ماذا ستطبخين اليوم سيدتي الجزء 3

[اميرة الساحل]

فطورك يشهي اميرة الساحل بصحتكم

الله يحفظك اختي دهبيتو هذا شي يفرحني مع اني نحب ندير الحلويات بزاف على الطبخ بصح ان شاء الله نشاركم مرة على مرة بشوية طيابات :shay:​

مساء الخير على الجميع
انا غدايا اليوم مقلي مالقيت ماندير رجعت للدار على 12

الف مبروك الاشراف للغالية ابتسام تستاهلي كل خير:sheer:
اميرة الساحل ورغودة ودهبيتو وروز وكل البنات صح غداواتكم

الله يبارك ام ندى فطور خفيف ظريف بصحتكم​

اليوم غدانا كانت جاجة من صنع امي اعطوني رايكم

يا دارين واش نقلك انا لوبيا مانشتو نحبها هكدا كي طيب كيما يقولو سوتي :sheer:الله يعطيها الصحة الوالدة و انت مرة على مرة اخلعينا بطيابك معليش حنا رانا هنا نتعلمو تحياتي ليك و بصحتكم ​

صح غداواتكم كامل

بسومة مبروك الإشراف و الله إسمك منور باللون الأحمر
هذا غداي تاع اليوم كان عبارة عن فطاير الفلفل الحار​

​

و هذي الطاولة كاملة​

​

ام دودو فطاير هايلين و يشهو و الله لوكان جات الصورة حية راني رايحة ندي الصحن كامل :shiny:الله يعطيك الصحة ننتظر جديد ديالك و بصحتكم
​

اولا مبروك الاشراف بسومة تستاهلي عن جدارة حبيبتي
ام ندى غداك يشهي هذاك ما ينفع في الصيف غير المقلي
اميرة الساحل غداك يشهي مممممممم سيرتو العجيجات
دارين غداكم ممممممممم والجاجة روعة روعة تسلم ايدين الوالدة
ام دودو الفطاير تبان لذيذة مممممممممم سيرتو كي عاد بافلفل الحار
وصحه غداكم اسيا ام منصف تسنيم روز رغد وعفوفة ودهبيتو وريم و كوكو........

مشكورة فوفة تحياتي لك​

السلام عليكم وشراكم انشاء الله كامل بخير

الف مبروووووووووووووك بسومة الاشراف تستاهلي كل خير اختي
اسيا مشكورة على وصفة البسبومة الله يبارك عليك
دارين يعطيها الصحة ماماك باينة طباخة ولديها فن في الطبخ مشاء الله
ام ندى بصحتكم القليان منظر يشهي بصحتكم
ام دودو الله يبارك عليك فطائر جاوك تحفة وهايلين فعلا حبيبتي معجناتك رووووعة يعطيك الصحة والبيتزا ايضا رائعة بصحتكم
اميرة الساحل غداكم رائع ويشهي بصحتكم
نبع اليقين وشراكي حنونة انشاء الله راكي بخير
ام منصف معروف مقبول انشاء الله وربي يشفي سلفتك
وسلام الى فوفة كوثر لالجيرواز عفاف ايمان 27 ....الخ بدون استثناء ​

شكرا tasnim55 بارك الله فيك​

 

[DARINE05]

مرسي ليكم كامل حتى نتوما ماكلة تعكم بنينة ربي يبارك ديجا العين تاكل قبل الفم وانتم فنانيين في الطبخ

 

[imane27]

مساء الخير عليكم واش راكم صح فطوركم كامل
ابتسام الف مبروك حبيبتى والله تستاهلى
يعطيكم الصحة راكم شاطرين طياب هايل ويشهى
انا هدا وين رايحا نحط عشايا ولى هوا عشاكم تاع ليوم

 

[ibtesem]

سلام يالبنات هدا غدايا وعشايا لاني خارجة

طيبت محكوك تاع بسكرة

ساضعه وصفة ان شاء الله

 

[حاملـة المسك]

عشانا قطايف chips مع فلفل مش زي أي فلفل و هريسة منزلية و سلطة
حتى من القطايف مشي في وسط الصحن تالمون نحوس نهرب من الكوزينة
السخااااااانة

​

 

[ibtesem]

هذي لراها في الصحن مالحة او حلوى من سخانة محطتهاش قدقد
بصحتكم رغود قوليلي واش هي لقطايق
تقصدي بطاطة رابي
..................
انت كي سخن الحال جيتي تصيفي في بسكرة وعلاش عليك
اهنا في بسكر منطيبوش كي تدخل السخانة عدوها غير سلايط

 

[nada242008]

