- إنضم
- 19 ماي 2011
- المشاركات
- 6,947
- نقاط التفاعل
- 10,562
- النقاط
- 356
- الجنس
- أنثى
السلام عليكم و رحمة الله تعالى و بركاته
اعددت كيكة عيد ميلاد بسيطة بمناسبة عيد ميلاد ابنتي حبيت نشارك معاكم الوصفة بالخطوات و ما صورتش لضيق الوقت لاني خرجت الصباح قضيت لوازم البيت و الكيكة و وليت وجدت الغداء و الكيكة
ان شاء الله المرة الجاية نصورها بالخطوات المصورة
اليكم الوصفة بالتفصيل الممل:
اعددت كيكة عيد ميلاد بسيطة بمناسبة عيد ميلاد ابنتي حبيت نشارك معاكم الوصفة بالخطوات و ما صورتش لضيق الوقت لاني خرجت الصباح قضيت لوازم البيت و الكيكة و وليت وجدت الغداء و الكيكة
ان شاء الله المرة الجاية نصورها بالخطوات المصورة
اليكم الوصفة بالتفصيل الممل:
1)حضرت جينواز بالشوكولا قطر المول 23 او 25 سم
2)حطيت فيها 5 بيض /150 غ سكر عادي / قرصة ملح / 110 غ فرينة /40 غ كاكاو بني من النوعية الجيدة
3)حطيت البيض و السكر و قرصة ملح و حطيتهم في اناء فوق حمام مائي و خفقتهم بالباتور حتى تضاعف الخليط و اصبح لونه ابيض
4)بعدها نحيتو من الحمام المائي و سيرت عليه غير بالشوية خليط الفرينة و الكاكاو و خلطت من تحت لوفق باش ما نحبطش قوام الخليط
5) حطيتو في مول كنت دهنتو مليح بالمارغرين و غبرتو بالفرينة و دخلتو للفرن على نار متوسطة مدة 25 حتى 30 د حسب الفور و تأكدت من طيابه دخلت عود شواء خرجتو ناشف
6)طفيت الفور و حليت الباب و خليت الجينواز مدة 10 دقائق داخل الفور باش ما تحبطش
7)بعدها قلبتها على une grille و خليتها تبرد مليح
8)في نفس الوقت وجدت باش نشرب الكيكة باش كي ناكلوها ما تجيش ناشفة في كاسرونة حطيت كاس كبير حليب + م ك كاكاو + م ك سكر عادي و خلطتهم و حطيتهم على النار مع التحريك حتى بدا يغلي + 50 غ شوكولا نوار و حركت حتى ذابت و حطيتو جانبا باش يبرد
9)طلعت كمية من الشانتيي مع نفس الكمية ماء و كي طلعت نقصت كمية للتزيين و لي بقات زدتلها 2 م ك شوكولا الطلاء باش نحشي بيها
10)بعدما بردت الكيكة و برد السائل لي رايحة نشرب بيه الكيكة قسمتها على جزئين و حطيت الجزء السفلي في طبق التقديم و شربتو مليح بالفرشاة **البانسو**و حطيت كرام الشانتيي لي فيها الشوكولا و سويتها حسب الكيكة
11)حطيت الجزء 2 تع الكيكة و سويتو مليح و شربتو بالسائل ليبقالي و غلفت الكيكة كامل بالشانتيي البيضاء
12) ذوبت شوكولا في حمام مائي و فرغتها عى الوجه وسويتها و خليتها تسيل غير خطوط فالاطراف باش تجي شابة
13)دخلتها للثلاجة كي جمدت زينتها بوردات من الكرام الشانتيي و حلوى ملونة و الاطراف كذلك
14) شمخت طرشونة صغيرة بالماء سخون و مسحت كامل الاطراف تع صحن التقديم لمنظر جميل
و هذه هي كيكتي :
ان شاء الله تعجبكم
و انتظروني في وصفات اخرى ان شاء الله
دمتم في رعاية الله
