احذروا !! لحظات قبل قدوم المجاعة

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
الســــــلام علــــــــــيكم ورحــــــــمة الله وبركــــاته
وأسعد الله أوقاتكم وملأهــا بركة
عندي مدة طووويلة ماكتبتش موضوع في اللمة على العموم وفي واش راك تهدر بالاخص، المهم ان شاء الله تكونو كامل بخير وبصحة جيدة.
المهم كيما تعرفو أخواتي وإخوتي، شهر فضيل راهو على الأبواب وبعد أسابيع قليلة نستقبلوه ان شاء الله، هو شهر الرحمة والمغفرة والخيرات، وبهاد المناسبة كاين ناس راهي تستناه بفارغ الصبر وتوجدلو كما يجب، فيهم لي يقولك هاد العام نحفظ بدل السور الصغيرة سور كبيرة، وكاين لي يقول هاد العام نصدق أكثر من العام الماضي، وكاين لي يقول هاد العام نصلي قيام الليل شهر كامل، وكل واحد كيفاه يبدا يوجد من رجب وشعبان حتى يلحق رمضان باه يغتنم الفرصة لكسب الحسنات ومحو السيئات.
وفي نفس الوقت كاين فئة تاني توجد لرمضان الله يبارك عليهم بصح بطريقة أخرى، هاد الفئة تتواجد وتتكاثر في ليسوبيرات عند الخبازين عند اللحام عند البيسري عند لي يبيع القاطو، المهم منين كاين أكل تلقاهم، وإذا حبيت تقبض عليهم متلبسين تاع الصح عليك وعلى الاسبوع الأخير قبل رمضان، البس حوايجك اتسلح مليح ووصي أهلك اذا ماوليتش للدار يخبرو لا بوليس خاطر ماتدريش واش يكون لأنو هاد الناس يخطفو اي حاجة يلقاوها في طريقهم وقادر يغلطو فيك المهم جهز نفسك واقصد أقرب سوبيرات من المنزل.
غير توصل رايح تلقاهم تم هاربين بليشاريو ويسلعو وضرب الدبزة والطايح كتر من النايض، تلقى مرأة هي وراجلها مع يدخلو من الباب يتفرقو هو يروح يجري يمين وهي يسار وكل واحد يسلع في الشاريو تاعو، تلقى المرأة تحط 10 باكيات خميرة 15 باكي قهوة 9 بايط زبدة، و3 قرع زيت تاع 5 لتر تقول رايحين يقليو فيه العباد، والراجل متخصص في الشكاير، الشكارة لي يلقاها يهزها، شكاير اللوبيا والعدس والفلان إلخ من عائلة الشكاير، وهو مسكين هاز هاداك الكم الهائل من المواد الغذائية يجيه نداء الطوارئ من مرتو من هيه "ماتنساش الملح والسكر خمسة خمسة" يزيد يهز الملح والسكر ويجي يتمايل كي البهلوان، ومرتو من هيه انتقلت للمرحلة التالية راهي مع مشتقات الحليب 20 شكارة حليب هزتها وتزيدلها الحليب تاع الباطة تقولك اونسيجامي تحسب التسونامي رايح يضرب، ومن بعد تدور للفرماج تشريه بكل انواعو الاحمر والابيض والاخضر والوردي وكل نوع تشري منو بالدوبل ومن بعد تدور للعصائر والمشروبات تشري قد ما تشرب بلاد كاملة، وراجلها من هيه يشري في الصابون والشموبوان، من الخلعة تخلطولو الخيوط.
نتا تبقى تشوف ماتفهم فيها والو، تقولهم ياناس واش صاير المغول رايحين يهاجمونا؟ كاشما فاتتني حلقة؟ خبرونا على وجه ربي كاشما العبد يدير حسابو، حسب واش راكم ديرو راهو اعصار جاي واقيلا، يقولولك واش بيك راهو رمضان على الابواب، وديجا بعد مازال نروحو للخباز رانا موصيينو على 50 خبزة، ونشريو اللحم والدجاج والحوت وبساتين من الدبشة والمعدنوس ونكملو صناديق الفواكه، تم تم تلقاهم خارجين بالشكاير يجريو تحسب العدو الريفي، فجأة يولي الراجل يدخل يجري يجيب 5 قرع ايزيس لي يغسلو بيه لماعن ويدخلو للسيارة بزربة ويديماريو تسمع غير المرأة تقول لراجلها ازرب ياراجل قبل مايسبقنا جارنا قدور المكراش ويخلص علينا الماكلة، المهم يروحو ويخليوك مشوكي ويخليونا مشوكيين.
