• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

|~زلق طـــــاح ما نــــاض ما راح~|

THE GNAWIE

:: عضو متألق ::
أوفياء اللمة
ْ~|السلام قبل ما نبداو <لكلام>|~ْ
علابالي ما فهمتو والو من العنوان
السوجي تاع اليوم يهدر على فئة تاع الناس حتى ما نقولش الاغلبية
تلقاهم مبرمجين عالتفنيين و الضعف غير تصرالهم حاجة صغيرة يفشلو و يياسوا و يقولوا حنا ما عدناش الزهر الحاجة اللي نروحو نديروها تتعكس فوجهنا .....يخي الدنيا هاذي طيحة و نوضة و اللي ما يخطأش و ما يطيحش عمرو اذا يتعلم
*كاين اللي يعاود العام ولا ما يجيبش الباك...خلاص يهبل ...يعود يشوف فالدنيا ظلمة ...علاه انت ما تامنش بالمكتوب ياخي ربي ما يغلق باب حتى يحل اخر
*كاين اللي يكون حيدير كاش بروجي غير تبدا تتعقد شوية الامور يقول خلاص انا عمري ما راح ننجح و يقعد يعاتب فالزمان و العيب فيه هو...
نعطيك مثال اديسون شحال دار من تجربة باش صنح اللمبة ....
•(اكتشفت 100 طريقة لا تؤدي لاختراع البطارية وحاولت 9999 مرة لصناعة المصباح الكهربائي)...
خلاص امالا
هاذي هي سنة الحياة و ربي عادل اذا ما نجحكش فعفسة معناها راح يعوضك بما هو احسن ....
يقول تعالى **وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ**
ان شاء كل واحد يزلق و يطيح يعاود ينوض ويروح و هو احسن و اقوى من الاول
انا نخليكم
bonne journée
سلآم/*-
​

 
وعليكمـ السلامـ و رحمة الله تعالى و بركاتهـ
يعطيكـ الصحة حبيبتيـ
كلامكـ فيـ بلاصتو و الليـ يفشلـ منـ أولـ محاولة ضيعـ حياتو
صحا فطوركـ + باركـ الله فيكـ

​
 
وعليكم السلام اختي

كلامك كلو صـــــــــح لازم الانسان ما ييأسش من مكتوب ربـــــي وكيما يقولو كل شي بالمكتوب

وميرسي اختي ع السوجي الشباب

يعطيك الصحة
 
عندك الحق خيتو كلامك لويز نورمالمون مايفشلوش هدا كامل امتحان من ربي يلزم يصبر على واش بلاه ربي حتى يفرج عليه يعطيك الصحة حنونة وصحا فطوركم​
 
يعطيك الصحا


بارك الله فيك


​
 
وع ليكم السلام
ختي والله غير عدك الحق تقدري تقولي قع الامة لعربية هاك
مكاش الارادة ولا نقص ايمان مفهمناش
في كلش تلقاينا قطعنا لياس والله معلابالي وعلاه
واش نقولك حنا تعودنا كلش يجينا واجد هادا هو
مشكورة حنونة

​
 
واه صح خويا انا وحدة منهم وماشي منهم من تتعكسلي حاجة ندمع ونقول مونك زهر ونموت خيرلي ومش عارف بعد كي مجنونة نرضى وحدي ويركبي 14 جن ونقول والله غي نديرها وادا بقيت 14 مرة ونعاود فيها ونجبرها
يعني ارادة من تكون ارادة وثقة في نفس وتنحي مستحيل وضعف من بالك والله غير توصل
ها شكرا خوا ان شاء الله يتفهمو واش كتبت في موضوع
ملاحظة تكرار رقم 14 هو على سبيل مثال ورقم ولايتي هههههههه ​
 
صح والله عندك لحق
الي عنــدو يومين من لي خرج للدنيــا و يصرالو موقف صعيب ..
خـــلاص يقــولكـ أنا عديت 7 سنين في الثــورة وصاي كرهت رايح نسويسيدي

ربي يلطف برك!​
 
كلامك صح ختي مي الله غالب دوك تلقايهم كامل زلقو طاحو ماناضو
​
 
توقيع عاشقة الكرة
والله يا ختي غير هذا مشكل كبير
شبت باه نفهمهم بلي عَسَى أَن تَكْرَهُواْ شَيْئًا وَهُوَ خَيْرٌ لَّكُمْ
و والو طول الوقت معندناش الزهر معندناش الزهر
واش مكاش شوي صبر؟؟؟؟؟؟؟؟؟؟؟
اتقو الله اخواني في الله

 
والله صح اختي عندك حق مام انا منهم ساعات ههه والناس الكل كيما هكا وش نقولو ربي يهدينا ومكانش شخص يتعلم غير من كيسو
 
والله نحيتي على قلبي الكلام اللي راه في بالي راك قلتو ​


وعندك الحق في كل كلمة قلتيها ​


وانا كنت هكدا والله العام هدا الللي جوزت فيه الباك اليوم الاول الصباح خدمت ولعشية هردتها جيت نبكي للدار وقلتلهم خلاص ماتعولوش على الباك بصح كي نجي نشوف نقول وعلاه مازالو الايام ماخلصوش ندير لي عليا والباقي على ربي
وجوزت الباك هكدا ساعة نتشوكا ساعة نفرح بصح الحمد لله نجحت وكي نتفكر نضحك على روحي ​

وحوايج بزاف ​

المهم الواحد كما يطيح ينوض يجري بقوة وعزيمة اكثر
يعطيك الصحة على الموضوع​
 
آخر تعديل:
اكره كلمة في حياتي ماعنديش الزهر
والله كلش بالمكتوب والواحد يدي غير الي كتبلو يعني مكلاه يجهل
ودوق دوق
يعطيك الصحة على الطرح
​
 
oui c vrait ce que tu as dit merci
 
oui c vrait ce que tu as dit merci
 
وعليكمـ السلامـ و رحمة الله تعالى و بركاتهـ

يعطيكـ الصحة حبيبتيـ
بلا مزية ماجدة
منورة الصفحة
كلامكـ فيـ بلاصتو و الليـ يفشلـ منـ أولـ محاولة ضيعـ حياتو
هذا واش كنت حابة نقول
صحا فطوركـ + باركـ الله فيكـ
انت زادا اختيتو
و فيكي بركة​
مشكورة اختيتو ماجدة
صح رمضانك
سلآم****​
 
H@teM, تم حظره "حظر دائم". السبب: مخالفة القوانين
او الواحد سعات يجيه مشكل
والله يطيرلوا النوم من عينوا
ولكان فشل فيها يجيه هاك الاحباط
يعني كلا يلقى لي يطلعلوا المورال
يعطيك الصحة اختي على الموضوع
​
 
وعليكم السلام اختي

كلامك كلو صـــــــــح لازم الانسان ما ييأسش من مكتوب ربـــــي وكيما يقولو كل شي بالمكتوب

وميرسي اختي ع السوجي الشباب

يعطيك الصحة
بلا مزية اختي رشا
مرورك هو اللي شباب
بارك الله فيك
صح رمضانك
سلآم/*-​
 
عندك الحق خيتو كلامك لويز نورمالمون مايفشلوش هدا كامل امتحان من ربي يلزم يصبر على واش بلاه ربي حتى يفرج عليه يعطيك الصحة حنونة وصحا فطوركم​
الله يسلمك اختي انت زادا
و كلامك انت اللي لويز
بارك الله فيك
منورة الموضوع
bonne journée
سلآم/*-​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom