عرض خدمة

[امنة2]

شكرا اختي الحبيبة والله مارانيش عارفة كيفاش نشكرك ربي يحفظك ويكمل واش تتمناي .

 

[lina07]

صباح الخير اختي نسومة رايحة نزيد نقلقك شوي بطلبات راح نطلب منك تمديلي طريقة تاع لابات فوييتي

 

[nissma34]

صباح الخير اختي نسومة رايحة نزيد نقلقك شوي بطلبات راح نطلب منك تمديلي طريقة تاع لابات فوييتي

سلام
طريقة ومقادير مجربة مني شخصيا شريطة احترام المقادير والخطوات بالتدقيق
اما الصور منقولة للتوضيح

500 غ فرينة la belle
375 غ مارغرين التوريق (صالحة او البارسية ) خاصة متوفرة في الاسواق
05 غ ملح (لما تستعمل لاعداد حلوى نديرو 05 غ اما للمملحات نديرو 10غ)
02 مغارف كبار زيت
ماء بارد
الخطوة الاولى :تحضير العجينة المورقة:
نخلط الفرينة مع الملح+الزيت ونلمها بماء بارد ضروري لا تعجن تتلم فقط ترك لترتاح 1/2 سا​

الخطوة الثانية:نرش السطح بالفرينة نرسم خط + بالسكين

الخطوة الثالتة ناخذ مارغرين التوريق نضعها في كيس بلاستيكي ونبسطها بالحلال نضربها شوية

الخطوة الرابعة:نحل الاطراف الاربعة للعجينة نحصل على شكل فراشة .

الخطوة الخامسة والسادسة: نضع المارغرين في الوسط نجمع الاطراف الاربعة ونغلق العجينة نحصل على مربع.

الخطوة السابعة: تحل العجينة اولا بالطول ثم العرض

الخطوة الثامنة :تطوى على ثلاثة من جهة الطول

وهكذا نكونوا قد قمنا بالدورة الاولى للعجينة المورقة
الخطوة التاسعة: تضع في كيس بلاستيكي وتضع في الثلاجة من 10 الى 15 دقيقة ونعيد العملية 6 مرات (نعيد الخطوات 7-8-9) وتكون العجينة المورقة جاهزة

تحفظ في الثلاجة مدة 04 ايام وفي المجمد 04 اشهر



وهنا وضعت نصائح هامة لنجاح العجينة المورقة على الرابط

https://www.4algeria.com/vb/showthread.php?t=253898

 

[nissma34]

شكرا اختي الحبيبة والله مارانيش عارفة كيفاش نشكرك ربي يحفظك ويكمل واش تتمناي .

لا شكر على واجب راني في الخدمة في اي وقت

 

[lina07]

مرسي اختي نسمة تستاهلي تقييم ديما نشقيك
ربي يجازيك وصحة فطورك

 

[nissma34]

مرسي اختي نسمة تستاهلي تقييم ديما نشقيك
ربي يجازيك وصحة فطورك

بلامزيا شكرا اختي

 

[amina6]

السلام اختى نسيمة الله يعطيك صحيحتك او يحققلك واش تتمناى على خاطرش قليل لى تمد سر المهنة
اختى انا صيدلية وادا احتاجيتى اى نصيحة منى راح نكون فرحانة بش نجاوبك على الاقل نرد شوية من جميلك
الله يخليك بغيتك تعطينى وصفة الفوندون بصح تكونى مجربتها
او حاجة وحدخرى انا كيندير التشاراك بالسكر glacé يعنى مرمد ميخرجليش مليح كيما نتاع برة
يعنى ميترمدليش كامل مع الوقت يشربلى هداك السكر
اختى متى نستعمل عطر اللوز المر هل نستعملوه مع الكوكاو برك
وادا ستعملته ميعطينيش مداق مر
شكرا

 

[هداية الروح]

صحى فطورك اختى نسيمة حبيت نطلب منك طلب وهو
امى راجة من العمرة مع العيد انشاء الله تجى على ىخير وعافية يارب
لوكان تمديل ى زوج وصفات تاع القاتو يكونو شابين وميستهلكوش ياسر ومشكورة وربى يكون فى عونك على خاطر كثرنا عليك

 

[linda_girl]

ربي يخليك اختي ويجازيك على المجهود نتاعك رانا ستفادينا بزاف من هاد الموضوع نتاعك وبغيت نسقسيك على الوصفة نتاع هاد الحلوى كيفاش ندير الشكل نتاعها و نخرج هاد اللون سمحيلي كثرت عليك وشكرا ليك مسبقا وصح سحورك

 

[nissma34]

السلام اختى نسيمة الله يعطيك صحيحتك او يحققلك واش تتمناى على خاطرش قليل لى تمد سر المهنة
اختى انا صيدلية وادا احتاجيتى اى نصيحة منى راح نكون فرحانة بش نجاوبك على الاقل نرد شوية من جميلك
الله يخليك بغيتك تعطينى وصفة الفوندون بصح تكونى مجربتها
او حاجة وحدخرى انا كيندير التشاراك بالسكر glacé يعنى مرمد ميخرجليش مليح كيما نتاع برة
يعنى ميترمدليش كامل مع الوقت يشربلى هداك السكر
اختى متى نستعمل عطر اللوز المر هل نستعملوه مع الكوكاو برك
وادا ستعملته ميعطينيش مداق مر
شكرا

