في الجامعة

أنا مانيش معاكم هنا

بويسك الحب ماعندوش بلاصة , تقدري تقولي صح ولا قليل في الجامعة

بويسك الناس قاع جاية تتمصخر

مي مستحيل تقولي ماكانش , بويسك كاين لي خرجو مع بعضاهم في الجامعة , و مبعد لحقو لزواج

هاذي هي , تهلو في رواحكم أيا ويو !
​

 

[A_abir]

انا اعلنت الحرب على هاد العقليات و لي راهو حاب ينظم مرحبا بيه
اهدري واش تحبي
باسكو راهو يروح الصالح مع الطالح
وليينا كامل مانسواوش..
شكرا قلبي راهو معمر

والله انا معاك 100/100
العقليات الي راهي :thumbdown::thumbdown::thumbdown:
وزيد نروحو معاهم في الطريق كرهت والله كرهت ​

 

[Voyage dans un rêve]

وي C'est vrais , يكرهو العبد ​

أنا مانيش في الجامعة مي الجامعة غير قدام الدار تشوف لعجب يا محاينك ​

النيفو Bas , و الملاحة داتها لحمامة , كلش ماشي بلعوج ... ​

مي نقولك حاجة , ما تزيديش تعاوديها تاع أنبطل هاذي​

أنتي لي عليك أديريه جبدي روحك من الصوالح هاذو و ألتي بقرايتك ​

و الباقي على ربي ​

ما تشوفي لناس واش راهي أدير ما توجعي قلبك ... و على تاع الحب مكانش في الجامعة ​

أنا مانيش معاكم هنا​

بويسك الحب ماعندوش بلاصة , تقدري تقولي صح ولا قليل في الجامعة ​

بويسك الناس قاع جاية تتمصخر ​

مي مستحيل تقولي ماكانش , بويسك كاين لي خرجو مع بعضاهم في الجامعة , و مبعد لحقو لزواج ​

هاذي هي , تهلو في رواحكم أيا ويو !​

عندك الحق انا جابدة روحي من زمان انا كي يكون عندي وقت فراغ تع ساعة و الله مانديرو في الجامعة نروح للدار ..بصح و الله غير تعيا من الشوفات لي تشوفهم
مسالة الحب قلييييل قلييييل لي راهو سيريو
كرهونا في كلش
ياو لازمهم فورمات في عقولهم
سيرتو هاد العام راهم يزيدو

 

[** غزال الصحراء **]

شوفي انا نقولك حاجات ديريهم في بالك:

كي تروحي للجامعة ماتقعديش في قاعات المطالعة باسكو يصوروك بالبورتابل ، و تلقاي لي كوبل معمرين لي تابل تحشمي لا تجبدي كتاب و لا تحضري بحث تلقاي روحك لازم تديه معاك للدار باش ماديرونجيش الكوبل لي قدامك خليهم على راحتهم مساكن

بالاكي يعرفك كاش استاذ و يشفا على اسمك بالمليح و لا بالدوني باسكو ادا كان يصحح في ورقتك نهار ليكزامان و كان مايعرفكش يمدلك النقطة ديالك و ادا عرف مولات الاسم شكون يخمم مع روحو شوية..

و بالاكي تهدري مع كاش طفل و خليهم يقولو عليك معقدة و لا جاية من المريخ هادي امبعد تكتشفي علاش واحدك
و ماكان لا زمالة لا هم يحزنون مايعرفوش الزمالة يعرفو غير الحب

وزيد و زيد و زيد و الله نحشم لا انا نقولهم ماشي حتى نديرهم
رغم كل هادا كي تقولي انا طالبة جامعية يروح الصالح مع الطالح..

على هادي لازم يحكمو قدرهم شوية بزااااااااااااااف

و القراية في الجامعة ماشي غير في الكلاسة

ماشي قاع هاكا كاين و كاين مايليق تتشاءمي بزاف!!

1- لعفسة تاع التصوار ماهيش محصورة غير في الجامعة راهي في كل بلاصة

جربي ريحي في الماناج و لا جيهة , و ضرك يصوروك يعني كيف كيف

2- ليكوبل و نتي مالك و مالهم ؟ جبدي معاك كاش وحدو و لا زوج يقراو مليح

و أبقاو ريفيزيو

3-الزمالة كاينة عادي , و تكون في حدود المعقول

المهم الإنسان يكون عارف واش راه يدير

و الهدرة تاع الناس تتضرب في 0000

4- تاع الأستاذ ديري الpossible باش ماداخصيهش و ما تلحقيش لي يعرفك قاع

بينك و بينو الحصة C'est tout , بويسك إذا عرفك كيما قلتي أنتيا

بالمليحة و لا بالقبيحة , راح يتعكس هاذا فLes notes
​

 

[ThE CrAzY DrEaMeR]

مانكدبش عليك أختي في الجامعة نشوف أغلبية البنات مايصلحوش
وكل مرة نقول لا لا مازال كاين بنات الفاميليا
مي نجي نشوف لوش صاري قدامي نفشل
ونفقد الأمل..مايصلحوش..
راك تكلمتي ووفيتي مانقدرش نزيد
​

 

[Voyage dans un rêve]

مانكدبش عليك أختي في الجامعة نشوف أغلبية البنات مايصلحوش

وكل مرة نقول لا لا مازال كاين بنات الفاميليا
مي نجي نشوف لوش صاري قدامي نفشل
ونفقد الأمل..مايصلحوش..
راك تكلمتي ووفيتي مانقدرش نزيد​

لالا يرحم باباك لا عندك كاش ماتزيد غير زيد بالاك يحشمو و لا نلقاو كاش حل

 

[** غزال الصحراء **]

عندك الحق انا جابدة روحي من زمان انا كي يكون عندي وقت فراغ تع ساعة و الله مانديرو في الجامعة نروح للدار ..بصح و الله غير تعيا من الشوفات لي تشوفهم
مسالة الحب قلييييل قلييييل لي راهو سيريو
كرهونا في كلش
ياو لازمهم فورمات في عقولهم
سيرتو هاد العام راهم يزيدو

الله غالب , أنا نرجع هاذا لنيفو تاع الناس طاح

بكري كانو غير واحد واحد لي يلحقو لنيفو و قرو في الجامعة

ضركا ولينا نشوفو كي مراد كي قويدر قاع طلعو و ولاو يقراو

زيد بكري كان لي يلحق للجامعة يلحق بحق و بجهدو

و تلقاه يستاهل كلمة طالب جامعي مي ليوم و الله قليل لي يستاهلها

كل واحد كيفاش خارج , و الأكثرية مديين الباك بالتنقال

واش راح يجيك من عندهم ؟

و زيد حتى لبنات تاع اليوم راهم حالة عايشي يبروفوكو في ليجان

يعني كيما نقولو ( خويا من بكري مليح و زادلو لهوا و الريح )

لي جان من بكري يتسببو و جاهم جيل خارجها جهار في النهار

لا حول و لا قوة إلا بالله

ربي يكون الخير هاذا واش نقولو .
​

 

[Voyage dans un rêve]

ماشي قاع هاكا كاين و كاين مايليق تتشاءمي بزاف!!​

1- لعفسة تاع التصوار ماهيش محصورة غير في الجامعة راهي في كل بلاصة​

جربي ريحي في الماناج و لا جيهة , و ضرك يصوروك يعني كيف كيف ​

2- ليكوبل و نتي مالك و مالهم ؟ جبدي معاك كاش وحدو و لا زوج يقراو مليح ​

و أبقاو ريفيزيو ​

3-الزمالة كاينة عادي , و تكون في حدود المعقول ​

المهم الإنسان يكون عارف واش راه يدير ​

و الهدرة تاع الناس تتضرب في 0000​

4- تاع الأستاذ ديري الpossible باش ماداخصيهش و ما تلحقيش لي يعرفك قاع​

بينك و بينو الحصة C'est tout , بويسك إذا عرفك كيما قلتي أنتيا ​

بالمليحة و لا بالقبيحة , راح يتعكس هاذا فLes notes ​

اخي الكريم ادا كاين كلمة اكثر من التشاؤم غير قولها باسكو راني فت التشاؤم بمراحل
عييت وسعت خاطري و قلت مالك و مالهم ياطفلة يدبرو راسهم و كل واحد يعوم بحرو
بصح افهموني راهو يروح الصالح مع الطالح و ليت نحشم نقول نقرا في الجامعة
مسالة الزمالة الا من رحم ربك اللهم فقط ادا كنت نعرف هاداك الولد من قبل الجامعة بالاك

 

[Voyage dans un rêve]

الله غالب , أنا نرجع هاذا لنيفو تاع الناس طاح ​

بكري كانو غير واحد واحد لي يلحقو لنيفو و قرو في الجامعة ​

ضركا ولينا نشوفو كي مراد كي قويدر قاع طلعو و ولاو يقراو ​

زيد بكري كان لي يلحق للجامعة يلحق بحق و بجهدو ​

و تلقاه يستاهل كلمة طالب جامعي مي ليوم و الله قليل لي يستاهلها ​

كل واحد كيفاش خارج , و الأكثرية مديين الباك بالتنقال ​

واش راح يجيك من عندهم ؟ ​

و زيد حتى لبنات تاع اليوم راهم حالة عايشي يبروفوكو في ليجان ​

يعني كيما نقولو ( خويا من بكري مليح و زادلو لهوا و الريح ) ​

لي جان من بكري يتسببو و جاهم جيل خارجها جهار في النهار ​

لا حول و لا قوة إلا بالله ​

ربي يكون الخير هاذا واش نقولو .​

عندك الحق راك لقيتلنا الاسباب

امين ربي يحسن لحوال

 