نعم إخوتي وأخواتي هادي هي المأساة والهبال والجشع وبوادر قدوم المجاعة عند بعض الناس، ونهدرو درك بوضوح وفاص آ فاص، قولولي يا ناس راكم ماتاكلوش طول العام؟ مضيعينكم بالشر؟ عندكم شهر واحد في السنة تاكلو فيه حتى يحكمكم الهبال في رمضان؟ صدقوني السبت تاع الفطار هي تاع رمضان والخبز تاع الفطار هو تاع رمضان، وعدد ساعات اليوم في الفطار هو تاع رمضان، علاه مدايرين لعماركم هكا؟ كاشما بيكم فرغولنا قلوبكم رانا هنا نسمعولكم، مافهمتش علاه هاد التبذير وهاد الجهل راهو كل يوم يجي رزقو معاه واذا حبيت تقضي كل يوم اقضي واش حاب ولا على الاقل اشري تاع يومين ماش تاع قرن، لأنو كاين ناس صح لدرجة يهبلو كي يدخل رمضان يذبحو الكباش تقول رايحين يوكلو نمر في الدار، ويشريو ب 15 جاجة تقول عرس، وانا صراحة مانحكيش على لي عندهم ظروف مثلا شخص مضطر يشري قضيان تاع شهر ولا تاع سمانة خاطر رايح يغيب على الدار ومرتو وولادو وحدهم، ولا على لي موالف سواء في الفطار ولا رمضان يقضي تاع شهر نقولو عادتو، تحيرلك لي كان نورمال هو يلحق رمضان وهو يهبل تقول نهاية العالم، والمشكل بعد هاد النهب تلقاه كل يوم يخرج ويقضي تقول فوبيا الجوع، درك انا خلصلي الزيت مع دخول رمضان باينة نشري قرعة تاع 5 لتر مثلا باش نطيب بيها عادي، او خلصلي الدقيق نشري شكارة كبيرة دقيق، يعني هادي امور مالفة نديرها في حياتي اليومية، تحيرلك فلي خلصتلو قرعة زيت يروح يشري 3 والمشكل ساعات يشري حتى قبل ما يخلص.
وكاين لي يقولك راهي العايلة كبيرة وكلشي والله كاين لي هو ومرتو برك، تلقى فطورهم شربة وبوراك وسلطة بكل الانواع تاع القرنون تاع الخرشف تاع البطاطا تاع الشومبينيون تاع النعناع تاع الزنجبيل، وزيد تلقى لحم الحلو ولحم الحلو اليوم ماشي كيما بكري بالعين والمشيمشة هاديك والزبيب درك ولا بالاناناس والكيوي والكرام فخاش والبنان والفراز ووو تحسب سلطة فواكه، زيدلها لي قراتان على كل الانواع، زيدلها جاجة محمرة وهادا سوفلي وهادي بيتزا وزيد وزيد وزيد، هادا بلا السهرة لي قلب اللوز وزلابية وفواكه ومكسرات وشيكولا ووو.
يا عباد ربي واش بيكم؟ خايفين كي ماتاكلوش نهار كامل كاشما يصرالكم؟ مالفة نكون مشغولة وماناكل والو نهار كامل حتى الليل نطيب زوج حبات بيض ومايصرالي والو، صدقوني مايصرالي والو ارواحو نحلفلكم على المصحف بلي ما يصرالي والو ونجيب الشهود.
والمسألة صراحة مسألة وعي، كاين ناس نعرفهم أغنياء وكي نقول أغنياء يسما أغنياء، الرضيع كي يزيد عندهم بسيارتو ودار على اسمو، وهكاك كي يفطرو في رمضان تلقاهم مدايرين شربة وبوراك وسلطة وخلاص، كي تقولهم علاه، يقولك علاه ماكليتش عام كامل باه نهبل في رمضان؟ وزيد من الغباء انسان ماياكلش نهار كامل ويضربها بكميات ضخمة من الاكل في وجبة واحدة راهي تطرطق ليسطوما، راهي ليسطوما كي يقرب رمضان تندب حناكها مسكينة، وشوفو برك المستشفيات والصيدليات يخدمو بزيادة في رمضان بسبب قلة وعي الشعب، وهذا عيب باه شهر العبادة يصراو فيه حوايج كيما هكا، ونوليو فيه ملهوفين على الماكلة، راهو رمضان والله يجيب البركة معاه، حنا نديرو الشربة في الفطار نورمال بصح كي نديروها في رمضان الفريجيدار معمر حتى تحير واش كاين زايد، راهو ربي ينزل فيه الرحمة يا ناس افهموا رجاء.
كولو قد قدركم ماتبذروش وماتطيشوش وماتديروش هم للماكلة، والله الحوانت يحلو في رمضان وكاين كلشي وتطيب الشربة في وقتها بيها بالبوراك وباقي المأكولات، فلاداعي لاختطاف المأكولات بطريقة وحشية، ماراناش في عام الشر -__- ونديو رسولنا عبرة كان طعامو تمرة، وحنا كل خير قدامنا وجاهلين.
ابداو وجدو للصلوات ابداو اتسامحو مع الناس ابداو غيرو الصفات السيئة لي فيكم، صفيو نيتكم وقلوبكم، الماكلة راهي اخر هم، والله طرف خبز وكاس لبن ونتا شبعت فبلا ماتخافو وتتلهفو، وربي يهدينا اجمعين.
واش رايكم نتوما بصراحة في هاد الحالة؟
وملاحظة عنواني لا اقصد بيه أي اساءة للشهر الفضيل، هو دلالة فقط على تفكير بعض الناس العقيم، وشكرا.
إليكم الخط.



 
آخر تعديل:

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,238
النقاط
1,251
محل الإقامة
فالفيراج
الجنس
ذكر
جميل جميل جميل جدا
تروحي تروحي وكي تولي تجيبي الجديد
والله عجبني الموضوع بزاف احجز مكان ونولي بعد ما نودع السوسة الي راهي ضيفة عندي في الضرصة
عجبتني تاع تقول رايحين يوكلو 🐅 نمر. فالدار الله يعطيك الربح
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
جميل جميل جميل جدا
تروحي تروحي وكي تولي تجيبي الجديد
والله عجبني الموضوع بزاف احجز مكان ونولي بعد ما نودع السوسة الي راهي ضيفة عندي في الضرصة
عجبتني تاع تقول رايحين يوكلو 🐅 نمر. فالدار الله يعطيك الربح
عجبتني تاع جميل جميل جميل، كشغل معك 3 نعم هههه
وربي يجعلك الشفاء العاجل وترحل السوسة للابد، ديجا راهو قرب رمضان درك تخطيك وتروح تقضي ههه
ومرحبا بيك في أي وقت الموضوع موضوعك ^^
 

NAPOLA

:: عضو مُشارك ::
إنضم
23 أفريل 2017
المشاركات
333
النقاط
521
محل الإقامة
Algérie
الجنس
أنثى
يعطيك الصحة موضوع حقا في الصميم و كل عام نلقاو نفس المشكل
يعني سيدنا رمضان يجينا مرة كل العام الانسان يغتنم الفرصة باش يزيد ايمانو و يتقرب لربي سبحانوا صحيح انوا الواحد ممكن يتشهى بعض الاكلات و خاصة انو صايم و هذا بالنسبة للناس لي عندهم يصوموا غير شهر رمضان لانوا فرض لكن مالازمش سكون هذا الشغل الشاغل و يسن سنة سيئة
فمثلا يجي واحد داخل للسيبيرات يلقى الغاشي يشري و يعاود كيما قلتي و كانوا قريب المجاعة الغاشي تصرالهم عدوى تقول خلاص ... ياك المحلات راح تكون مفتوحة طيلة الشهر الكريم و حاجة ما راح تنقص عليهم العكس راح يزيدوا التبذير
هادا لي ميعرفش قيمة رمضان اما لي يعرفلوا راهوا يعيش مع نسائم رمضان و يتلهف لهذا الشهر الفضيل بالعبادة و القيام و التراويح و الدعاء عسى ربي سبحانوا يتجاوز عن اخطائنا و ذنوبنا اللي سهينا و غلطنا فيها

في الاخير نتمنى نكونوا من الاوائل لي ينالوا المغفرة و الرحمة من الله تعالى ..سلام
 

المرفقات

Hakan

:: مشرف ::
منتدى فرغ واش فى قلبك
منتدى بـوح الـقلم الحـر
طاقم المشرفين
إنضم
10 أوت 2013
المشاركات
9,569
النقاط
2,201
الجنس
ذكر
والله يا الواحد ق توحش يرد على موضوع كما قلت مريومة مجاعة تضرب بلاد المسلمين الذين يقرؤون في القرآن (ولا تبذر تبذيرا) رمضان شهر القرآن ماهوش شهر المأكولات ولا المشروبات الواحد عمرو كامل وهو ياكل مي هاذ الاكل يروح مع الدود في القبر ويبقى العمل الصالح خاصة في رمضان اللي هو افضل شهر في السنة عند ربي سبحانه بالنسبة للعايلة تاعي مصروفنا ثابت طول السنة لكن في رمضان تتغير اشياء خفيفة صح كاين لحم وكاين بوراك ومشروبات مي في المعقول هذا فضل من ربي مشكورة على الموضوع وربي يجازيك بيه 😍😍 راني بالهاتف 😑
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,238
النقاط
1,251
محل الإقامة
فالفيراج
الجنس
ذكر
السلام عليكم ورحمة الله
راني وليت نخلص الكريدي ما تقوليش هرب
المهم الضاهرة تاع التمكريش او التمشرير موجودة فينا من سنوات وليس وليدة اليوم ربما لأن الجزاىري يطيق عليه رمضان ويخاف الفقر في رمضان حب يشري كلش بالزيادة ويخبي عندو العقلية تاع النمل وهذا العقليه يتشاركو فيها نسا ورجال ومن كل المستويات
ولو انو في سنوات خلت كان آبائنا وامهاتنا عندهم تقاليد احنا والله غير مازالت عندنا والحمد لله
مثلا كاين امور عندهم بنة خاصة في رمضان ولازم يوجدوهم ما يتنشراوش لازم صنعة اليد كيما المرمز والتشيشه والجلبان والحمص ويغرسو الحشيش مقطفه ويوجدو الشربة تاع الشعرة و يبسو الثوم يوجدو ادقيق تاع الشعير للحامضه والزيتون المخلط بالخضار والفلفل المرقد وغيرها من الامور الي عندها مكانتها
وكاين الي يقولك نستقبلو رمضان بالفال زعما يشرو طاجين تاع طين ولا قدرة وكسكاس بس ولو انها اعتقاد خاطى الا انها امر طيب ولا يضر
وفي قتنا تبدلت الحاله يا ختي راه الواحد يخمم في كرشوا وليس تقاليد اما الجانب الديني خلي برك في المائة تلقاي واحد يخمم في التراويح ولا التلاوة ولا قيام الليل ولا مراجعة السنة والحديث
على هذ الشي ركبنا التمشرير والتمكريش
وهنا الناس كل واحد وكيفاش يخمم
كاين صنف الي خدام وما عندوش الوقت
@حلم كبير. الله غالب يقولك نقضي كلش قبل رمضان ونخدم في عقلي مهني ونريح من جيب جيب عرفي النسا في رمضان يولو مافيا المطبخ في كل فيراج جيب ميم تجيب لازم تزيد تجيب اتحرك جيب الخبز جيب الشاربات المهم جيب
وكاين صنف موالف على العام يقضي بالشهر يعني ما يتغير عليه والو المشكل تاعو انو مع شهر رمضان يتلاقى مع السيركيلاسيون تاع الغاشي الي يقضو غير في شهر رمضان ممكن ينخلع وممكن يطلعلو السكر كيما خويا @الامين محمد.
بعيد الشر عليه
وكاين الصنف الي هدرتي عليه هذا الصنف ملهوف عندو رمضان ماكله قبل رمضان يقولك راني داير بيجي تاع 10 ملاين توع رمضان تقولي رمضان يسالهملو وراه موجدهم وداير بروقرام
10 ايم قل رمضان يبدا الجري والبحث الي يشوفو يقول السلعه خلاصت من المارشي ومن السيبيرا كيما قلتي الامور الي ذكرتيهم كامل يشريهم نسيتي الفلون والديول
بالنسبه للبروتين يدي رجلة لحم ويزيد المرحي يكثر عليه الطلب في رمضان والبيض واش نقولك الي يدخل دارو يحسب راه يبيع البيض البلاطو فوق خوه لوكان يفوت شهر رمضان نصو يفركس فلالس
يبدا المارشي من القول للقول يشري كل انواع الخضر ممكن عمروا ما ياكل الملفوف ولا البتراف بصح يشريه داير في بالو ممكن يجي في كاش طبق ولا وتاني ممكن في رمضان تغلى السلعه
بصح كاينة حاجه لازم تعرفيها نهارات الي قبل رمضان اصحاب المحلات و الخضارة يولو اشرار تاع الصح كيفاش يشبحو ويزينو هاذوك الطوابل تاع الخضرة الطماطم تلقايها تلمع تقول صبغوها يالفيرني والبطاطا حبة قدام حبة كيما طريق النمل والبصل محفف تقولي تحفيفة تاع نايمار والبسباس ما نحكيلكش والخس وحدة قدام وحدة روب دو صواري وخلاص والملفوف كي البرنوس يغير والبتراف ما تفرقيهش من الفريز والزرودية واللفت تجوزي عليهم غير الهدرة ال ما يهدروش
هذاك علاش الواحد يسخفهاذي نفس بشرية مش ملايكة
تجوزي للسيبيرات تلقاي البروموسيون تعيط وتدي زوج وحدة باطل
وتاني السلعة تاع رمضان غير تاع الفطار
انواع القهوة يدخلو كامل الي تشوفيها تقولك اديني انا نطلع الراس والفلون خلي وخلي والحليب عام كامل مكاش في رمضان يولي يقاطع في الطريق


