ومن الحب مـــــــاقتل ؟؟!!!!!

ربي يهدي لعباد هادو
انا جاتني ماهومش فاهمين الحب صح صح
je pense مهما وش حبيت ومهما وش صرا مانموتش كافرة على جالت واحد
هادو ناس ضعاف الايمان و الشخصية
واحد من نهار الاول نتع العلاقة يحط بلي قادرة تكمل و قادرة اها
مكانش حاجة مضمونة 100/100
ربي يهديهم و يهدينا ان شاء الله
علابالي طولت عليك نهدر بزاف هههههههههههههههههههه
مي الموضوع هاذا يقلقني بزززززاااااااااااااف
من الحب ما قتل
انا نفهم بلي زوج كي يحبو بعضاهم و ما يكتبش ربي بيناتهم صح يتقاسو و يتعذبو وقادر واحد فيهم يموت من العذاب مايقدرش يستحمل يعيش بلا لاخر كيما قيس مات ورى ليلى ميش قتل روحو وقال من الحب ما قتل
جاتني واحد حتى كي يحب يستعمل العقل شوي ميش يلغيه خلاص ويولي يدير حوايج كيما هادو
هذا رايي ما نعرف صحيح ولا غالط
شكرا على الموضوع و تقبل مروري
المصيبة والمندبة الكبيرة
والله ماورائه غير العذاب سقسي المجرب وماتخافيش ياك راكي صحافية
نورمالمون تعرفي كل شيء
ونزيدك حاجة والله حب اليوم جامي نستعرف بيه
والله مبني على مصالح ونفاق وكذب
لايوجد احسن من حب الله ورسوله والزوجة ان شاء الله
شكرا لك
بارك الله فيك

 
هذا ضعف ايمان والمشكل مايتحلش كي تسويسيدي تدخل النار من النار للنار وبيانسور اللي رايحتلها كثر ربي يهدينا اللي بغا يحب يدبر راسو كل واحد حر فروحو بصح مشي لهاذ الدرجه مارسي خويا ... سلالام


والله من حيث الحرية في الحب
هذه هي المشكلة الكبيرة يكون فيها توسع وارتياح كبير بين الطرفين وهنا تروح للداهية
شكرا لك
بارك الله فيك

 
وحدة هربت مع صاحبها من وهرن للقالة الى تونس خطرش اهلها مقبلوش بيه يالطيف

مليح تسمى الهربة تسلك
هذا اومان ماكلاش الكاشي
الهربة تسلك
وربي وين راه
شكرا لك
بارك الله فيك

 
علاه في الوقت هذا كاينة حاجة وسمها حب
خرطي xخرطي
ومهما صرا حرام تقتل النفس اللي حرمها ربي
وحدة تسكن في الحي تاعنا حبت جارها .......... :glare:
ومبعد لافامي تاعو خطبولو
ساع مرة ناضت الصباح بكري
و حاولت تنتحر من الطابق الثالت
بصح نجات وزادت حاولت تنتحر هاذي لمرة بالسكين


 
ايييييييييييييييه يا خويا محمد ديما فور
بمواضيعك وش نقولك صاح كاينة منها هذو الناس لي يطيخو قلوب قلوب اي كي تعود من الطرفين معليش مي تعود من الطفلة برك والعكس صحيح متصلحش
هذو عباد نقصين في الشخصية مرسي

شكرا لك دارين
دائما حاضرة بقوة في واش راك تهدر صح فيها ضعف الشخصية بصح الحب صعيب صعيب بزااااااااااف
المهم الانسان مايوصلش لدرجة الانتحار ولا الهربة من الدار
وزيد لاحب لاهم يحزنون
بارك الله فيك

 
السلام عليكم ورحمة الله تعالى وبركاته
أصدق أخي القول أن الحب الطاهر موجود ولكن المجتمع ببعض قيوده خنقه وحطمه واوصل نهاياته الى ما ذكرت وافضع
لااعتقد ان كل الاحبة فاقدي الوعي والمنطق فلا يحسبون حساب الدين والواقع والقيم
متى اجتمع اثنان على حب وكانت النية الخالصة لايصاله الى بر الامان لم يقف الاهل او المجتمع في طريق تحقيق السعادة ستقولون حب طفولي هوس جنون ينتهي بعد الزواج بايام .... اقول ليس كله والاهل بحكمتهم يمكن لهم التمييز وان راوا ان ما يعيشه ابناؤهم مجرد نزوة عابرة لم لايتصرفون على النحو الصحيح لم دائما الجبر والقيد والاوامر لم لايكون الحوار الاسري لم لاياتي الواقع على نحو نصيحة ومثال يضرب بدل الفرض والتعنت
اخي المشاعر النبيلة موجودة لااقصد ان اشجع على مثل تلك الحركات لكن هو ضعف نفسي وايماني يسول للنفس التخلص والانتحار كمهرب اذا فقدت الحبيب وقد يمر بهذا الاحساس اي قلب حطم ولم يراعى شعوره
الاحتواء اخي هو الحل والاسرة هي التي عليها لعب الدور قبل ان تلوم وتحاسب تحضن وتطبطب وتنصح وتوجه ثم تشد وتقسو في مواضع تستحق ذلك

موضوع هام يمس واقعنا المرير وعجزنا امام ابسط مشاكل المراهقة وعراقيل الشباب
تقبل اخي مروري ولك مني كا التقدير والاحترام نابع من اعجاب بالطرح من جانب والانتقاء من جانب ثاني
اختم اخي بقول احبه قبل ان نكفف الدمع نمنع سقوطه
والسلام ختام

والله كلام راقي جدا صح وفقت كثيرا في طرحك
صح المجتمع يمقته في حب راقي وجميل وهو الذي يكلل بالنجاح
وطبعا هو الزواج
وهذا هو الأصح غير هذا ومانراه في حب اليوم غير يبعد احسن
لأن والله العظيم من وزرائه غير الدمار والهلاك
شكرا لك
بارك الله فيك

 
علاه في الوقت هذا كاينة حاجة وسمها حب
خرطي xخرطي
:music_whistling::music_whistling:
ومهما صرا حرام تقتل النفس اللي حرمها ربي
صح عندك الحق
وحدة تسكن في الحي تاعنا حبت جارها .......... :glare:
ومبعد لافامي تاعو خطبولو
ساع مرة ناضت الصباح بكري
و حاولت تنتحر من الطابق الثالت
بصح نجات وزادت حاولت تنتحر هاذي لمرة بالسكين
هنا المصيبة الكبيرة الانتحار كان غيرو وبالحلال



الحمد لله على سلامتك كي نهضت شفتك نائمة التحت كان عندك مشكل في السيارة طحتي اومبان
شكرا لك
بارك الله فيك

 
الله يهدي ما خلق و الله غير عجب
 
اييييييه وش نقولك وش نخليلك
اي حتى البنات ولات ضعيفة
نورمالمو طيشها بو غبار فيه نجيب غيرو
مي هدا هو التسرع وقلة الشخصية
كيفاه انا نقتل روحي على جال عبد ميعرفش قيمتي وخلاني
بالعكس لازم نكون قاوية قدامو ونواجه الموقف وزيد خويا كترة ظاهرة الحب هادي ولا الي عمرو 4 سنين يقولولك نحب ربي يهدي
 
الله يهدي ما خلق و الله غير عجب


امين يارب العالمين
باين راك دايرها
هههههه
امزح اخي
شكرا لك
بارك الله فيك

 
كلمة الحب لها معنى كبير و لهذا يجب ان نفهمه قبل الوقوع فيه

أممممممممم
:tears::tears:
صح عندك الحق خويا راك مور
شكرا لك
بارك الله فيك

 
السلام عليكم
الله يسترنا يا خويا محمد راهم يصراو بزاف حوايج هاكا
بدل باه الواحد يتقرب من الله
بهاذ الطريقة تاع الانتحار راهم يبعدو عليه كثر وكثر
واش تحب نقولو يا محمد خويا الله يهدي كل واحد للطريق المستقيم
ويبعد علينا البلاء
يعطيك الصحة
بارك الله فيك
صح عندك الحق اختي بشرى
والله كثرة هاته الحالات في يومنا هذا وكله جراء هذا الحب السيء
والله عيب ان تصل الدرجة الى حد الانتحار وبطرق شنيعة
أين مقام الرب هنا والمجتمع لم يعد لهم اي اعتبار
شكرا لك
بارك الله فيك

 
نتاع بكري كي قالو ا: ومن الحب ما قتل يعني الحب في ذاته هو لي يقتل ,فيموت المحب من شدة الوجد وحرقة الفراق
وقصص زمان روات حكايات ناس قتلهم الحب مثل عروة والعفراء
اليوم اصبح الفتاة تقتل روحها ماشي الحب قتلها ,الحب يقتل المحب الصادق
وما عندهاش بزاف وجدت في الكومة فتاة مشرفة على الموت شربت لا نات نتاع الفيران لان اهلها مابغاوش يزوجوها بالرجل لي حباتو
اخي
barca232 مواضيعك مهمة وملفتة للانتباه شكرا
 
