°~فيـ خآطــــــــــــــــــر الصغيــــــــر صهيبـ وكلـ من قصته مشآبهة**

[عاشقة رجاص]

​

مسآء الخير عليكم
وآش رآكم ؟
إن شآء الله بخير
والله قبيلـ كنت نتفرج مع النو وهي تصب/الحمد لله على النعمة هذي ربي يدومهآ/
حتى جآ فيـ بآليـ ,,,,,,,,,,,,,,,,,,,** صهيب**
شكونـ صهيب؟؟
صهيب هذآ هو طفلـ صغير عمرو 7 سنينـ
عآيش معآنآة أكبر من عمرو ببزآآآآآآآآآآآف
صهيب جمعتنيـ بيه الصدفة
مآكنتش نعرفو
ولآ يقربنيـ
لآ هو جآري ولا من معآرف معآرفيـ
صهيب تعرفت عليه منذ شهر تقريبآ
ومن هذآك النهآر كون مآنشوفوش كلـ يومـ مآنقدرش نكمل اليوم
وحد النهآر نضت الصبآح عآديـ
وجدت روحيـ هزيتـ سآكي ومشيت لليسي مي مشيت بكري بزاف قلت نفوت على المكتبة نحتاج فيها حوايج
المهم كي قربت نوصل لقيت الطريق مكوبيآ ,,,,أشغآل عمومية:busted_red:
عآودت رجعت وبدلت الطريق وآنآ مآشية شفت طفل صغير
وجهو منور وبوgوص يهبل ماشاء الله عليه:angel: لابس جوكينـg مكتوب فيها ,,,,,,,,,,
أكيد algeria :wink:
المهم هاد الطفل اللي يهبل:yahoo: فتح باب دارهم وكان هاز محفاظتو وقال :
مانروحش نقرا واخبطي راسك للحيط يا ماما:scared: وقولي لبابا واش تحبي أنا نكرهككككككك:scared:
يايماآآآآ واشي هذآ واش بيه هاد الطفل؟؟؟؟
صغير ودخلتلو فهامة مانروحش نقرا:closedeyes:
لاااا وقال لماماه أخبطي راسك للحيط وزاد قالها نكرهك
ياخاه واش بيه:sneaky2:
أنا تجمدت في بلاصتي وقعدت حايرة:tears:
مافقت بروحي غير كي شتو هز حجرة قد راسي من اللرض وحاب يضرني:scared:يا بسم الله الرحمن الرحيم واش ندير نعيط ولا نهرب ولا واش :crying_1:
قتلو واش بيك حبس نهدر معاك دقيقة:surrender:
قال: وعلاه راكي تشوفي معايا هكذا؟؟:sneaky2:
قلتلو والله والو عجبتني بوgوص ومنور الله يبارك:fish:
ومبعد فتحت ساكي وعطيتلو 5حبات حلوة:heh:
والحمد لله طيش سلاحو النووي الخطير اللي كان يهدد حياتي:bored:
وحكم الحلوة وقالي ميرسي طاطا :scared:
راه ظريف ياسبحان الله
ومبعد ستغليت الفرصة وسألتو
أنت وين تقرا؟
سمالي مدرسة قريبة من الليسي تاعي قلتلو هيا مالا نروحو كيف كيف
وفالطريق جرا بينا حوار والله غير بكاني
وقطع قلبي بكل صراحة
طبعا بدينا الحوار كي سقسيتو وعلاه قلت لماماك هكذا؟
قالي مهيش ماما راهي مرت بابا
قلتلو ماعليهش بالصح راهي تحبك
قالي راهي تكرهني وكل يوم تقولي روح عند ماماك علاه راك مسودلي حياتي
قلتلو لالا راهي غير بفمها برك تهدر
مي في قلبها تحبك شوف كيفاه ملبستلك بيان ومجعتك بوgوص
الي مشي هي هذي ختي
ومبعد طاحت الدمة من عينو
قالي ختي قدك حبستها مرت بابا من لقراية باش تقعد تخدملها فالدار وكون ماتخدمش تضربها
لاحول ولاوة إلا بالله
قلتلو وباباك
قالي نشوفوه من الليل لليل
وكي يجي يروح طول لمرتو يسقسيها واش درنا
ويجيب تويو ويبدا يضرب فيا كي يخلص يروح لحنان ختي​

لاحول ولاوة إلا بالله
وين راهي الرحمة والله غير بكاني فالطريق
ولقيت روحي نقولو وماماك
ضحك ضحكة وقالي في تونس
تزوجت ورحلت هي وراجلها لتونس
وديجا اخطيني منها
مرة بابا ضرب حنان جرحها راحت عند ماما
قالتلها نتيا وخوك مانحبش نشوفكم نكرهكم
تفكروني فالهم باباكم:tears:
هنا صهيب بدا يبكي
وأنا نبكي وسط الطريق
تقطع قلبي عيه
والله صغير
يحتاج أب يحميه
وأم تضمو
تخيلو هاد البراءة هذا كون يطيح في يدين ولاد الحرام واش يدرو يديرو
ياجماعة كامل لكلام اللي قريتوه خرج من فم طفل
عمرو 7 سنين
مالايكة ياعباد ربي
واش بيها القلوب ولات حجر
7 سنين تعرفو واش معتنها 7 سنين
راه كون يكبر في هاد الوضع
قادر يدير حوايج غير ربي اللي يعلم بيهم
صهيب حكالي حوايج بزااااااااف
مي المرة الجاية إن شاء الله نكملهم
باسكو والله غير راني نكتب فالموضوع وقلبي يتقطع

​

​

 

[احمد الصحراوي]

لاحولاولا قوة الا بالله
يالطيف قطعتلي قلبي معاك
انا نقراء ونتخيل فيه قدامي

 

[Elif DZ]

ربي يكون في عونهـ و ما أكثر أمثالهـ و ربي ماش رح يسيبهمـ أبدا
​

 

[عاشقة رجاص]

لاحولاولا قوة الا بالله
يالطيف قطعتلي قلبي معاك
انا نقراء ونتخيل فيه قدامي

والله يا أخي أحمد طفل يقطع القلب
وجه ملائكي وقلب معمر
ربي يعينو هو وأمثالو
شكرا على المرور أخي
بارك الله فيك​

 

[عاشقة رجاص]

ربي يكون في عونهـ و ما أكثر أمثالهـ و ربي ماش رح يسيبهمـ أبدا​

آميــــــن يارب
ونعم بالله
ارحموا من في الأرض يرحمكم من في السماء
بارك الله فيك اختي الحبيبة
شكرا جزيلا​

 

[عاشقة رجاص]

شكـــــــــــــــرآ
لكل من زآر الموضوع
حتى وإن لم يترك ردآ فيه​

 

[MARIA_4algeria]

لاحول ولاقوة الا بالله كاينين عباد قلبهم حجر
شكرا لكـ​

 

[الأسمر]

الله اكبر لا حولا ولا قوة الا بالله
ولله انفطر قلبي من هذه القصة
يعني شوفو وواش ذنب لولاد كما يتفهموش
الوالدين وينفصلو ووين يصبح مصيرهم
وهذا كامل ونقول وعلاش ولادنا يخرجو
مهمجين ويضلمو الناس الله يهدينا برك​

 

[DARINE05]

يا عمري قطعتيلي قلبي هذا باباه و ماماه يتحسبو عند ربي يوم القيمة عطهم امانة معرفوش يحفضو عليها

 

[fufa22]

يعجز اللسان عن التعبير
والله ما عرفتش واش نقول
ربي يستر مع الوقت الحالي
​

 

[*amina*]

والله يا اختي قطعتي قلبي بهذه القصة لانو كاين شي ناس راني شايفتهم يعيشو هذي الحالة واكثر من حالة صهيب بكثييييييييييييير اكثر مما تتصورين يا اختي
ربي يفرج هموم الناس

 

[حسان2010]

لاحول ولاقوة الا بالله
والله ماعرفت واش نرد
ربي يسترنا

 

[MIDO.DODO]

:tears:
هاذو والديه ماعندهمش قلوب
لا حول و لا قوة إلا بالله
راهم يتحاسبوا عند ربي على الشي الي داروه في ولادهم

​

 

[محمد.م]

لم أفهمها بتفاصيلها لأنني لا أجيد هدرتكم

لكن فهمت مضمونها ككل

عاشقة الرجاص أدميتي قلبي بهذه القصة ولكن قرأت ضمن السطور طيب مابعدها طيبة فيكي

ورقة قلب غير طبيعية

ماذا يحدث بمجتمعاتنا ومن أين صدّرت لنا هذه القسوة

أنا برأيي أن تكون هناك جمعيات تتابع هؤلاءا لأطفال بشكل غير مباشر كما تابعتيه أنتي
ثم تسارع في حلول مشاكله

أخيرآ أود أن اشكرك يا طيبة القلب ونقية السريرة

أشكرك على شفافيتك برواية ماحدث

وأقول أخيرآ

لا حول ولا قوة الا بالله العلي العظيم

تحياتي واحترامي لك

 

[عاشقة رجاص]

محجوووووووز​

لم أفهمها بتفاصيلها لأنني لا أجيد هدرتكم

لكن فهمت مضمونها ككل

عاشقة الرجاص أدميتي قلبي بهذه القصة ولكن قرأت ضمن السطور طيب مابعدها طيبة فيكي

ورقة قلب غير طبيعية

ماذا يحدث بمجتمعاتنا ومن أين صدّرت لنا هذه القسوة

أنا برأيي أن تكون هناك جمعيات تتابع هؤلاءا لأطفال بشكل غير مباشر كما تابعتيه أنتي
ثم تسارع في حلول مشاكله

