- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ورحمة الله وبركاته
هههههه قتلتيني ضحك الله يعطيك الربح، والله هاد الموضوع عندي شحال من لي شفتو وكل مرة نقول نردّ وننسى هيا اليوم قلت نجاوب بحول الله،
وصراحة هو موضوع جد مهم وفيها معزى ومعنى لحياتنا اليومية، خاطر حنا شعب بكل صراحة ياكل برك، كيما قلتيها يفطر بالبريوش والقاطو لي بقا
من عرس خوه ويزدم عليها روس، والغدا يدخل الخبز في كلشي، ياكل المقرونة بالخبز الشخشوخة بالخبز الكسكس بالخبز، ويزيدلك قهوة لعشية
مع الحلويات وعشاء بالدجاج واللحم، أنا صدقيني مانقولكش أكلي صحي مائة بالمائة بصح لو نفطر ونتغدا ونتعشا كيما الناس نصبح في سبيطار،
حنا في دارنا الحمد لله منظمين فطور الصباح يكون مليح يعني نفطرو مليح نشربو حقنا تاع الحليب بشكل كافي أنا عن نفسي إذا كليت مع الحليب
طرف خبز وإلا كسرة نحط مغرفة سكر وإذا كليت معاه حاجة حلوة مانحطش السكر نهائيا في الغدا نتغداو مليح ونحاولو نفرقو مثلا مانقدروش نديرو
العجائن في يومين متتاليين على الاقل بيناتهم 3 أيام أو أكثر يعني نحاولو نفرقو بين المأكولات، أما العشاء حنا فليل مانطيبوش نديرو حاجة خفيفة إما يحبو
والديا يشربو الحليب مع طرف خبز صغير باه مايطيحلهمش السكر وإلا ياكلو سلطة أو بويون وساعات فواكه برك وأحيانا يجيب بابا شوي ايسكالوب
يتعشاو بيه أنا عن نفسي إما نتعشا بحبة ولا زوج تاع الفاكهة أو بالجبن الطازج هاداك لي مافيهش الملح ناكلو ساعات مع قطعة خبز صغيرة وساعات وحدو
وإلا مانتعشاش كي نعود شبعانة، مانحبش نرقد تقيلة فليل، والعشاء كيما نتي يكون مبكر باه تمشي الماكلة وماتوجعناش هادي عاداتنا في عايلتي، وإذا حبينا
ناكلو حلويات مثلا سخفنا عليهم ناكلوهم على شبع أي وراء الغداء يقولك نسبة السكر ماتتجمعش في الجسم كي تاكل حلوى على شبع ماش كيما على فراغ
ولا نتا جيعان السكر يتخزن في الجسم، وعندي دار جدي تاع ماما عندهم واحد النظام ماشاء الله، الفطور بكري والغداء على 12 قدقد والأكل دائما مصحوب
بفاكهة والعشاء يكون بين صلاة المغرب والعشاء اي مبكر ويكون خفيف يعني حتى السلطة في العشاء ويديروها بالقارص وزيت زيتون برك باه تكون صحية وماتوجعش
ودايما ما يركزو على الفاكهة جدي يحب الفاكهة في كل وجبة الله يبارك، وزيد طبخنا في قسنطينة تقريبا صحي، ماما علمتنا نطيبو كلشي بصل وفلفل اسود وملح ولا توم
ماعندناش السمن ولا الزبدة نطيبو بيها حتى الأكلات لي تطيب بالزيت نديروها بزيت الزيتون كيما اللوبيا مثلا، وماعندناش القلي هادا تاع اللحوم، مثلا كوتليت ولا طرف
لحم ولا ايسكالوب ولا اي لحم نشويوه هكاك ما عدا السمك أما البقية ديجا معمرين شحم وتزيد تقليهم في الزيت يوليو تقول بترول تاكل فيه، يجي بنين بصح جد مضر
مالا حنا نشويو برك وحتى الفواكه نحينا العادة تاع نحطوهم في الزهر ونضيفولهم السكر تقولنا ماما ناكلوهم كيما راهم هكا فيهم فيتامين خير من السكاكير هاديك،
والأكل الصحي ماش كيما تمنع نفسك عن الأكل نهائيا أنا العام لي فات مرضت ومريت بظروف كرهت الأكل نهائيا وليت نشرب كاس حليب وطرف خبز صغير
برك هادي هي الوجبة الوحيدة يوميا حتى وليت مصفارة ومرضت، بصح درك الحمد لله ناكل بشكل عادي ساعة ساعة نخرج على النظام بصح ماش بشكل كبير والحمد
لله أنا خاطيني الأكل السريع، هادي الشاورما وكلشي ناكلهم مرة في العام كي نسخف، يعني أكلي دائما من البيت والحمد لله وراني نسعى أنو يكون صحي بشكل أكبر
خاطر ماكانش قد صحة الإنسان، راني طولت بزااف هههه شكرا الموضوع المميز، تحياتي
