تبالي ماكاش واحد يقدر يديرها في الوقت تاعنا هذا........................... .....

س

سلفي والحمد لله

:: عضو فعّال ::
أوفياء اللمة
السلام عليكم
وشراكم خاوتي لاباس ان شاء الله تكونو بخير
راني حاب نحكيلكم على واحد السنة تاع الرسول صلى الله عليه وسلم
راهي ولات ذرك مهجورة وماكانش واحد يقدر يديرها انا على روحي منقدرش والله المستعان لاخاطر كامل تجينا بلي فيها عيب وفيها تطياح بانفس وبكرامة الانسان والله الميتعان
السنة هاذي هي عرض الرجل ابنته على الرجل الصالح
وهاذ السنة راهي من السنن الغائبة وقليل لي يطبقها
وباش يكون علابالكم السنة هاذي راهي مذكورة في القران في هذيك القصة تاع الرجل الصالح لي عرض بنتو على نبينا مووسى
يقول ربي سبحانه وتعالى { قَالَ إِنِّي أُرِيدُ أَنْ أُنكِحَكَ إِحْدَى ابْنَتَيَّ هَاتَيْنِ عَلَى أَن تَأْجُرَنِي ثَمَانِيَ حِجَجٍ فَإِنْ أَتْمَمْتَ عَشْرًا فَمِنْ عِندِكَ وَمَا أُرِيدُ أَنْ أَشُقَّ عَلَيْكَ سَتَجِدُنِي إِن شَاء اللَّهُ مِنَ الصَّالِحِينَ } [27 سورة القصص آية 27 ]
وكاين قداه من حديث تاع الرسول صلى الله عليه وسلم وقصص ثاني فيها المراة تعرض روحها على الرجل الصالح
وثاني باباها يعرضها على الرجل الصالح
وهاذالفكرة فيها خير كبير انا مانيش فاهم علاش ذرك في وقتنا الحاجة هاذي ولات عيب وكشغل راك طيح من كرامتك ولا من كرامة ختك......
كاين ناس خرين عندهم خواتاتهم واحد ما جا يخطبهم لاخاطر مايخرجوش من الدار ولا لاي سبب اخر
وتلقاها مسكينة كبرت في السن وتحشم تقولهم امر كيما هذا
بصح لو كان نرجعو للسنة تاع الرسول صلى الله عليه وسلم
يشوف الراجل ختو كبرت وماجاوهاش خطابة وش فيها كي يبحثلها عن زوج صالح ويعرض عليه لعلهاتزوج وتتهنى....
المهم ربي يسترنا وربي يوفقنا نتبعو الرسول في كل صغيرة وكبيرة

​
 
و الله صح , خاصة السطرين الأخيرين , كاين بنات يكبرو و يبورو غير خاطش جامي خرجو من الدار
و ما لازمش يخلوهم يروحو هاكاك , ما فيها والو إذا حوسولهم على عريس .
 
حوايج كيما هادوما مالازمش الإنسان يحطهم في التجاهل
لأنهم مهمين
شكرا ليكم ...
​
 
توقيع EL General
صح هاذي سنة ،، وكيما قلت اخونا السلفي ، الواحد تجيه كي شغل تطييحة كي يعرض اخته او بنته للزواج من واحد ،،
بصح عندنا هنا ، يعني المنطقة اللي راني عايشة فيها ، مازال كاين ناس // اقلية فقط
بصح مازال كاين اللي يعرض بنته على وحد قريبه ولا واحد يلقاه ناس ملاح

طرح ممتاز

شكرا


سلام​
 
هذا كلام الصح خويا تحية ليك
copy.png
trans.png
 
مادام هاذ الشي مذكور ف القران والسنة يعني مفصول فيه
و بالنسبة لهجر الناس للسنة هاذي هو العرف و التقاليد و احكام المجتمع بلا نقاش.
شكرا اخي على الموضوع التوعاوي جازاك الله خيرا
وتقبل وجهة نظري
​
 
خويا اولا خليـــنيــ، نقلكـــ، باركــ، االله فيــكـــ، على الموضوع المهــ،م هدا ولي الكثيــ،ر منا مهمشو

ثانيا حبيتـــ، نسقسيكــ، انت بالداتــ، يا خويا علاه تجيــكــ، كبيرة بحكــ،م انها سنة ونعرف بليــ، السلفــ، الصالح لا يتوارى عـــ،ن فعل سننه
وانا شخصيــ،ا مانيشــ، نشوف فيها عيبــ، هدا لأنو سنها رسولــ، الله صلى الله عليه وسلــ،مــ،
و ثانيا لأنو تكون خيرتــ، لأختكــ، ولا بنتكــ، اصلــح زوجــ، خير من ليـــ، يجيــ، يخطبــ، وتكون خايفــ، منو
والحقيــ،قة الوقتــ، ليــ، رانا فيه الحاجــ،ة الاصلحــ، يشوفوها عيبــ، ولو كــأن البنت تكونــ، مع علاقة معــ، شخص ويخطبها يشوفوها عاديـــــ،
ان شاء الله هديـــــ، السنة تنتشر هكدا نضمنـــ، تفاديـــ، تعدد الطلاقـــ،

و ربيـــ، يجيبــ، ليــ، فيه الخير ,,,,,,,,
​
 
شكرا على الموضوع
 
صحا عندك الحق مي تجي راني نطيش في روحي و نطيح في كرامتي ما نعرف علاه رغم شي عادي ما في زمنا ما تصلحش
شكرا خويا
 
عندك الصح خويا هادي سنة ومدكورة في القران
بصح كيما قلت الرجل تجيه عيب كي يعرض اخته ولا ابنته للزواج من رجل اخر
ما يشوفوش للسنن يشوفو ل هدرة الناس .
شكرا على الموضوع
 
ماشي تكون عند ه طفلة بايرة يبغي يليكيديها يعرضها على الرجل الصالح على الاقل تكون دات دين ومظهر يكون مقبول
 
أرواح نـــتــا وفــهمــهــا لــهــادو العــباد
درك رانــا حــنا نــروحـو و يــاربــي اد قــبلـو والديــهـا
مــاشــي هــيا​
 
كل واحد واش يشوف فيها
وربما في مناطق اخرى كاين
كا الارياف ووو ...
في القديم كيف يعرف بان الرجل عندو بنت في المنزل
بالرغم انها ما تخرجش من البيت
هنا في الجزائر
كان الرجل يضع ورق النعناع في الاذن
هذا دليل على انو عندو بنت للزواج
والله اعلم
​
 
صح كاين منها بصح واحد مايقدر يديرها لانو في هاذ الحالة البنت راح يكون بيها نقص في نظر زوجها وباباها يحس بلي طيح بقدرو ... وربي اللي عالم وين رايحين نوصلو بهاذ العقلية
ومشكووووووووووووووووووووووور على الموضوع.
 
ايه صح عندك الحق خويا في زمانا هدا ابتعدنا بزاف على القران والسنة وهدا سبب اللي رانا فيه
 
عندك الحق خويا او قالك اخطب لبنتك ومتخطبش لولدك لانو المرة كي تفوت وتطفر فيها تزوج صاي مي الراجل قادر يعود
مرسي على الموضوع
 
مشكوووووووووووووووووووووووووووووووووور موضوع يستحق النقاش
 
موضوع رائع يستاهل التقييم +تقيييم
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom