السلام عليكم ورحمة الله
مكاش أحسن من تحية الاسلام ...فردو السلام :surrender:
كل واحد فينا عندوا حياتوا الخاصة لي يعيشها خارج النت ..مثلا أنا وأعوذ بالله من كلمة أنا.... نخدم النهار كامل ونصادف مشاكل لا تعد ولا تحصى في العمل كيما أي واحد فيكم يعمل يدرس .....أو حتى مريح كاين لي حاسب روحو قافز (أيوا كيفاش فلان يهدر فيا وما نردش عليه خلي دوك أنا تاني نعطيه زوج كلمات في حنكوا ) وتبدا المباراة والناس تتفرج وتقول ياخي عقلية ياخي وقتاش يكبروا ....:glare:
وكاين لي مسكين مخلوش فيه من التقطاع ..هكا وتلقاه يسمع ويطنش وعايش حياتو بطول والعرض يخدم يتعب يضحك يلعب وباقي بقيمتوا ولي حاب يطرطق يسير لهيه :closedeyes:
ماعليش يسكت النهار كامل باسكوا داير في بالوا راح يوصل لدار يدخل للمنتدى يلقى حبابوا لي يحكي معاهم بحرية وبصراحة :yahoo:
ماحبيتش نكتب هذا الموضوع لكن تحتمت
1-كنت فرحانة ليوم ونستنى غير وقتاش ندخل للمة ونحكيلكم لكن للأسف ديما كي نفرح نخلصها غالي (صدقوني رني نضحك على روحي ونكتب باسكو ديما كي نفرح بزاف نخلصها حتى رجعت نقول ربي يستر وماتخرجنيش هذ الضحكة ضربة)وعمري ما توقعت الضربة تجيني من عند أول صديقة عرفتها في اللمة قستيني بزاف ربي يسامحك(نصيحة ليك وليا ولكل انسان ...ماتحكيش على انسان بالعاطل حتى تعاشروا ....حتى واذا عاشرتوا مراحش تعرفو ...باسكوا كاين غير ثلاثة لي يعرفوه يماه وباباه ومرتوا أو زوجها)
يعني مكالاه تربح العيب مع الناس
2- "رأيي خطأ يحتمل الصواب رأي غيري صواب يحتمل الخطأ "
....يعني كي نرد في موضوع ونكون صريحة صاحب الموضوع ماتعجبوش رغم أنو موضوعو والله قيم ويستاهل النقاش :thumb_up1:لكن للأسف صاحب الموضوع حاب ردك يكون (جبتها والله غير عندك الحق أو أي كلام المهم ما تعارضوش) أيا قلولي ونها الصراحة لي 80 بلمية من الأعضاء قالو نحنو صرحاء ونحبوا الناس كامل تكون صريحةمعانا حتى ولو الصراحة راح الضرنا ياو الصراحة راحة ففففففف الخ:thumb_down:(وكاين مواضيع بزاف تشهد بحبكم لا محدود للصراحة :music_whistling: )
3- تفكرت وحد العضو الله يذكرو بالخير كان كاتب في توقيعوا
موضوع قيم****** ردي قيم
موضوع تافه******ردي أتفه
لكن الحمدوالله كي نلقى موضوع هادف وعندوا معنى ردي ديما عندو معنى
وكي نلقى موضوع ماعندوا حتى معنى أوكاتبو صاحبوا لغرض الضحك وعلاش يلومني اذا ضحكت ؟؟؟؟؟؟
4- أصحاب المواضيع لي مايقيموش الردود (ياسيدي قولي غير شكرا على المرور )يعني أنت تكرمت ورديت في موضوعوا وهوا يقولك ماعلاباليش بيك(مانيش نحكي على المواضيع الفكاهية باسكو موضوع تاع ضحك اذا رديت راح يكون ضحك)راني على الردود الجدية هاك وتلقاه يطنشك..أنا نعرف ليها معنى واحد :music_whistling:...مانيش قابلك في مواضيعي...وهذا النوع أنا نقولو ياسيدي لك ما طلبت بكل روح رياضية:wink: (ياخويا مراح تنقص مني والوا اذا مارديتش في موضوعك)
وأسفة على الازعاج ....وربي يعينكم
سمحولي كتبت الموضوع دون تفكير باسكوا المورال عاد في 0000
صح نضحكوا لكن عمري ماقست أي عضو
كي الانسان عاد يكذب حتى على روحوا ....فعلى الدنيا السلام
وتبقاو على خير ....مراحش ننساكم
صح نضحكوا لكن عمري ماقست أي عضو
كي الانسان عاد يكذب حتى على روحوا ....فعلى الدنيا السلام
وتبقاو على خير ....مراحش ننساكم
آخر تعديل:
