مصيبة .......بنات اليوم هن امهات الغد

[Sârsoùra L'mkàlChà]

راني على لبنات اللي كيما الطفلة اللي في

التوقيع تاعك

بنات الاصل اللي كيما انت ماحكيتش عليهم

معليش خيتي ربي يجيبلك اللي فيه الخير ويبعد

عليك كل شر

​

ربي يخليك خويا
:tears::tears:
و يجيبلك بنت الحلال لي كيما نتا
​

 

[liliha]

واش حبيت نقول حبيتني نروح نغسل الصوف عند النهر وننسج زربية وندير خيمة و نغسل اللباس باش نولي مرة علاه رانا في 2010 يعني القرن الواحد وعشرون انا اذا عندي حاجة تغسلي الحوايج علاه نتعب روحي راه التقدم ولازم نواكب التطور :yahoo:ونزيدك من الشعر بيت المرة ضرك راها تخدم باش تعاون راجلها لاخاطر المعيشة غالية ودير حوايج الدار وتربي اللولاد وتروح تشري من السوق باش دير الغدا والراجل تلقاه مع الجال والقهاوي والنت ويدور بذيك الطنوبيل ويجي من بعد يتفرج الماتش ويتعشا وزيد معليش حتى العشا ميعجبوش راهو ياكل فيه صحيح مي وهو ياكل ا مالحة هدي المرقة حلوة مرة و ما تعجبو حتى حاجا وزيد ادا حبيت مرة كيما تاع بكري لازم نت تاني تكون راجل فحل كيما تاع بكري :santa_1: تقبل مروري :heh:

 

[nina bonoise]

بنات اليوم هن فنانات الغد

ياو كبر الخط راني قريب نعوار​

 

[MR-REDOUANE]

راني كبرت الخط درتولي عقدة من الخط
و نشكركم كامل على المرور الجميل و النقاش الاجمل هذي هي اللي نحوسوا عليها في اللمة
ميرسي عليكم
​

 

[DARINE05]

شوف يا سي رضوان لي راك تذم في النساء وينهم الرجالة لي كيما تع بكري دوكا الرجلة مبقاتش تلقاه يخاف من ضلو
يخي حالة يخي جايبينها من ورانا ايا شوية

 

[MR-REDOUANE]

بون كلام صحيح لافيريتي في كل دار تلقى هدو لي يسهلو لحياة كلشي عبز يسيل علاش ما نطوروش مابقيناش كما نسا تاع زمان مي ماشي كامل نسا مايعرفوش يطيبو غير مgرضات اليدين ولي شبعو دراهم برك لي يجيبو خدامة اما الباقي والله تلقاهم يتفننو في الطياب وكاين بنات اعطيلهم لميكرو ولاتيلي وحبة بطاطا مايعرفوش يقليوها وهدي راجعة من ام هي لي ماتعلمش بنتها من صغرها ومخليتها مالا غير مكان لاه تجمع خو مزال كاين الخير في لبنات
يعطيك الصحة خو ع الموضوع لهايل ​

شكرا على الرد الجميل و المرور الاجمل
​

انا بكل صراحة عندي صةالح نعرف نديرهم بصح الطبخ شوية شوية يعني نقدر نقول منعرفش بصح قبل منتزوجش حتى نتعلم مليح و نشرف روحي و والديا

شوية خير من والو....وشوية شوية تخوف بزاف
شكرا على الرد الجميل و المرور الاجمل
​

نورمال .... رانا 2010

بكري هاديك لوفات كو حاطوها في دي كومنتار هههههههه​

شكرا على الرد الجميل و المرور الاجمل​

الصراحة ماشفت والو الكتيبة صغيرة ههههههه وتفنينت باه نركز على الكتيبة كبرها شوي يرحم بوك​

خلاص راني كبرتها...ارواحي اعطينا رايك كي تقراي الموضوع
شكرا على الرد الجميل و المرور الاجمل
​

امهات الغد ان شاء الله

تعرف اطيب + تسوق اللوطو + تخدم برا وداخل البيت +تعجن الكسرة+تسيبورتي ليكيب ناسيونال+لافريم

شاخصها ام الغد

ان شاء الله من فمك لربي
شكرا على الرد الجميل و المرور الاجمل
​

حرام عليك خو راك قاسي بزاف و قلبك معمر نتاع الصح

لوكان مادرتش هكذا ما تجاوبونيش بصراحة و لا كيفاه
شكرا على الرد الجميل و المرور الاجمل
​

