والله عيب علينا ...

[Houda Chaouienne DZ]

خويا .. شكرا على صراحتك
احنا عندنا بزاف مصاحف
كاين مصاحف يقراو بيهم خاوتي الصغار فالجامع
صح ما يطهلاوش فيهم مليح ساعة ساعة يحطوهم حذا التلفزيون
و أنا تقريب كل وين شفتهم ثما نعدلو البلاصة
مي كاين مصحف واحد مليح
ساعات نقراو بيه في يوم الجمعة كيما سورة الكهف
و الباقي مخبيين فالمكتبة
شكرا على الموضوع و التذكير
​

 

[hadjer92]

السلام عليكم ورحمة الله وبركاته

واش راكم خاوتي لاباس بخير الحمد لله
"لو انزلنا هاذ القران على جبل لرأيته خاشعا متصدعا من خشية الله"
يا خاوتي لعزاز حجبيت اليوم نحكيلكم على حاجة قلبي راهو معمر منها
نحكيلكم على المصحف القران وكل واحد كيفاه راهو حاطو في الدار ووين حاطو
ياخي حنا كامل عندنا مصحف في الدار
ألي ماعندوش خلاص عندو واحد ...
بصح يا خاوتي وين رانا حاطين هاد المصحف في الدارن وكيفاش رانا قايمين بيه ...
أنا نحكيلكم على المصحف تاعنا كيفاش راهو صاريلو مسكين ربي يغفرنا
حنا حاطينو كادر وواحد مايقرا فيه مني وروح ... وهاذي موصيبة راح نتحاسبو عليها ...
كلام ربي يا سبحان الله ماعلاباناش بيه ...
المهم قلتلكم حاطيونو كادر والغبار فوقو...
كنا حاطيونو قدام التيليفزيون ، قدام لغنا والمسلسلات وواحد ماعلابالو
حتى واحد النهار نحيتلهم هاد الفكرة ودرت عليها حس كبير داروه في بلاصة بعيدة ...
المهم قلتلكم والله مسكين قتلو الغبار تغبر ... ومرة بلاك في الشهر تمسحو يما ولا ختي لكبيرة كي تكون تنيطوايي في لحوايج ...
ونزيد نقلكم حنا حاطيون حاجة نخبيو فيه لكورات والأوراق المهمة
كاش ورقة ولا دوصي كامل تلقاه داخل المصحف
نسقسي يما وينهي هاذيك تقلي راهي في النسخة ....
وزيد وزيد ...
والله يا خاوتي عيب علينا كلام ربي هكدا نديرولو...
ومن بعد نقولو وعلاه فلسطين وعلاه وعلاه ...
اففففففففف منا

ايا كل واحد يحكينا كيفاه المصحف في دارهم بلا حشمة ....​

خويا الله يسترك قبل كل شيء صحح الاية هادا او قراان مالازمش يتحرف
و تانيا كيما راك تهدر هكا و علابالك بلي هادا او اثم كبيييير علينا عود نتا اقرا فالمصحف على الاقل اية فالنهار
واللله او حرام عليناا حرااااام :tears::wink:
قولي في حياتك قداه نخطر قريت 60 حزب ؟
ولا قداه نخطرة حكمت المصحف سلمت عليه وقريت منو اية ؟

الله يهدينا كاااامل....​

 

[ماكانش]

خويا الله يسترك قبل كل شيء صحح الاية هادا او قراان مالازمش يتحرف

و تانيا كيما راك تهدر هكا و علابالك بلي هادا او اثم كبيييير علينا عود نتا اقرا فالمصحف على الاقل اية فالنهار
واللله او حرام عليناا حرااااام :tears::wink:
قولي في حياتك قداه نخطر قريت 60 حزب ؟
ولا قداه نخطرة حكمت المصحف سلمت عليه وقريت منو اية ؟​

الله يهدينا كاااامل....​

يعطيك الصحة ختي
قوليلي وين التحريف في الأية درك نزرب نصصحها
راني كتبتها على عجل

 

[hadjer92]

يعطيك الصحة ختي
قوليلي وين التحريف في الأية درك نزرب نصصحها
راني كتبتها على عجل

"على جبل" مبش جبله
اني درتلك علها سطر في الاقتباس ​

 

[نسمات]

بارك الله فيك ختي على النصيحة
الحمد لله أقرا المصحف واحفظ فيه ولله الحمد
وقولي في الموضوع "مني وروح" تواضع فقط اختي الكريمة
واما قراة سورة الكهف يوم الجمعة فحديثها ضعيف ضعفه الدارقطني في العلل
شكرا لكم​

صح الحديت فيه اختلاف بين الفقهاء والعلماء وهناك روايات كثيرة حول دلك
المهم انا تعودت نقراها
​

وقولي في الموضوع "مني وروح" تواضع فقط اختي الكريمة

والله رديت بنية النصح فقط وربي شاهد وماشي باش نفتاخر استغفر الله
سمحلي اخي ادا ازعجتك
​

 

[angel_fly]

و الله مشكور على صراحتك
ما لقيت واش نقول غير ربي يهدي امة محمد اجمعين

 

[hadjer92]

صح الحديت فيه اختلاف بين الفقهاء والعلماء وهناك روايات كثيرة حول دلك

المهم انا تعودت نقراها ​

وقولي في الموضوع "مني وروح" تواضع فقط اختي الكريمة

والله رديت بنية النصح فقط وربي شاهد وماشي باش نفتاخر استغفر الله
سمحلي اخي ادا ازعجتك​

انا علابالي بلي سورة الجمعة قراءتها مستحبة كل يوم جمعة لانها تنجي من فتنة المسيح الدجال
ربي يعافينا منو كااامل انشالله
​

 

[ماكانش]

تبالي حتى انا كتبت "على جبل"
---------
نسمات
بارك الله فيك على النصيحة والتذكير
ربي وفقك

 

[ماكانش]

انا علابالي بلي سورة الجمعة قراءتها مستحبة كل يوم جمعة لانها تنجي من فتنة المسيح الدجال

ربي يعافينا منو كااامل انشالله ​

وتعطكي نور يوم القيامة
ولكن فيها خلاف
عاودي اكتبيلي الأية باه نصححها مليح

 

[hadjer92]

ارجع للنص الاول لي كتبتو درك تلقاها "جبله"​

 

[hadjer92]

"لو أنزلنا هذا القرآن على جبل لرأيته خاشعا متصدعا من خشية الله , وتلك الأمثال نضربها للناس لعلهم يتفكرون"​

 

[ماكانش]

خلاص لقيتها ختي هاجر
بارك الله فيك تم التصحيح
خطأ مطبعي ههههههه

 

[hadjer92]

ههههههه العفو ..الله يجازيك

 

[ماكانش]

يجازيك انت هاجر
بارك الله فيك

 

[programmeur]

بسم الله
أنا غادي نحكيلكم الصح
عندي زوج مصاحف تاوعي شخصيا
وتقول واحد شاريه بدراهمي ...... لوكان مايجيبوهليش ما نديش
المهم عندي واحد جديد زعما راه مخبي في وسط القجر مع الكراريس تاوعي يعني مع العلم زعما

وواحد راه مع الكتب كاليه الغبار

الله يسمحنا
دروك نروح ننفض عليه شوية غبرا

والله يهدينا

 

[ماكانش]

بسم الله
أنا غادي نحكيلكم الصح
عندي زوج مصاحف تاوعي شخصيا
وتقول واحد شاريه بدراهمي ...... لوكان مايجيبوهليش ما نديش
المهم عندي واحد جديد زعما راه مخبي في وسط القجر مع الكراريس تاوعي يعني مع العلم زعما

وواحد راه مع الكتب كاليه الغبار

الله يسمحنا
دروك نروح ننفض عليه شوية غبرا

والله يهدينا

ربي يحفظك خويا لعزيز على الصراحة تاعك
ربي يغفرنا ويهدينا

 

[المتفائلة_91]

المصاحف راهم ياسر في الدار ، والله ما علابالي وين راهم ، بخلاف مصحفي حاطاتو فوق خزانة الكتب.

 

[kojak]

ياربي تهدينا
​

 

[ماكانش]

كاينة منها صح انا شخصيا نقرا القران من رمضان لرمضان.
وشنو المصاحف تاعنا راهي في خزانة بعيدة عن التلفاز والوالد يقرا فيهم ساعة على ساعة .
شكرا اخي.

ربي يهدينا كامل خويا لعزيز
يعطيك الصحة​

 

[دعاء الحق]

بارك الله فيك على الموضوع
صح لآزم ننتبهو على هدي النقطة مليح