تخيلو معايا..اوكي؟؟؟؟

[وردة رمال الصحرا]

:001_wub:السلام عليكم:001_wub:
واش راكم إن شاء الله كاملين بخير:angel_not:

تخيلوا معايا الدزاير تطورت ... ف كل شي... شوارعها ... ناسها ... كلش....:scared:
كيفاش يكون هذا التطور ف رايكم...يتخلى الغاشي على مبادؤو كيما راه يدل المفهوم الساذج تع التطور ضركا و لا يتمسكوا بمبادئهم؟؟؟؟
تخيلوا الدزاير ولات فيها مراكز تجارية كبيييييرة...و مطارها كل دقيقة تهبط و تطلع طيارة من كل دول العالم.... رح تلقاو مثلا بلايص تع صلاة محترمة و تكون موافقة لهذا التطور؟؟؟:confused1:
تلقاو الغاشي ف الأسواق يسمع الأذان و يهدر بلهجتو المحلية ؟؟؟:confused1:
نجاوب أنا و نخلي أجوبتكم للنقاش:
أنا على حساب ما شفت تزيد حاجة ف الدزاير الناس تلقاها طااااايرة....
المثال: زعما ولى عدنا مطار دولي بصح المصلى لي فيه يدخلو النسا و الرجال مع بعضاهم:cursing:
نحكيلكم: الجمعة لي فاتت كنت ف دبي ... ف مركز تجاري كبير فخم من أفخم المولات ف العالم:angel_not:... صدقوني كي أذن المغرب كنا ف محل من المحلات و اسمو بالضبط :berchka ...و كانوا فاتحين الغنا ... حبس الغنا من كل المحلات و طلع صوت الأذان .... رحنا للمصلى ...الله الله الله:001_wub: ... لقينا الغاشي عندو كأنو حج والله...:scared:
قولولي واش رايكم؟؟؟؟​

 

[ADNANO31]

تديني معك للشارقة ولا دبي ولا حى دوار تما هههه
موضع في القمة وتخيل جد منطقي ومحتمل ههههههههه

 

[the summer]

تخيلو معايا

هذا مش مستحيل والله العظيم كون كل واحد فينا من المنتدى شحال رانا بسم الله ماشاء الله عدد لا يحصى وفوق هدا من كل الولايات الوطن معناها مش مستحيل التغيير يبدا بينا ونوصلو لواش نحبو لا زملنا نتفرجو حصة خواطرباه نتطورو ونشوفو اليابان وين واصلين الشيء العظيم يبدى بفكرة ثم حلم ثم امنية ثم ممارسة ليصبح نظرية تطبق
قال تعالى =ان الله لا يغير مابقوم حتى يغيرو مابأنفسهم = صدق الله العظيم
شكرا يا اخية على الموضوع والله كتير مهم ومفيد نتمى نديرو اليد فاليد ونحاولو نطورو ارواحنا واكيد تكون انت صاحبة الفضل لانك زرعتي فكرة التغيير نحو الاحسن
تقبلي مروري الطويل اختك ذا سومر :001_wub::001_wub:​

 

[السلطانة]

وعليكم السلام ورحمة الله وبركاته
كيما قال الشوالي: مش ممكن هههه
اختي شكرا على الموضوع ياو التخيل نتيعك مستحيل
كي تتطور دزاير التخلف واين يروح

 

[lion net]

عييت باش نتخيلها بصح ما نجمتش
الله غالب
الدزاير فيها غير الشمة و الريم
و لا واش قلتو ؟؟

 

[حسان]

و الله جزائريين اناس محافظين رغم كل مشاكل في حياتهم لكن مبادئهم و شرفهم أغلى من اعمارهم


لو تطورت الجزائر لأصبح شعب كله يلبى نداء الله سبحانه

 

[وردة رمال الصحرا]

تديني معك للشارقة ولا دبي ولا حى دوار تما هههه
موضع في القمة وتخيل جد منطقي ومحتمل ههههههههه

أهلا بيك خويا ههه
الله يسلمك .... لوكان غير ناقشت أكثر
مي معليش مرورك أسعدني
بارك الله فيك

هذا مش مستحيل والله العظيم كون كل واحد فينا من المنتدى شحال رانا بسم الله ماشاء الله عدد لا يحصى وفوق هدا من كل الولايات الوطن معناها مش مستحيل التغيير يبدا بينا ونوصلو لواش نحبو لا زملنا نتفرجو حصة خواطرباه نتطورو ونشوفو اليابان وين واصلين الشيء العظيم يبدى بفكرة ثم حلم ثم امنية ثم ممارسة ليصبح نظرية تطبق
قال تعالى =ان الله لا يغير مابقوم حتى يغيرو مابأنفسهم = صدق الله العظيم
شكرا يا اخية على الموضوع والله كتير مهم ومفيد نتمى نديرو اليد فاليد ونحاولو نطورو ارواحنا واكيد تكون انت صاحبة الفضل لانك زرعتي فكرة التغيير نحو الاحسن
تقبلي مروري الطويل اختك ذا سومر :001_wub::001_wub:​

ماكانش حاجة مستحيلة أختي
و أنا من الناس المتفاءلة...لكني حكيت الواقع...و حبيت نعيشكم في جو إن شاء الله نقدروا حنا كشباب نصنعوه
و الآية الكريمة خير دليل...الأنفس المريضة عمرها ما تطور...
انا اصطنعت هذه التخيلات باش نتحاور معاكم و نحاولو نلقاو حلول
يعطيك الصحة على الرد التفاؤلي الجميل
و ربي يوفقنا لما فيه الخير لينا و لبلادنا ....قولي آمين

 

[وردة رمال الصحرا]

وعليكم السلام ورحمة الله وبركاته
كيما قال الشوالي: مش ممكن هههه
اختي شكرا على الموضوع ياو التخيل نتيعك مستحيل
كي تتطور دزاير التخلف واين يروح

هلا اختي
انت عكس لي قبلك متشاءمة
و أنا نقدر هذا الشعور منك لخاطر الواقع لي رانا فيه يحكي و يخلينا نوصلو لهذا الحكم
مي كي نتفكرو دولة عربية لي هي الإمارات بدات من ال 0 ... رح يجينا الأمل إن شاء الله
شكرا حنونة على المرور

 

[radia yoyo]

ك تطور العقلية بلاك تولي دزاير حاجة على حساب ضرك نشوفوا فيها حابا تطور بصح ديما كاين ل يفسد عليها
​

 

[وردة رمال الصحرا]

عييت باش نتخيلها بصح ما نجمتش
الله غالب
الدزاير فيها غير الشمة و الريم
و لا واش قلتو ؟؟

انت قتلهم اسكتو هههه
الاا خويا ما تهبطش المورال اكثر مما راه هابط
لي قلتو صحيح ... بصح تقبل إنت كشاب جزائري تقعد ف هذا الوضع و تقعد غير مع الشمة و الريم كيما قلت؟؟؟

و الله جزائريين اناس محافظين رغم كل مشاكل في حياتهم لكن مبادئهم و شرفهم أغلى من اعمارهم


لو تطورت الجزائر لأصبح شعب كله يلبى نداء الله سبحانه

يرحم الوالدين واش من محافظين؟؟؟
ماكش تشوف واش راه صاري حتى ف المدارس و الثانويات و تقولي محافظين
فيهم المحافظين لكن باش تعمم نعارضك خويا
انا ثاني جزائرية و الحمد لله محافظة لكني شفت واش راه صاري ف الدزاير
أقل حاجة توصف بلي الشعب محافظ هي كثرة الجوامع و تواجدها ف المرافق العامة.... كاينة هذي ف الدزاير؟؟؟
انا راني متفاءلة ف الشعب خير لكن اذا جينا للواقع و شفنا لي راه صاري نلقاو غيييييييير
شكرا أخي على المرور لي فيه كل ما نتمناه من الشعب الجزائري

 

[وردة رمال الصحرا]

ك تطور العقلية بلاك تولي دزاير حاجة على حساب ضرك نشوفوا فيها حابا تطور بصح ديما كاين ل يفسد عليها
​

و ف رايك اختي كيفاش تطور العقلية؟؟؟

 

[lion net]

انت قتلهم اسكتو هههه
الاا خويا ما تهبطش المورال اكثر مما راه هابط
لي قلتو صحيح ... بصح تقبل إنت كشاب جزائري تقعد ف هذا الوضع و تقعد غير مع الشمة و الريم كيما قلت؟؟؟

