غير ماتديش لمرا ألي تخدم ...هادي ماتعرفوهاش ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
علابالي كاين الي مايعجبهمش الموضوع ويحيرو فيه ...
اسمحونا برك رانا نحكيو ونتناقشو ...
ليجان تاع هاد الوقت كامل يفتشو على وحدة تكون خدامة ...
واحد باه تعاونون وواحد باه تصرف عليه، وواحد باه يدير المال على ظهرها وواحد ...
المهم كل واحد كيفاه ...
بصح هادو كامل نشوفوهم في حياتهم ماشي مرتاحين في البال ... وبعبارة ماهوش عايش في حياتو راجل ...
نعرف بزاف ناس دارولهم النسا تاعهم وهوا عايش معيشة تاع ذل، ماشي راجل ...
مايهدرش قدامها ومايقوللهاش راكي في داري ... هو الي في دارها ...
وهيا تاني تهز روحها وتردلو الهدرة وكاشما يقول تقلو راني بخدمتي، وراني في داري ووو ....
وهادي كامل معروفة ورانا نشوفو فيها ...
وألي ماتعرفوهاش ربي سبحانو كي قال في الأية :
"إن اوهن البيوت لبيت العنكبوت ..."
بعض العلماء قالك وعلاه بيت العنكبوت اوهى البيوت، ماشي لأجل لخيوط تاعهان راهم صحاح بزاااااف ...
وإنما البيت تاعها اوهن البيوت لاخاطر كل الحيوانات الراجل والذكر هوا ألي يبني الدار وهو ألي يدير البيت، إلا العنكبوت الأنثى ولمرا هيا ألي تبني الدار وتنسجها، ماشي الراجل ....
علا هاذي قالك أوهن البيوت بيت العنكبوت ...
وهادا كلام ربي ماشي العبد ...
------
نشاء الله فهمتو الموضوع وماطولتش عليكم ...​

 

[ماكانش]

يعطيكم الصحة على قبول الموضوع

 

[kojak]

قال كلثوم بن عمر العتابي:
" لو سكت من لايعلم عما لايعلم سقط الخلاف "​

 

[ماكانش]

قال كلثوم بن عمر العتابي:


" لو سكت من لايعلم عما لايعلم سقط الخلاف "​

مليح يعطيك الصحة

 

[نسيم الربيع]

وعليكم السلام يعطيك الصحه خويا عالمعلومه ربي يحفظك ياخويا المرا فالدار والراجل البرا الناس تاع ضرك يشتيو يخلطو لخيوط ربي يهدي موضوع قيم +تقييم صحيت خويا ... سلالام

 

[ماكانش]

وعليكم السلام يعطيك الصحه خويا عالمعلومه ربي يحفظك ياخويا المرا فالدار والراجل البرا الناس تاع ضرك يشتيو يخلطو لخيوط ربي يهدي موضوع قيم +تقييم صحيت خويا ... سلالام

بلا مزية ختي ربي يحفظك ويخليك
واش راح نديرو الوقت والعقلية تبدل
والراجل مابقا راجل ...
ايه ياخي راكي معايا درك كي يهجمو الخدامات أوقفي معايا ماتخلينيش وحدي هههههههه​

 

[صابرين الجزائر]

لا انت غلطان كتير الموضوع مش هاكا
كل شيء غالي لازم المراة تساعد الراجل
المراة لازم تكون عندها حياتها الخاصة
المراة لازم يكون الرجل جزء من حياتها مش كل حياتها وتحاول انها تستقل نوعا ما بشغلها
هذا هو رايي وانا متشبثة بيه جدا
وبالعكس ارجو تاني اني اشوف نساء في المجال السياسي وشكرا

 

[مروة MARWA]

ماشي النساء كامل كيف كيف وماشي النساء كل يهزو رواحهم ويرجعو الهدرة لرجالهم
صوابعك تاع يدك ماشي كيما بعضاهم
قولي انت كي وحدة تقرا تقرا حياتها كاملة تشقى وتتعب ومباعد تجي في الدار وتقعد وش الفايدة من القراية تاعها؟؟؟
كل انسان لازم يجني ثمرة التعب تاعو لازم في اللخر يحصد واش زرع
لمرا لازم تكون منظمة في حياتها تخدم برا وتعرف تتلهى بدارها وراجلها وولادها في الدار
***
اما بالنسبة لرايي الشخصي انا نقرا باه نخدم ونشوف نتيجة تعبي والدراهم حاجة اخرى ام يروحو ويجيو
***

سلام ...

