وش ندير نورح نسرق يك خدام رجال سيدهم

[406_nassim]

السلام عليكم

وش ركم كاش برد كاش سخانة

كاش تحواس كاش البحر كاش تمنشير

انا توحشتكم بزاف بزاف بزاف حتي قريب هبلت علي جلكم

مهم وشركم يا اعضاء اللمة وش نقلكم بلي اليوم ....نحكيلكم


موضوع مهم بزاف


اليوم خرجت بش نخدم روحت بش ندير فيها قهوة حليب رك تعرفو العقلية

مهم روحت نخدم حتي لقيت خدامين جديد هوما من جيجل مول الحنوت هو جيجلي وانا بليدي جاب ولاد بلادو يخدمو


مي كي كملت الخدمة قلي خلاص رني جبت خدامين ولاد بلادي وفميلتي انت وصحابك عزيز متدوش جو تخدمو :tears:


انا مفهمت ولو

حتي في الجزائر وكاين العنصرية

فهموني





ا
​

 

[406_nassim]

وش وين ركم
​

 

[DARINE05]

شوفت يا خويا نسيم وذوكا كيفاه راح دير

 

[فراشة الايمان]

هادي عادية كيفاه حيراتك راني حايرة فيك ؟؟؟

 

[406_nassim]

شوفت يا خويا نسيم وذوكا كيفاه راح دير

مرني ريح ندير ولو نقد في اللمة حتي يفرج ربي

 

[406_nassim]

هادي عادية كيفاه حيراتك راني حايرة فيك ؟؟؟

:tears:ايه حيرتني وش يخرجني انا ويدير ولاد بلادو وش هدي كفاش
​

 

[(sarra)]

السلام عليكم
يا خويا وش تحب هاذي هي بلادنا الدنيا ب الوجوه و الاخرة ب الفعايل
و انشاء الله تلقى خدمة خير منها
اما مول الحنوت وكيلو ربي
-وفقك الله-​

 

[406_nassim]

السلام عليكم
يا خويا وش تحب هاذي هي بلادنا الدنيا ب الوجوه و الاخرة ب الفعايل
و انشاء الله تلقى خدمة خير منها
اما مول الحنوت وكيلو ربي
-وفقك الله-​

شكرا ليك علي الرد ايه وكيلو ربي

 

[aMiNa-K]

اها اهلا اهلا نسيمو :yahoo:

واش اوليدي حقروك وقيل :busted_red: .. قولي شكون هدو عينيهم نحيهملهم :santa_1: هيهييييي

نورمال عقلية بني عميس في بلادنا .. في العايلة نشوفو هاد العقلية وينك يا بليدي و السيد هاداك جيجلي لازم يجيب خاوتو يخدمو معاه ماعندو مايدير بيك :music_whistling:

دير كما اختك مانحملش عقلية بني عميس راني حاكمة دارنا ههههه .. جبت لاتيستاسيون تاع الديبلوم و راني مقابلتها :tears:​

 

[عاشقة رجاص]

السلآم عليكم
معليهش يآ نسيم خويا
القسم والرزق بيد ربي
مابيد حتى عربي
أنت توكل على ربي وإن شاء الله تصيب خدمة خير على اللي راحت
ماتدريش ممكن جابها ربي سبة باش تحوس على خدمة خير
وعسى أن تكرهوا شيئا وهو خير لكم
ربي يفتح عليك يا نسيم خويا وعلى صاحبك
والله أنت إنسان تساهل كل خير​

 

[journaliste]

ولات في لبلايص كل هك
ربي وفقك

 

[406_nassim]

اها اهلا اهلا نسيمو :yahoo:

واش اوليدي حقروك وقيل :busted_red: .. قولي شكون هدو عينيهم نحيهملهم :santa_1: هيهييييي

نورمال عقلية بني عميس في بلادنا .. في العايلة نشوفو هاد العقلية وينك يا بليدي و السيد هاداك جيجلي لازم يجيب خاوتو يخدمو معاه ماعندو مايدير بيك :music_whistling:

دير كما اختك مانحملش عقلية بني عميس راني حاكمة دارنا ههههه .. جبت لاتيستاسيون تاع الديبلوم و راني مقابلتها :tears:​

بصح مفهمنا ولو انا والله رني ريح نهبل مع لاالعقلية هدي نخدم علي شر انتعي وحد يحوس يبني مستقبل انتعو يتزوج يشري سيارة يروح يحوس مي يحبسلو كلشي معليش حنا ديما زوالية ونبقاوي زوالية وش نديرو
​

 

[406_nassim]

السلآم عليكم
معليهش يآ نسيم خويا
القسم والرزق بيد ربي
مابيد حتى عربي
أنت توكل على ربي وإن شاء الله تصيب خدمة خير على اللي راحت
ماتدريش ممكن جابها ربي سبة باش تحوس على خدمة خير
وعسى أن تكرهوا شيئا وهو خير لكم
ربي يفتح عليك يا نسيم خويا وعلى صاحبك
والله أنت إنسان تساهل كل خير​

شكرا ليك مي والله نحب نهبل نهبل نهبل ولا نروح نهرب من هدي الدنيا والله غير عقلية مكان مكان
​

 

[406_nassim]

ولات في لبلايص كل هك
ربي وفقك

ايه الله غالب نهبل وخلاص

 

[radia yoyo]

البيستون داير حالة في الدزاير
​

 

[406_nassim]

البيستون داير حالة في الدزاير
​

ايه صح مي وش نقلك علبيها الجزائر قعد هي الاخيرة

 

[aMiNa-K]

بصح مفهمنا ولو انا والله رني ريح نهبل مع لاالعقلية هدي نخدم علي شر انتعي وحد يحوس يبني مستقبل انتعو يتزوج يشري سيارة يروح يحوس مي يحبسلو كلشي معليش حنا ديما زوالية ونبقاوي زوالية وش نديرو ​

ههههه علاش مافهمت فيها والو .. علاش وين راك عايش في المريخ؟؟ يخي بلادنا كامل هكدا
و تحوس تتزوج و تشري طونوبيل و تحوس ماشي تكون خديم عند واحد .. افتح بروجي وحدك ماشي خير سورتو كي عندك صنعة في يدك :closedeyes:

​

 

[zahira92]

ربي يعوضك باحسن منه بالاك ربي حابك وهناك منها اما في خصوص العنصرية للاسف موجودة بكثرة فنخن في ولايتنا مستعمرين من ابناء ولايات اخرى يعني يدو الشكاير من عندنا وكما قلت عقلية خويا وبن عمي وصاحبي الي يخدموهم شكرا على طرح هذا الموضوع

 

[chemssou007]

أولا ربيـ يعوضك و Jamais ربيـ يظلم عبادو دير ثقة في الله،،،
ثانيا الخدمة مهمه كانتـ خدمو يجيب منها الراجل الصوارد من عرق جبينو تبقا خدمة و الراجل يبقا راجلـ،،
خير من لي يبيع الزطلا أو يبعث ختو جيبلو الصوارد أو يروح يسرق و هذو كاينين منهم بزافـ،،،
+++++++
علابالنا الجزائر بلي تاع معريفةو كتاف
يخرجك عادي Normal
و يجيبــــ ولد عمو و لا صاحبو و لا واحد عندو فايدة معاه،،،


المهمـ لا تياس و ربي يخرجها على خير،،،​

 

[السلطانة]

وعليكم السلام
ربي يرزقك بخدمة يكون فيها خير انشالله
هادي هي بلادنا
العقلية المارجة واين تروح تلقاها تدور