حل مشاكل الجمال والبشرة مع بنات اللمة الجزائرية-حصري-

[برنســ اللمة ـيسة]

كفاش هادي طاهرة:huh:
لالا اسمها برانطانيا راه كاين أنواع بزاف من نتوع الغبرة هادي ماهمش ملاح كاملين كاين هادي لي قتلك عليها مليحة ويستعملوها الصغارات والكبارات مليحة حتى للبشرة الحساسة..ورائحتها مليحة تاني

كي قلتيلي غبرة و في ساشي لونها وردي
عرفت غير هادي تستعملها ماما
و مانعرف​

 

[sheherazed]

شكراااااااااااا حبيبتي عل ى الوصفة ربي يخليك تعبتك معايا​

معليش حبيبة بلا مزية المهم تخرجلك مليحة وتصدقلك

 

[sheherazed]

كي قلتيلي غبرة و في ساشي لونها وردي
عرفت غير هادي تستعملها ماما
و مانعرف​

عفوا على التطفل حبيت برك نوضح أنو هاد الغبرة ما تنحيش الشعر من الجذور ومن الافضل ما تسعملوهاش فالوجه

 

[روز]

عفوا على التطفل حبيت برك نوضح أنو هاد الغبرة ما تنحيش الشعر من الجذور ومن الافضل ما تسعملوهاش فالوجه

لا اختي رانا نتكلمو على المناطق الحساسة مش على الوجه :scared:

 

[sheherazed]

لا اختي رانا نتكلمو على المناطق الحساسة مش على الوجه :scared:

آآآآآآآآآآآآآآآآآآآآه أوكي

أنا ننصحكم بماشينة براون للمناطق الحساسة

 

[M!ss D!or]

السلام عليكن حبيباتي
انا ليوم كان عندي اول اجتماع :sheer:
ايا زعمة قلت لازم نتلهى شوية بالبشرة تاع وجهي \على الاقل ندير ماسك :shiny:\
ايا درت حمام بخار
مبعد حكمت لبيض تع لعضام ضربتو مليح و حطيتو عى وجهي و حطيت فوقو البابي موشوار و قعدت بيه ساعة ونصف :cra_zy:

و كي رحت للسال دو بان

النتيجة
كا
نت





ولاشئ هههههههههه :schmoll:

والله صح مكاين حتى تغيير :sadwalk:
\زعمة قالك كي تنحي البابي مشوار تلقاى فيه لي بوا نوار و بعض الشعيرات\

لكن صدقوني والله مكاااااااان والووووووو :sad:

المهم حبيت نقلكم تجربتي الفاشلة باش ماتوقعوش فيها

تحياتي :re_gards:

والله ينورنا ​

 

[برنســ اللمة ـيسة]

هههههههههههه
مسكينة مريومة
ساعة و نصف و انت قاعدة بيها؟؟
ياخي و الله مانديرها و كون ندري نبقا هاكداك
ههههههه
بالاك انت وجهك صافي علا هاديك ماخرج والو في البابي ميشوار ​

 

[M!ss D!or]

هههههههههه
راكي تشوفي وفاء ختي داروها بيا \لي يتبع المنتديات واش يصرا فيه الحمد الله كي مافسدليش وجهي برك هه\
ايه والله ساعة ونصف تحسي وجهك مدايرتلو الpلاتر ههههههه \ وفي الوصفة كاتبة 2سوايع \
لالا واللع كانو عندي كعبات بوا بوار في نيفي مي قضيت عليهم بالسكر و الزيت زيتون

 

[برنســ اللمة ـيسة]

ايه مام انا عندي في نيفي
قوليلي كيفاه تديريلهم
عييت ماقدرتش ننحيهم​

 

[M!ss D!or]

شوفي اختي ديري حمام بخار \كسرونة ماء مغلية فيها قطرات من ماء ورد قربيها لوجهك لمدة 15دقيقة و حطي منشفة فوق راسك\
مبعد احكمي السكر حطيه على وجهك و باي ديري حركات دائرية
و مبعد اغسلس وجهك و لكان كاين كعبات ماحبوش يتنحاو اعصريهم بصوابعك مش بالضوافر و زيدي اغسلي وجهك بماء بااااااارد باش يتقفلو المسمات
و امسحي بماء ورد باااااااااارد \من الاحسن يكون كونجيلي\

ربي ينورك حبوبة​

 

[برنســ اللمة ـيسة]