يا أخي تطرقت في موضوعك على المرا تاع زمان الي تربي من10 الى 15 صغير وتفعل وتفعل و............هذا الشيء كامل نعرفوه ومننكروهش علاه ؟؟؟لان المرا زمان مكانتش تقرا مكانش الوسائل الحديثة .....لكن يا أخي الان رانا في زمن العولمة وراك قلتها عبز يسيح ألور علاه نتعب روحي ؟؟مدام كاين ماشينا لاvي علاه نغسل بيديا ........مي باش تقول طياب وماطيبش هاذي راك غالط فيها100% ..مكانش وحدة تقبل الزواج وماتعرفش طيب ولو القليل...
المهم حبيت نقولك حاجة كان من المفروض تكتبها في موضوعك وهو سبب تغيير المرأة...الي هو راجع للرجل ببساطة أخي راجل :santa_1:زمان كان عندو قيمة وهيبة ...يكسر الحجر باش يعيش عايلتو وراجل اليوم واش يدير؟؟؟؟ الانترنت البورتابل البلاي ستايشن:u_pc: الجال ....
لا مجال للمقارنة بين امرأة الأمس وامراة اليوم يا اخي
لأن رجل الامس غير رجل اليوم
لو بقي رجل زمان أكيد ونبصملك بالعشرة المرا ماتتغيرش
مي مادام كاين تغيير لازم تتغير حسب الوضع
تحية لك ​

شكرا ليك على الاضافة الجميلة و المرور الاجمل
​

وعد الحر دين عليه راني جيت نرد
واش جاب لجاب
اي انساوه عهد الكسرة
ولفتيل وتطياح الجهد
مع بنات اليوم
هاديك بكري لمرا تقتل روحها مع خدمة الدار
الي pوك
بنات اليوم غير حطة وتبياش
ماننكروش هادا
برافو على الموضوع
ميغسي بوكو

علابالي باللي راكي فحلة و تاع كلمة
شكرا على الرد الجميل و المرور الاجمل
​

ليل ليل و عينيا مغمضين و الكتيبة تاعك زادت كملت عليهم
المهم خلينا في المفيد...يا خويا مش كامل لبنات كيف كيف
كاين الفحلة و كاين الفنيانة...صح الوقت تبدل بزاااف..ولمرا تاع بكري تضرب 10 من نساء تاع درك...مي مش معنتها ماكانش لحراير
أنا نعرف بنات مالـgـري صغار مي والله في الكوزينة تقول عليهم نساء متزوجين
وشكرااا على موضوعك​

شكرا على الرد الجميل و المرور الاجمل
​

جيل جوتابل
وحدة تقولك ما نغسلش القش على خاطر يدى تتقشر من الغريزيل
وحدة تقولك ما نقدرش نقشر لبصل على خاطر عينى تدمع
وحدة تقولك ما نعرفش نطيب روح شوف خدامة
وحدة لاتية غير بالعراس
وحدة لاتية غير بالتقلاش
وحدة لاتية غير المسلسلات

ياخى ياخى فرق بين نساء بكرى و شبه نساء درك
ربى يقدر الخير
صحيت شريكى على الموضوع






​

ميرسي عليك خويا على الكلمة الزينة يرحم بو الفم الزين
​

:surrender::surrender::surrender:
و عليكم و السلام
انا نتساءل غير وعلاه الرجل الجزائري هو الوحيد في العالم الي يدما يريكلامي على التطور الي صرا للمراة ؟؟
ويحوس ديما على الي تنصب الخيمة :surrender::surrender:
و تزيد تقول مصيبة ؟؟
اخي المراة مهما تكون
بمجرد ما تصبح ام و غريزة الامومة يخليوها تضحي بروحها وحادة ماتقيس ولدها
على عكس الرجل
الي بمجرد مايزيد عندو طفل يهيج :wink::wink:
والا راك تحوس على مراة بكل امواصفات الي ذكرتها عندي وحدة
خالتي عندها 12 ولد
ولحوايج هادو كامل سيرتو تاع تنصب الخيمة تعرف ديرهم :surrender::surrender:
وراهي مرقت راجلها وحبت تبدل :glare:
وش هو كي غير تحرقت ساعفها حتى ينبت وجهها:closedeyes::closedeyes:​

لوكان من يسمعك يقول رضوان من اهل الكهف و ضد التطور
شكرا على الرد الجميل و المرور الاجمل
​

بنات آخر الزمان راني خايفة يروح المليح في جرة القبيح

مازلنا بعقولنا و نعرف الصالح من الطالح
شكرا على الرد الجميل و المرور الاجمل
​

صح خويا انا طفله ونقولك عندك الحق مي كاينين بنات تاع دار وفحلات بصح الاغلبيه يحبسولك الراس انا يقراو معايا بنات 18-19سنه ماتعرف دير وااااااااااااااااااااالووووووو راسك يحبس وخلي من خرين يقولولك حتى نبغي نزوج ولا حتى نزوج باه نتعلم تما يرجعوك لداركم وكيما قلت مشي كامل لبنات هكا ربي يصلح الامور وصحيت عالموضوع