أخيرآ أود أن اشكرك يا طيبة القلب ونقية السريرة

أشكرك على شفافيتك برواية ماحدث

وأقول أخيرآ

لا حول ولا قوة الا بالله العلي العظيم

تحياتي واحترامي لك

:tears:

هاذو والديه ماعندهمش قلوب
لا حول و لا قوة إلا بالله
راهم يتحاسبوا عند ربي على الشي الي داروه في ولادهم ​

لاحول ولاقوة الا بالله
والله ماعرفت واش نرد
ربي يسترنا

والله يا اختي قطعتي قلبي بهذه القصة لانو كاين شي ناس راني شايفتهم يعيشو هذي الحالة واكثر من حالة صهيب بكثييييييييييييير اكثر مما تتصورين يا اختي
ربي يفرج هموم الناس

لاحول ولاقوة الا بالله كاينين عباد قلبهم حجر​

شكرا لكـ

يا عمري قطعتيلي قلبي هذا باباه و ماماه يتحسبو عند ربي يوم القيمة عطهم امانة معرفوش يحفضو عليها

يعجز اللسان عن التعبير

والله ما عرفتش واش نقول
ربي يستر مع الوقت الحالي​

السلام عليكم ورحمة الله وبركاته:
بارك الله فيكم كامل
والله غير قريت ردودكم كامل وفرحت بزاااف بيهم
الله غالب الدنيا ماتعرف لاصغير ولا كبير
بالصح كاين ربي ومازال كاينة الناس اللي فقلوبها الرحمة
وصهيب راه يسال عليكم وقالكم الحلوة كثرو منها راني نحبها:yahoo:
شكرا جزيلا لكم
والله فرحت بردودكم
شكرا
​

 

[BOUSS]

سلام عليكم ختي بصحة والعافيا عليك والله قصة محزنة للاسف لولاد ديما الي يدفعو
فاطورة الطلاق والمؤسف يزيدو ايظيعولهم الصغر امعاهم والديهم في قلبهم سم همهم غير المعيشة الجديدة ندعو ربي يحفظ هاذي الذرية من كل شر ونتي ما قلتليش تروحي
تقراي بالحلوة زعمة ليك ولا لذراري ههههه تهلاي في روحك ختي وربي يقدرك للخير ان شاء الله

 

[عاشقة رجاص]

سلام عليكم ختي بصحة والعافيا عليك والله قصة محزنة للاسف لولاد ديما الي يدفعو
فاطورة الطلاق والمؤسف يزيدو ايظيعولهم الصغر امعاهم والديهم في قلبهم سم همهم غير المعيشة الجديدة ندعو ربي يحفظ هاذي الذرية من كل شر ونتي ما قلتليش تروحي
تقراي بالحلوة زعمة ليك ولا لذراري ههههه تهلاي في روحك ختي وربي يقدرك للخير ان شاء الله

وعليكم السلام ورحمة الله وبركاته:
أهلا بيك خويا BOUSS الله يسلمك إن شاء الله تكون بخير
عندك الحق خويا ديما الأبناء يسلكو ويدفعو ثمن أخطاء الآبآء
هههههه والله ربي كي يدير مانعرف علاه حطيت الحلوة في ساكي
تقول حسني قلبي
ربي يعيشك خويا بوص ويخليك وسلملي بزاااف على بنيتك لويزة
والبوgوص خوها ربي يخليهوملك يااارب​

 

[iméne09]

قطعتيلي قلبي راهم كترو بزاف عباد كما هادو مراهمش قد لولاد و علاش يجيبوهم يعدبوهم في هدي الدنيا ماعندهمش رحمة في قلوبهم ياك ولادهم مراهمش برانيين شفتي كي يطلقو الوالدين يخلصوها غير لولاد ربي يسترنا ​

 

[عاشقة رجاص]

قطعتيلي قلبي راهم كترو بزاف عباد كما هادو مراهمش قد لولاد و علاش يجيبوهم يعدبوهم في هدي الدنيا ماعندهمش رحمة في قلوبهم ياك ولادهم مراهمش برانيين شفتي كي يطلقو الوالدين يخلصوها غير لولاد ربي يسترنا ​

أميـــــــــن يارب أمونة ختي
ربي يهدي ماخلق
شكرا جزيلا على مرورك حبيبتي
ميرسي​

 

[AnGeL*dZ]

شفتي ا جوجو ولا كل وآحد يخمم في صلاحو
ياو حتى الام والاب سمحو في ولادهم وش بقى
ربي يجيرنا
مش قادرين يحتملو مسؤلية ولادهم
ربي يهديهم هذا الزمن غريــــــــب
مافهمت فيه انا والو

​