شوفي اختي ديري حمام بخار \كسرونة ماء مغلية فيها قطرات من ماء ورد قربيها لوجهك لمدة 15دقيقة و حطي منشفة فوق راسك\

مبعد احكمي السكر حطيه على وجهك و باي ديري حركات دائرية
و مبعد اغسلس وجهك و لكان كاين كعبات ماحبوش يتنحاو اعصريهم بصوابعك مش بالضوافر و زيدي اغسلي وجهك بماء بااااااارد باش يتقفلو المسمات
و امسحي بماء ورد باااااااااارد \من الاحسن يكون كونجيلي\​

ربي ينورك حبوبة​

ايييييه
و الله ساهلة ماهلة غدوا انشاء الله نسييها و نردلك
مرسي حبيبتي ربي يخليك لينا ​

 

[M!ss D!or]

سييها و رديلي لخبر
موفقة حبوبة

 

[اميرة 1984]

السلام عليكم
انا اليوم قصدتكم تعاونوني وتعطوني حل لمشكلتي
انا عندي حبوب تحت الجلد ماتبانش من البعيد حتى كي نقرب وجهي بالمراة باش تبان
وزيد عندي قشور في وجهي مابغاوش يروحوا مارقري درت ليقوماج لا فائدة
وعندي اسمرار في الرقبة
ارجوا لي عندها تفرج عليا لانوا عرسي قريب

 

[روز]

السلام عليكم
انا اليوم قصدتكم تعاونوني وتعطوني حل لمشكلتي
انا عندي حبوب تحت الجلد ماتبانش من البعيد حتى كي نقرب وجهي بالمراة باش تبان
وزيد عندي قشور في وجهي مابغاوش يروحوا مارقري درت ليقوماج لا فائدة
وعندي اسمرار في الرقبة
ارجوا لي عندها تفرج عليا لانوا عرسي قريب

اختي أميرة الحبوب شوفي طبيب جلد عليها هو لي يعطيك الدوا ماتخلطيش فيها لي تحت الجلد يفهملها الطبيب برك
أما القشور لي في وجهك جربي الريجنة (الحلاوة) راهي تنح كل الاوساخ لي في البشرة وتنظفها وتملسها وتنح تاني القشور جربي في بلاصة صغيرة وشوفي اذا جابت نتيجة معاك كملي على كامل وجهك..
اما الاسمرار سمعت الناس تعمل الهرماس اذا تعرفيه يعني المشماش اليابس تعمليه في شوية ماء وتطلي بيه وجهك ورقبتك كل يوم حتى تبان نتيجة
وتاني الفازلين حطيه على رقبتك قبل لتدخلي للحمام ولما تدخلي تعملي دوش قبل لتفرغي الماء على جسمك حكي رقبتك بالليمون وحكي وزيدي واحرصي اعمليه قبل كل دوش رايحة تجيب نتيجة وماتنسايش تاني
استعملي كريمات تبييض البشرة كما فيراند لافلي
ربي معاك

 

[هآجر]

موضوع هايل ومفيد

يا بنات حابة نسقسيكم


وش كون فيكم تستعمل كريم ازلاة الشعر venus???????????????????????​

 

[الورد الأحمر]

أنا استعملت كريم فونيس لإزالة الشعر
وما عجبنيش خلاص ...
صراحة ما ننصحكش بيه
​

 

[السلطانة]

مام انا استعملت فينuس واحد الوقت
مي منفعنيش

​

 

[هآجر]

مرسي نور وشرطية

املا وش تستعملوا يا اخوتي

الحلاوة ولا براون ؟؟؟؟؟؟؟؟؟؟؟؟؟؟؟؟؟؟​

 

[برنســ اللمة ـيسة]

سلام
كيما قالولك البنات فينوس مش مليحة طووول
استعملي براون و لا الرجينة اللي هي الحلاوة و تأكدي بلي راح يعطيك نتيجة ملييحة خير من كريم ازالة الشعر ​

 

[هآجر]

سلام
كيما قالولك البنات فينوس مش مليحة طووول
استعملي براون و لا الرجينة اللي هي الحلاوة و تأكدي بلي راح يعطيك نتيجة ملييحة خير من كريم ازالة الشعر ​

مرسي وفاء على النصيحة

الحلاوة عمري لا نشريها ديما نخدمها وحدي في المنزل وتكون اضمن وبمواد طبيعية

مشكلتي انها توجعني لما نستعملها على اليد والرجل
اما الابط والفت بها ومعادتش توجعني

مرسي حنوناتي على النصائح القيمة ​