السلام عليكم جميعا
أهلا وسهلا بحبابنا فاللّمة وحتى ما يزعفونش علينا خاوتنا الرجال
ولأنو حنا ناس حقانيين ونحكو الصح ولو على أنفسنا
اليوم نعالجو موضوع يخص المرا والراجل
يا ناس كاين حاجة تمشي فالدم الله غالب ما نقدروش نتخلاو عليها
ارواحو نشوفو واش هي وكيفاه تاثر على المرا وعلى الراجل
المرا ...... احب ما عندها واحب ما تتعامل به الكذب اييييه الكذب ما تقولوليش خاطيكم ولو كذب خفيف
الكذب يمشينا فالدم والمشكل اللي جات نخترعوها وسبحان الله نكونو في موقف كبييير نسلكو منو بكذبة تحيري أنت منين جبتيها
ويا حسراه لو مع الزوج كيفاه تكذبّيه في وجهو والله يحير فيك والجميل انو يأمنك من قلبو
وقولولي علاه لانو هو دايرها من قبل وحتى انت تامنيه وفرحانة بيه
وين كنت ........يمى كنت عند صحبتي
مع شكون تهدري فالتلفون ...... مع سااااااااارة يمى وهو واقيل كمال
واش راكي ديري فالميكرو .......القرايا يمى راهي فوق راسي.....ولالة راهي تقرا عمري وعينيا مع مومو وكوكو
المرا مع راجلها اعطيني نشري حجاب .... ايه شعال يدير ....500 وهو يدير 200 و 300 راحو للخزنة
يا راجل اديني لدارنا ....علاه ؟........ يمى راهي تموت فحالة مريضة.......يروح ويماها تفتح الباب صحيحة عليه
مي خلوني نقولكم بكل صراحة قد ما تكذب المرا مش قد الراجل هنا غلبنا واعترف
الراجل كذبو خرافي يعني يكذب عليك كذب الكذب فحد ذاتو يحتار منو......
التلفون داير الكود
علاه ...... هبلوني نتاع الخدمة.....وهو هبلوه صحاباتو...............
اول شي يتعرف على مرا هو عندو ليكيب نتاع البالون فالدار يقولها مش متزوج هذا هو شي أغلب المتزوجين يكذبو فيه ويحكيلها على خوه متزوج وهو راه يحكي على روحو............
يتعرف على وحدة هو مشومر وما عندو والو والكذب نخدم هكذا وهكذا وعندي كذا ويخترع فيلم والمرا تروح معاه فالخط عندي طونوبيل من التوالى وهو سلفها او كراها
وهذو اللي يكذبو نحبك وانت عينيا وراح نديك آآآآآآ شوفي انا يديك واحد اخر نقتلو انت ليا انا.........
تقولو جوا يخطبوني يقولها شوفي انا ما نقوفش فطريقك تستاهلي واحد خير مني واااااااااااااااع طريقة ذكية نستعرف بيك وليد بلادي
ومش يكذبو على النسا برك ومع بعضاهم
سمير وين راك؟ هو قدّامو يشوف فيه ياخو راني بعيد بزاف ما ندخلش للدار حتى لليل وهو مقابلو ويشوف فيه.......
وهذوك النوع الليّ يكون مع جماعة ويحكيلهم على حبيتو
انا تموت عليّا نقولها موتي تموت الليّ نحبها تكون عندي كادوات ودراهم والبارح شعلت عليها بالكف ..... ايه يا وليدي مسكين بايت تنوم......
وخليّ وخليّ
حتى النّسا في بعضاهم خاصة جماعة المتزوجات كل وحدة تحكي على السبع نتاعها.........
انا راجلي البارح دخل من الباب وهو يحوّس عليّا وقالي نهار كامل فات كحل كي ما شفتكش وهو غير دخل قالها درقي وجهك عليا ......
راجلي قالي هذا الفاكونس نديك للترك ....واع وهي حلاّتو على حمام ريغة
راجلي محال يشوف فالنّسا منّي وخلاص يقولي هذو نتاع الزنقة ما يجوش فضفرك وهي وحدة منهم قاعدة كانت واقيل عندها ربع ساعة تلاقات مع راجلها......