الحمد لله ما خصني والو كل شيء متوفر و أنا ما ندخن و ما أستعمل الشمة
لكني أتمنى تطور الجزائر لكن صعب جداا
المهم الله يجيب الخير

 

[H@teM]

السلام عليكم
التطور هو التمسك بالقيم الدينية
والاخلاقية للامة الواحدة في نفس الوقت
نتطور يعني في تسهيل حياتنا من جميع النواحي
يعني ادا الشعب هادا تخلى على الاخلاق تاعوا
وهادا يجي عنطريق التبعية الخاطئة للغرب
انا نعطي مثال وش صاري في الخليج وبالضبط في
الامارات هيا من اكبر الدول على الساحة الدولية
من ناحية التطور والاقتصاد وجلب العمالة بالصح
قعدوا محافضين على التراث نتاعهم من ناحية اللبسة
بالعكس يحيوا فيه بالنشاطات الخاصة .
بالصح هنا في التزاير ماشي قضية اننا مناش مطورين ولا
حنا مناش حابين نتطوروا وهادا راجع لقضايا الفساد لي صايرة
في البلد ونضن سمعتي بقضية الفساد لي صايرة لشركة سونطراك
وهيا لي تعيش في الجزائر يعني السرقة راهي دايرة حالة يعني
البادىء تاعنا ممحية مكاااانش اداكانوا لي حاكمينا سراقة
كيفماه حابة يطلع الشعب ....وخلي الزير مخطاه
مشكورة الاخت على الموضوع المميز

 

[وردة رمال الصحرا]

الحمد لله ما خصني والو كل شيء متوفر و أنا ما ندخن و ما أستعمل الشمة
لكني أتمنى تطور الجزائر لكن صعب جداا
المهم الله يجيب الخير

آسفة ما قصديش انت
ما شاء الله عليك
قصدي دير روحك من هذو مساكن لي مغلوب على حالهم...كيفاش يكون تفكيرك؟؟؟
و الصعب ماهوش مستحيل صح؟؟
و كيما قلت ربي يجيب الخير
آسفة مرة ثانية

 

[radia yoyo]

كيفاش تطور العقلية : نبداوها بالدين ككل واح يشد في الاسلام ويعمل بيه تحبس السرقة،القتل،الكذب،المخدرات........الخ زيديلها يحبس الطمع تاع السياسيين و النهب ل راه صاير ك تحبس الاضرابات الشاملة وك تولي الناس تخمم في خدمة الجزائربرك، تتعلم ، تكون الطموحات كبيرة - مش تلقاه شاد الحيط- ويسنى في الخدمة تنزل عليه من السما

 

[adnandz]

عقلي ما نجمش يترجم ههههههههه
حاجة مستبعدة زاف بزاف
لان تعرفي شعبنا وعقليتو دايما تحت نيفو

 

[وردة رمال الصحرا]

السلام عليكم
التطور هو التمسك بالقيم الدينية
والاخلاقية للامة الواحدة في نفس الوقت
نتطور يعني في تسهيل حياتنا من جميع النواحي
يعني ادا الشعب هادا تخلى على الاخلاق تاعوا
وهادا يجي عنطريق التبعية الخاطئة للغرب
انا نعطي مثال وش صاري في الخليج وبالضبط في
الامارات هيا من اكبر الدول على الساحة الدولية
من ناحية التطور والاقتصاد وجلب العمالة بالصح
قعدوا محافضين على التراث نتاعهم من ناحية اللبسة
بالعكس يحيوا فيه بالنشاطات الخاصة .
بالصح هنا في التزاير ماشي قضية اننا مناش مطورين ولا
حنا مناش حابين نتطوروا وهادا راجع لقضايا الفساد لي صايرة
في البلد ونضن سمعتي بقضية الفساد لي صايرة لشركة سونطراك
وهيا لي تعيش في الجزائر يعني السرقة راهي دايرة حالة يعني
البادىء تاعنا ممحية مكاااانش اداكانوا لي حاكمينا سراقة
كيفماه حابة يطلع الشعب ....وخلي الزير مخطاه
مشكورة الاخت على الموضوع المميز

