وش راك تهدر على سطيف

[bouaz]

و الله سطيف بلادي و نموت عليها نحب كل حاجة فيها انا من لي 400 كل عام نروح لسكيف نشاء الله خاوتي هدا العام نديروا لمة صغيرة و نتلاقاو لتما و سورتوا راني حابة نتلاقا بmoha le sage

اهلا وسهلا بك اختي فكل وقت ناس سطيف كراما في كل وقت وماكانش كيفهم بديل ويستحفضوا بالضيف كثرمن رواحهم ولا راني غالط يا ولا د ولايتي سطيف

 

[N@riM@N]

كلـ صيف تماكـ ربي يباركـ عليها​

 

[bouaz]

كلـ صيف تماكـ ربي يباركـ عليها​

امين اجمعين

 

[السلطانة]

سطيف المدينة لي متمنية نزورها في المستقبل
هايلة وناسها خيار الناس

 

[aMiNa-K]

سطيف الله يبارك عليها .. مدينة نظيفة و شابة
جزت عليها طريق ماحوستش فيها .. بصح حبسنا تعشينا فيها .. راني شافية غير عالحميس ههههه
+
سطيف باااااااااردة بزاااااااف :crying: كنت فيها لحقت حتى 2 درجة تحت الصفر :scared:

باين بلي الغاشي تماك يحبو المير و لا الوالي تاعهم بزاف .. باسك يتلالهم في المدينة مليح
كي العادة راني نتلسلف :angel_not: ههههه

و بيانسور ناسها هوما خيار الناس​

 

[bilale-007]

ديزناف المحنة والزعاف والتقلاش والتشناف

 

[Moha le sage]

و الله سطيف بلادي و نموت عليها نحب كل حاجة فيها انا من لي 400 كل عام نروح لسكيف نشاء الله خاوتي هدا العام نديروا لمة صغيرة و نتلاقاو لتما و سورتوا راني حابة نتلاقا بmoha le sage

وين راه المشكل يا ماكور .. نتلاقاو عادي ..بيك نتي ولا باي واحد من اللمة

واللمة السطايفية رانا نستناو تصلح كاش نهار و معرف
​

 

[وردة رمال الصحرا]

ايييييييييه شحال نحب سطيف و السطايفية ... صحاباتي كلهم سطايفيات
انا لي يعجبني فيها الطبيعة تاعها ربي يبارك بزاف هايلة .... و قريبا رح نولي من ناس سطيف

 

[bouaz]

]

وين راه المشكل يا ماكور .. نتلاقاو عادي ..بيك نتي ولا باي واحد من اللمة

واللمة السطايفية رانا نستناو تصلح كاش نهار و معرف
​

راه قريب نهار العطلة نتلمو ونديروا فيها قعدة شابة خاوتي

 

[امل الجزائريين]

انا جامي زرت سطيف مي مادام فيها ناس زيكم حاجة باينة تكون مميزة
و ماننساش بلاد فارس ولد العلمة
و وفاق سطيف
و البابية
و حوايج بزاااااااااااااااف
مشكرو على الموضوع
تحية في خاطر سطيف و ناسها

 

[نسمة الفردوس]

السلام عليكم و رحمة الله

سطيف شابة بزاف كيما كامل الدزائر

و معروف عنها بنظافة شوارعها

لكن للأسف الوحيدة من العائلة التي لم تشاهد عين الفوارة:tears:

بارك الله فيك​

 

[bouaz]

السلام عليكم و رحمة الله

سطيف شابة بزاف كيما كامل الدزائر

و معروف عنها بنظافة شوارعها

لكن للأسف الوحيدة من العائلة التي لم تشاهد عين الفوارة:tears:

بارك الله فيك​

وعليكم السلام ماتبكيش اختي ان شاء الله تزوريها حتان تشبعي

 

[سماح الجزائريه]

سطيف العاليه والغاليه صح انا مازرتهاش بصح علابالى بلى فيها عين الفواره والى يشرب منها لازم مهما طال الزمان الى شرب منها يرجع ويزيد يشرب منها سطيف جارتنا وقريبه لينا او حتى اللهجه قريبه تكون كيف كيف والرومان قبل كى خلاو الاثار تاعهم فى تبسه زادو حتى فى سطيف او حبوا ايخلو الدلائل باه السياح كى ايجو للجزائر ايفوتوا على سطيف او تبسه انشاء الله نزور سطيف فهل تستقبلنى هههههه​

 

[HMD CAB]

علابالي عندكم عين الفوارة وحديقة الحيوانات ولا واش ....
مي لاكوب حنا لي ندوها .. بربي نشاله
​

 

[Moha le sage]

علابالي عندكم عين الفوارة وحديقة الحيوانات ولا واش ....
مي لاكوب حنا لي ندوها .. بربي نشاله
​

الفوارة شومبيوني ..

الرونديفو في 5 جويلة ..الهدرة تيكي و القباحة بالو يا ولد خالتي .. ومبروك عليكم 2eme place من ذرك :yahoo:

راك صحيت

 

[bouaz]

سطيف العاليه والغاليه صح انا مازرتهاش بصح علابالى بلى فيها عين الفواره والى يشرب منها لازم مهما طال الزمان الى شرب منها يرجع ويزيد يشرب منها سطيف جارتنا وقريبه لينا او حتى اللهجه قريبه تكون كيف كيف والرومان قبل كى خلاو الاثار تاعهم فى تبسه زادو حتى فى سطيف او حبوا ايخلو الدلائل باه السياح كى ايجو للجزائر ايفوتوا على سطيف او تبسه انشاء الله نزور سطيف فهل تستقبلنى هههههه​

اهلا وسهلا بيك في كل وقت ونرحبو بيك وبغيرك باحسن ترحيب ونكرموكم احسن تكريم

 

[bouaz]

علابالي عندكم عين الفوارة وحديقة الحيوانات ولا واش ....
مي لاكوب حنا لي ندوها .. بربي نشاله
​

ولا في الاحلام اخي غير انسى الكاس البطولة رابطة ابطال افريقيا كلش لينا راني نقلك المركز التاني ياسر عليكم كيما قالك خويا Moha le sage

 

[imado]

سطيف العالية سطيف الحضارة سطيف في البالو في الثقافة في النظافة في العباد في الزين في كل شيء فوووووووووووووور كوووووووووووور وديكوووووووووور بلادي ونحبك يا سطيف وعليك ندير النيف 19 ما أجملك ولن أفارقك

 

[HMD CAB]

الشومبيونة ربي يوفقكم ..مي لاكوب هاذ العام لينا الدالة نشاله...
والعود لي تحقرو يعميك

 

[zagane]

السلام عليكم

شوقتنا لي زيارة سطيف