ايه على شكون نكذبو
الكذب آفة تمشي فينا راجل أو مرا كل واحد ودرجتو
المرا عندها السرعة فموقف بالخف تسلك راسها وتلقى الحل
أمّا الراجل أنا نحيّيه تحية ونعطيه براعة الإختراع ماكانش اللي يخترع الكذب قدو خرافي
نتوما واش رايكم
وهل جا نهار كذبتو الكل يكذب ما تقولوش خاطينا وحكونا على موقف كذبتو مي تكشفتو
الخط ليكم وشكرا
أهلا وسهلا بحبابنا فاللّمة وحتى ما يزعفونش علينا خاوتنا الرجال
ولأنو حنا ناس حقانيين ونحكو الصح ولو على أنفسنا
اليوم نعالجو موضوع يخص المرا والراجل
يا ناس كاين حاجة تمشي فالدم الله غالب ما نقدروش نتخلاو عليها
ارواحو نشوفو واش هي وكيفاه تاثر على المرا وعلى الراجل
المرا ...... احب ما عندها واحب ما تتعامل به الكذب اييييه الكذب ما تقولوليش خاطيكم ولو كذب خفيف
الكذب يمشينا فالدم والمشكل اللي جات نخترعوها وسبحان الله نكونو في موقف كبييير نسلكو منو بكذبة تحيري أنت منين جبتيها
وقولولي علاه لانو هو دايرها من قبل وحتى انت تامنيه وفرحانة بيه
وين كنت ........يمى كنت عند صحبتي
مع شكون تهدري فالتلفون ...... مع سااااااااارة يمى وهو واقيل كمال
واش راكي ديري فالميكرو .......القرايا يمى راهي فوق راسي.....ولالة راهي تقرا عمري وعينيا مع مومو وكوكو
المرا مع راجلها اعطيني نشري حجاب .... ايه شعال يدير ....500 وهو يدير 200 و 300 راحو للخزنة
يا راجل اديني لدارنا ....علاه ؟........ يمى راهي تموت فحالة مريضة.......يروح ويماها تفتح الباب صحيحة عليه
مي خلوني نقولكم بكل صراحة قد ما تكذب المرا مش قد الراجل هنا غلبنا واعترف
الراجل كذبو خرافي يعني يكذب عليك كذب الكذب فحد ذاتو يحتار منو......
التلفون داير الكود
اول شي يتعرف على مرا هو عندو ليكيب نتاع البالون فالدار يقولها مش متزوج هذا هو شي أغلب المتزوجين يكذبو فيه ويحكيلها على خوه متزوج وهو راه يحكي على روحو............
يتعرف على وحدة هو مشومر وما عندو والو والكذب نخدم هكذا وهكذا وعندي كذا ويخترع فيلم والمرا تروح معاه فالخط عندي طونوبيل من التوالى وهو سلفها او كراها
وهذو اللي يكذبو نحبك وانت عينيا وراح نديك آآآآآآ شوفي انا يديك واحد اخر نقتلو انت ليا انا.........
تقولو جوا يخطبوني يقولها شوفي انا ما نقوفش فطريقك تستاهلي واحد خير مني واااااااااااااااع طريقة ذكية نستعرف بيك وليد بلادي
ومش يكذبو على النسا برك ومع بعضاهم
سمير وين راك؟ هو قدّامو يشوف فيه ياخو راني بعيد بزاف ما ندخلش للدار حتى لليل وهو مقابلو ويشوف فيه.......
وهذوك النوع الليّ يكون مع جماعة ويحكيلهم على حبيتو
انا تموت عليّا نقولها موتي تموت الليّ نحبها تكون عندي كادوات ودراهم والبارح شعلت عليها بالكف ..... ايه يا وليدي مسكين بايت تنوم......
وخليّ وخليّ
حتى النّسا في بعضاهم خاصة جماعة المتزوجات كل وحدة تحكي على السبع نتاعها.........
انا راجلي البارح دخل من الباب وهو يحوّس عليّا وقالي نهار كامل فات كحل كي ما شفتكش وهو غير دخل قالها درقي وجهك عليا ......
راجلي قالي هذا الفاكونس نديك للترك ....واع وهي حلاّتو على حمام ريغة
راجلي محال يشوف فالنّسا منّي وخلاص يقولي هذو نتاع الزنقة ما يجوش فضفرك وهي وحدة منهم قاعدة كانت واقيل عندها ربع ساعة تلاقات مع راجلها......
ايه على شكون نكذبو
الكذب آفة تمشي فينا راجل أو مرا كل واحد ودرجتو
المرا عندها السرعة فموقف بالخف تسلك راسها وتلقى الحل
أمّا الراجل أنا نحيّيه تحية ونعطيه براعة الإختراع ماكانش اللي يخترع الكذب قدو خرافي
نتوما واش رايكم
وهل جا نهار كذبتو الكل يكذب ما تقولوش خاطينا وحكونا على موقف كذبتو مي تكشفتو
الخط ليكم وشكرا