صحيتي انتي على الاضافة
شكرا على الرد الجميل و المرور الاجمل
​

رجال ظرك ماراهم رجال بكري
ونسا ظرك ماراهم نسا بكري
​

مقولة عادلة لينا و ليهم و معاك فيها
شكرا على الرد الجميل و المرور الاجمل
​

مشكل خويا تع صح ممكن تنصحوني وين نلقى مراة في هد الزمان تقدر على شقا تاع الدار على خاطر الانسان محبش يخلص عمرو ياكل فالفرريث والكاشير
شكرا اخي على الموضوع رانا في وقت صعيب خلصو فيه نساء تاع الصح.

شوف اللي راهم يدورو في قسم الطبخ و المأكولات
شكرا على الرد الجميل و المرور الاجمل
​

ياه يا رضوان الحجم زيد اللون و الله غير وليت ما نشوف والى تباصي انت ههههههههههههه

اوكـــــــــــــــــــــــي
​

اما على الموضوع عندك الحق يعنى صح يا خويا كلش تطور لازم كاامل لى قلتوا يتوفر بالبيت زييد نقولك بكرى كانو يعيشو في بيت بالك عندو غرفة واحده و ياكلوا و يرقدور نورمال عادى اما درك لازم بيت كبير و لازم بزاااف حوايج حسب الزمن لى رانا نعيشوه و هادا ميقدرش الراجل يوفرو وحدوا يعنى لامز مرتوا تخدم و تعانوا باش ولادهم يكونوا مثقفين و معلاباليش كامل كيفاه يخموا لامز تكون حالة المراه في البيت ميسروه باه تقدر تخدم في براا و باه تعااونك انت في الدار فهمتنى بكرى مكانوش يخدموا في براا على هاد يتسلووو في الشغل تاع الدار تبدلت الدنيا يا خويا العزيز و لا زم نتعايشوا مع الواقع المر والله ماعلابالي نقول مر و لا حلو مشكور على الموضوع و تقبل ردى الصريح

شكرا على الرد الجميل و المرور الاجمل
​

السلام عليكم ورحمة الله وبركاته
تعرف رضوان مام الحياة بكري تبان صعيبة شوي مي يظهرلي راهي حلوة وما تخليكش تقلق
ودرك التسهيلات الي ذكرتهم كامل مي صماطة يعني كلش ماشينات راح يخليوك تقلق
موضوع شباب يعطيك الصحة
​

شكرا على الرد الجميل و المرور الاجمل
​

بل أكثر من مصيبة
​

معمر قلبوا اكثر مني هههههههه
شكرا على الرد الجميل و المرور الاجمل
​

واش حبيت نقول حبيتني نروح نغسل الصوف عند النهر وننسج زربية وندير خيمة و نغسل اللباس باش نولي مرة علاه رانا في 2010 يعني القرن الواحد وعشرون انا اذا عندي حاجة تغسلي الحوايج علاه نتعب روحي راه التقدم ولازم نواكب التطور :yahoo:ونزيدك من الشعر بيت المرة ضرك راها تخدم باش تعاون راجلها لاخاطر المعيشة غالية ودير حوايج الدار وتربي اللولاد وتروح تشري من السوق باش دير الغدا والراجل تلقاه مع الجال والقهاوي والنت ويدور بذيك الطنوبيل ويجي من بعد يتفرج الماتش ويتعشا وزيد معليش حتى العشا ميعجبوش راهو ياكل فيه صحيح مي وهو ياكل ا مالحة هدي المرقة حلوة مرة و ما تعجبو حتى حاجا وزيد ادا حبيت مرة كيما تاع بكري لازم نت تاني تكون راجل فحل كيما تاع بكري :santa_1: تقبل مروري :heh:

شكرا على الرد الجميل و المرور الاجمل
​

بنات اليوم هن فنانات الغد

ياو كبر الخط راني قريب نعوار​

شكرا على الرد الجميل و المرور الاجمل
​

شوف يا سي رضوان لي راك تذم في النساء وينهم الرجالة لي كيما تع بكري دوكا الرجلة مبقاتش تلقاه يخاف من ضلو
يخي حالة يخي جايبينها من ورانا ايا شوية

راني مع الشهبندر
شكرا على الرد الجميل و المرور الاجمل
​

 

[معاك يا الخضراء]

رضوان خويا عابالك مالفة نرقد بكري والبارح سهرت
عدت نهدر برك
بالاك تزعف مني راني نشتي نضحك برك هههه​

 

[ايمي03]

عندك الحق مي مش قاع لبنات كاين الي تتعلم من امها وتدي هاد التقاليد وتقعد شادة بيهم
وكاين الي كيما راك تقول عقلية نتاع دروك

