حل مشاكل الجمال والبشرة مع بنات اللمة الجزائرية-حصري-

[جزائرية كوول]

كريمات نزع الشعر مليحة للشعر الرقيق
لكن اذا كان خشين ننصحك بالحلاوة ولا الرجينة كما نقولو ولا آلة ازالة الشعر

يعطيك الصحة اختي علابالي بالحلاوة ونخدم بيها
بصح راني نقصد في المناطق الحساسة:shay:

 

[برنســ اللمة ـيسة]

مساء الخير لبنات
عندي مشكلة كن نقلكم دالها تقريبا 5سنين ومالقيتلهاش حل
وهي انو القُصة الصغيرة لي في مقدمة الشعر devantنتاع شعري الشعرات الاولين مني قصيتهم مع القُصة القصة طوالت و الشعرات اللولين ماهمش بزاف ماحبوش يطوالو هبلتني عملتلها كل شي ماخليت والو وبقات باينة صار لازملي نهبط كامل القصة على جبهتي باش ماتبانش اذا كاش حل باش تطوالي قولولي اخرين قالولي البصيلات نتاع الشعر ماتت يعني ماتزيدش تطوال خوفوني

صاحيتي روز
واش راكي؟؟
و الله راني راح نقولك حاجة بصح ما تخلعيش
هههههه
انا تاني كيما انت مي انا هاكداك ناضو الخلف يقولولو عندنا
قالولي مستحيل يطوال
ماحبش يزيد و مش راح يزيد و أنا تاني نعاني منو ساعا ساعا يبشعني مي نعرف كيفاه نخبيه ما يبانش ​

 

[روز]

الرجينة كنت نخدمها ساهلة وناجحة مش عارفة علاه بزاف يحاولو يعقدوها

حبة ليمون كبيرة مش يابسة يعني فيها الما بزاف ومعها 3ملاعق سكر كبار وتخلطي على نار هادئة بزاف بزاف ولما تولي قريب تكون حمرا ادهني البوتاجي بالزيت وفرغيها عليها ولما تكون قريب تبرد يعني سخونة شوية حاولي تلميها بايدك وابقاي كسلي فيها حتى يرجع لونها أصفر واذا حسيتيها شوية يابسة حكي عليها لي بقالك من الليمون شوية برك ورايحة تولي رطية
​

 

[NaDiA.]

السلام عليكم يا بنات

انا حبيت افيدكم بصنع الحلاوة في البيت

طريقة سهله جدا وغير متعبه

واعرف انكم مليتوا وتعبتوا من الطرق وبالنهايه يمكن ما تضبط معك مية بالميه

وان شاء الله بطريقتي هذي اتساعدكم اشوي

اولاً

لازم يكون عندك كوبين سكر وربع كوب عصير ليمون وربع كوب ماء

وبعدين اخلطيهم كلهم مع بعض وبعدين خليهم على نار مو كثير عاليه

وكل دقيقتين او 3 ارفعيها من النار واخلطي اشوي ورجعيها على النار

الى ان يصير في فقاعات كثيره قللي النار ( يعني حوالي بعد 7 او 8 دقائق تبدا الفقاعات )

وابقي حركي في الخليط

بعد 11 او 12 دقيقة تقريباً بعد ما يتغير لونه بني فاتح جدا

او ذهبي المهم تطفي من على النار وبعدها تضعيه في علبه بلاستيك وتتركيها تبرد شوي

وبعدها تستعمليها وبكل سهوله

راح تطلع طريه كثير وسهله الاستعمال



سرقتهالك من منتدى آخر بالاك تفيدك المهم أنو صاحبة الموضوع مجربتها وصدقتلها على حساب الشوفة وتاني أختي تخدمها وحدها فالدار وتقريبا بنفس الطريقة يعني المقادير تتغير برك (هادي راهي عاملة وصفة اللي تدوم بزااف يعني تستخدمها ششعال من مرة)

نتمنى نكون أفدتك

شكراااااااااااا حبيبتي عل ى الوصفة ربي يخليك تعبتك معايا​

 

[برنســ اللمة ـيسة]

يعطيك الصحة اختي علابالي بالحلاوة ونخدم بيها
بصح راني نقصد في المناطق الحساسة:shay:

سلام أختي جزائرية
انا ننصحك ماتغامريش هادوك الكريمات يسببو الحساسية 85بالمئة
كيما قالتلك الاخت رزو استعملي الرجينة أو الحلاوة
هاديك صح من تجربتي ​

 

[جزائرية كوول]

سلام أختي جزائرية
انا ننصحك ماتغامريش هادوك الكريمات يسببو الحساسية 85بالمئة
كيما قالتلك الاخت رزو استعملي الرجينة أو الحلاوة
هاديك صح من تجربتي ​

يعطيك الصحة اختي بصح الرجينة تخوووووووووف _o:

 

[روز]

صاحيتي روز
واش راكي؟؟
و الله راني راح نقولك حاجة بصح ما تخلعيش
هههههه
انا تاني كيما انت مي انا هاكداك ناضو الخلف يقولولو عندنا
قالولي مستحيل يطوال
ماحبش يزيد و مش راح يزيد و أنا تاني نعاني منو ساعا ساعا يبشعني مي نعرف كيفاه نخبيه ما يبانش ​

والله عرفتها:sad: مزية ماهمش بزاف شوي شعيرات بركمي نقدر نخبيهم انا شعري طويل ورطب وهي برك مفسدتولي كي نشوفها في المراية نكره نقول نحكملها مقص ونقلعها ههه
مرسي حبيبتي على الاهتمام

 

[NaDiA.]

