ياخي كل شاة معلقة من رجلها ...

[هدوء المطر]

السلام عليكم و رحمة الله تعالى و بركاته
مساء / صباح الخير عليكم أهل اللمة واش راكم ؟ علابالي راكم لاباس مادام راكم

و اللي ماهوش لاباس ربي يفرج عليه ، و اللي ربح السانكيام مبروك عليه ، و اللي فوت البيام ربي ينجحو ، و اللي عندو الباك ربي يوفقو...! :re_gards:
ندخلو في الموضوع نتاعنا ، و اللي يحكي على الناس اللي يصرالها مشكل مع الكبار و تحب تنتقم من الصغار ، أنا مانيش فاهمة علاه كما ما يقدروش يواجهو الكبير ، يولو ينتقمو من الصغير ، ياخي كل شاة معلقة من رجلها ، يا خويا نتا تعافرت مع الكبير... الطفل الصغير واش ذنبو !!!
أنا بالنسبة ليا واحد كما هكذا نقول عليه ضعيف شخصية ، و ما نسميهش راجل ، لأنو الراجل يواجه الراجل ، و الطفل يواجه الطفل... صح ولا راني غالطة ؟ ، ربي يهدينا
نتمنى تكونو فهمتوني ... أيا تبقاو على خير
​

 

[ماكانش]

أهلا بيك يا سمين
ربي وفقهم كامل
انا جبت السيزيام تاعي هههه
موضوعك مليح ، لوكان زدتيلو مثال باش يتفهم بزاف
صح هذي تصرا بزاف مثلا أستاذ عندو مشكل مع واحد يروح يسابوطيلو ولدو ؟؟؟
والله غير عيب وواش ذنب الطفل هذاكن عندك مشكل مع باباه افريها مع باباه...
يعطيك الصحة​

 

[NeيRسNe]

ولي تخرج ماتباركيلوش اه وااااااااااااه بخلتي علينا ماعليش:schmoll:
وي عندك الصح كاينة هادي
يصيبو الغلبة على الصغير ولا زعما واحد عنده مشكل مع واحد يروح ينتاقمله من ولده يحقره كاينة بفففف يقولولها كيما قلتي ضعف شخصية
ولا حقرااااااااااااااااااااااا
ايا ختي سلام شكرااا على الموضوع
​

 

[{مُدَلَّلَتُهُ}]

oui khti kayna wa7dine 3andhoum des prob binathoum ykharjouha men sghar msakine lah yehdihoum

mais kayen tani sghar (mechi metrabyine ) el kbar yedabzou w houma ydakhlou rwa7houm f la fin el kbar yerj3ou normal m3a ba3dahoum w houma yerb7ou ghi el 3ayb

Merci bcp

 

[الورد الأحمر]

ايه صح كاينة منها هذي ولاحظتها ...
هذو ناس ضعاف ما قدروش على ترابهم راحو لولادهم
ومن فوق ما راهم ضعاف ركزيلي على تافهين ...
مغسي اختي هيا سلامو
​

 

[المتفائلة_91]

فهمناها وربي يهدي

شكرا ،،،،،​

 

[أم سهى]

ربي يهدي ماخلق
هذا مجتمعنا وعيوبه

 

[la_safa]

سلام اختي ياسمينة

°°°°°°°
والله عندك حق هادا واحد ماعندوش شخصية
نورمالمون الصغار مايدخلوهمش خلااااااص

مرسي خيتي
​

 

[هدوء المطر]

شكرا على إعتماد الموضوع

 

[هدوء المطر]

أهلا بيك يا سمين
مرحبا بيك سفيان
ربي وفقهم كامل
إن شاء الله يا ربي
انا جبت السيزيام تاعي هههه
ههههه مبروك عليك ، علاه ما قتليش حتى هذا وين ؟؟
موضوعك مليح ، لوكان زدتيلو مثال باش يتفهم بزاف
زعما رايحة نحط مثال ، وليت قلت أيا خلي برك ههه
صح هذي تصرا بزاف مثلا أستاذ عندو مشكل مع واحد يروح يسابوطيلو ولدو ؟؟؟
و الله أنا بالنسبة ليا واحد كما هذا ضعيف شخصية ، و كما قدرش على الرجال ولا ينتقم من الذر
والله غير عيب وواش ذنب الطفل هذاكن عندك مشكل مع باباه افريها مع باباه...
آه صح هذاك هو
يعطيك الصحة​

