واش رايكم فلي يحوس و يخلي ولادو و مرتو فالداار ..

Houda Chaouienne DZ

:: طبيبة ::
أحباب اللمة
إنضم
4 جويلية 2010
المشاركات
5,103
نقاط التفاعل
236
النقاط
323
الجنس
أنثى
السلام عليكم و رحمة الله تعالى و بركاته
1140408385_welcome.gif

بسم الله الرحمن الرحيم

أهلا بكل المشرفين و الأعضاء و الزوار في موضوعي الجديد
و تحية خاصة لرواد منتدى واش راك تهدر

واش أحوالكم مع الصيف و السخانة :heh: ؟؟

521.gif

اليوم .. حابة نهدر شوي على الأسرة ..

بون .. مادام رانا في فصل الصيف .. فصل الرحلات و الراحة و الاستجمام

كاين فئة من الرجال اللي ما عمباليش .. ممكن ما يخمموش في ولادهم و زوجاتهم ..

و ما يقولوش بلي هوما مساكن عندهم عام كامل مخزونين فالدار ..

يلحق الصيف ..
يروحو بكل بساطة يحوسو مع صحابهم ..

واحد السمانة ولا سمانتين ..

و يخليو العائلة الكريمة فالدار ..

i123996576_98298_5.gif


علاه يعني الحقرة هاذي علاه ؟؟

:santa_1::santa_1:

i123996576_98298_5.gif


أولادهم ماهمش عباد حتى ما يدوهمش يحوسو معام ولا كيفاه ؟؟

و زوجاتهم ؟؟ علاه ما يرحموهمش شوي .؟

عام كامل فالدار ... و على اللخر يروح يحوس مع صحابو

و يخليهم هوما يعسو الدار :tears: ..

i123996576_98298_5.gif


و كي تسقسيهم .. تقولهم علاه ما تديوش عائلاتكم ..

يبداو في الحجج الواهية .. واحد يقولك الطاكسي اومبان ..

واحد يقولك ما عنديش .......

i123996576_98298_5.gif


اللي الطاكسي تاعو اومبان يعدلها ..

و اللي ما عندوش الحمد لله كاين ذرك كيران لاباس بيهم تقول طيارة ..

و لي عندو علاه مايروحش بيها ..

i123996576_98298_5.gif


عمبالي هذا الموضوع ما يكونش بزاف في الولايات الساحلية

قد ما يكون في الداخلية لأنهم بعاد على البحر ..

و الله شفت بزاف عباد هكا .. واحد عندو طاكسي يروح هو و صحابو يحوسو و يخلي مرتو و ولادو ..

و كي تقولو يقولك ما عنديش !!!!!!!!

i123996576_98298_5.gif


واش راح نقولكم غير ربي يهدينا

و ذرك كل واحد ما يخرجش بلا ما يمدلنا رأيو في هاذ الموضوع

521.gif


اسمحولي على الإطالة
و نتمنى نشوف تفاعلكم مع الموضوع

و السلام عليكم و رحمة الله تعالى و بركاته

:az_flw::az_flw::az_flw::az_flw::az_flw:

 
و الله صح يا هدى , شايف الحالة هاذي بــزاف , رجالة يخرجو يحوسو وحدهم تحسب جامي حوسو ! و مخلين فامليتهم معششة في الدار , مع لاقيهم ساكتين هاذاك هو مطفي عليهم الضو

لا لا , لازم كل واحد و نصيبو , و الخرجة العائلية عندها جو وحدها
ربي يهدي الراجلة هاذو

شكرا على الموضوع , و الإلتفاتة المهمة .
 
انا نوافقك الراي اختي..............عندك حق فكلشي هدرتيه............كاين ليقولك عندي الخدمة ما نقدرش.و اللي يقولك الطاكسي اونبان و..................................
مشكورة على الموضوع
فموضوعك يستاهل التقييم
و لك مني اجمل التحيات
 
هادوا مهابل وماهومش رجالة ليخدموا الخدمة هادي
 
نكره هاذي العقلية و علاه الزوجة والأولاد معندهمش حق باش يحوسو
 
والله اختي عندك الحق العام كامل هما في الدار وحتى سيمانة ولا جوج ميقدر يدورهم مساكن مزال الى الراجل مسافرش حتى هو نقولوا ماشي مشكيل ولكن الراجل اسافر ومرتو وولادو اجلسو فدار هادي حقرة نيت
شكرا اختي على الموضوع الذي فعلا ظاهرة منتشرة
 
ايه تصرا بزاااااااااااااااااف هذي انا ضدها مية بالمية ما حقش عليه يروح ويخليهم
 
يعطيك الصحة ختي
ألي يدير حاجة كيما هكدا ويروح يحوس وحدو بلا مايدي مرتو وولادو
هادا ماشي راجل ...
خلاص كي تتزوج فردة نتا وفردة مرتك واولادك
لحوايج هادو ديرهم بكري ...
 
وعلاه مساكن نورمالمو الأولوية لولادو و مرتو

مرتو مسكينة عام كامل و هي مسجونة بين اربع حيطان تخدم عليه و على ولادو

كي يجي الصيف ما يخرجهاش

ماشي عقلية​
 
هدي يسموووووها الانااااااااااانية
 
يعطيك الصحة ختي على هاد الموضوع الرائع
وتا في رايي الي يخدم هاد الخدمة مراهوش قاع راجل
وربييهدي ماخلق
 
و الله صح يا هدى , شايف الحالة هاذي بــزاف , رجالة يخرجو يحوسو وحدهم تحسب جامي حوسو ! و مخلين فامليتهم معششة في الدار , مع لاقيهم ساكتين هاذاك هو مطفي عليهم الضو
هذاك أهو .. يلقاهم ساكتين .. صاي
مايزيدوش يشوفو الضو
لا لا , لازم كل واحد و نصيبو , و الخرجة العائلية عندها جو وحدها
ربي يهدي الراجلة هاذو
أنعم ايه .. ماكانش قد العائلة
بصح .. لا حياة لمن تنادي
شكرا على الموضوع , و الإلتفاتة المهمة .
العفو أخي .. لا شكر على واجب
شكرا جزيلا أخي على ردك المميز
أسعدني مرورك
نورت الموضوع
 
نعرف ناس هكدا وكي يقولولهم و حنا يقولولهم روحو لداركم ريحو شوية عندهم راهم توحشوكم وانتم تاني راني رايح خدمة
انا قلت لدارنا اشرطوها هدي في الشرط رجلي علي رجلو
 
ربي يهدي ماخلق ماتفهميش هاد الرجال كيفاه يخمو واللله الخرجة مع الزوجة و الاولاد لاتقدر بثمن الله غالب مانعرف وكتاه يقدرو قيمة العائلة
لازم الانسان في هاد الدنيا يعرف كيفاه يتصرف و يعطي كل واحد حقو راهم يحاسبوه عند ربي خاطر واجب عليه و من حقهم خاصة ادا كان قادر ماديا
 
كاين رجالا يحوسو مي عاطين حق لنساهم ويحوسو بيهم هادي معاهم
مي الي يحوس وحدو تسمى اناني
مشكورة على الموضوع
 
انا رايي فلي يحوس ويخلي العايلة في الدار : انو انسان اناني يشتي غير روحو
ربي يهدي هادا مانقدرو نقولو
 
ا
سمحولي قاااااااااااااااااع في الكلمة ماااااااااااااااااااااااااااشي راجل.
 
امى تقول وحد المثل واش يدير الميت في يد غسالوا
 
هادو عباد امنيني ما يسحقوش مامبا نهدرو عليهم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top