الله يبارك وانا مهندسة معمارية وهوايتي الحلوى فقط عملت تربص حب في صنع الحلوى وماهيش المهنة تاعي وعلاه نبخل
1- عطر اللوز كاين المر والحلو تستعمليه غير معا الكوكاو
كاين لي حب ذوق شوية قاطع يستعمل عطر اللوز المر وان كنت تحبي ذوق اللوز العادي استعملي الحلو انا استعمل الحلو
2-نمدلك طريقة تاع تشاراك لمسكر
03 كيلات فرينة
كيلة سمن طري
فاني
ملعقة سكر رطب
ماءزهر +ماء
للحشو
03 كيلات كوكاو +عطر اللوز او لوز
01 كيلة سكر عادي
ماء زهر
مبشور ليمون
للسيرو
للقلاصاج سكر رطب مغربل+فاني
02 كيسان ماء+كاس سكر عادي+tranche de citron
نخلط الفرينة جيدا مع السمن+السكر +الفاني ونجمع بماء وماء زهر
نترك العجينة ترتاح.
نحضر الحشو نرحي الكوكاو مع السكر +قطرات عطر اللوز مبشور ليمون ونجمع ب ماء زهر
نضع الماء والسكر مع قطعة الليمون فوق النار يعقد شوية
نحل العجينة نقطع دوائر نضع حربوش صغير حشو ونغلق ونحاول شوية نمدلو شكل هلال نطهيهم في فرن متوسط الحرارة ونتركهم يبردو
السيرو ثاني بارد نضع السكر المغربل المعطر بالفاني في كيس
نغطس حبة الحلوى في السيرو ونحطها في السكر ونحاول نغمرها في السكر مليح ونرفدها ونحطها على كف اليد ونحي الزائد تاع السكر بكف اليد الاخري يعني نملس نتركها تجف شوية ورايح سيرو عادي يشرب السكر الاول نستنى مدة ونعاود نغطسها في السكر للمرة الثانية ونقوم بنفس العملية لغدوة من ذاك او عند التقديم تعمري مصفاة حليب بالسكر وتغربلي فوق
التشاراك اتبعي الخطوات رايحة تتحصلي على تشاراك مسكر كي الثلج رائع.
3- الفوندون درجات الحرارة مهمة لنجاه لازم مقياس الحرارة تاع المطبخ
رطل سكر عادي
15 سل ماء​

تاخدي كاسرونة وديري الماء والسكر وتحطيهم فوق النار حتي يصل الخليط درجة 115 درجة وتنحي زايد السكر من الحواف باه مينحرقش ويولي كراميل
حطي الكسرونة في اناء به ماء بارد تبرد شوية 75 درجة
هزي الباتور واخدمي مليح بكروشي الرقيق تاع الباتور
كبي الخليط واعجنيه باليد تتحصلي على فوندون

 

[amina6]

شكرا اختى
الله يخليك بغيت الوصفة نتاع هاد الطابع
بصح ميكونش بعجينة اللوز
على خاطرش شفته بعجينة بالفرينة او فى وسطها العقدة


انا شفت بلى يلونوه فى الحواف
اختى نلونه بملون سائل ولا نجم ندير ملون غبرة فى الماء ?
سؤال تانى
انا عندى مشكلة مع الملون غبرة باه ندخله فى العجينة
مادا بيك تعطيلنا des astuces pour les différentes pates

 

[amina6]

غادى نهبلك نسومة
انا مرة عند اللى يبيع صولح الحلوى دخلت وحدة قالتله اعطينى ورقة نتاع جيلاتين
سقسيتها واش ديرى بيها قالتلى فى بلاست الناباج
مادا بيك تقوليلى الطريقة على خاطؤش هى ما حبتش
تانيا ممكن طريقة عمل الناباج منزليا
و طريقة استعمال الناباج لى ينتباع

 

[amina6]

اختى ها هى الصورة

 

[مريم..]

السلام عليكم وصح رمضانكم
حبيبتي مشكورة بزاف على هذي المساعدة
انا حبيت نسقسيك على glassage(القلاصاج) ميزدقليش بزاف ومش كيما نحوس عليه يعني كيما نشوفو في الكتب او التلفاز او ما شابه
المهم ماذا بيك حبيبتي تعطيني المقادير والكميات الصحيحة نتاعو من فظلك
سلام
​

 

[nissma34]

سوف اجيب على اسئلتكم باذن الله بعد الافطار تقبل الله صيامكم وصح فطوركم

 

[ايمان9]

السلام عليم راني حابة نعرف الوصفة تاع pate a choux

 

[اميرة الساحل]