بسومة بصحتك المحكوك كون مانعرفكش نقول راكي ساكنة في بسكرة
راكي حاكمة في العادات رغم الغربة
يعطيك الصحة يالحرة
--
رغوودة صح عشاكم
عجبتني القطايف هذي المالحة حطيلنا الوصفة من فضلك
--
راني نطيب في بيتزا كي نكمل نحطلكم الصور
--
ايمان بصحتك القراتان باين بنين

 

[ibtesem]

روز راكي غير تتفرجي كون ستنتيني وبدينا معا بعضنا الدايت

 

[imane27]

اممممممممممم ابتسام ماكلة تهى وعلا ش معيتليش
الله يسلمك ندى
بائعة عشاك يشهى

 

[الاختان سوسو ونونا]

مرحبا بيكم جميعا+ نحن عضوتان جديدتان انشاء الله تقبلونا ونفيدوكم بالجديد كيما استفدت حوايج بزاف من اللمة وخاصة الطبخ ونحب نشكر الاخت ام ندى والخت ابتسام لي نحبهم بزاف ونحسهم قراب مني ونتمناولهم التوفيق

 

[حاملـة المسك]

بصحتكم العشا إيمان
إبتسام المحكوك هي المروقي..؟ ايه بطاطا ربي
ندى بصحتكم البيتزا راني نحطها في موضوع و لو انو التصوير مـ عجبنيش
الداخل محشية باللحم و الفرماج
بصحتكم العشا لبنات​

 

[حاملـة المسك]

سفا روز راهي حاكمة..؟​

 

[روز]

روز راكي غير تتفرجي كون ستنتيني وبدينا معا بعضنا الدايت

ماقلتيليش مي ماعليش فايتاتك بنهار برك غدوة ابداي احرصي برك
على حساب الشوفة وقيلا حتى رمضان ندخل فيه:sad:
بصحتكم لبنات عشاوات تشهي بائعة الكبريت فهمينا في وش خدمتي هايلة ايمان تاني عشاك هايل

وبسومة تشهي لي خدمتيها حابة نخدم برك الاكل التقليدي نتاعكم ونذوقو يشهي سيرتو كي نشوف فلفل حار فوقها هههه

 

[روز]

سفا روز راهي حاكمة..؟​

ماتشكريش هههه حالة لي يشوف هاد المواكل وهو قاعد يشرب في الحليب من الصباح هههه

الحمدلله راني هايلة نحب نتمسخر برك:sheer:

 

[nada242008]

الاختان سوسو ونونا نورتونا ومرحبا بيكم في كوزينة اللمة
شكراا على الكلام الطيب ..والله نفرح كي نشوف عضوات من اول مشاركات يعرفونا وكانو متبعينا
هذا عشايا
بيتزا

سلطة فواكه

 

[كوثر الوهرانية]

مساء الخير عليكم
اله يعطيكم الصحة لينات على الاكلات
بسومتي شهيتيني في هدي الاكلة التقليدية نتاعكم يا ريت الوصفة
ندوشة بصحتك البيتزى تعجبني نتاعك تجي تسخف
بائعة الكبريت بصحتك القطايف لمالحين راكي اعطيتيني فكرة شابة احسن ملي نديرهم معقودات خبزة وحدة خير
روز يا روز نشوفوا و نصبروا يا اختي الي بغا الشباح مايقول اح
انا درتلهم شربة و كبويا مقلية بالبصل و الطماطم و فاكهة راهي خيرات ربي
بصحت عشاكم كامل

 

[كوثر الوهرانية]

ندوش الله الله على البيتزى راه شافها انور و قالي ديريلنا بيتزى راهوا يبكي مسكين

 

[imane27]

عشاء يشهى ندى بصحتك
انا ندير دولمة قرنون

 

[الاختان سوسو ونونا]

وحد النهار درت ديسار الشكولاطة موالفة نديرو ديما
المقادير

الطبقة الاولى
كريم باتيسري اي نوع الي يتباع في الساشيات تخلطيهم نص ليترا تاع لحليب وطيبيهم ومبعد تفرغيهم في اكواب
الطبقة الثانية
ا
لبسكيت الشكولاطة مبشور خشين

لطبقة الثالثة
كريم شانتي مع علبة شكولاطة المكسرات وتحطيهم في الثلاجة

 

[nada242008]

الله يسلمكم كوثر وايمان
ابعثيهولي يا كوثر مرحبا بيه :sheer::sheer:
تشوفي حتى ندى تموت عليها كي طابت قفلت باب الكوزينة وصورتها
كون تشوفها تهجم عليها قبل مانصور:scared:
ماتخليهالوش في قلبو .. ديريلو غدوة ان شاء الله قرصة صغيرة سبيسيال ليه