يااحبابي ساعدوني مافهمت اذا اخت ولا عدوة

نكهة مطر

:: عضو مُشارك ::
إنضم
9 أفريل 2010
المشاركات
411
نقاط التفاعل
18
النقاط
7
السلام عليكم ورحمة الله وبركاته

اليوم جيت نفرغلكم قلبي وبطبع تنصحوني مشكلتي تكمن في :
انا عندي اختي في عمرها 24 سنة وانا 14 يعني كبيرة عليا وانا نحترمها بزاف
مي هي مديرتليش حتى قيمة بلي ان ا ختها كل الحاجة تكحسهالي وديرلي النميمة بيني وبين ماما
وبني وبين papaانا في الحقيقة معنديش الزهر قاع في حايتي وهي مكملتلي عليها انا على حياتي نورمال صابرة وشادة في قلبي مي هي منقدرش قلت الماما وقفت معاها وقالتلي هذيك ختك الكبيرة ودير فيك واش تحب من غير ماما معنديش لمن نشكي غير ليكم
عبالكم حوايجي كامل لبستهملي انا حاجة نقولها سلفيهالي تقولي لالالا منمدش
الموبيل الغنا لنحبو تلقاه عندي تروح تسمعو لماما وبابا صحابتي متخلينيش نمد نمرو ياسيدي منبعدوش لافامي وهيا الغاشي قاع عندو نميرو تاعها تعرفو تراقب فيا غير كاشما تصيد عليا
كي تشوف واحد زيادة تبدى تبين زعما دايرتني بونيشى عندها ديفوا تعيط عليا على الحق والله منزعف مي غالبا تحقرني وانا نتحمل كلش غير الحقرة مي دايما نقول حاجة :كما تدين تدان

ياحبابي انصحوني
 
اختي ليس لدي خبرة مع الأخوات لأنه ليس لدي أخت آآسفة
ربي يكون في عونك​
 
ربي يكون في عونك وكيما قالتلك ماماك هادي اختك الكبيرة لازم تطيعيها وتحترميها وما تدريش في بالك بلي راهي دايراتك في بالها ولا تكرهك..هادو هوما الخاوة هكدا..
 
حنونتي ما عنديش الخيات و نتمنى باه يكونو عندي.:ax_flw: ختك تصيبها قت الشدة
كاين وحد صوالح ما تقدريش تقولهم ليماك بصح ختك تقدري
كبري قلبك و سيي تصاحبها و ما عندكم غير بعضاكم
ضروك تزوج و تقولي يا حصراه على ختي كانت مونستني هههههه
ايا كيما تفاهمنا يا خي تكبري قلبك معاها
 
انا عندي خيتاتي mais normal
تخاف عليك هادا ماكان
و ماتنسايش راكي ديتي مكانها
نقـــــــــولك حاجة راها صح ديرلك هاgداك بصح لوكان تقيييييييييييــــسك حاجة شوفي كيفاش تعود
اسمعي هادي الحكاية و قوليلي
كانونوا 2 خاوا مايتفاهموش جا وحد السيد حاب يدرب خوه تعرفي واش قالوا
ادا كنت راجلtouchih
 
للاسف حبيبتي
معنديش خواتات
و تمنيت يكونوا عندي

هذيي تبقى ختك و مانظنش تفوتك
ساعفيها برك
 
السلام عليكم
ههههه
لالا هذي اختك والله ماتلقاي عليها
اوا انا عندي تجربة واخواتي معظمهم بنات وعندي اخ واحد

مي كيما تقول يما هذا هو حال عائلة البنات
كل يوم قط وفار
سيرتوا الكبيرة والصغيرة
يخي هبلونا
ديما متدابزين
الكبيرة عندها حوالي26 والصغيرة16
ديما قط وفاررررررررررررر
مي هذو هما الاخوات مدابزين ومتحابين
وي ا اختي الصغيرة هذي اختك تحبك وعمرك ماتكشي فيها او انها تكرها
حاولي تغيري تعاملك معاها

اوا زيد ثاني
على الميكرو
يديرو حالةةةةةةةةةةةةةةةةةةةةةةةةةةةة
يما تعيط عليهم حتى تكره

الله غالب
حالة البنات
وتلقاو مرة وحدة
ربي يجيب الخير

ومتقلقيش اختي
هذي اختك

سلام
وفقك الله

 
والله يا اختي انا عندي خوتاتي كامل بنات و انا الصغيرة لازم تكبري عقلك معاها و هيا ككي راهي ديرلك هكا في صلاحك بصح لوكان كشما تصرالك ضرك توقف معاك هاذو هما خوتاتنا لكبار ديما هكا و مرسي
 
اختك متفوتكش
دوك تزوج وتفرحى بيها
 
اصبري برك درك تزوج وتتبدل مهاك عندي بنات خالتي عندهم نفس المشكل مع ختهم الكبيرة و درك هي تزوجت و رجعو ملاح مع بعض
 
الصبر برك ما عندك ما ديري هادي اختك الكبيرة

بالاك هي تشوف حوايج اللي ديرهم في مصلحتك باه

او رما انتي تشوفي بلي هي زايدة عليك ما نظنش كاين

اخت تكره اختها بلاك هك برك دير باه تخافي منها وتقدريها وتسمعي

كلامها وتنصحك وعموما اصبري برك وربي يفرج عليك يارب
 
ياو تفقلك بلي راكي مقدم شكوى في اللمة ياواهي تقطع عليك حتى النت
حرزي روحك

معليش هذي ختك
تمضغك ومتسرطكش ومتقلقيش روحك
 
أنصحك أختاه أن أختك مهما كانت بينكم من مشاكل فانها تحبك وتحب لك الخير حاولي انك تربحيها برك
وان شاء الله ربي يجيبلها مكتوبها وتتهني منها وتعودي تشتاقيلها
انا عندي اختي لكبيرة والصغيرة وانا الوسطة لكن الصغير ة ولكبيرة لازم في النهار عركة ولامايفراش معاهم النهار لكن كي تزوجت رجعوا ربي يبارك عليهم يعزوا بعضهم
ننصحك انها اختك وتحبلك الخير يعني تمضغك وماتصرطكشي
 
ياو تفقلك بلي راكي مقدم شكوى في اللمة ياواهي تقطع عليك حتى النت
حرزي روحك

معليش هذي ختك
تمضغك ومتسرطكش ومتقلقيش روحك

loool hadi mli7a bzzzf hhhhhh surement 9at3at 3liha 3liha maradtch 3a sujet hhhh rabi ykoun m3ak ana tani 3andi okhti kbira w dima ki l9at w lfaar b1 sure ana jerry w hiya tom looool
 
لالا اختي متقوليش عليها هكا مام انا عندي اختي كبيرة مي شوفيها كي تصرالك حاجة لقدر ربي كيفاه تدير معاك
 
أنا عندي خوات صغارات
و نعاملهم كيف تعامل فيك أختك maisنحبهم و نغير عليهم و كل شي على مصلحتهم
و ما تنسايش العمر كبيرة عليك بزاف و تعرف الدنيا أكثر منك
و أختك اقرب شخص بعد أمك .
 
مشكورين كلكم على النصائح واله نحب نديرها صديقتي وتكون مخبا اسراري لان هي ختي لتنصني وتحبلي الخير ماشي كما صدقات اخر الزمن

مي متخلينيش


الله يصبرني

مشكورين كلكم على النصائح
 
السلام عليكم يالعزيزة
راهي مشاكل عاذية جذااااااااااااا اللي راكي تفوتي فيها
انا عندي 5 بنات وانا السادسة والصغيرة فيهم ............. والمشاكل اللي تصرى بين الخاوا هذا شي طبيعي كانوا يعسوني يبخصوني وديما يقولولي انتي صغيرة وماتفهمش صغيةر صغيرة وديما انا لخرى في كلشي وووووووووووووووو وكنت ديما الغالطة وديما اللي تبدى المشاكل وهوما لكبار اللي عندهم الحق ومايغلطوش وماما ديما معاهم واللي كانت تتزوج وتجي اللي تحتها تولي لكبير تاع الدار تولي هي الرئس والمدبر والاخت الكبيرة اللي ماتغلطششششششششششش خلاص ولازمنا كامل نسمعوا كلمتها................

وهذا شي طبيعي في العقلية تاع لبنات يعني انتي تحملي برك واصبري وماتعمريش بيها راسك
وكيما قلتي راهي اختك كبيرة عليك ب 10 سنين يعني راهي تشوف فيك صغيرة بزاف وكان عساتك على البرتابل وووووووووفهذا شي طبيعي اختك تخاف عليك على جال راكي مازاتي صغيرة
وزيد كاينة حاجة اي اخت كبيرة ماتحبش اختها الصغيرة تمشي رايها عليها ..........انت حاولي ماتستفزيهاش وماتناقريهاش في كلشي وماتحسسيهاش باللي عندك الحق تديري واش تدير هيا
راهي كبيرة عليك



تقبلي مروري​
 
راني كيفك عندي أخت وحيدة ونعاني من نفس المشكل اللي راهو عندك
ديما توقفلي كي الشوكة في كل حاجة
ومانيش صغيرة راني 18 سنة
والله اذا هدرنا مع بعضنا 5 دقايق تلقينا نتعاركو مع بعضنا
عمرنا ما تفاهمنا مع بعضنا
والله كرهتلي حياتي
وصلت لدرجة اني نعدي في الباك وكي نجي ماتقوليش حتى واشراكي وماتصقصيش علي
أصبري واش راح تعملي​
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top