يامات نتاع الباك ما كانش كيفها تتعرفي على ناس جدد أنا نهار لي ديته ما ننساهش حت واحد ما كان يعرف بلي راني نفوت فالباك غير أمي و أختي و خويا و الباقية حتى واحد لانني فوته حرة و المفاجأة كانت روعة للعائلة. نتمنى النجاح للجميع
بصحتك أختي مليح الخبر كي تجي سوبريز
ربي ينجحك أختي دائما و شكرا على المشاركة
ايه على الباك ... رجعتني 4 سنين للور ههههههههه
انا كنت من البدية عارفة روحي راح نعميها فيا لمات
الله غالب عليااا جامي ديت في المات نقطة تفرّح ..
و كيما درت في بالي جات .. نتفكر هاديك الدالة لي
حبستلي راسي .. نورمالمو مجموعة التعريف تخرج مقسمة على زوج
انا خرجلي غير نص .. و هاديك هي كملتها نص دالة هههههههه
و زيد في الفلسفة .. خرجت على موضووع .. قعدت نشعر عليهم
حتى مين خرجت قالولي ماشي هك هههه
من تم قطعت لياااس ..سايي
و درت في بالي خلاص ما نديهش .. استنيت و انا ظامنة الخسارة
حتى جا نهار افيشاااج عيطلي عمي من الخارج .. قالي اعطني الكود تاعك
راح نشوفلك من النت قبلهم هههه ** ما كانتش عندي النت في وقتها **
و او مام تون راح خويا و بابا لليسي قالوله راح نافيشو جوايه 12 تاع الليل .. انا حلفت ما نروحش
باب قالي راح نسبق عمك ههههه ...
حتى يصوني التيليفون و صونا قلبي معاااه ههههههههههههه
رديت .. قالولي مبرووووووووووووووك عليك . ** فينالمو بابا سبق هههههه ***
لتم طحت و قعدت نبكي .. ماما مين شافتني حسبتني خسرته هههه حتى داتلي التيليفون و قاللها باب ربحت ..
شوية و عيط عمي مأمن بلي سبقهم .. قتله صباح الخير هههههه
يكثر خير السبور .. كون ماشي هو ما نربحش .. كنت عاطيتها غير اللعب هههه
المهم بابا يعرفني نموت على الفرماج و الشكلاط
هاديك الليلة مع 12 جابلي شكلاط يا الشكلاط و كورة قروماج رووج ليا وحدي هههههه
المهم هاكداك و ما كملتش فرحتي
سيرتو مين بنت عمتي ما داتهش و نص صحاباتي
.. على بالي طولت الهدرة ههههه
.. مي دي سوفونير شابين
ما تقوليلي نتي باك 2004
تع +هـ و - هـ ؟
انا هذيك عرفتها :showoff:مي هكذاك ما جبتش مليح في المات ما فهمتش علاش :sad:
حكايتك هايلة بزاف خير من تاعنا
بصحتك الشكولاتة و الفورماج انا ما جابولي والوي ياما عطاتنا زعروتة برك هههههه
مي مبعد دارونا حفلة
ربي ينجحك أختي
السلام عليكم جمااااااااعة الخير
ايا غادي نحكيلكم على قصتي كي جوزت باك وجبتو
مبروك عليكم انت وخوك وربي يوفقكم بحياتكم ان شاء الله قول آميييييييييييييين
يا وليد فكرتني بيمااااااااااااااات زمان هههه غير العام اللي فات برك
اووووووووووووف نهار لي نتفكر يمات لي جوزتهم تاع باك نكره حياتي
خوي الكبير جاه يعرس وقت الباك ايا مالا بدينا بالبنيان تاع دار وكملنا وكامل وكي لحق جواااااان جا صباغ يصبغ تقولي دارها بلعاني وقالو ارواح تصبغ وحرمها على وريدة باش متقراش طرونكيل دارنا كانت كامل مكركبة حاجة مهي في بلاصتها وقشنا كامل فيشمبرا وحدة
نجي نحوس على دوزاني باش نقرا نعاني ونقعد عام باش نلقى كراس وزيد ولاو مطلسين بالصبيغة شاركو في بناء الدار هههههههههه اااااااااااااه دمعة هبطت ايا بدا الباك وبدات المعاناة معاه هادي فوتها وقلنا معليش جوزت في ظروف محتمةةةة
ايا نهار لي حطو الريزولتا في موبيليس عيطلي راجل ختي قالي وريدة راكي ربحتي في باك قتلو شعااااال قالي 13 ايا ووليت نبكي درت ماتم بلا ماتم عشا الصباغ يسكت ويما وبابا يسكتو فيا غااااااااااااااضتني كنت نسنى في 15 ولا 16 لهلا تربحهم لي صحولي وراقي سور كانو عيانين اني عارفة زهري مسود ومبعد ولات الاتصالات تاع الغاشي تتهاطل وليت نهدر ب 3 دربة وحدة ايا وكي عيطولي حباباتي وقالولي شكون جابو وشكون مجابوش طحت تم غاشاوني يا عباد الله لي جامي مشفناهمش في كلاسة جابو 14 و 15 بواش الله اعلللللللم والله غاضتني تاع صح نحاولي فرحة تاع باك
ايا لا علينا راني نقرا في جامعة درك ومن فوق قلب دايرة sttttt الي سور تعاود ولا سور تموت هدا العام زعمة عاودتو وكنت ناوية ادا جبتو ان شاء الله ندخل فارمااااااسي
اييييه قالي سيدي ربي احلمي غير عند نيفك وريدة ومتطمعيش بزاف فالاحلام تزول والواقع مر دخلت ب la taille هدا العام مني عارفة منها قعو من بعو
يجيب ربي ساعة الخير باااااااااااااااينة مش راح نجيبو معليش كاش عام ونعاودو هههه
وهادي هيا قصتي وسمحولي لا طولت عليكم علابالي عييتو
جاب لي ربي الرد تاعك كثر من الموضوع تاعي ههههه
صح ذرك الباك وحدو ولا ما يفرحش لازم المعدل يكون مليح ثاني
بصح معليش وريدة بالباك تاعك هذاك ديري حاجة اللي تساعدك و خلاص
و انتي معدل تاعك برابور التاعي راه فور الله يباااارك ههه
ديما شوفي نتي اللي تحتك كاين تلقاهم غير يجيب الباك برك مسكين
ديري حاجة و كملي فيها تبقاي هذا تلقاي الوقت يعقب و نتي ما درتي والو
و ربي يجيك الخير
يعطيك الصحة وريدة على المساهمة الفعالة في تنشيط هذا الموضوع :re_gards:
