والله تعبت ..حسبي الله و نعم الوكيل

الحالة
مغلق ولا يسمح بالمزيد من الردود.

أفراح الجزائر

:: عضو بارز ::
أحباب اللمة
إنضم
27 نوفمبر 2009
المشاركات
2,340
نقاط التفاعل
5
النقاط
77
السلام عليكم ورحمة الله
والله ياخاوتي قدما شفت تحملت وسكت ......لكن تعبت حسيتوا اليوم جبل حاملاتوا وكسرلي ظهري
وقصتي تبدا لماتنقلنا لتلمسان .....جرالي بابا على خدمة ...والحمدولله
في نهارالأول شفت الناس مخلطة والتمنشير داير حالة .....قررت نحكم بيرويا ونلتا بخدمتي
ومابيني وبين الزملاء غير الخير ومساء الخير وشوي ضحك .....معايا في المكتب سيدة عندها بنتين ولد .....كي لبنات يتلموا عندها ويبقاو يحكيو....أنا نحمل وراقيا ونروح لبيرو سي فلان
ولم نخلص خدمتي نرجع نقعد معاهم
عدت يام على هذا الحال وعادي جامي تنشعت ...قبل سمانة عيطلي المدير في المكتب وردت عليها هذه السيدة وقالتلو
" خرجت "
خلصت العمل وطلعتو للمدير ....فاجئني وقالي ...أنت وين كنتي ...هذا مكان عمل محترم ونتي خارجا داخلة ومطيشة العمل ديالك
شوكاني ...لكن قلتلو الحقيقة ..وقالي سمحيلي بنتي .....وفاتت نورمال .....في اليوم التاني
على الصباح علق اعلان للموظفين يمنع فيه التجمعات في المكاتب
لكن للأسف كلشي طاح على راسي وبدات الوشايات أني أنا السبب .....وصلت قلة الأخلاق بهذه السيدة أنها تتهمني في شرفي وتقوللهم "الله أعلم واش راهو يصرا في بيرو فلان "كانت صدمة كبيرة ليا لكن طنشتها وقلت خليها تهدر .....لأني خلاص كنت قررت في حياتي مانزيدش نبكي ومانزيدش نعمر راسي بهدرة الناس كنت ندخل نضحك ونخرج نضحك......همي الوحيد رضا والديا عليا في هذه الدنيا .....واليوم سمعنا خبر وفاة وليدها لي في عمرو9أشهر قالولي طاح من الطابق الرابع .....في ديك الدقيقة طيشة خدمتي ....ورحت لعندها ...لكنها قزاتني وطردتني من دارها
مانيش عارفة واش كنو يقلولها لبنات وكامل دور وجوهم ...ولاوحدة فيهم قلتلي حتى الخير
غاضتني لأنو هد البنات نفوت معاهم 8ساعات عمل يعني كتر من الوقت لي نعديه مع يما في الدار
والله خرجت من عندها وأنا تايها وتمشيت بزاف وكي وصلت لدار غلقت على روحي فالبيت...
ومزالني غالقا على روحي ونبكي على هذ الزهر لي عندي
سامحوني خاوتي لكن والله قلبي تعمر بزاف اليوم وترددت بزاف باش نكتب ........والله اليوم راني نقول الضربة الجايا منين راح تجيني
كنت نقول لازم لي في قبلبي يبقى في قلبي ...لكن ماقدرتش راح يخنقني
 
اختي راهي هذه الظاهرة متواجدة في كل الادارت سواء حكومية او بريفي واصبحت دايرة مشكلة كبيرة وياريت يفهموك كان جيتي مع الحق وقلتي راهو مكان عمل ماش تجمعات ماش راح يفهموك حنونتي ويديروا اللوم كامل فيك امالا ننصحك انا كنت في هذا الموقف مع لبنات الى نخدم معاهم لكن تو خدمتي ونخرج خدموا ولا ماخدموش قسروا ولامقسروش المهم خدمتك اخدميه الباقي مايهمكشي
اما بالنسبة للطرد وكلي عليها ربي لانك ربحتي لأجر وهي ربي وكيلها وانا الي حيرني ولدها ميت وهي تطرد ربي يهدي والله الناس وين رايحة ترجع للخلف
 
آخر تعديل:
ماتقلقي روحك ما والو انتي درتي الواجبة وربي عارف صدق نيتك وهوما يبلطو لبحر ياخي ولا لا ما تتقلقيش هاذو هو زمانا ولازم نعيشوه بحلاوتو وبمرارتو.
 
السلام عليكم اختي نوال والله قصتك مؤثرة جدا
لكن أنا أريد اختي تريها من الناحية الايجابية
كل ماجرى لك من عند الله
وهذا هو حال البنت المتربية دائما تواجه صعوبات في أي مكان تذهب اليه وهو حالك
انصحك اختي أن تكوني أكثر قوة لأني أعرفك لاتنهزمي بسرعة انت قوية وتمسكي بحكم الله وقضائه
اما عن وفاة ولد هذه المرأة والله هو قضاء الله وقدره لادخل لك انت فيك
ولكن الناس اصبحت ترى الأمور بمنظور مختلف
كيف يعقل أنت تكوني أنت سبب الوفاة
انصحك اختي الغالية ان تنسي ماجرى
وأهم شيء وأعيدها أهم شيء
هو احترام مواعيد عملك وادخلي الأولى الى عملك وأخرجي انت الأخيرة
ولاتعطي لأي كان فرصة الحديث معك
لأنهم سيكيدون لك شيء ما لاقدر الله
المهم الحرص أختي نوال
وبالله عليك طمأني أخوك
ان شاء الله خير
وهذا كله مجرد امتحان من الله عز وجل
فتمسكي بالله اختي نوال وسترين العجائب
بالتوفيق
والله مشاعري الخالصة وتحياتي كلها معك ولك أختي

 
حسبنا الله ونعــــــــــــــــم الوكيل​
 
يا اختي هذه احوال الناس يا تمنشري معاهم وتلمي كل يوم شكارة ذنوب يا يجيبو عقابك ويهبلوك
المهم انت اعملي ودن عروسة كيما يقولو
لا تحتكي بهم ولا تقع في اخطاء يكيدو لك بها وربي ينحيهم من طريقك ان شاء الله
الهم ادى او في كل بلاصة
 
اختي راهي هذه الظاهرة متواجدة في كل الادارت سواء حكومية او بريفي واصبحت دايرة مشكلة كبيرة وياريت يفهموك كان جيتي مع الحق وقلتي راهو مكان عمل ماش تجمعات ماش راح يفهموك حنونتي ويديروا اللوم كامل فيك امالا ننصحك انا كنت في هذا الموقف مع لبنات الى نخدم معاهم لكن تو خدمتي ونخرج خدموا ولا ماخدموش قسروا ولامقسروش المهم خدمتك اخدميه الباقي مايهمكشي


اما بالنسبة للطرد وكلي عليها ربي لانك ربحتي لأجر وهي ربي وكيلها وانا الي حيرني ولدها ميت وهي تطرد ربي يهدي والله الناس وين رايحة ترجع للخلف
والله أحسن نصيحة بارك الله فيك ..... ماعدش يشوفوني خلاص ..... والله ياهذ لعشيا 5 حبات براسيتامول وماكفاوش .....واش راح نقول ربي يهديهم

حسبي الله و نعم الوكيل
تعرف نهاري كامل وأنا نقول فيها ....شكرا أخي وبارك الله فيك
 
ماتقلقي روحك ما والو انتي درتي الواجبة وربي عارف صدق نيتك وهوما يبلطو لبحر ياخي ولا لا ما تتقلقيش هاذو هو زمانا ولازم نعيشوه بحلاوتو وبمرارتو.
والله زمان .......الله يعطيك الصحة حنونتي ...وشكرا على الرد
 
السلام عليكم اختي نوال والله قصتك مؤثرة جدا

لكن أنا أريد اختي تريها من الناحية الايجابية
كل ماجرى لك من عند الله
وهذا هو حال البنت المتربية دائما تواجه صعوبات في أي مكان تذهب اليه وهو حالك
انصحك اختي أن تكوني أكثر قوة لأني أعرفك لاتنهزمي بسرعة انت قوية وتمسكي بحكم الله وقضائه
اما عن وفاة ولد هذه المرأة والله هو قضاء الله وقدره لادخل لك انت فيك
ولكن الناس اصبحت ترى الأمور بمنظور مختلف
كيف يعقل أنت تكوني أنت سبب الوفاة
انصحك اختي الغالية ان تنسي ماجرى
وأهم شيء وأعيدها أهم شيء
هو احترام مواعيد عملك وادخلي الأولى الى عملك وأخرجي انت الأخيرة
ولاتعطي لأي كان فرصة الحديث معك
لأنهم سيكيدون لك شيء ما لاقدر الله
المهم الحرص أختي نوال
وبالله عليك طمأني أخوك
ان شاء الله خير
وهذا كله مجرد امتحان من الله عز وجل
فتمسكي بالله اختي نوال وسترين العجائب
بالتوفيق
والله مشاعري الخالصة وتحياتي كلها معك ولك أختي
والله ياخويا محمد كاين شي عباد يحبسولك قلبك ....صدقني تعيا تلملهم وطنش فيهم هكدا ويفقعوك
بخبثهم يا حافيظ ....والله ليوم أحوالي مكانتش تعجب خلاص مي واش راح نقول غير حسبي الله ونعم الوكيل
وايه عندك الصح لازم ننسى
صدقني خويا محمد والله كي ضيق بيا ديما نلقاكم معايا ربي يخليك ......
 
والله يلا بكيتيني يا ختي

هاد الشي ماتلها ولدها وما نعلتش الشيطان توصل تطردك من دارها قولي حسبنا الله ونعم الوكيل وخلي امرك لربي انا تاني كيفك معنديش الزهر مع لبنات جايبينها مورايا حتى لي ميعرفونيش بصح ماعليش ربي خير
 
أختي المهمـ أنك واثقة من نفسك و والديك واثقين فيكـ
دعي عنك الباقي و حافظي على دينكـ
و ربي يكون في عونكـ
 
أختي الغالية خلي اسمك يكون على مسمى اسمك شباب خلي ياماتك أفراح واضحكي وخليك من هدرة النسا رانا بنات ونعرفو المرا وش قادرة دير غير بلسانها وهاذو مايكونو غير غايرين منك وحاسدينك كي جيتي صغيرة وخدامة وتخافي ربي وخاطيك الهدرة الزايدة نصيحة ليك زدتي عرفتيهم خليك منهم واخدمي خدمتك ربي معاك حنونة
 
وكلي ربي ختي الحبيبة
و اجرك على الله

فلربما كان ابتلاء
و الحمد لله الذي لا يحمد على مكروه سواه
 
والله شكرا على الردود لي بلحق ريحتني ......ربي يخليكم ويحفظكم
راسي كان راح يتفجر ...
قاع ونهار اليوم لازم نمحيه خلاص .....ونوكل ربي عليهم
 
السلام عليكم

اولا شافتك صغيرة ونافحة في الخدمة وهوما مايحبوش ليدخل من وراهم ويخدم
وبلاك راهم يقولو انك حابة توري روحك للمدير انك افضل منهم ويرقيك لمنصب افضل

الغيرة راهي تقتل يا ختي
مي انت وثقي صلتك بالله مليح وتوكلي عليه وكثري من الذدكر والدعاء
وكاين اذكار الصباح والمساء اعتمدي عليها
راح تقيك من الحسد والشر

اما واش راهم يديروا
يا ختي رانا في وقت القيل والقال
الكلام يدخل من اذن ويخرج من اذن
اقتليها بالقدر

اما الطرد من المنزل
انا ناكد لك ان هذا المرأة قلبها قاسي ولكن تشوفي اولادها تلقاهم يعانو معاها
يرحم الله والديكم كيفاش امرأة ابنها متوفي ومزال قلب قاسي
لان اي انسان عندما يمت له قريب تجده لين الى درجة كبيرة
انت ربحتي اجر
وهي تخبط راسها على الحيط

وعلاش تغلقي على روحك
وراك جاوبتي روحك المهم ترضي رب العالمين ووالديك
ورضاء الناس غاية لا تدرك
ونقولك
عندك وقت خدمة احكمي بيروك والسلام

شكرا
ربي يوفقك ويجازيك
ويبعد عليك كل المحن

السلام عليكم
 
اختى مزال يجى نهار و يعرفو بالى مكيش انت السبة و بالى غلطو فى حقك ما تقلقيش روحك عيشي حياتك عادى و خليهم يحسو بالخطا تاعهم و كلى عليهم ري
واش نقولك ربي يكون فى عونك اختى
 
ربي يهدي ما خلق حسبنا الله ونعم الوكيل
 
حسبي الله ونعم الوكيل
 
وكلي ربي هاذا ماديري
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top