واش رايكم فلي يحوس و يخلي ولادو و مرتو فالداار ..

[Mr mino]

ماهي الاثار الناتجة عن ذهاب الاب والعائلة الكريمة للتحواس ؟؟؟؟؟


1 - الاثار الناتجة عن الاولاد

* يكثر عليك الحس ها بابا اشرينا هذي ها ادينا منا ها

نديرو كيما لوخر

* يكثر عليك الرفيد تع القش اللبسة بالدوبل ويلا كانو

صغار كل دقيقة لبسة

* يكثر عليك المصروف ولخسارة دراهمك يروحو غير في

الالعاب والماكولات والسقايط

* يكثر عليك الشخير في الليل


2 - الاثار الناتجة عن الزوجة

* ماتنجم تخزر ني هاك ني هاك سيرتو الا كنت في لبحر

* يكثر عليك ادينا اي كاينة حفلة او كاين سهرة ايا

نروحو نمشو في الليل

* يكثر عليك المصروف تع الماكلة لانو الزوجة راح تقلك

مانطيبش راني في عطلة

* تكثر عليك كلمة ادينا للريستورون ادينا للروسترون

ادينا للروسترون



هذي هيا نتائج انو تدي معاك العايلة تحوس

والله صدقيني هدى اختي كاين جارنا يروح باتلاث سمنات ربعة

ويخلي عايلتو في الدار

هكا هوما مخدومين واني شرحالك الاسباب


كاينة حاجة برك حبيت نزيدها معليش

ربي يشفيلك ابيك ويخليهلك ويحفظو ويخليك ليه ان شاء الله

وان شاء الله ربي يحفظكم كامل

ميرسي بزاف هدى اختي

يعطيك الصحة



​

 

[Houda Chaouienne DZ]

ههههههه انا والله نلصقلهم فالروضة حبو ولا كرهو
هوما النهار كامل وهوما برا هاملين ويوسو ويخلونا في خرجة معاهم والله رايحة حبوا ولا كرهوا ههههههه
واش فيها كي الراجل يخرج مرتو ووليداتو يحوسو معاه مشي خير​

ههههههههههههههههههههههههههههههه
نتي وحدك .. بصح هكا مليحلهم
شكرا جزيلا على رأيك في الموضوع
مرورك أسعدني
​

 

[Houda Chaouienne DZ]

وعليكم السلام
الراجل لي يدير هك
اكيد عندو بياسة ناقصة في مخو
شكون رايح يلتى بولادو ومرتو بخلافو هو
شكرا على الموضوع عزيزتي تقبلي مروري

هههههههههههههههه
ما نعرف شكون رح يلتى بيهم
العفو أختي
مرورك أسعدني
نورتي الصفحة
​

 

[Houda Chaouienne DZ]

الراجل اللي ما يحوسش بفاميلتو و ما ينحيلهمش على خاطرهم اسمحولي ماهوش راجل حرام عليه ولادو ومرتو ديما مدفونين فالدار و هو يروح يزها كي العزاب

راكي تشوفي يا أختي
و لكن كلمة ما هوش راجل كبيرةة شوي
شكرا جزيلا على مرورك
نورتي الموضوع
​

 

[Houda Chaouienne DZ]

أنا رفضت السفر مع صحابي للبحر على خاطر حبيت نحوس بالعائلتي

عندك الحق و انا طبقت واش تقصدي أشكرك


واحد كي يخرج زوجته و اولاده في التحواس كي يرجع للبيت يصبح ياكل مليح و يلبس مليح و سبب نشاط ذهني الذي اكتسبته زوجته في التحواس

و الواحد لي ميخرجش عائلته للتحواس يصبح مياكلوش مليح و ما يلبسش مليح و سبب هو تعب ذهني نتاع زوجته

زوجة امانة كي تفرحها تفرحك و كي تغبنها تغبنك

​

الله يبارك أخي
و نعم الزوج
تصرفك مع أهلك رائع
ري يهنيك معاهم
و الله كي تخرجهم يتنح عليهم الهم مساكن
شكرا جزيلا على رأيك في الموضوع
مرورك أسعدنس
​