[fahima m]

شوفي انا نقولك حاجات ديريهم في بالك:

كي تروحي للجامعة ماتقعديش في قاعات المطالعة باسكو يصوروك بالبورتابل ، و تلقاي لي كوبل معمرين لي تابل تحشمي لا تجبدي كتاب و لا تحضري بحث تلقاي روحك لازم تديه معاك للدار باش ماديرونجيش الكوبل لي قدامك خليهم على راحتهم مساكن

بالاكي يعرفك كاش استاذ و يشفا على اسمك بالمليح و لا بالدوني باسكو ادا كان يصحح في ورقتك نهار ليكزامان و كان مايعرفكش يمدلك النقطة ديالك و ادا عرف مولات الاسم شكون يخمم مع روحو شوية..

و بالاكي تهدري مع كاش طفل و خليهم يقولو عليك معقدة و لا جاية من المريخ هادي امبعد تكتشفي علاش واحدك
و ماكان لا زمالة لا هم يحزنون مايعرفوش الزمالة يعرفو غير الحب

وزيد و زيد و زيد و الله نحشم لا انا نقولهم ماشي حتى نديرهم
رغم كل هادا كي تقولي انا طالبة جامعية يروح الصالح مع الطالح..

على هادي لازم يحكمو قدرهم شوية بزااااااااااااااف

و القراية في الجامعة ماشي غير في الكلاسة

شكرا اختي على التوضيح هاذي الظاهرة كاينة حتى في الثانويات ولا نقلك حتى في المتوسطات هاذا يتعلم من هذا والقراية ماولاتش قراية في كل المستويات والحل وينو ماعلابالناش والصراحة البنات تمادات بزاف في تصرفاتها انا نقلك الغلط مش الطف من البنت لانو الراجل عمرو مارح يغصب المراة علة شيء
شكرا على الموضوع تحياتي

 

[** غزال الصحراء **]

اخي الكريم ادا كاين كلمة اكثر من التشاؤم غير قولها باسكو راني فت التشاؤم بمراحل
عييت وسعت خاطري و قلت مالك و مالهم ياطفلة يدبرو راسهم و كل واحد يعوم بحرو
بصح افهموني راهو يروح الصالح مع الطالح و ليت نحشم نقول نقرا في الجامعة
مسالة الزمالة الا من رحم ربك اللهم فقط ادا كنت نعرف هاداك الولد من قبل الجامعة بالاك

و الله دايمن التشاؤم هو اللي يكره العبد في لقراية

و كل مرة السبة كيفاش تكون c'est pour ça يليق طلعي المورال لروحك

واش رايح نقولك , لي ريgلو يبقى ريgلو ما يروح الصالح مع الطالح

لا والو , لعكس الناس كي يشوفوك ماشية مليح يقولو الله يبارك فلانة كذا و كذا

و ديجا هي كلمة ( طالبة جامعية ) شرف كبير , علابالي بلي بنات اليوم طيحو بيها

مي مادام كاين اللي كيفك يبقى الأمل كاين , و الإستثناءات واردة

و اللي يهدر عليك بكلمة خايبة و يعمم عليك حوال بنات اليوم

خيطيلو فمو بكمامة

هاذا ما نقولك !!!!!
​

 

[ThE CrAzY DrEaMeR]

لالا يرحم باباك لا عندك كاش ماتزيد غير زيد بالاك يحشمو و لا نلقاو كاش حل

أوكي ماكانش مشكل
نجي نخرج من الديبارتمون لعشية
الجامعة فارغة
يقابلوني واحد المناظر تقول راني في ملهى ليلي
وكل واحد على طريقتو......
*
والله كاين بنات روماركيتهم كل مرة مع واحد
ويديرو في البدع قدام ربي وعبادو
عيني عينك تبادل ال... وفرحانين
وولات الزنى عادي أيضا شفتهم بعيني

اللبسة والله لاحشمة لاوالو تقول جاية لحفلة نحيو القش
تمشي وفرحانة ولي جون عينيهم يخرجو معاها

لبنات تع الاقامات معظمهم مايسواوش وسقسي les agents
وش مدايرين فيهم
الطفلة درك في الجامعة ماتروحش تقرى تروح تفكر ولا ....
​

 

[Voyage dans un rêve]

شكرا اختي على التوضيح هاذي الظاهرة كاينة حتى في الثانويات ولا نقلك حتى في المتوسطات هاذا يتعلم من هذا والقراية ماولاتش قراية في كل المستويات والحل وينو ماعلابالناش والصراحة البنات تمادات بزاف في تصرفاتها انا نقلك الغلط مش الطف من البنت لانو الراجل عمرو مارح يغصب المراة علة شيء
شكرا على الموضوع تحياتي

وي و هدا لي حبيت نقولو لبنات هوما لي تماداو
امالا نقولولهم ريقلو رواحكم