انا بصراحة ما نعرفش نخدمها خيتي مي كاينة وحدة تتباع مليحة
ماركة ''ميم'' او ''السان''و ماهيش غالية ب 100دج(عشرة الاف)

تصبحو بخير
​

[QUOTE=NaDiA.;3265718]
اهلا شوشو صافا :showoff:
مارسي على ردك على استفساري ختي

مي عندي طلب تاني ماعليش ستححملوني:shay:


انا دايمن نجرب نصنع الحلاوة بصح جامي صدقتلي مادابيها اللي تعرف تعطيني الوصفة

و مارسيييييييي​

سلام نادية شوفي كاينة هادي لامارك نستعملها أنا
سي بالابان تتعبي معاها تشريها واجدة و زيد ما تتقلقيش تجي مخدومة في بلاستيك
اخدمي بيها دييييييييييراكت هادي ب 20 ألف تجي فيها 20 ورقة
​

[/QUOTE]

شكرا على النصيحة اختي تنسيم و اختي وفاء : لكن بصراحة نخاف من هاد لحوايج علاخاطر مرة استعملت شراقط vيت لازالة الشعر و دارتلي حبوب في رجليا + حكة
و الرجينة لمشرية ماجربتهاش شخصيا لكن بنت خالتي خدمت بيها و جاتها حساسية ....لكن ربما على حسب الماركات و كل وحدة و بشرتها ...على العموم ربي يخليمك ليا حبيباتي نحاول نجرب و اسمحولي راني شغلتكم باستفساري:shay:​

 

[برنســ اللمة ـيسة]

يعطيك الصحة اختي بصح الرجينة تخوووووووووف _o:

هههه
ماتخوف ما والو
في الاول برك و مبعد توالفي عااااااااااااااادي​

 

[afkaar]

مساء الخير لبنات
عندي مشكلة كن نقلكم دالها تقريبا 5سنين ومالقيتلهاش حل
وهي انو القُصة الصغيرة لي في مقدمة الشعر devantنتاع شعري الشعرات الاولين مني قصيتهم مع القُصة القصة طوالت و الشعرات اللولين ماهمش بزاف ماحبوش يطوالو هبلتني عملتلها كل شي ماخليت والو وبقات باينة صار لازملي نهبط كامل القصة على جبهتي باش ماتبانش اذا كاش حل باش تطوالي قولولي اخرين قالولي البصيلات نتاع الشعر ماتت يعني ماتزيدش تطوال خوفوني

الثوم اللي قشرتو وردية مايلة للإحمرار هو الحل لهاد النوع من الأمراض اللي يحدث في فروة الرأس.
تاخدي حبة ثوم تعجنيها مع ملعقة كبيرة زيت الزيتون و تحكي بيها المنطقة المتضررة لمدة خمس دقائق يوميا لمدة أسبوع,,,,,, الخلايا المصابة رايحة تتجدد و تحيا من جديد.
حاولي تستعملي في هاد الفترة تاع العلاج شامبوان عديم التعطر و الون neutre​

 

[NaDiA.]

يعطيك الصحة اختي بصح الرجينة تخوووووووووف _o:

انا سمعت بلي استعمال الرجينة في المناطق الحساسة يسبب شلل_o:

 

[روز]

يعطيك الصحة اختي علابالي بالحلاوة ونخدم بيها
بصح راني نقصد في المناطق الحساسة:shay:

لالا برانساس راهي توجع تقتل الرجينة في الجلد الرقيق :sad:

راهي كاينة وحدة كي الغبرة روووعة عندكم في الدزاير كنت نستعملها غير هي ونتائجها وش نقلك مذهلة اسمها برانطانيا ولونها غوز تخلطيها مع شوي ماء وتحطيها دقائق وتغسلي بالماء الدافىء
تخلعي في النتيجة وماتسبب لاحساسية لاوالو ويطول ماينوض الشعر جربوها وقولولي بزاف يستعملو فيها

 

[نتــــــــــاشا]

السلام عليكم ورحمـة الله وبركاته

لصــاحبة الموضوع يعطيك الصحة موضوعك هايل...
يــا لبنات أنــا عندي بروبلام وجابلي ربي بزاف بنات يعانيو من المشكل ديالي
المهم أنــا لبروبلام ديالي هو كي نحي الشعر من الابطيـن حاشــاكم تبقالي المنطقة هاديك كحلة شوية، مع العلم انا ننحي بالرازوار في هاديك لبلاصة (نحلـق).
آسكـــــو عندكم حل لهاذ المشكلة يعني اي زيت طبيعي او اي كريمة او خلطة تنحي الكحوليـة هاذي.
ربي يجازيكم الجنــة جاوبوني في اقرب وقت.
تحيــــــــاتي لكنَ​