نتاع بكري كي قالو ا: ومن الحب ما قتل يعني الحب في ذاته هو لي يقتل ,فيموت المحب من شدة الوجد وحرقة الفراق
وقصص زمان روات حكايات ناس قتلهم الحب مثل عروة والعفراء
اليوم اصبح الفتاة تقتل روحها ماشي الحب قتلها ,الحب يقتل المحب الصادق
وما عندهاش بزاف وجدت في الكومة فتاة مشرفة على الموت شربت لا نات نتاع الفيران لان اهلها مابغاوش يزوجوها بالرجل لي حباتو
اخي
barca232 مواضيعك مهمة وملفتة للانتباه شكرا
;والله عندك الحق اختي فاطمة فيكل كلمة قلتها
ناس زمان على الرغم ماكانش التفتح عندهم كثير
الا انهم كانو يعرفو قيمة الحب تاع الصح والنتيجة الزواج الصادق
اما اليوم زواج ماكانش حب كاين بصح أخرته كارثة
شكرا لك
بارك الله فيك

 
تعمدت نكتبلك يا محمد بالون الأحمر هههههههههه يقولو عليه رمز الحب
صح كيما يقولو و من الحب ماقتل نعرف وحدة شربت لاجافيل علاجال خويا بغاتو يهدر معاها ومزية ربي سترها المجنونة و بارك الله فيك في الموضوع .
:busted_red::busted_red:
رمز الانتحار امال
خخلي لاجافال لاصيد وزيد الدواء تاع الفار وحدة ترمي روحها من السانكيام
ربي يجيب الخير
شكرا لك
بارك الله فيك

 
ماعندي مانقولك خويا الحالة صعابة والحب دار ظل ربي يجيب سحابة اللي تنحيه
شكرا
 
السلآم عليكم
والله يا محمد خويا غير كي نشوفو ولا نسمعو قصص من هاذ النوع نحيرو ونقعدو بلا راس
أولا نحيرو من هاذ المجتمع اللي وقف عاجز وماقدر يدير والو أمآم أبسط مشكل من مشآكل المرآهقة ........
فمآ بآلك بمشآكل أخرى؟؟؟
نحيرو من دور الأهل والتربية والمؤسسات التربوية والمساجد ودور الثقافة وووو....
نحيرو من هآذ الشباب اللي غالبيتهم قاريين ومثقفين مش جاهلين.....
نعرف قصة تاع طفلة غلقت على روحها فالدار وشعلت الgاز باش تتخنق مي المشكل كي دخل خوها وشعل الضوء صرا غنفجار وقعدو 3 سنين وهي وخوها مشوهين بالكامل والدار راحت فيها ومبعد أهل الإحسان عاونوا باباها وسفروهم للخارج ودارو عمليات وعمليات باش رجعوا كيما كانوا
والطفل اللي حبت تقتل روحها على جالوا تزوج في هذوك اثلث سنين ودار عايلة .......
هو الإنسان ماينكرش وجود الحب ومايحملش الحب المشاكل الي راها تصرا
السبب هو المفهوم الخاطىء لهآذ الكلمة والعقليات المتعفنة
كون كل واحد وكل وحدة تحط في بالها باللي الزواج مكتوب من مكاتيب الله
والمكتوب على الجبين حتى تشوفو العين مايصراش واش راه يصير
شكرا خويا محمد دائما مواضيعك في قمة القمم
نقول ككل مرة ربي يهدي ماخلق
وشكراااااااااااا
 
نسيان حرف -م-

ربي يستر برك والله عندك الحق محمد
ومن الحب ما قتل ربي يعافينا برك
عيب عليهم يديرو هكا يخدمو غير بقلبهم ونساو بلي عندهم عقل
وين راح يوصلو بيها هادي آو هكا بعد.:heh:.
موضوعك روعة وفوووور بزاااااف
دائما مبدع ومميز فيما تخطه اناملك
دمت بود...
لك مني ارق واعذب تحية وأصدق سلام...
 
يا خويا محمد
هذو الأيام ربي إبقي الستر على الأمة جميعا
راهي تصرا بزاف هذي العفسة
كاش مشكل بين وحدة و عشيقها تروح تنتحر ربي يحفظنا
منذ سنوات صرا هذي الشيئ في حومتي وحدة انتتحرت بلصيد على جالت واحد ربي يرحمها
ماتت و خلات الهم و العار لأهلها
هذي مشكلة كبيرة في مجتمعنا علينا جميعا أن نقف وقفة رجل واحد لمحاربتها
و يبدأ ذلك من البيت و المدرسة
نسأل الله الثبات و الهداية لكل شباب المسلمين في كل المعمورة
شكرا على موضوعك القيم
و دعواتي الطيبة لك
 
وعليكم السلام
مراهقات تتركن على حل شعرهن
اين الوالد واين الوالدة اين الرقابة؟
فعلا بدون رقابة
حب في 16 وانتحار من اجل حبيب
ربي يهدي من خلق
شكرا على الموضوع موح تقبل مروري
هدا الرد برعاية:
_جمعية anti chita _
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top