أهلا أخي حاتم
تحليلك منطقي و صحيح و يعبر عن الواقع لي راهي عايشاتو الدزاير
نزيد نضربلك مثل :
هنا ف الامارات علابالك بلي حتى البحر دايرين فيه مراقبة ...بالرغم انو الgور هنا معمرين
و دايرين يوم خاص بالنساء ... يمنع منعا باتا يدخل راجل ولو كان طفل صغير إلا إذا كان ف 3 سنين و هبط...
و زيد لابلاج محوطينو يعني ماهوش مكشوف ....
و فيه المصليات لي حنا ماناش لاقيينها حتى ف المساجد تاعنا
و فيه كلش...
أنا من كلامك وصلت إلى السبة و لي هي:
انعدام المبادئ عدنا....هكذا؟؟؟
بصح انت راك شريحة من المجتمع الجزائري و أنا كذلك و الحمد لله مبادئنا مليحة...صح؟؟؟
اذن الخير كاين ...و مدامنا لقينا السبب لازم نعالجوه... لويقتاش نقعدو غير نهدرو على السرقة و .... حابين حل
شكرا و بارك الله فيك على نقاشك المبني على دراية بالواقع

 

[وردة رمال الصحرا]

كيفاش تطور العقلية : نبداوها بالدين ككل واح يشد في الاسلام ويعمل بيه تحبس السرقة،القتل،الكذب،المخدرات........الخ زيديلها يحبس الطمع تاع السياسيين و النهب ل راه صاير ك تحبس الاضرابات الشاملة وك تولي الناس تخمم في خدمة الجزائربرك، تتعلم ، تكون الطموحات كبيرة - مش تلقاه شاد الحيط- ويسنى في الخدمة تنزل عليه من السما

يعيطك الصحة خيتو
عجبتني عبارة قلتيها:"تكون الطموحات كبيرة - مش تلقاه شاد الحيط- ويسنى في الخدمة تنزل عليه من السما "
راكي جبتيها هذا وين حابة نوصل قدقد
لازم حنا كشباب يكون عندنا دور و دور كبير

 

[وردة رمال الصحرا]

عقلي ما نجمش يترجم ههههههههه
حاجة مستبعدة زاف بزاف
لان تعرفي شعبنا وعقليتو دايما تحت نيفو

مزالك متشاءم
اوكي نسقسيك:
انت منين بالضبط..يعني أي شريحة تنتمي إليها؟؟؟؟
لي راه صاري على الدزاير راه صاري عليك ولا لا؟؟؟
اذا انت قلت هكذا و واحد آخر قال هكذا ووحدة أخرى قالت هكذا....شكون المسؤول؟؟؟

 

[H@teM]

أهلا أخي حاتم
تحليلك منطقي و صحيح و يعبر عن الواقع لي راهي عايشاتو الدزاير
نزيد نضربلك مثل :
هنا ف الامارات علابالك بلي حتى البحر دايرين فيه مراقبة ...بالرغم انو الgور هنا معمرين
و دايرين يوم خاص بالنساء ... يمنع منعا باتا يدخل راجل ولو كان طفل صغير إلا إذا كان ف 3 سنين و هبط...
و زيد لابلاج محوطينو يعني ماهوش مكشوف ....
و فيه المصليات لي حنا ماناش لاقيينها حتى ف المساجد تاعنا
و فيه كلش...
أنا من كلامك وصلت إلى السبة و لي هي:
انعدام المبادئ عدنا....هكذا؟؟؟
بصح انت راك شريحة من المجتمع الجزائري و أنا كذلك و الحمد لله مبادئنا مليحة...صح؟؟؟
اذن الخير كاين ...و مدامنا لقينا السبب لازم نعالجوه... لويقتاش نقعدو غير نهدرو على السرقة و .... حابين حل
شكرا و بارك الله فيك على نقاشك المبني على دراية بالواقع

انا كا واحد من المجتمع يعني منيش راضي
بها الشىء حااااجة باينة
انا كمواطن عادي راح تعارض يجيبوك برا
هادي هيا سياستنا يا تكون معاهم في السريقة
ولا ضدهم راهم يقضيو عليك
التحليل هادا بالنسبة ليا كمواطن
الحل وش ؟؟؟ ساهل مي مش راح يصرى
لازم على رؤساءنا يتعلموا الرباية
من دارة وجديد دخلوهم للابتدائي بلي السريقة حراااام
والحقرة مرادهاش ربي
​