 

[برنســ اللمة ـيسة]

والله عرفتها:sad: مزية ماهمش بزاف شوي شعيرات بركمي نقدر نخبيهم انا شعري طويل ورطب وهي برك مفسدتولي كي نشوفها في المراية نكره نقول نحكملها مقص ونقلعها ههه
مرسي حبيبتي على الاهتمام

ايه مام انا شوفي كيانة أخت اعطاتنا نصيحة نسييوها و نردولها بالخبر
و ربي يعيننا على رائحة الثوم
و ديجا راه وقتها دركا
هههههههه
​

 

[روز]

اختي ناتاشا عندي خلطة مليحة نحوسلك عليها في الدفتر نتاعي ونقلك عليها غدوة ان شاء الله مليحة بزاف واتنح السواد حتى من الركبتين والكوع
مي ننصحك حاليا الليم راهو مليح لكل شي كي تحكيه بشرط اداومي مش مرة ولا زوج وتبطلي

 

[NaDiA.]

السلام عليكم ورحمـة الله وبركاته

لصــاحبة الموضوع يعطيك الصحة موضوعك هايل...
يــا لبنات أنــا عندي بروبلام وجابلي ربي بزاف بنات يعانيو من المشكل ديالي
المهم أنــا لبروبلام ديالي هو كي نحي الشعر من الابطيـن حاشــاكم تبقالي المنطقة هاديك كحلة شوية، مع العلم انا ننحي بالرازوار في هاديك لبلاصة (نحلـق).
آسكـــــو عندكم حل لهاذ المشكلة يعني اي زيت طبيعي او اي كريمة او خلطة تنحي الكحوليـة هاذي.
ربي يجازيكم الجنــة جاوبوني في اقرب وقت.
تحيــــــــاتي لكنَ​

اختي افضل حل لازالة شعر الابطين دون اسوداد هو النتف(العجينة او الة براون)
بالنسبة للسواد ننصحك بالليمون فرك الليمون باستمرار راح يبيض المنطقة و هاذ الشي مجرب​

 

[برنســ اللمة ـيسة]

لالا برانساس راهي توجع تقتل الرجينة في الجلد الرقيق :sad:

راهي كاينة وحدة كي الغبرة روووعة عندكم في الدزاير كنت نستعملها غير هي ونتائجها وش نقلك مذهلة اسمها برانطانيا ولونها غوز تخلطيها مع شوي ماء وتحطيها دقائق وتغسلي بالماء الدافىء
تخلعي في النتيجة وماتسبب لاحساسية لاوالو ويطول ماينوض الشعر جربوها وقولولي بزاف يستعملو فيها

ايه هاديك نقولولها طاهرة
نعرفها ماما تستعملها _o:​

 

[نتــــــــــاشا]

اختي افضل حل لازالة شعر الابطين دون اسوداد هو النتف(العجينة او الة براون)

بالنسبة للسواد ننصحك بالليمون فرك الليمون باستمرار راح يبيض المنطقة و هاذ الشي مجرب

بصراحــــة أنــــــا أختي دايما تقولي كي تنحي الشعر نحيه بالرجينة ولا ببراون مي أنا
نعجز ونروح نرازيـه، المهم يعطيك الصحة أختي على النصيحة ديالك وانشالله رح نجرب الليمون.

اختي ناتاشا عندي خلطة مليحة نحوسلك عليها في الدفتر نتاعي ونقلك عليها غدوة ان شاء الله مليحة بزاف واتنح السواد حتى من الركبتين والكوع
مي ننصحك حاليا الليم راهو مليح لكل شي كي تحكيه بشرط اداومي مش مرة ولا زوج وتبطلي

يعطيك الصحة أختي راح نشقيك معايا ونخليك تحوسيلي على الخلطة.
المهم انا رح نجرب الليمون كيما قلتي بلاك يجيب نتيجة.
​

 

[روز]

اختي ناتاشا وصفة تبييض تحت الابطين هي
فنجان بودرة جونسون يعني التالك لي يديروه للاطفال الصغار
مع نصف فنجان ملح وفنجان ماء ورد وتصبح عجينة وحطيها وخليها دقائق بعدها حكيها حتى تتفتت بعدها امسحي بالماء الزهر بواسطة قطنة اعمليها اكثر من مرة باش تشوفي نتيجة

 

[روز]

ايه هاديك نقولولها طاهرة
نعرفها ماما تستعملها _o:​

كفاش هادي طاهرة:huh:
لالا اسمها برانطانيا راه كاين أنواع بزاف من نتوع الغبرة هادي ماهمش ملاح كاملين كاين هادي لي قتلك عليها مليحة ويستعملوها الصغارات والكبارات مليحة حتى للبشرة الحساسة..ورائحتها مليحة تاني