ماكملتش من بعد نولي
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,238
النقاط
1,251
محل الإقامة
فالفيراج
الجنس
ذكر
وهذا تكمله للرد السابق بعد الفاصل الاشهاري طبعا
قبل رمضان الشعب الجزاىري عايش في ليبات العجاىن والبقول الجافه سيرتو اللوبيا والعدس وهاذو هوما سبب السمنة والقوة الحديد وليGاز الي معروف بيهم الجزاىري
ونهار يقرب رمضان يولي استحضار الاطباق المدونه عند النساء في كراس الطبخ المنقولة عن سميره واخواتها طبعا
فما على الرجل الا التجهز للحرب بالمال والعده لغزو السيبيرات والمارشيات وحتى الخيم المنصوبة في الساحات العامة
لانو تلك الاطباق تكلف ومستلزماتها كثيرة وممكن المرا تسيي مرتين او ثلاثه باش يصلح لها واحد لذالك تطالب بالاكثار من المنتوجات
وسبب اخر الي كان في الفطار ياكل طبق لوبيا و طلق راسك لخدمتك في رمضان
يدخل فيها المثوم واخواته والسلايط حتى اربع انواع والحريرة بالزعتر صحاب يارت يعرفوها سقسي الامين يقولك والمخللات والطباق الحارة مثل الحميس كيما عندكم في الشرق وطاجين الزيتون
تخيلي اربعة او خمسة اطباق ومعاهم طبق من توع سميرة صاحبة البيت ما تعرفلوش تسييه اربع مرات معناه 8 اطباق هذا ما يخلي الواحد يكثر اقضيان قبل رمضان
وتاني احنا كامل نعرفو بعضنا بعض كل واحد داير حسابو يقولك لو ما نقضيش قبل رمضان معناه ما نلحقش اذا بدأ رمضان وبدأت معركة لاشانعلى الحليب والخبز
ومن بعد نولي نكمل الرد لانه طويل بزاف
مشكورة مريم على الموضوع الي سرقتيه من عندي بالطبع وبشهادة اختي الاخرى
 

يلوو شيش

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,284
النقاط
1,656
الجنس
أنثى
وهذا تكمله للرد السابق بعد الفاصل الاشهاري طبعا
قبل رمضان الشعب الجزاىري عايش في ليبات العجاىن والبقول الجافه سيرتو اللوبيا والعدس وهاذو هوما سبب السمنة والقوة الحديد وليGاز الي معروف بيهم الجزاىري
ونهار يقرب رمضان يولي استحضار الاطباق المدونه عند النساء في كراس الطبخ المنقولة عن سميره واخواتها طبعا
فما على الرجل الا التجهز للحرب بالمال والعده لغزو السيبيرات والمارشيات وحتى الخيم المنصوبة في الساحات العامة
لانو تلك الاطباق تكلف ومستلزماتها كثيرة وممكن المرا تسيي مرتين او ثلاثه باش يصلح لها واحد لذالك تطالب بالاكثار من المنتوجات
وسبب اخر الي كان في الفطار ياكل طبق لوبيا و طلق راسك لخدمتك في رمضان
يدخل فيها المثوم واخواته والسلايط حتى اربع انواع والحريرة بالزعتر صحاب يارت يعرفوها سقسي الامين يقولك والمخللات والطباق الحارة مثل الحميس كيما عندكم في الشرق وطاجين الزيتون
تخيلي اربعة او خمسة اطباق ومعاهم طبق من توع سميرة صاحبة البيت ما تعرفلوش تسييه اربع مرات معناه 8 اطباق هذا ما يخلي الواحد يكثر اقضيان قبل رمضان
وتاني احنا كامل نعرفو بعضنا بعض كل واحد داير حسابو يقولك لو ما نقضيش قبل رمضان معناه ما نلحقش اذا بدأ رمضان وبدأت معركة لاشانعلى الحليب والخبز
ومن بعد نولي نكمل الرد لانه طويل بزاف
مشكورة مريم على الموضوع الي سرقتيه من عندي بالطبع وبشهادة اختي الاخرى
ياودي ماخليت والو
هذا وقلت مازلت
كاااااارثة
راني نقرا ونفتاجا
في بيتنا مكاه الخرطي هذا كااااااااااااااااامل
ناكلو كيما موالفين
باباتي وماماتي يباتو يقيمو الليل ويختمو المصحف ثلاث مرات ويدخلو للرابعة
وينوضو مع الفجر ويزيدو يقراو وبعد العصر بابا يقرا ويصلي وماماتي بعد الفطور تصلي التراويح في الدار
والقضيان والاكل الحمد لله مايخصنا والو قبل رمضان وفي رمضان واللي كاينة هديك هي مانديروش بالزايد ووووو
رانا اربع عباد نديرو على قدنا غير لما يجو ضياف نعرضوهم للفطور نديرو الزايد والحمد لله على كل نعمه التي لا تعد ولا تحصى
والحمد لله الذي عافانا مما ابتلاهم ونسال الله دوام النعمة والصحة والعافية في سائر الايام