 

[Houda Chaouienne DZ]

توجهوا لقسم الشريعة الاسلامية هناك مواضيع تستحق الت(فاعل و الله حرام علينا رانا مسلمين مكانش خلاص ردود و كل المواضيع راهي بدون قراءة هناك مواضيع قيمة ربي يعيشكم استغلوا فرضة شهر التوبة و الغفران اعذروني على دخول المواضيع بهاد الطريقة بصح ................ لازم علي

نعم إن شاء الله
​

 

[Houda Chaouienne DZ]

ماهي الاثار الناتجة عن ذهاب الاب والعائلة الكريمة للتحواس ؟؟؟؟؟

و لم تسأل ما هي الآثار إن لم يذهبوا .. عام كامل و هوما فالدار .. بزاف
1 - الاثار الناتجة عن الاولاد

* يكثر عليك الحس ها بابا اشرينا هذي ها ادينا منا ها

نديرو كيما لوخر

كيف كيف أولادك لاشتا شريتلهم .. و إذا لا راك باباهم تقدر تسيطر عليهم

* يكثر عليك الرفيد تع القش اللبسة بالدوبل ويلا كانو

صغار كل دقيقة لبسة

لالا .. ماشي نتا لي تهز وحدك كاينة ماماهم تهز ..

* يكثر عليك المصروف ولخسارة دراهمك يروحو غير في

الالعاب والماكولات والسقايط

نظن ماشي خسارة في ولادك و مرتك .. حتى هوما عندهم حق عليك .. مع مراعاة عدم التبذير

* يكثر عليك الشخير في الليل

سبحان الله .. ما تقدرش تحمل أولادك ...
2 - الاثار الناتجة عن الزوجة

* ماتنجم تخزر ني هاك ني هاك سيرتو الا كنت في لبحر
ماشي النسا كامل هكا .. قليل وين تلقا النوع هذا
* يكثر عليك ادينا اي كاينة حفلة او كاين سهرة ايا

نروحو نمشو في الليل

وش فيها إذا رحتو تمشو فالليل .. و على الحفلات .. ثاني تقدر تسيطر عليهم و تقولهم لالا .. هذا ماهوش مشكل


* يكثر عليك المصروف تع الماكلة لانو الزوجة راح تقلك

مانطيبش راني في عطلة

كاين لي يطيبو حتى فالعطلة .. و إذا ما طيبتش كيف كيف .. رتحها شوي حتى هي إنسان .. سبحان الله العظيم

* تكثر عليك كلمة ادينا للريستورون ادينا للروسترون

ادينا للروسترون

واش فيها .. يخي ماشي عيب

المهم نتا دير ميزانية معتدلة ما تتقشفش بزاف و ما تبعهمش و تبذر بزاف .. و صاي

هذي هيا نتائج انو تدي معاك العايلة تحوس

والله صدقيني هدى اختي كاين جارنا يروح باتلاث سمنات ربعة

ويخلي عايلتو في الدار

هكا هوما مخدومين واني شرحالك الاسباب

و نتا عاجبك .. علاه يعني يديرلهم هكا
على الأقل يخرجهم 3 أيام برك

كاينة حاجة برك حبيت نزيدها معليش

ربي يشفيلك ابيك ويخليهلك ويحفظو ويخليك ليه ان شاء الله

وان شاء الله ربي يحفظكم كامل

آآمين يا ربي آآآآمين

ميرسي بزاف هدى اختي
العفو أخي مينو .. لا شكر على واجب
يعطيك الصحة

الله يسلمك خويا


​

شكرا أخي جزيل الشكر على ردك الرائع و المتميز
و إعطائك لوجهة النظر الاخرى
مرورك أسعدني
نورت الموضوع
​

 

[khalilou algerino]

ربي يهديهم ​

 

[HWK4ALGERIA]

والله ف الوقت الصعيب اللي رانا فيه مع لي زاgريسيون والطيش تاع الشباب الواحد يحشم حتى يمشي ف الطريق مع باباه،،، والتحواس ولى حاجة صعيبة المنال سواء في جو عائلي والا حتى واحد وحدو،،، سينو واش راه امgعدنا هنا لذرك،،، هانروحو انحوسو،،،
شكرا.

