الخبزة وماأدراك ما الخبزة

[sahiko hamza]

سلام عليكم ورحمة الله




هلاو عليكم كي دايرين راكم ملاح
الحمد لله أول مرة ندخل منا مي راح نجرب ونحطلكم موضوع وياربي يكون فيه التفاعل منكم ...




قالك الخبزة في 2010 كي ولات


عدنا كي تونس والمغرب ولينا طبقات

طبقة الشريكات ( الأغنياء )
طبقة لي موايان ( المتوسطين )

وطبقة الزوالي ( الفقراء )
وطبقة لي عايش برحمة ربي


مي كلهم ياكلو في نفس الخبز وكل خبزهم حار يعني ( مذاقه حار )
نبداوها بلي عايش برحمة ربي هذاك مسكين ماتعرف كيفه جاب خبزتو ولا مدوهالو

الزوالي : يدور يخدم النهار كامل هو وأولادو معاهم مرتو وياربي لا قدرة ياكلو الخبز

لموايان ماتلقاهش مريح معليش ياكل الخبز مي يحوس ياكلو مريح مشي كيما راه ياكل فيه في 2010


أسيدي نروحو لشريكات : هذوك بزاف ناس غالطة فيهم
حاسبينهم يجبدو الدراهم من الشومبرة وهو وش نقلك


الخبز لي ياكل فيه شابع عليه رخس

قد مايكون شخصية كاين لي أقل منو راح يرخسو وأحنا ربي يبارك نيفنا gزاز
ويعود يشارشيلو ويخدم أكتافو وأكتافو تخمم لبعيد لأنو خبزتهم راح تروح كونيغلط ....


هذا كامل على الخبزة






وقت بكري الخبزة كانت ساهلة
وقتنا ذرك ماتكلها تشبع عليها رخس










نشفى لجدي قال لعظم تاع الماعز لميت كي نلقوه فلرض يكون مزال مدهون
مي ذرك عظم تاع أي حيوان تعديلو ميمبا 2 سومان تلقاه ناشف مافيه حتى نسبة من الدهون ...



علاش ؟؟ هي أسئلة تطرح روحهــا في عقلية DZ

لأنها ماتاكل الخبز غي تشبع رخس




مانروحوش لبعيد

تلقى مراقب في إكمالية كي يعود يحكي مع المدير تاعو تلقاه يضحكو و و
غي يروح في لمان يبدى المونشار يخدم


تروحلو أنت على مشكل مع معلمك يشوف معاك يشوف معاك يقلك روح ماتزيد تعاود وتروح أنت ولا انتي فارحة وتقولي راني رضيتو بكلمة وهي فالصح والو


يقول المدير يرخس فينا وانا نخدم خدمتي مالا والو
خليها تخلى وسيبون









الخبزة في DZ وش نقلكم



مالا كي تجيك الماكلة حارة ولا ماتعجبكش خمم في يماك وباباك وقول ربي يعينهم وماتبداش تدير فالحس و و و لأنها ماجات لدار غي لقا الف مشكل ومشكل باه تاكلها انت ...





نتمنى نكون وصلت المعنى



الله غالب رانا ديزاد
​

 

[sahiko hamza]

شفتو الخبزة كي دايرة
​

 

[Cow-boy]

​

الخبزة ثاني ولات دونجي
واش تحب خويا راك في بلاد كل شيء ممكن و بلاد الله غالب​

 

[sahiko hamza]

بلاد الله غالب ههههههه
وي صح مي شا راح دير خويا
​

 

[زينوبة زيزو]

الخبزة الخبزة الخبزة الناس تحوس على الخبزة والخبزة ولات مخبزة لاحول ولا قوة الا بالله العلى العظيم
دزاير راهى ولات خبزة ولا كسرة​

 

[غفرانك ربي]

يعطيك الصحة على السوجي بزاف يقيس وصح كاين بزاف اللي يتشرط على ذيك الخبزة الله يهدينا وخلاص
موضوع راق جدا يامشجعي سلمت يداك:ax_flw::ax_flw::ax_flw::ax_flw:

 

[Queen of hope]

هاديهي الخبزة خويا

و هادي هي الدزاير

اش غادي نديرو ، رانا قاع فانيين و الدنيا فانية و يا سعدك يا فاعل الخير

شكرا لك على الموضوع

 

[sahiko hamza]

الخبزة الخبزة الخبزة الناس تحوس على الخبزة والخبزة ولات مخبزة لاحول ولا قوة الا بالله العلى العظيم
دزاير راهى ولات خبزة ولا كسرة​

ايه حبيبي شكرا على ردك :closedeyes:
​

 

[parkour14]

الخبزة

هااا راهم يقولوا اخدم على شرك تجيب خبزتك

شكرا لك اخي
​

 

[sahiko hamza]

يعطيك الصحة على السوجي بزاف يقيس وصح كاين بزاف اللي يتشرط على ذيك الخبزة الله يهدينا وخلاص
موضوع راق جدا يامشجعي سلمت يداك:ax_flw::ax_flw::ax_flw::ax_flw:

شكرا على كلامك الجميل :wink:
​

 

[ولد بلاد]

قول الحمد الله خو ماراكش عايش في الصومال ولا نيجيريا :yahoo:
ماكانش مام طرف قماش تستر بيه روحك

شفت اصايكو كيفاش دايرة الدنيا ؟​

 

[simou11]

هذي هي الخبزة في دزاير
أدي و لا خلي