 

يلوو شيش

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,284
النقاط
1,656
الجنس
أنثى
وعليكم السلام ورحمة الله وبركاته
الحمد لله الذي عافانا مما ابتلاهم ونسال الله العفو والعافية والهداية والثبات لنا ولكل امة محمد صلى الله عليه وسلم
والله عقلي طار ... سبحان الله امور غريبة عجيبة
وين راني ساكنة مانيش عارفة اذا كاين الظواهر هدو
لكن في بيتنا مكاه والحمد لله .. من صغرنا تربينا انه رمضان شهر الطاعة والتوبة موش شهر الاكل والنوم

والحمد لله الخير اللي ناكلو فيه قبل رمضان هو نفسو باستثناء الوقت ووووو

عشر وسائل لإستقبال رمضان

الحمد لله رب العالمين , والصلاة والسلام على أشرف الأنبياء والمرسلين , سيدنا محمد وعلى آله وصحبه أجمعين أما بعد :
هذه رسالة موجهة لكل مسلم أدرك رمضان وهو في صحة وعافية, لكي يستغله في طاعة الله تعالى , وحاولت أن تكون هذه الرسالة في وسائل وحوافز إيمانية تبعث في نفس المؤمن الهمة والحماس في عبادة الله تعالى في هذا الشهر الكريم , فكانت بعنوان ( عشر وسائل لاستقبال رمضان وعشر حوافز لاستغلاله ) فأسأل الله تعالى التوفيق والسداد وأن يجعل عملي هذا خالصاً لوجهه الكريم , وصلى الله على سيدنا محمد , وآله وصحبه أجمعين .

كيف نستقبل رمضان ؟
س: ما هي الطرق السليمة لاستقبال هذا الشهر الكريم ؟


ينبغي للمسلم أن لا يفرط في مواسم الطاعات , وأن يكون من السابقين إليها ومن المتنافسين فيها ,
قال الله تعالى : { وَفِي ذَلِكَ فَلْيَتَنَافَسِ الْمُتَنَافِسُونَ} الآية ( المطففين : 26 )

فاحرص أخي المسلم على استقبال رمضان بالطرق السليمة التالية :

• الطريقة الأولى : الدعاء بأن يبلغك الله شهر رمضان وأنت في صحة وعافية ,
حتى تنشط في عبادة الله تعالى , من صيام وقيام وذكر , فقد روي عن أنس بن مالك – رضي الله عنه – أنه قال كان النبي صلى الله عليه وسلم إذا دخل رجب قال ( اللهم بارك لنا في رجب وشعبان وبلغنا رمضان ( رواه أحمد والطبراني ) .
لطائف المعارف .

وكان السلف الصالح يدعون الله أن يبلغهم رمضان , ثم يدعونه أن يتقبله منهم .
** فإذا أهل هلال رمضان فادع الله وقل ( الله أكبر اللهم أهله علينا بالأمن والإيمان والسلامة والإسلام , والتوفيق لما تحب وترضى ربي وربك الله )
[ رواه الترمذي , والدارمي , وصححه ابن حيان ]

• الطريقة الثانية : الحمد والشكر على بلوغه ,
قال النووي – رحمه الله – في كتاب الأذكار : ( اعلم أنه يستحب لمن تجددت له نعمة ظاهرة , أو اندفعت عنه نقمة ظاهرة أن يسجد شكراً لله تعالى , أو يثني بما هو أهله )
وإن من أكبر نعم الله على العبد توفيقه للطاعة , والعبادة فمجرد دخول شهر رمضان على المسلم وهو في صحة جيدة هي نعمة عظيمة , تستحق الشكر والثناء على الله المنعم المتفضل بها , فالحمد لله حمداً كثيراً كما ينبغي لجلال وجهه وعظيم سلطانه .

• الطريقة الثالثة : الفرح والابتهاج ,
ثبت عن رسول الله صلى الله عليه وسلم أنه كان يبشر أصحابه بمجئ شهر رمضان فيقول : ( جاءكم شهر رمضان , شهر رمضان شهر مبارك كتب الله عليكم صيامه فيه تفتح أبواب الجنان وتغلق فيه أبواب الجحيم ... الحديث .)
( أخرجه أحمد ) .

وقد كان سلفنا الصالح من صحابة رسول الله صلى الله عليه وسلم والتابعين لهم بإحسان يهتمون بشهر رمضان , ويفرحون بقدومه , وأي فرح أعظم من الإخبار بقرب رمضان موسم الخيرات , وتنزل الرحمات .