 

[AnGeL*dZ]

احنا بآبآ يحآولنا باش نروحو نحوسو
مسكين عندو بنات يحبو يقعدوا في الدآر ههههههههه:glare:
بابا يحب يحوس بالعايلــــــة تآعو الحمدو لله ماحرمناش خلاص
وساعة ساعة يروح مع صحآبـــــــو عآدي :heh:
واللي يحقر مرتو وولادو في الدر مافيه حتى خيرة :glare:

​

 

[lost_prince]

و الله صح يا هدى , شايف الحالة هاذي بــزاف , رجالة يخرجو يحوسو وحدهم تحسب جامي حوسو ! و مخلين فامليتهم معششة في الدار , مع لاقيهم ساكتين هاذاك هو مطفي عليهم الضو

لا لا , لازم كل واحد و نصيبو , و الخرجة العائلية عندها جو وحدها
ربي يهدي الراجلة هاذو

شكرا على الموضوع , و الإلتفاتة المهمة .

شكرا على المرور الرائع​

 

[عاشقة رجاص]

السلآم عليكم ورحمة الله وبركاته:
ماكانش خير من انك تخرج مع العائلة وتقضي لحظات معاهم
خاصة فالوقت هذا عاد كل واحد فينا عندو مشاغلو وهمومو
لازم العائلة مرة على مرة تروح تحوس وتنحي على خاطرها شوية
ماكانش أفضل من العائلة وماكانش خير من هذيك البسمة اللي تشوفها مرسومة على وجهم
صراحة أنا نحير ومانلقى حتى تفسير للرجل اللي يهمل العائلة تاعو؟؟؟؟؟؟
يعني كي ماتخرجش أنت والزوجة تاعك وولادك شكون يخرجهم؟
انت راك ديما برا مع صحابك وهوما؟
والله حرام راهو من حقهم عليك مش مزية
صح ماشي نوصلوا لدرجة الإفراط مي ثاني مش التفريط كيما قال الحبيب المصطفى صلى الله عليه وسلم
"لا إفراط ولا تفريط"
صراحة بالنسبة ليا اللي مافيهش الخير مع مرتو وولادو مافيه الخير حتى في حاجة
وهذي سمها حقرة مش رجلة
وماعندها حتى عذر واللي يعطي عذر راه العذر تاعو أقبح من الذنب
شكراااااا أختي هدى موضوع رائع:heh:​

 

[Houda Chaouienne DZ]

والله ف الوقت الصعيب اللي رانا فيه مع لي زاgريسيون والطيش تاع الشباب الواحد يحشم حتى يمشي ف الطريق مع باباه،،، والتحواس ولى حاجة صعيبة المنال سواء في جو عائلي والا حتى واحد وحدو،،، سينو واش راه امgعدنا هنا لذرك،،، هانروحو انحوسو،،،
شكرا.

لا يا أخي .. ما شي هذي هي لي تخلينا ما نحوسوش مع عايلاتنا
مالا كيفاه رانا نحوسو كامل ..
العفو اخي .. لا شكر على واجب
شكرا جزيلا على رأيك في الموضوع
مرورك أسعدني
​

 

[Houda Chaouienne DZ]

احنا بآبآ يحآولنا باش نروحو نحوسو
مسكين عندو بنات يحبو يقعدوا في الدآر ههههههههه:glare:
بابا يحب يحوس بالعايلــــــة تآعو الحمدو لله ماحرمناش خلاص
وساعة ساعة يروح مع صحآبـــــــو عآدي :heh:
واللي يحقر مرتو وولادو في الدر مافيه حتى خيرة :glare:

​

هاذي مليحة .. مالا هنيتوه
هههههههههههههه
طبعا اختي لي يحقر لافامي تاعو ما فيهش الخير
شكرا جزيلا على رأيك في الموضوع
مرورك أسعدني
نورتي الموضوع
​

 

[BOUSS]

حاجة عظيمة عي حياتنا او مانخلوهاش تفوت اعلينا رانا نكبرو امعا الوقت
او نندمو الي ما قسمناهش امعا الاهل انتاعنا مع الف شكر ختي علي الطرح

 

[ريفال]

يحسبو المرا ديكور برك لازم تقعد غير في الدار وانتى مزال معرفتيش السر لي يخلي مرتو في الدار ويخرج وحدو

 

[Houda Chaouienne DZ]

السلآم عليكم ورحمة الله وبركاته:
و عليكم و السلام و رحمة الله تعالى و بركاته
ماكانش خير من انك تخرج مع العائلة وتقضي لحظات معاهم
خاصة فالوقت هذا عاد كل واحد فينا عندو مشاغلو وهمومو
لازم العائلة مرة على مرة تروح تحوس وتنحي على خاطرها شوية
ماكانش أفضل من العائلة وماكانش خير من هذيك البسمة اللي تشوفها مرسومة على وجهم
نعم يا أختي .. أجر و منفعة
و الله يتنحى عليهم الهم اللي كانو فيه
لازم يخرجو شوي
صراحة أنا نحير ومانلقى حتى تفسير للرجل اللي يهمل العائلة تاعو؟؟؟؟؟؟
يعني كي ماتخرجش أنت والزوجة تاعك وولادك شكون يخرجهم؟
انت راك ديما برا مع صحابك وهوما؟
والله حرام راهو من حقهم عليك مش مزية
و نعم التفكير أختي .. راني معاك في كل كلمة قلتيها
صح ماشي نوصلوا لدرجة الإفراط مي ثاني مش التفريط كيما قال الحبيب المصطفى صلى الله عليه وسلم
"لا إفراط ولا تفريط"
نعم .. بدون ما يكثر .. و يخلي صحابو خلاص
كيف كيف يروح مع صحابو مي مرة على مرة ما ينساش لافامي
صراحة بالنسبة ليا اللي مافيهش الخير مع مرتو وولادو مافيه الخير حتى في حاجة
وهذي سمها حقرة مش رجلة
وماعندها حتى عذر واللي يعطي عذر راه العذر تاعو أقبح من الذنب
نعم يا أختي .. أنا ثاني ما لقيت حتى عذر يصلح لهاذ الحاجة
شكراااااا أختي هدى موضوع رائع:heh:
العفو أختي .. لا شكر على واجب
​

شكرا جزيل الشكر على رأيك في الموضوع
أسعدني مرورك الرائع و المتميز
نورتي الموضوع
:ax_flw:
​

 

[Houda Chaouienne DZ]

حاجة عظيمة عي حياتنا او مانخلوهاش تفوت اعلينا رانا نكبرو امعا الوقت
او نندمو الي ما قسمناهش امعا الاهل انتاعنا مع الف شكر ختي علي الطرح

نعم يا أخي
ماكانش قد الخرجة مع الأهل
العفو أخي .. لا شكر على واجب
شكرا جزيلا على المرور
نورت الموضوع
​

 

[Houda Chaouienne DZ]

يحسبو المرا ديكور برك لازم تقعد غير في الدار وانتى مزال معرفتيش السر لي يخلي مرتو في الدار ويخرج وحدو

ههههههههههه
كاين و كاين
هههههههههههههه
شكرا جزيلا على المرور أختي
نورتي الموضوع
​

 

[اميرة الساحل]

نقلك يا ختي هدا نوع من الرجال انانيين يخمو غير في رواحتيهم و زيد بلاك مشحاحين تاني يقول نروح انا وراسي باش عايلة نتاعي ماتهبلنيش او مانصرفش بزاف هاهو المشكل يا ختي .
ولا من هداك النوع المعقد اللي مايحبش يخلي العايلة ديفولي من نوع اللي يحجب العايلة عن الانظار