حلوى صنعتها بمناسبة ربح ولدي السيزيام

[كوثر الوهرانية]

هدي الحلوى صنعتها البارح بمناسبة ربح ولدي السيزيام و انشاء الله تعجبكم

​

 

[ملاك القلب]

اختي اين الصور والمقادير

 

[ibtesem]

بارك الله فيك كوثر
لكن الصورة مكانش

 

[ibtesem]

هذي حلوى الاخت كوثر التى عملتها في نجاح ابنها
مبروك يا كوثر

مشاء الله عليك كوثر والله جاوك هايلين

 

[سماح الجزائريه]

الف مبروك لابنك وان شاء الله دوام الفرحه مممممممببببببببببببرررررررررررررووووووووووووووك​

 

[كوثر الوهرانية]

هذي حلوى الاخت كوثر التى عملتها في نجاح ابنها
مبروك يا كوثر

مشاء الله عليك كوثر والله جاوك هايلين

بارك الله فيك اختي ابتسام راكي فرحتيني كي حطيتي الصور و الله راه عندي مشكلة مع الصور مشكورة يا الغالية

 

[نسمات]

هذي حلوى الاخت كوثر التى عملتها في نجاح ابنها
مبروك يا كوثر

مشاء الله عليك كوثر والله جاوك هايلين

الف مبرووووك على النجاح وان شاء الله مزيد من التفوق
حلوة تشهي
ممكن تعطيني طريقة التحضير ادا كان ممكن

 

[ibtesem]

نعم كوثر لازم تعطينا المقادير الحلويات

 

[اميرة المنتدى]

مبروك كوثر والعقوبة للباك ان شاء الله

 

[كوثر الوهرانية]

الحلوى هي عبارة عن صابلي و البنين و مخبز النوادكوكو ادا متعرفهمش راني نعطيكم المقادير و التحلية هي وصفة الاخت ندى راهي حاطتها

 

[حكيك]

كوثر :thumb_up2::thumb_up2:
يعطيك الصحة على الحلوة

 

[كوثر الوهرانية]

مشكورين خواتاتي على المرور الطيب

 

[حاملـة المسك]

يعطيك الصحة سلمت يداك...و الف مبروك النجاح
ياريت كوتر لو تحطي كيفية التحلية....و مشكووورة مسبقا

​

 

[assia11]

يعطيك الصحة كوثر و مبروك مرة أخرى لوليدك
و ننتظر مقادير الحلويات

 

[نبض الحياة]

ما شاء الله يعطيك الصحة كوثر

 

[كوثر الوهرانية]

مشكورين على المرور
التحلية راهي حاطتها الاخت ندى

 

[عفاف الجزائرية]

اولا مبروك الف مبروك بنجاح ولدك وعزيزنا كامل
ربي يهنيه ويبارك فيه
ثانيا يعطيك الصحة يا الشاطرة عجبتني التحلية
​

 

[كوثر الوهرانية]

الصابلي :500غ زبدة طرية
3صفار بيض+بيضة كاملة
500غ سكر قلاسي
فاني+2خميرة الحلوى
فرينة على حسب الحاجة لازم العجينة تكون طرية
للتزين: معجون المشمش و سكر قلاسي

البنين:500غ كاوكاو مقلي و مطحون مدشش يعني مشي رطب
250غ حلوة الترك
3باكيات قليطة بيموا
500غ زبدة دائبة
عسل على حسب الحاجة
للتزين شكلاطة دائبة و انا زدت حلوة الترك رشيتها من الفوق
الطريقة : نخلط كل المكونات الجافة و نبسسها بالزبدة الدائبة و نلمها بالعسل ثم ناخد سينية و نحط فيها الخليط نبسس بيدينا حتي نعطيها شكل واحد مسطحة ثم ندوب الشكلاطة و نضعها فوق الخليط ثم نرش بحلوة الترك او كاوكاو او نوادكوكو نتركها تنشف ليلة كاملة و نقطعها مربعات صغار

مخبز النوادكوكوا:3عبار نوادكوكا مطحون
عبر سكر قلاسي
1بيض
قشور ليمون
ماء زهر
الطريقة:ناخد النوادكوكو و السكر قلاسيو قشور اليمون نخلطهم مليح ثم نضيف البيضة كاملة و نرش بماء الزهر حتى تتلم العجينة متكونش جارية
ناخد نشاء نرش الطاولة الي غادي نخدموا فيها و نورق العجينة متكونش رقيقة و نقطعها بالطابع و نوضعها في سينية و ندخلها الفرن درجة الحرارة متوسطة نخليها تحمار غير من التحت ثم نتركها تبرد و نديرلها الطلي
الطليةهي عبارة عن 3بياض البيض+سكر قلاسي +3ملاعق زيت+3ملاعق عصير ليمون+3ملاعق ماء زهر
ارجوا ان تكون الوصفات مفهمة واي استفسار راني موجودة خواتاتي

 

[كوثر الوهرانية]

اولا مبروك الف مبروك بنجاح ولدك وعزيزنا كامل

ربي يهنيه ويبارك فيه
ثانيا يعطيك الصحة يا الشاطرة عجبتني التحلية​

الله يبارك فيك اختي عفاف و عقبال مانفرحوا بيك اختي و التحلية وصفة الاخت ندوشة

 

[imane27]

halawiyat hayla kawter y3atik saha ou alf mabrouk li najah ibnat ou l3akouba lalbak insh3a alah