الله يسلمك خويا ، مرسي على مرورك

 

[هدوء المطر]

ولي تخرج ماتباركيلوش اه وااااااااااااه بخلتي علينا ماعليش:schmoll:
وي عندك الصح كاينة هادي
يصيبو الغلبة على الصغير ولا زعما واحد عنده مشكل مع واحد يروح ينتاقمله من ولده يحقره كاينة بفففف يقولولها كيما قلتي ضعف شخصية
ولا حقرااااااااااااااااااااااا
ايا ختي سلام شكرااا على الموضوع
​

آه إسمحيلي نونو نسيت المتخرجين كامل ، أيا مبروك عليك التخرج ههههه
واش تحبي نديرولهم يا حبيبتي عقليتهم مازالت صغيرة ، و الله ربي يهديهم برك
مرسي ليك على المرور

 

[هدوء المطر]

oui khti kayna wa7dine 3andhoum des prob binathoum ykharjouha men sghar msakine lah yehdihoum

mais kayen tani sghar (mechi metrabyine ) el kbar yedabzou w houma ydakhlou rwa7houm f la fin el kbar yerj3ou normal m3a ba3dahoum w houma yerb7ou ghi el 3ayb

merci bcp

صح عند الحق نور ، كاين صغار ماشي متربيين ، بصح الراجل يبقى راجل ما يديرش سومو من سوم الذر ...
مرسي خيتو على المرور

 

[هدوء المطر]

ايه صح كاينة منها هذي ولاحظتها ...
هذو ناس ضعاف ما قدروش على ترابهم راحو لولادهم
ومن فوق ما راهم ضعاف ركزيلي على تافهين ...
مغسي اختي هيا سلامو
​

أهلا نوغ ، علاه تسرقيلي في la couleur نتاعي درك أنا باه نكتب ؟؟ ههه
صح عندك الحق تافهين و من التفاهة لهيه
مرسي خيتو على المرور

 

[هدوء المطر]

فهمناها وربي يهدي

شكرا ،،،،،​

آآآمين يا ربي
شكرا خيتو على المرور

 

[هدوء المطر]

ربي يهدي ماخلق
هذا مجتمعنا وعيوبه

آآآآمين أجمعين
يعطيك الصحة ختي على المرور

 

[هدوء المطر]

سلام اختي ياسمينة

°°°°°°°
والله عندك حق هادا واحد ماعندوش شخصية
نورمالمون الصغار مايدخلوهمش خلااااااص

مرسي خيتي
​

و عليكم السلام ، أهلا صفصوفة
واش تحبي يا ختي ، ربي يهدينا و خلاص
مرسي خيتو على المرور

 

[bilal22]

قالك الناس تغلبني وانا نغلب ختي عيشه
وهاذو هم اشابه الشخصيات معندهمش قدرة لمواجهة لما يكون عندهم شك بعدم التفوق
يولي يدور وين يغلب وتكون النتيجه مضمونه هو ميهموش الشخص لمهم يوصل ليه ولو عنطريق اعز الناس اليه وخلاص
ونتي يعني وش بيك هاذا تقول حابه تعافري الناس تهدي لحاله ونتي تقولي روح ليه فاص فاص هههه

​

 

[mer10]

sah kol wahad masoul 3la tasarofat dyalo ; rajal m3a rajal ;lamra m3a lamra ;khaliw drari fi jiha saha 3la sujet
:re_gards:

 

[ahmedzoer]

لاالة الا الله سيدنا محمد رسول الله

 

[هدوء المطر]

قالك الناس تغلبني وانا نغلب ختي عيشه
وهاذو هم اشابه الشخصيات معندهمش قدرة لمواجهة لما يكون عندهم شك بعدم التفوق
يولي يدور وين يغلب وتكون النتيجه مضمونه هو ميهموش الشخص لمهم يوصل ليه ولو عنطريق اعز الناس اليه وخلاص
يعطيك الصحة ، هنا وين كنت حابة نوصل
ونتي يعني وش بيك هاذا تقول حابه تعافري الناس تهدي لحاله ونتي تقولي روح ليه فاص فاص هههه
ههههه لالا بلبل مانيش حابة نعافر ، بصح فاتت عليا عفسة كما هذي قلت ندير عليها موضوع في اللمة

​

يعطيك الصحة على المرور