 

[MR-REDOUANE]

رضوان خويا عابالك مالفة نرقد بكري والبارح سهرت
عدت نهدر برك
بالاك تزعف مني راني نشتي نضحك برك هههه​

وشبيك موسوسة من الهدرة تاعك انا والله ق قلبي ابيض و كبيير مانزعف من حتى واحد مام انا مانحبش نقيس واحد بالاك الواحد يكتب حاجة و في قلبوا حاجة اخرى و زيدي ما نحبش العقلية سيريو ديراكت يليق الواحد يضحك شوية و في نفس الوقت يفيد و يستفيد و هذا هو
و ميرسي عليك على المرور
​

عندك الحق مي مش قاع لبنات كاين الي تتعلم من امها وتدي هاد التقاليد وتقعد شادة بيهم
وكاين الي كيما راك تقول عقلية نتاع دروك

ميرسي ايمي راني كنت نقلق فيكم انتوما لبنات علابالي باللي الناس ماهمش كامل كيف كيف و اللي ما يشوفش الفرق راهو اعمى
و شكرا على الرد الجميل و المرور الاجمل
​

 

[المتفائلة_91]

كل وقت تجي لامود..بلاك اللامود نتاعهم بكري كان كيما هكا هههههههههههه

ضرك الدنيا راهي مودارن ومش لازم نحكو على ناس بكري... حتى القرآن يوصينا بش مانتعبوش رواحنا ونبتكرو حوايج تقلل من التعب.

ميرسي

 

[shéryfa luna]

......................
..................
............​

 

[MR-REDOUANE]

......................
..................
............​

اوروزمون عيوني تشوف الترونسبارون:u_pc:
شكرا على المرور الجميل و الرد الاجمل
​

 

[فلة البيضاء]

خويا عندك الصح مي مشي قع كيما هاك.......... هادي حاجة لولا... وثانيا بكري ما كانوش يقرو ويخدمو ويخرجو كيما حنا كان عندهم غي شغل الدار علاداك كانو يديرو كلشي مي حنا عندنا القراية برى والخدمة فالدار......شكرا على هذا الطرح

 

[rــآآآج ــــ الاميـرهـ ــo]

لالا يا خويا مش كل البنات كيف كيف احنا في الصحرا البنت تشد الطياب والميناج وعمرها 12 سنة يعني عمالة اطفال شكرررررررررا على الموضوع

 

[somiasahraoia]

يا خويا كلها وكيفاه
بصح على بالي بلي معظم النسا كي يبغو يتزوجو بناتهم يعلموهم حشومة لوالديها قبل منها

 

[زنوبة dz]

ههههههههههههههههههه
انا لي يحب يدديني يديني كيما راني
منعرفش نطيب منعرفش نغسل منعرف والو
نعرف غير نعدل روحي ونلبس مليح وهاد الحوايج نموت عليهم مي باش نطيب جامي
الحمد لله كاين لي قابل بيا هك
مشكوووووووووووووووور عل الموضوع
راكم غير ورا البنات واش دارولكم مازالوا البنات لي يحبوا يطيبوا ويخدمو
​

 

[ابن المنيعة]

واش باغي دير هكدا هيا الحياة وهدا هو عصرنا

 

[messikimo]

مصيبة المصائب
​

 

[amouna.dz]

موضوع هادف ورائع شكرا لطرحه
انا نظن بللي المرا تتأثر بالمجتمع اللي تسكن فيه مثلا لاكان تزوجت في الريف تلقاها تخبز و تجيب الما و تتعب صح صح
بصح المرا لاكان تزوجت في بلاصة شويا هاي كلاص تلقى عندها خديمة في الدار ولا عندها الآلات هاذو و ما تقدرش تستغنى عليهم
وطبعا في الاخير نقول بللي مش لبنات كامل كيف كيف و كاين لبنات اللي اماتهم رباوهم على العادات والتقاليد القديمة ومازالو يخدمو بيها
شكرا على الطرح المتميز بارك الله فيك
​

 

[ميسومة الدلوعة]

السلام عليكم خويا
لازم كامل نتبعو التطور و التكنلوجيا هادوك نساء كانو بكري حنا رانا درك
انا بالنسبة ليا ما نقولكش نعرف ندير كلشي بصح نعرف ندير حوايج في دار ان شاء الله كي نتزوج راجلي ما ندخلوش خلاص الكوزينة الراجل راجل ولمراة مراة ندير واش نقدر عليه و مع ليامات نتعلم بشوية وعلى طياب ما نحكيوش عليه مسكين نوكلوا غير ماقارونة وفريت ههههههههه الله غالب هدا واش نعرف ندير