​

 

[iméne09]

عندك الحق خو فيها ولينا نشوفو ديما لمرا كي تكون عندها دارها وخدمتها ماتتحاش راجلها ورايحة تعيشو في دل بارسكو تخدم عليه يحل فمو يتحاوز يعطيك الصحة خوع معلومة جديدة +تقييم ​

 

[نسيم الربيع]

بلا مزية ختي ربي يحفظك ويخليك

واش راح نديرو الوقت والعقلية تبدل
والراجل مابقا راجل ...

ايه ياخي راكي معايا درك كي يهجمو الخدامات أوقفي معايا ماتخلينيش وحدي هههههههه​

هههه هاماتخافش راني هنا اليوم كامل يبطلو الخدمه

 

[ماكانش]

لا انت غلطان كتير الموضوع مش هاكا
كل شيء غالي لازم المراة تساعد الراجل
المراة لازم تكون عندها حياتها الخاصة
المراة لازم يكون الرجل جزء من حياتها مش كل حياتها وتحاول انها تستقل نوعا ما بشغلها
هذا هو رايي وانا متشبثة بيه جدا
وبالعكس ارجو تاني اني اشوف نساء في المجال السياسي وشكرا

ممافهمتكش ..

 

[ماكانش]

ماشي النساء كامل كيف كيف وماشي النساء كل يهزو رواحهم ويرجعو الهدرة لرجالهم

صوابعك تاع يدك ماشي كيما بعضاهم
قولي انت كي وحدة تقرا تقرا حياتها كاملة تشقى وتتعب ومباعد تجي في الدار وتقعد وش الفايدة من القراية تاعها؟؟؟
كل انسان لازم يجني ثمرة التعب تاعو لازم في اللخر يحصد واش زرع
لمرا لازم تكون منظمة في حياتها تخدم برا وتعرف تتلهى بدارها وراجلها وولادها في الدار
***
اما بالنسبة لرايي الشخصي انا نقرا باه نخدم ونشوف نتيجة تعبي والدراهم حاجة اخرى ام يروحو ويجيو
***​

سلام ...​

كامل كيف كيف
والمرا ألي تخدم راح تضيع راجلها واولادها واهدي ماينكرهاش غير ألي ينكر ان الواحد اكبر من الصفر ...
رانا عايشين ونشوفو واش بيك هادا ...
زيدي قرايتك ماشي خسارة ...
قريتي فيدي بيها ولادك وراجلك
والي قرات ماشي كيما الي ماقراتش
.......
​

 

[ماكانش]

عندك الحق خو فيها ولينا نشوفو ديما لمرا كي تكون عندها دارها وخدمتها ماتتحاش راجلها ورايحة تعيشو في دل بارسكو تخدم عليه يحل فمو يتحاوز يعطيك الصحة خوع معلومة جديدة +تقييم ​

الله يسلمك إيمان
عندك الحق ورانا عايشن ونشوفو فيها ...
يعطيك الصحة​

 

[ماكانش]

هههه هاماتخافش راني هنا اليوم كامل يبطلو الخدمه

هههه
خلاص راهم ليك
أنا نروح درك اتهلاي فيهم برك هههههه​

 

[حمو أمل]

السلام عليكم و رحمة الله و بركاته


موضوع قيم و حساسا و لعل هذه الظاهرة أصبحت متفشية في مجتمعاتنا التي كان الرجل فيها عزيزا و المرأة سيدة حرة في بيتها


صحيح المرأة تخدم و تساعد زوجها لكن لا تنسى أبدا نفسها هي زوجة و هي أم لأولادها



أما عن الأخت اللي قالت لازم تكون مرأة في السياسة فلو كان الأمر كذلك لكانت زوجات النبي او أحد نساء الصحابة و هن أرجح العقول و أطيب القلوب إلى الحق لكانوا في السياسة أو مشتغلين فيها
و لكن لما علموا أن هذا العمل خاص بالرجال تركوه بل أصلا ماطلبوه
خاتمة قولي



على المرأة العاملة ألا تنسى حقيقتها و هي زوجة و أم و عملها تضعه المرتبة الثانية
و إذا خيرت بين العمل و بين بيتها لاختارت بيتها

شكرا و آسف على مداخلتي.