السلام على الجميع شكرا اختي نسمة على كل ماتقدمنه من مساعدة جزاك الله كل خير
حبيت تمدلي طريقة عمل حلوى الطابع انا نعملها مرات في البيت لكن ذوقها يطلع مسوس مع اني استعمل كمية معتبرة من السكر في المقادير ربما تاثر عليها كمية الفرينة لان العجينة كي نلمها تتلصق معي نجي نكثرلها في الفرينة باش تسهل معي كي نروح نشكلها حبيتها تكون خفيفة في ذوقها وشكرا لك اختي

​

 

[nissma34]

السلام عليكم وصح رمضانكم

حبيبتي مشكورة بزاف على هذي المساعدة
انا حبيت نسقسيك على glassage(القلاصاج) ميزدقليش بزاف ومش كيما نحوس عليه يعني كيما نشوفو في الكتب او التلفاز او ما شابه
المهم ماذا بيك حبيبتي تعطيني المقادير والكميات الصحيحة نتاعو من فظلك
سلام​

صح فطورك اليك طريقتي في اعداد القلاصاج باذن الله تنجحي فيه
03بياض بيض
4 ملاعق ماء زهر
3 ملاعق عصير ليمون
سكر رطب
ملعقة زيت
نخفق شوية بياض البيض +ماء زهر+عصير الليمون ملعقة الزيت ونبدى نزيد في السكر بالباتور نسي القاصاج فوق حبة كان سال زيدي السكر حتي يثقال شوية يولي مايسيلش

 

[nissma34]

السلام عليم راني حابة نعرف الوصفة تاع pate a choux

صح فطورك اليك الوصفة
لتحضير la pate a choux
25 سل ماء او حليب
80 غ قطع زبدة
من 03 الى 04 بيضات
150 غ فرينة
50 غ سكر
قرصة ملح
نضع في كسرونة الماء او الحليب فوق النار +قطع الزبدة+ السكر +قرصة الملح حتى يذوب الخليط نحيها من فوق النار +الفرينة وخلطي تتحصلي على عجينة اضيفي تدريجيا البيض للحصول على عجينة شوية متماسكة هزي شوية بصبعك واقلبي الاصبع كان لما تبقى شادة في صبعك وما طيحش حبسي متزيديش البيض ديريها في جيب حلواني وتحطي اصابع في سنية مدهونة ادهني بصفار بيضة مع قليل من الحليب
تطهى في فرن 200 درجة من 25 الى 30 دقيقة نقسم على 02 بعد ما تبرد وتحشيها بالكريمة .
الكريمة/201 ل ماء
100 غ نشاء
100 غ زبدة
بيضة ونصف
ملعقة ونصف حليب غبرة
فاني

la rome
100غ سكر عادي

نضع فوق النار 1ل من الماء مع 200 غ سكر لما يسخن شوية نحي منو 1/4 ل واضيفيه للبيض وخلطي مليح وخالي الباقي يغلي فوق النار ​

نخفق مليح البيض +النشاء +حليب الغبرة +الفاني نضع الخليط في الكسرونة تاع الماء والسكر ونخلط حتى تعقد نديرها في صحن ونضيفلها الزبدة الطرية ونخفق حتى تبرد الكريمة ونضيفلها la rome لي تبغي كاين فرايز كاين كل النكهات نديرها في الثلاجة
توجدي الفوندون دوبيه مع شوية ماء دافء وتهزي بالموس وديري شريط فوق الايكلار .
جربتها اختي اميرة الساحل تطبيقها في الرابط
https://www.4algeria.com/vb/showthread.php?t=258172

 

[nissma34]

شكرا اختى
الله يخليك بغيت الوصفة نتاع هاد الطابع
بصح ميكونش بعجينة اللوز
على خاطرش شفته بعجينة بالفرينة او فى وسطها العقدة


انا شفت بلى يلونوه فى الحواف
اختى نلونه بملون سائل ولا نجم ندير ملون غبرة فى الماء ?
سؤال تانى
انا عندى مشكلة مع الملون غبرة باه ندخله فى العجينة
مادا بيك تعطيلنا des astuces pour les différentes pates

صح فطورك
هادا الطابغ خاص بهذه الحلوى لي ما طيبش مي انا درتوا مرة بالفرينة gateau russe و الحشو ب ganache غدا نكتبلك المقادير وتقديري تطبعي بيه حلوى السابلي يجيك هايل
ملاحظة : تتلون الحواف غير كي تكون عجينة لوز اما لي بالفرينة متقدريش تلوني الحواف
1-ان كان عندك ملون سائل مباشرة بواسطة ريشة رقيقة جدا ارسمي الحواف اما ان كان عندك غبرة حليه في شوية la rome او ماء زهر قطرة فقط خير وارسمي الحواف.
2-لما تكوني تخدمي في العجينة مثلا لي تتلم بماء زهر حلي الملون غبرة في ماء زهر ولمي العجينة مباشرة يخرجلك اللون بسهولة تامة خير من تلوينها بعد جمعها .اما العجينة لتجمع بالفرينة ديري الملون كي تكون المواد سائلة قبل ما تزيدي الفرينة
3-مافهامتش السؤال الثالث