هههههه قتلتيني ضحك الله يعطيك الربح، والله هاد الموضوع عندي شحال من لي شفتو وكل مرة نقول نردّ وننسى هيا اليوم قلت نجاوب بحول الله،
وصراحة هو موضوع جد مهم وفيها معزى ومعنى لحياتنا اليومية، خاطر حنا شعب بكل صراحة ياكل برك، كيما قلتيها يفطر بالبريوش والقاطو لي بقا
من عرس خوه ويزدم عليها روس، والغدا يدخل الخبز في كلشي، ياكل المقرونة بالخبز الشخشوخة بالخبز الكسكس بالخبز، ويزيدلك قهوة لعشية
مع الحلويات وعشاء بالدجاج واللحم، أنا صدقيني مانقولكش أكلي صحي مائة بالمائة بصح لو نفطر ونتغدا ونتعشا كيما الناس نصبح في سبيطار،
حنا في دارنا الحمد لله منظمين فطور الصباح يكون مليح يعني نفطرو مليح نشربو حقنا تاع الحليب بشكل كافي أنا عن نفسي إذا كليت مع الحليب
طرف خبز وإلا كسرة نحط مغرفة سكر وإذا كليت معاه حاجة حلوة مانحطش السكر نهائيا في الغدا نتغداو مليح ونحاولو نفرقو مثلا مانقدروش نديرو
العجائن في يومين متتاليين على الاقل بيناتهم 3 أيام أو أكثر يعني نحاولو نفرقو بين المأكولات، أما العشاء حنا فليل مانطيبوش نديرو حاجة خفيفة إما يحبو
والديا يشربو الحليب مع طرف خبز صغير باه مايطيحلهمش السكر وإلا ياكلو سلطة أو بويون وساعات فواكه برك وأحيانا يجيب بابا شوي ايسكالوب
يتعشاو بيه أنا عن نفسي إما نتعشا بحبة ولا زوج تاع الفاكهة أو بالجبن الطازج هاداك لي مافيهش الملح ناكلو ساعات مع قطعة خبز صغيرة وساعات وحدو
وإلا مانتعشاش كي نعود شبعانة، مانحبش نرقد تقيلة فليل، والعشاء كيما نتي يكون مبكر باه تمشي الماكلة وماتوجعناش هادي عاداتنا في عايلتي، وإذا حبينا
ناكلو حلويات مثلا سخفنا عليهم ناكلوهم على شبع أي وراء الغداء يقولك نسبة السكر ماتتجمعش في الجسم كي تاكل حلوى على شبع ماش كيما على فراغ
ولا نتا جيعان السكر يتخزن في الجسم، وعندي دار جدي تاع ماما عندهم واحد النظام ماشاء الله، الفطور بكري والغداء على 12 قدقد والأكل دائما مصحوب
بفاكهة والعشاء يكون بين صلاة المغرب والعشاء اي مبكر ويكون خفيف يعني حتى السلطة في العشاء ويديروها بالقارص وزيت زيتون برك باه تكون صحية وماتوجعش
ودايما ما يركزو على الفاكهة جدي يحب الفاكهة في كل وجبة الله يبارك، وزيد طبخنا في قسنطينة تقريبا صحي، ماما علمتنا نطيبو كلشي بصل وفلفل اسود وملح ولا توم
ماعندناش السمن ولا الزبدة نطيبو بيها حتى الأكلات لي تطيب بالزيت نديروها بزيت الزيتون كيما اللوبيا مثلا، وماعندناش القلي هادا تاع اللحوم، مثلا كوتليت ولا طرف
لحم ولا ايسكالوب ولا اي لحم نشويوه هكاك ما عدا السمك أما البقية ديجا معمرين شحم وتزيد تقليهم في الزيت يوليو تقول بترول تاكل فيه، يجي بنين بصح جد مضر
مالا حنا نشويو برك وحتى الفواكه نحينا العادة تاع نحطوهم في الزهر ونضيفولهم السكر تقولنا ماما ناكلوهم كيما راهم هكا فيهم فيتامين خير من السكاكير هاديك،
والأكل الصحي ماش كيما تمنع نفسك عن الأكل نهائيا أنا العام لي فات مرضت ومريت بظروف كرهت الأكل نهائيا وليت نشرب كاس حليب وطرف خبز صغير
برك هادي هي الوجبة الوحيدة يوميا حتى وليت مصفارة ومرضت، بصح درك الحمد لله ناكل بشكل عادي ساعة ساعة نخرج على النظام بصح ماش بشكل كبير والحمد
لله أنا خاطيني الأكل السريع، هادي الشاورما وكلشي ناكلهم مرة في العام كي نسخف، يعني أكلي دائما من البيت والحمد لله وراني نسعى أنو يكون صحي بشكل أكبر
خاطر ماكانش قد صحة الإنسان، راني طولت بزااف هههه شكرا الموضوع المميز، تحياتي