• الطريقة الرابعة : العزم والتخطيط المسبق للاستفادة من رمضان ,
الكثيرون من الناس وللأسف الشديد حتى الملتزمين بهذا الدين يخططون تخطيطاً دقيقاً لأمور الدنيا , ولكن قليلون هم الذين يخططون لأمور الآخرة , وهذا ناتج عن عدم الإدراك لمهمة المؤمن في هذه الحياة, ونسيان أو تناسى أن للمسلم فرصاً كثيرة مع الله ومواعيد مهمة لتربية نفسه حتى تثبت على هذا الأمر ومن أمثلة هذا التخطيط للآخرة , التخطيط لاستغلال رمضان في الطاعات والعبادات , فيضع المسلم له برنامجاً عملياً لاغتنام أيام وليالي رمضان في طاعة الله تعالى , وهذه الرسالة التي بين يديك تساعدك على اغتنام رمضان في طاعة الله تعالى إن شاء الله تعالى .

• الطريقة الخامسة : عقد العزم الصادق على اغتنامه وعمارة أوقاته بالأعمال الصالحة ,
فمن صدق الله صدقه وأعانه على الطاعة ويسر له سبل الخير , قال الله عز وجل : { فَلَوْ صَدَقُوا اللَّهَ لَكَانَ خَيْراً لَهُمْ } [ محمد : 21}

• الطريقة السادسة : العلم والفقه بأحكام رمضان ,
فيجب على المؤمن أن يعبد الله على علم , ولا يعذر بجهل الفرائض التي فرضها الله على العباد , ومن ذلك صوم رمضان فينبغي للمسلم أن يتعلم مسائل الصوم وأحكامه قبل مجيئه , ليكون صومه صحيحاً مقبولاً عند الله تعالى
{ فَاسْأَلوا أَهْلَ الذِّكْرِ إِنْ كُنْتُمْ لا تَعْلَمُونَ } [ الأنبياء :7}

• الطريقة السابعة : علينا أن نستقبله بالعزم على ترك الآثام والسيئات
والتوبة الصادقة من جميع الذنوب , والإقلاع عنها وعدم العودة إليها , فهو شهر التوبة فمن لم يتب فيه فمتى يتوب ؟
قال الله تعالى : { وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ } [ النور : 31].

• الطريقة الثامنة : التهيئة النفسية والروحية
من خلال القراءة والاطلاع على الكتب والرسائل , وسماع الأشرطة الإسلامية من { المحاضرات والدروس } التي تبين فضائل الصوم وأحكامه حتى تتهيأ النفس للطاعة فيه
فكان النبي صلى الله عليه وسلم يهيء نفوس أصحابه لاستغلال هذا الشهر , فيقول في آخر يوم من شعبان : جاءكم شهر رمضان ... إلخ الحديث
أخرجه أحمد والنسائي ( لطائف المعارف ).

• الطريقة التاسعة : الإعداد الجيد للدعوة إلى الله فيه ,
من خلال :
1- تحضير بعض الكلمات والتوجيهات تحضيراً جيداً لألقائها في مسجد الحي .
2- توزيع الكتيبات والرسائل الوعظية والفقهية المتعلقة برمضان على المصلين وأهل الحي .
3- إعداد ( هدية رمضان) وبإمكانك أن تستخدم في ذلك ( الظرف) بأن تضع فيه شريطين وكتيب , وتكتب عليه (هدية رمضان) .
4- التذكير بالفقراء والمساكين , وبذل الصدقات والزكاة لهم .

• الطريقة العاشرة : نستقبل رمضان بفتح صفحة بيضاء مشرقة
مع :
أ‌- الله سبحانه وتعالى بالتوبة الصادقة .
ب‌- الرسول صلى الله عليه وسلم بطاعته فيما أمر واجتناب ما نهى عنه وزجر .
ج- مع الوالدين والأقارب , والأرحام والزوجة والأولاد بالبر والصلة .
د- مع المجتمع الذي تعيش فيه حتى تكون عبداً صالحاً ونافعاً
قال صلى الله عليه وسلم :( أفضل الناس أنفعهم للناس ) .

** هكذا يستقبل المسلم رمضان استقبال الأرض العطشى للمطر واستقبال المريض للطبيب المداوي , واستقبال الحبيب للغائب المنتظر.
فاللهم بلغنا رمضان وتقبله منا إنك أنت السميع العليم .


عشر حوافز لإستغلال رمضان

أخوكم
خالد بن عبدالرحمن الدرويش
الإحساء – الهفوف


أخي .. ماذا أعددت لرمضان ؟



المصدر:
ÚÔÑ æÓÇÆá áÅÓÊÞÈÇá ÑãÖÇä

ارجو تقبل مروري

ونسال الله ان يبلغنا رمضان وان يعيننا على ذكره وشكره وحسن عبادته
تحياتي القلبية

في امان الله وحفظه
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,238
النقاط
1,251
محل الإقامة
فالفيراج
الجنس
ذكر
@ماغيكاي تشان
ياودي علابالنا كيما كامل الناس الوسائل اللازمة لاستقبال شهر الرحمة والغفران وهذا لا يختلف عليه اثنان
لكن الموضوع يتناول الجانب المضلم من حياة الجزائري قبل رمضان حيث يصبح مفترس
مع العلم انو حتى اللذين يعانون من ضاهرة التمكريش والتمشرير يقومون الليل والتراويح ويصومو عادي لكن الله غالب بيت الداء يؤثر على بيت الفكر

وما تقوليليش انتوما ما توجدو والو لرمضان
 

quěěŋ ŏŏŏŏf gříěf

:: مشرفة ::
منتدى قضايا الأسرة والمجتمع العام
منتدى المطبخ الجزائري
طاقم المشرفات
إنضم
27 جويلية 2018
المشاركات
3,204
النقاط
1,891
محل الإقامة
من قلب الاحزان
الجنس
أنثى
السلام عليكم....
بصح علابالك وين تبلوكى صح زى تفتحى الثلاجات قبل رمضان وتلقايهم فارغين ونهار يبدا رمضان سبحان الله الكريم تتعمر الحالة ماشاء الله رغم هذا تلقى الغاشي داير اكتساح للحوانت يا رمضان كى يجى يجيب خيرو معاه ميجيش وحدوو
بوركتى عزيزتي على الموضوع الرائع
غير رانى بالتيليفون حالة تقشف يعنى ٨_^
 

يلوو شيش

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,284
النقاط
1,656
الجنس
أنثى
@ماغيكاي تشان
ياودي علابالنا كيما كامل الناس الوسائل اللازمة لاستقبال شهر الرحمة والغفران وهذا لا يختلف عليه اثنان
لكن الموضوع يتناول الجانب المضلم من حياة الجزائري قبل رمضان حيث يصبح مفترس
مع العلم انو حتى اللذين يعانون من ضاهرة التمكريش والتمشرير يقومون الليل والتراويح ويصومو عادي لكن الله غالب بيت الداء يؤثر على بيت الفكر

وما تقوليليش انتوما ما توجدو والو لرمضان
ياو المشكل في علابالنا ومنطبقوووووووووش
لانه اثم وذنب اعظم، لكن لما تكون جاهل امر اخر فالله لا يحاسب الناس حين يجهلون شيء الا ان كان من الامور التي يتوجب على كل مسلم معرفتها
اني قلت مانيش عارفة ومشفتش اللي يدير هكذا قبل رمضان من معارفي واذا كاينين منعرف
الله يبارك عليهم ربي يوفقهم ... انتم حكيتو كانهم ميديرو حتى حاجة استثناء الاكل والنوم ههههه
اما في حالة التمكريش نعرف ناس بلا رمضان مكراشين ياكلو مليار في النهار الله يبارك
نوجدو الاكل عادي ومعاه البوراك ووووو لكن امور عادية يعني وامور ناكلوها
منوجدوش حاجة مناكلوهاش ومن بعد نرموها في الزبل حاشاك وحاشا قدرك
كيما انا مناكلش البوراك ياكلوه هوما برك ميديروش حسابي وهكذا
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
يعطيك الصحة موضوع حقا في الصميم و كل عام نلقاو نفس المشكل
يعني سيدنا رمضان يجينا مرة كل العام الانسان يغتنم الفرصة باش يزيد ايمانو و يتقرب لربي سبحانوا صحيح انوا الواحد ممكن يتشهى بعض الاكلات و خاصة انو صايم و هذا بالنسبة للناس لي عندهم يصوموا غير شهر رمضان لانوا فرض لكن مالازمش سكون هذا الشغل الشاغل و يسن سنة سيئة
فمثلا يجي واحد داخل للسيبيرات يلقى الغاشي يشري و يعاود كيما قلتي و كانوا قريب المجاعة الغاشي تصرالهم عدوى تقول خلاص ... ياك المحلات راح تكون مفتوحة طيلة الشهر الكريم و حاجة ما راح تنقص عليهم العكس راح يزيدوا التبذير
هادا لي ميعرفش قيمة رمضان اما لي يعرفلوا راهوا يعيش مع نسائم رمضان و يتلهف لهذا الشهر الفضيل بالعبادة و القيام و التراويح و الدعاء عسى ربي سبحانوا يتجاوز عن اخطائنا و ذنوبنا اللي سهينا و غلطنا فيها

في الاخير نتمنى نكونوا من الاوائل لي ينالوا المغفرة و الرحمة من الله تعالى ..سلام
مساء النور حبيبتي وأهلا بيك نورتي
سعيدة انو الموضوع نال إعجابك، رانا نحاولو كل مرة نسلطو الضوء على ظاهرة اجتماعية سيئة ونحاولو نعالجوها.
وصح واش قلتي، لازم الإنسان يغتنم الفرص ويصلي ويصوم ويربي لسانو على قول الكلام الطيب، يحاول العيوب تاع العام لي فات يقضي عليها هاد العام، هادي صح لي لازم نخممو فيها ونجريو عليها ماش على الماكلة، الماكلة ناكلو طول العام، بصح الاجر المضاعف مايجيش كل يوم.
وحتى ولو الإنسان سخف معليش رانا بشر، السخفة تجيك على حاجة مثلا تحب تشري مرة على مرة قلب اللوز، ماشي تشري بالكيلوات والمشكل قبل حتى مايدخل الشهر الفضيل.
ربي يهدينا برك اجمعين، واللهم آمين عزيزتي
شكرا لكرم مرورك أسعدتيني ^^
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
والله يا الواحد ق توحش يرد على موضوع كما قلت مريومة مجاعة تضرب بلاد المسلمين الذين يقرؤون في القرآن (ولا تبذر تبذيرا) رمضان شهر القرآن ماهوش شهر المأكولات ولا المشروبات الواحد عمرو كامل وهو ياكل مي هاذ الاكل يروح مع الدود في القبر ويبقى العمل الصالح خاصة في رمضان اللي هو افضل شهر في السنة عند ربي سبحانه بالنسبة للعايلة تاعي مصروفنا ثابت طول السنة لكن في رمضان تتغير اشياء خفيفة صح كاين لحم وكاين بوراك ومشروبات مي في المعقول هذا فضل من ربي مشكورة على الموضوع وربي يجازيك بيه 😍😍 راني بالهاتف 😑
أهلا خويا حكيم مرحبا بيك، والله صح راهو حاكمنا التفنيين هاد اليامات هههه
وبالنسبة للموضوع يعطيك الصحة هادا لي قصدتو بالضبط، واشوا نتا كتبتو بالمختصر المفيد وانا كتبتو في جرنان ههه
وصح عندك الحق الاكل كاين على طول العام بصح الاجر المضاعف مايكونش يوميا ورمضان مايجيش يوميا، من المفروض هو لي نتلهفو فيه ونتلهفو على حجم الحسنات لي نكسبوها والسيئات لي نمحيوها.
وكيما قلت من قبل الإنسان بطبعو يسخف وهذا ما يخلي حاجة تزيد على الطاولة كيما قلتها لحم او مشروبات او قلب اللوز، مرة على مرة نضيفو حاجة ككل البيوت الجزائرية لكن ليس لدرجة الجهل، لو تروح للمارشي الصباح تاع اول رمضان تلقى الدنيا صحراء تقول جاز الجراد، وهكاك ربي يديرلك قسمك وتلقى رزقك يستنى فيك وتطيّب وتاكل عادي، الناس برك لي جاهلة.
نقولو ربي يهدينا ويهديهم ان شاء الله
وشكرا خويا حكيم على كرم المرور، اما حكاية الهاتف اسكت برك :'( رانا كامل في أزمة
تحياتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
السلام عليكم
موضوع رائع و عندي ما نحكي فيه
لي عودة باذن الله​
وعليكم السلام ورحمة الله وبركاته
أهلا بك حبيبتي أم أمينة الموضوع موضوعك والدار دارك
وقت ماتحبي ترجعي تردي مرحبا بيك ^^
 

أم سمسم

:: عضو منتسِب ::
إنضم
23 أفريل 2019
المشاركات
18
النقاط
3
العمر
30
محل الإقامة
الأمير عبد القادر
الجنس
أنثى
السلام عليكم

ههههههه و الله قتلتيني بالضحك

صح للأسف كاين ناس بزاااف هك و كي يوصل رمضان راهم نفس العباد لي تلقى لي بوبال تاعهم معمرين شكارة خبز كيما راهي بعد بلاوات من الطابلة لابوبال و كي تقوليلها يا ودي غذوة سخنيه و كوليه ..لالا ...جامي ..في رمضان ناكل المسخن هبلت ...كيفاه


او بلعقل عليك يا مخلوقة يطرطقلك كاش عرق

و لي يحيرني صح ..تلقاهم يشكيو من الغلا بصح هم اول الناس لي تشري

التناقض و التنوفيق

ربي يجيرنا


تقبلي مروري

و ربي يقدرنا على صيامه و يتقبل منا يا رب
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,624
النقاط
2,251
العمر
26
محل الإقامة
قسنطينة
الجنس
أنثى
@sami44 كيما قالت شيماء كاشما خليتلي نهدر ؟ كنت حاسبة روحي غير انا نهدر بالاجزاء والجرنان ظهر كاين لي كتر مني هههه
عجبتني غير عندو عقلية النمل ومافيا المطبخ هههه والله صح الكلام لي قلتو كامل صحيح، وفيما يخص تاع يجهزو الفريك والأمور المنزلية هادا أمر عادي يعني ليس مخالف لشيء، المخالف لما تدير حاجة خارج الطبيعة، الناس المشكل يخافو من الصباح تاع رمضان كي يلقاو كلشي تنفض ونساو بلي هوما السبب في ذلك ههه كن كل واحد يخلي رزقو على ربي مايصرا هاد الشي.
حنا في دارنا دايما الوالد يقضيلنا الصباح تاع رمضان ويقضي خصيصا ليوم او يومين برك، واذا كان مشغول يقضي قبل رمضان بيهم او يومين، والشربة نطيبوها على يومين يعني النةار التاني نسخنو برك اما نزيدو معاها بوراك او سلطة والحمد لله، والله نشبعو وناكلو والحمد لله الناس برك لي هبلت
شكرا على كرم مرورك وعلى ردك الكافي والوافي، راك هدرت على كلشي وكاشما تحب تزيد مرحبا بيك الموضوع موضوعكم ^^
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,238
النقاط
1,251
محل الإقامة
فالفيراج
الجنس
ذكر
ياو المشكل في علابالنا ومنطبقوووووووووش
لانه اثم وذنب اعظم، لكن لما تكون جاهل امر اخر فالله لا يحاسب الناس حين يجهلون شيء الا ان كان من الامور التي يتوجب على كل مسلم معرفتها
اني قلت مانيش عارفة ومشفتش اللي يدير هكذا قبل رمضان من معارفي واذا كاينين منعرف
الله يبارك عليهم ربي يوفقهم ... انتم حكيتو كانهم ميديرو حتى حاجة استثناء الاكل والنوم ههههه
اما في حالة التمكريش نعرف ناس بلا رمضان مكراشين ياكلو مليار في النهار الله يبارك
نوجدو الاكل عادي ومعاه البوراك ووووو لكن امور عادية يعني وامور ناكلوها
منوجدوش حاجة مناكلوهاش ومن بعد نرموها في الزبل حاشاك وحاشا قدرك
كيما انا مناكلش البوراك ياكلوه هوما برك ميديروش حسابي وهكذا
فكرتيني بالبوراك هذا هو المشكل الكبير في رمضان
زمان كان البوراك كيما الحبة تاع الياجور ومعمرة السلق والثوم. يا اليوم سميرة الي كلبت الغاشي جبدولنا وحد الخمسين نوع تاع بوراك تاع الفرامج وحدو وتاع الحشاوش وحدو وتاع الحوم بكل انواعها
وزيد تاع الشومبينيون وحتى تاع اللحم الحلو
مرات الواحد يروح ضيف يلقى6او7 انواع حتى يدير شادي مادي باش يبدا ياكل
وخلي وخلي ومازال ما لحقتلكش للسلايط راني نصبغ كي نكمل نولي
 
Top