واش رايكم في راجل كيما هاك؟؟؟؟؟

[nadjouta]

السلام عليكم
كي راكم لاباس ؟
المهم ندخل في الموضوع
في القراية كنت مرات نروح نبات عند خالتي
ووحد اليوم مع صباح ربي وانا نشرب في القهوة في لكوزينة نسمع الطبطيب
شكون هدا مع صباح ربي
راحت خالتي حلت الباب لقات مرا سلمت عليها كي راكي صافا
قالتلها حصيتيني قالتلها خالتي لا
قالتلها انا جيت هداك اليوم واعطيتيني الخضرة على وجه ربي الا تنجمي تعاونيني
قالتلها خالتي راجلك ميت قالتها لا مطلقة انت قالت لا مريض قالت لا وعلاه هو مايجيبلكش المصروف
قاتلها قالي والو ماتجبديليش على الخدمة ولا تقوليلي جيب حاجة للدارولا هات اعطيني دراهم
غير متكسل كي الحبل في الدار وقولي جيبيلي ناكل وكي نقولو ماكانش ينصلني هراوة
:blink:انا منين سمعت هاد الهدرة عرق سوطالي في مخي
رحت لليسي الناس تقرىوانا نخمم لوكان ربي يعطيني مكتوب كيما هاك:tears: والله جاتني الدمعة
والله يا رجال اخر زمن مرتو تصرف عليه وهو متكسل في دارو
ان شاء الله مانكونش طولت عليكم
وانتوم واش رايكم في رجال كيما هاك؟
صحا فطوركم​

 

[** غزال الصحراء **]

زيادة على هاذا أغلب الطلابات اللي راهم برى يطلبو , نتيجة لضغط الأزواج
تلقاه سوكارجي ( تاع شراب ) و لا خدمة لا قدمة , مريح في الدار و يقولها دبري راصك
غير مصروفي اللي يوصلني

هاذو بكل بساطة ماهم رجالة ,و و الكلمة عار عليهم
الرجلة ماهيش مسطاش
الرجلة أفعال

شكرا .

 

[maria13]

أصلا كلمة راجل ماتليقلوش
اعوذ بالله
صحيتي على الموضوع
والله يبعد علينا

 

[قَطٌر❀ الٌنَـدَى]

يا حصراااه شحال كاينة هذي لكاليتي واكثر منها​

بصح هاذو ديجا كلمة رجال خسارة فيهم وميستاهلوهاش​

وكيما قال خويا غزال الصحراء الرجلة ماشي موسطاش الرجلة افعال ​

واش حبيتي ان شاء الله ربي يبعدهم عليك وعليا هه​

صحا رمضانك​

 

[حلمي النسيان]

و الله غير كاين بزاف عباد كيما هاك

ربي يحفظ و يستر

هو يقعد مكسل فالدار لا خدمة لا زدمة

و مرته تخدم عليه و على اولادها و المصيبة هذاك اللي مرته تخدم على جال باش يكمي و يشرب

و الله غير حالة ، ربي يهدينا أجمعين

مرسي اختي على الموضوع الحساس

صحا فطورك

​

 

[nadjouta]

أصلا كلمة راجل ماتليقلوش
اعوذ بالله
صحيتي على الموضوع
والله يبعد علينا

والله عندك الحق كلمة راجل وماتجيش عليه

 

[nadjouta]

و الله غير كاين بزاف عباد كيما هاك​

ربي يحفظ و يستر​

هو يقعد مكسل فالدار لا خدمة لا زدمة​

و مرته تخدم عليه و على اولادها و المصيبة هذاك اللي مرته تخدم على جال باش يكمي و يشرب​

و الله غير حالة ، ربي يهدينا أجمعين​

مرسي اختي على الموضوع الحساس​

صحا فطورك​

كون غير جات تخدم مايغيض الحال خرجت تطلب

 

[nadjouta]

يا حصراااه شحال كاينة هذي لكاليتي واكثر منها​

بصح هاذو ديجا كلمة رجال خسارة فيهم وميستاهلوهاش​

وكيما قال خويا غزال الصحراء الرجلة ماشي موسطاش الرجلة افعال ​

واش حبيتي ان شاء الله ربي يبعدهم عليك وعليا هه​

صحا رمضانك​

ان شاء يرزقنا ولاد الحلال قولي امين

 

[nadjouta]

زيادة على هاذا أغلب الطلابات اللي راهم برى يطلبو , نتيجة لضغط الأزواج
تلقاه سوكارجي ( تاع شراب ) و لا خدمة لا قدمة , مريح في الدار و يقولها دبري راصك
غير مصروفي اللي يوصلني

هاذو بكل بساطة ماهم رجالة ,و و الكلمة عار عليهم
الرجلة ماهيش مسطاش
الرجلة أفعال

شكرا .

ربي يهديهم

 

[الجمرة الخبيثة]

خســــــــــــــــــــــــارة عليه السروال.
​

 

[jaklove]

كاين واحد المثل نقولوه ديما( مش كل واحد راه لابس سروال نقولو عن راجل ) ربي يهدينا برك وصح فطوركم
​

 

[ديهيا القالمية]

وهدا راجل اصلا:surrender: ههههههههههههه:scared: بعيد الشر عليا:heh: مانقدرش نتخيل.... :tears: ​

 

[احلام ضائعة]

صح كاين منها والله هادوما الرجال نتاع اليوم

 

[himina]

هاذاك لبسولو قندورة انتاع الدار ويحفف شلاغمو هاذا راجل والله عجب ياخي معيشت الذل هاذي والله حتى الموت تعفو

 

[la_safa]

والله هادي مليحة ولات مالا هادي المرا مرا و نص
مي هاداك الراجل خسارة فيه هادي الكلمة المرا تزوج باه يسترها راجلها و تدير عايلة
ماش باه تخدم عليهم كامل
كون قعدت في دار باباها خير معززة مكرمة مي واش نقولو المكتوب
شكرا و صح فطورك
​

 

[jiji_bach]

هادو الدكور اشباه الرجال نطلبو من ربي يهديهم و يبعدهم علينا

 

[@احساس طفلة@]

للأسف هاد النو ع كاين منو بزاف الي يعزم على مراتو في مصروف الدار
ربي يبعدهم علينا​

 

[dana1993]

مممممممممممممممممممممممممم هه راجل كيما هك؟ غلطتي ختي في سياق العنوان هههه

 

[souhila_95]

كاين بزااااااااااااف هذا النوع واش نديرو نقولو ربي يهديهم سلعة اعوذ بالله

 

[مشاعر كاذبة]

اصلا اصلا شكون قالها تزوجيه بالمعني هي بهلولة كي تزوجاته خليها تستاهل دارتها بيديها تحلها بسنيها وهد النوع من الرجال يحسن عونهم ملقاوش خدمة وش يدير كيما يقولك عيش حياتك ايا خلوه يعيش حتي يكره هد هو قراري وبالنسبة ليا منديش راجل هاك اصلا من وجهه نعرفه تقبلو مروري