السلام عليكم يا جماعة الخير
:wink:
كيراكم دايرين؟ان شاء الله بخير
اممممم ،نورمالمون تكون لاباس
:thumb_up1:
كيما علابالكم كامل الصيف دخل،و كيما نعرفوا كامل الصيف فيه الاعراس،الزهو،الشطيح و الرديح..!? لبعض الناس طبعا ، كاين منكم اللي يبغوا يعرسوا،كاين اللي يفوتها تبحار ،كاين و كاين...........
و كيما تعرفوا كامل كاين حاجة سموها ال DJ و لا كيما تقوله جدتي الـ DJIDJI :laugh: و هو اللي بغيت نحكيلكم عليه.
علابالي بلي la plupart منكم يفوتوا اعراسهم بالــ Dj
انا وحدة من الناس مانبغيش الــDj ،و اذا رحت لعرس فيه نكره حياتي،على خاطر يبانلي ازعاج:angry: آو قمة الازعاج،كاين اللي يوافقني الراي و كاين اللي لا.
يعني بكل بساطة علاه اللي يكون عنده عرس مايديرش لاشان على حسابه :crying:، علاه يهبل عباد ربي و يخرجهم من عقولهم
_o:.مثلا السبت اللي فات قاعدة نريفيزي زعمة نفوت فـ les exam ، ايا ماشي الجوارين عندهم عرس :sneaky2: واو يال المصادفة.....:sad:
ماعييت كيندير ماقديتش نكونسونطري :crying_1: حسيته يضرب في راسي تقول حليت ديسكو تاك.
زعمة علاه عليهم هاذ الشي،مايعرفوا واحد مريض :bored:،مايعرفوا واحد يقرا،واحد باغي يرقد،واحد باغي يموت :no_1:............
المهم هذا اول موضوع ليا في قسم واش راك تهدر
راني نستنى في آرائكم ، آسكو يبانللكم ال Dj ازعاج؟ و اذا كنتوا دايرينه آسكوا تخمموا فالناس؟
ولا المهم تفوتوا عرسكم توب :yahoo:.
peace