​

 

[مروة MARWA]

كامل كيف كيف
والمرا ألي تخدم راح تضيع راجلها واولادها واهدي ماينكرهاش غير ألي ينكر ان الواحد اكبر من الصفر ...
رانا عايشين ونشوفو واش بيك هادا ...
زيدي قرايتك ماشي خسارة ...
قريتي فيدي بيها ولادك وراجلك
والي قرات ماشي كيما الي ماقراتش
.......
​

نتحدااااااك بلي ماشي كامل كيف كيف
وشبيك هادا؟ تعرفني خير مني ؟ :closedeyes:
ماكانش مجال ماكانتش لمرا عنوان فيه في هاد الوقت
وراهي تأدي في دور كبير في المجتمع
حاول تفهم انو لمرا عندها مكانة كبيرة في المجتمع والخدمة من حقها كيفها كيف الراجل
**والجملة تاعك هاديك تاع فيدي بيها ولادك وراجلك عجبتني بزااااف دوووم**:glare:
​

 

[souhila_95]

انت كي تعول تزوج بمرا ادي وحدة ماتخدمش شكون اللي شادك
كون نرجعو العهد الرسول صلى الله عليه وسلم مني كانت الرجولة نتاع الصح
ضرك الرجال غير كلمة ويقولها راكي طالق تما شكون ينفعها الزواج يروح بالطلاق
بالصح المستوى الدراسي ماينحو حتى نحاح ولا راني غالطة
واش فيها كي تعاون راجلها شكون حرمها ربي ولا رسولنا صلى الله عليه وسلم حتى واحد فيهم واقيل تحوس تحرمها انت خخخخخخخخههههههه
يا خويا يعطيك الصحة على الكتابةوالمبادرة بصح فكرتك غير واقعية رانا في2010
عيش عصرك وشوف هموم النساء ماشي غير همومك

​

 

[نسيم الربيع]

السلام عليكم و رحمة الله و بركاته​

موضوع قيم و حساسا و لعل هذه الظاهرة أصبحت متفشية في مجتمعاتنا التي كان الرجل فيها عزيزا و المرأة سيدة حرة في بيتها​

صحيح المرأة تخدم و تساعد زوجها لكن لا تنسى أبدا نفسها هي زوجة و هي أم لأولادها​

أما عن الأخت اللي قالت لازم تكون مرأة في السياسة فلو كان الأمر كذلك لكانت زوجات النبي او أحد نساء الصحابة و هن أرجح العقول و أطيب القلوب إلى الحق لكانوا في السياسة أو مشتغلين فيها
و لكن لما علموا أن هذا العمل خاص بالرجال تركوه بل أصلا ماطلبوه
خاتمة قولي ​

على المرأة العاملة ألا تنسى حقيقتها و هي زوجة و أم و عملها تضعه المرتبة الثانية
و إذا خيرت بين العمل و بين بيتها لاختارت بيتها​

شكرا و آسف على مداخلتي.​

وعليكم السلالالالالالالالالالام ورحمة الله تعالى وبركاته يسلم هذاك الفم كلام واقعي 100/100 يعطيك الصحه وفيتي وكفيتي لوكان غير جاو النسا كامل يخممو هكا

 

[AHLEM1992]

معيشة دوك راهي صعيبة و حنا في الدزاير تخدم ليل و نهار و لاباي ماتكفيش هدا الشي الي خلا المراة تاني تخدم
اما بالنسبة للي ترجع لزوجها الكلام و تقول هديك الهدرة هادي مسألة احترام بالدرجة الاولى
بالنسبة ليا انا صراحة راني نقرا باه نخدم ادا ربي كتب
مي ادا قالي ما تخدميش نريح في الدار و هو يصرف عليا ههه
+
المراة الي تخدم تفقد واجبها كام و كزوجة و كربة بيت ..
..
هدا هو رأيي
ـــ
يعطيك الصحة خويا على الموضوع​

 

[الرومنسي الجاد]

كاشـــ ميقريــة يروح الواحــد منــ بلاد ميكيــ هاذيــ . .

و إذا مكانشــ الحرقــة كاينــة . . و كيما يقولو كرطونة فيـ روما خير من

فيلا فيـ الحومــة . .

فيفـــ ساردينيـــــا . . .

​