ارواح تشوف ..يبيع في الأكل الخفيف ويفليكسي ثاني

[يونس الصديق]

السلام عليكم


خير عليكم يا ناس الخير

..........................

اليوم يا سيدي رايح لوحد البلاصا سموها ** جديوية ** جاية في ولاية غليزان عند واحد صاحبي .....قعدت معاه نحكي والضحك واللعب

ايا من بعد جيت مولي للدار .... فتحت موبايلي لقيت ليزينتي خلاصت .....قلت نفليكسي ونروح ..... شفت هاك وهاك لقيت مكتبة ومكتوب فيها *flexy ici* روحت دخلت عنده قتله ..فليكسيلي ....قالي : اخرج وادخل عند المحل لي بجانبي تلقي واحد سمين قوله يفليكسيلك ...قتله : صحا صاحبي
ايا خرجت مين حبيت ندخل عند هذاك المحل تخيلو معايا المحل تاع واش ؟؟
** محل للأكل الخفيف **:cursing:
رجعت عند السيد تاع المكتبة قتله مهبول انت ؟؟ قالي : علاه ؟؟ قتله : انا جيت نفليكسي ولا جيت ناكل ؟؟.........قالي : لالا هذاك يبيع الاكل وفي نفس الوقت يفليكسي هههههههههه سبحان الله _o:
عاودت رجعت ليه دخلت وقاعد حاب نقولو فليكسيلي بصح حشمان :crying:
شاف فيا السيد وقالي خويا واش نعطيك ؟؟.......قتله لالا صحيت انا جيت نفليكسي ***قلتلها تحت أنفي **زعمة تاع حشمة من الناس **:ax_flw:
ضحك وقالي : نورمال صاحبي جاتك غريبة ؟؟
قتله : غريبة ونص .......
دار يده في جيبه وخرج موبايل وقالي اعطيني رقمك ايا اعطيته الرقم
صدقوني يفليكسي من جهة ويمد في الكاسكروت من جهة


نقسم بالله خارج وانا راسي مقلوب

صحيح لي قالك في الجزاير تضوف كلش بالمقلوب
​

 

[السلطانة]

وعليكم السلام ​

اهلا خويا يونس مرحبا بيك عندنا ​

عندو الحق السيد هاذا يخمم على الشعب ​

علابالو الشعب تاعنا تهمو كرشو اولا ​

ويهمو لفليكسي ثانيا ​

مالا فكر عفسة هايلة هههه ​

لالجيري بلادي ساكنة في قلبي
فيها كلش بالمقلوب كيما قلتي ​

هيا تقبل مروري المتواضع
تحياتي ​

 

[EL General]

ربي يصبرك يا يونس على الفليكساج ، ههههه

و ش تدير هدي هي العباد

الربح السريع يا محاينك

و لالجيري مارغري كوم سا

جووتام لالجيري
​

 

[فتاة حساسة]

هههههههههههههههههههههههه
واش تحب خو
عقليا dz
مشكووووووووووووووووور على الموضوع وربي يعاونك
هههههههههههههه
تقبل مروري
NADJLA

 

[انتصار*]

هذي نورمال ايماجيني كوردوني ويبيع الكاسكروط:shiny: ولا يفليكسي ويبيع السردين:fish:

 

[عبد الجبار الجزائري]

متغيبلكش خلاص شوف راه ماش بعيد علي محل لمواد الغذائية يخدم كلش
فليكسي
اواني منزلية
اكل خفيف
مواد التجميل
لعب اطفال
مزاتلو حاجة برك مخدمهاش هو الدواء

 

[اسماء16]

ههههه دحكتني ولله غاريبة دزاير
​

 

[NICHA03]

ههههههههههههههههههههههههههههه حانوت مليح هاذ مرسي خويا على الموضوع

 

[adraa]

ههههههههههههههههههه

هاذي هي بلاادي اللي نمووت علييهاا

عييش تشووف...​

 

[روعة الأخلاق]

السلام عليكم ...مرحبا بيك هنا
ايه عيش تشوف لعجب في بلادنا
ربي يهدي معرف وقتاه نتطورو شوي​

 

[الصياد.dz]

نورمال الناس تخدم على رواحها

 

[nassim007]

هههه دزايز يا يوونس هههههه

مايطلقو لوااالو
​

 

[HAMZ A]

ما فيها والو.... خدام على روحو

 

[hanine_mona]

في دزاير كل شيء ممكن
عيش تشوف عقلية dz​

 

[HAMOUDI2000]

الله غالب حنا عدنا فليكسي عند بائع ملابس وفي سيبار كافي وعند بائع اواني منزلية وعند السكرتيرة نتاع الطيب هههههههههههههههههههههه هذي بلادنا اهلا بالخبزة كيما جات

 

[ديسق]

السلام عليكم ورحمة الله وبركاته

الناس تبروفيتي على روحها، حتى البياع نتاع المواد الغذائية

تلقاه يبيع الدواء، يا سبحان الله :scared: عيش تشوف

شكرا ليك على الموضوع

ودي
​

 

[يونس الصديق]

جزاكم الله خيرا

تحياتي

 

[La contesse]

هههههه بلاد ميكي نورمال ​

 

[ganigani]

ya waldi normal hadi hiya dzayar ma thirch

 

[•мϊѕŝ Šрέсǐάł•]

هذا اسمو التطورات الجارية على العقلية dz سنة 2011