السلام عليكم
هادا واش صرا بعد العرس
كلنا نعرفوا عوايد النسا لحراير في التمنشير و التعلاق و التقرعيج....هاد المرة جبتلكم حاجة بصّح ماشي في يديّ جيتكم هكداك ....واحد المرّة تلمّوا بنات منتدى اللمه باش يروحوا لعرس زميلتهم منقولش على اسمها في المنتدى من بعد تعرفوها انشاء الله... وقالوااشتك اشتك
اكريلنا j9 جيناف نروحو نعرسوا وماتنساش تولي تدّينا نروحو...ايا عرسوا لحراير تاوعنا ومن بعد بيباو bipage ل
اشتك اشتك
باش يردهم لدّار........
اشتك اشتك
.. اركبو وبلاكم تقفلوا البيبان على لعبايات تاعكم
جيست مشات الجيناف بدى الاستوديو التحليلي والمعلقين السياسيين شوفوا يا اعضاء النسا واش يقولو بعد العرس
عائشة القالمية :علاه طوّلتي قريب روّحنا وخليناك؟؟؟
bonoise: ساعة و انا نحوس على عبايتي... حقّ قوليلي شكون دوك الستايت ليكانوا واقفين قدام العروس؟
العنابية:- هادوك خواتات لعروس ...ياختي باشعين لا زين لا سر لا والوا شيعت التكسال ماخلاوش...
جزائرية مكاش كيفي
:-بناقص من عرسهم كان غير مارحناش لعرسهم
جزائرية شكون كيفي:- يا ماما على ديك الدّرسة وذيك الحالة وزيد تهاوشوا خواتات العريس ولعروس واحد لجوادر وين راكي رايحة يالالجيريان لعروس نورمالمو يديرولها دارها وحدها؟
touti_dz :واحد الغطّة لجو مخنوق ماكانش كليماتيزار زواولة على حساب الدّار وزيد لعجوز هاديك نانات لعروس حاطّة يدها على خدها وحالّة فمها وتشوف ليّ قلقتني.... خمسة خمسة خمسة في عينيك يا عينين لحنش؟
هيلدا- . والله ماشفت حاجة ظلّيت نحوّس على الشال تاعي وزيد التيليفون كل دقيقة يعيّط!!!
العنابية
: !!!! يووووووون عجبني ماكياج زينة قتلي جابتهولي مرت خالي من فرنسا
@هاديه@ :- ههههه من فرنسا؟ تكدب عليك ياجايحة وجهها وجه ماكياج فرنسا...هه ماكيش شايفة حالتهم..خلينا ..خلينا..ماتزيدينيش ديجا وجعتيلي قلبي ...فرنسا...طز....
لوكان تسقسي منين جابتوا تلقايه من عند ...مانقولش خير
sendrine ..عيب عيب يا لبنات تمنشروا في الناس تاكلوا الغلّة وتسبّوا في الملّة
اشتك اشتك: واش رايكم في العشاء؟؟؟
عائشة القالمية: ماكلتهم نصها شحمة ...وشرور ماحطّولناش القاطوا نهزوا وحدنا ..يفوتوا علينا ويمدولنا حبّة قريوش وحبّة بوسو لا تمسّوا يابس شكيت مافيهش الزبدة خلاص
هيلدا: تحبّو الصح عفت ماكلتهم ودار علي قلبي...
bonoise : شربة وبربوشة ودلاع هههه لا طاجين حلو لا كفتة لا اوردافر بخصو برواحهم مشحاحين لوكان دريت هكدا والله مايشوفو الكادو....بلاسماح بلا سماح !!!
بنت المونديال : واحد البخصة كاين نساء ماتعشاوش والله ماطارتلهم...ياغدّي يا غدّي...
shahrazad : حتى ام لعروسة مسكينة ماتعشاتش مالقاتش روحها خلاص من صباح وهي تعيّط !!!
جزائرية مكاش كيفي : هههههه تحسبي تعيّط من الفرحة راكي نيّة
بيها سوارد الباروك ماشفتيش عبّونها راح يطّرطق من السوارد ليتدخل تعطيها ميات الف....
عائشة القالمية : واش بيه هاداك الطفل ليكان لابس شوميز بلون وبونتالون نوار رايح جاي هيبة ماتقوليش لكان واقف مع ديك المصفارة لابسة سواري روز هاداك حاتم .. والله ماهو لاتي بيها....
وبقاو شفتي...سمعتي....
حتان وصلو للبيت
اشتك اشتك
: شوفولي 3 حبّات اسبيجيك راسي راح يرمج......
اتمنى تعجبكم ومايزعفوكمش الادوار
اشتك اشتك يحييكم