ماذا ستطبخين اليوم سيدتي الجزء 3

[ibtesem]

نشكر الاخت ام ندى والخت ابتسام لي نحبهم بزاف ونحسهم قراب مني ونتمناولهم التوفيق

عجبتني هدي الجملة بزاف
راني نركز غير على اخر مايكتب هدي الايام
هههههههههههه
الله اسلمكم يا سوسو يا نونو فكرتوني في رمضان

 

[كوثر الوهرانية]

الله يسلمكم كوثر وايمان
ابعثيهولي يا كوثر مرحبا بيه :sheer::sheer:
تشوفي حتى ندى تموت عليها كي طابت قفلت باب الكوزينة وصورتها
كون تشوفها تهجم عليها قبل مانصور:scared:
ماتخليهالوش في قلبو .. ديريلو غدوة ان شاء الله قرصة صغيرة سبيسيال ليه

ربي يخليك ندوشة و اكيد غدوى نخدمله وحدة حتى كوثر عشقها فالبيتزى بصح مراهيش هنا راحت عند عمها يمات
ربي يخليلك ندى و يحفضها تهبل خموس عليها

 

[assia dz]

ا عشايا ميني بيتزا

 

[ibtesem]

محكوك اكلة شعبية في بسكرة

اممممممممم اسيا على لي ميني بيتزا
ضعفي هي المعجنات نحبها بزاف

 

[عاشقة الوردة]

الله الله
اطباقكم تشهي
تسلم يديكم

 

[momoude]

سلام عليكم لبنات
واش راكم
ان شالله لباس وبصحتكم لعشا
احنا ليوم درنا عيد ميلاد بنات خويا
وهادي الطرة نتاعهم

 

[كوثر الوهرانية]

بصحتك الميني بيتزى اسيا
طرطة تشهي اختي ما مود الله يعطيك الصح و عيد ميلاد سعيد لبنات خوك

 

[imane27]

بصحتك اسيا مينى بيتزا
عيد ميلاد سعيد لولد خوك

 

[assia dz]

بصحتكم العشا كامل، عشاك يشهي إيمان،بصحتك بائعة الكبريت القطايف مالحين،نعرف الحلوين برك المالحين أول مرة نشوفهم عندك، وانت ابتسام هذا المحكوك يبان بنين بزاف رايح ينطق في الصورة شبهتو للشخشوخة المحكوكة في السيار، ديريهنا موضوع هكذا نعرفوا الاكلات التقليدية تاع بلادنا.
بصحتك الشربة كوثر والكابويا.
ربي يعينك روز على الريجيم وتوصلي للوزن اللي راك حاباتو
ندى رانا تفاهمنا على البيتزا اليوم بصحتك، وبوسيلي الشابة نتاعك ربي يحفظهالك.
سوسو ونونو شرفتوا المنتدى وتبانوا شاطرات الله يبارك، كرام ديسار هايل.
طورطة ما شاء الله مامود، بصحت أولاد خوك

 

[momoude]

الله يسلمكم لبنات
وبصحتكم عشواتكم

 

[dahbito]

السلام عليكم وبصحتكم كامل واش تعشيتو
انا والله غير خطرة البورطابل يكون عندي خطرة عند ريباراتور رايحا نهبل نتاع الصح منو على هادي مانيش نصور دائما
ومرحبا بسوسو ونونو معانا ​

 

[أم دودو]

أهلا واش راكم يا البنات
راني حطيت موضوع فطائر الفلف الحار هذي ثالث مرة نكتبه مرتين نكمل و نبعثه و ينقطع النت و هذي المرة الحمد لله راو فات إن شاء الله تعجبكم
أم ندوشة تعرفي بإنه بنتي أنا تاني إسمها ندى بصح نعيطولها دودو
صح عشاك بيتزا هايلة و رقيقة كيما يشتاها البال و الخاطر
بسومة المحكوك شكله يشهي إن شاء الله ندخل للموضوع و نجربه
العضوتين نونو و سوسو أهلا بيكم معانا إن شاء الله تعجبكم لمتنا
باقي البنات صح عشاكم واحدة واحدة باه ما ننسى حتى إسم
​

 

[tasnim55]

السلام عليكم يعطيكم الصحة وش طيبتو
ايمان 27 قراتان تحفة مشاء الله والله غير يشهي
ام ندى بصحتكم البيتزا الله يبارك جات هايلة
اسيا دز ميني بيتزا جاوك روووعة بصحتكم
بسومة محكوك رائع ويشهي يالفحلة الله يبارك اعليك بصحتكم عزيزتي
بائعة الكبريت القطايف تشهي بصحتكم اختي
اختي مامود طرطة تهبل وعيد ميلاد سعيد عقبال 100 سنة اولاد خوك
اختي ام كوثر صح عشاك حبيبتي واسمحيلي هذا وين دخلت ولقيت طلبتو وصفة المحكوك صحيح طيبتها وحطيت الصورة فقط بدون وصفة وابتسام يعطيها الصحة طيبتها مشاء الله وحطت الوصفة كاينة حاجة زايدة انديرها انا قي دقيق اندير 2مغارف زيت و كى نعجن ونكمل اندير كويرات اكثر شوية من تاع الكسرة ونديركل زوج بيناتهم الزيت ونحل بالقانور ونطيبهم كيما الطريقة تاع بسومة وطريقتي هذه باش الكسرة تتفتت في سع ومتعبكش تجي رووووعة من خفتها متشبعيش منها واسمحيلي مرة اخرى
انا لعشا درت همبرغر وفريت
​

 

[حاملـة المسك]

صباح الانوار على الحبايب الاخيار

الاختان سوسو و نونا شرفنا إنظمامكما لنا الكوزينة نورت

راني نركز غير على اخر مايكتب هدي الايام

هه يما جاينا مش سعادتك وليتي رايسة
نسقسيك إبتسام الصباح كاينة العشية الليل على وجه ربي على قداش ترقدي بالضبط و على قداش تنوضي..؟
المحكوك عندكم ملا هي المروقي منيش فاهمة كون راني البارح راني حطيتلك الرابط
حنا في الشتا ندروها تقيلة بحبة طماطم و ملعقتين طماطم مصبرة
و في الصيف غير بطماطم الحب

المروgـي ** اكلة من الصحراء **​

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏ibtesem

 

[عفاف الجزائرية]

صباح الخير
ايييييييه دخلتو للجزء الثالث
وهذا اكيدمن قفازتكم
ان شالله كلكم بخير
واحوالكم لابااااااااااااس
اني وليت

:sheer::ans_flw::sheer:
​

 

[ام ايناس]

صباح الانوار عليكم وشراكم مازالني في دار بابا هادي السمانة والسمانة الجاية نروح لعنابة نريح شوية منبعد نروح للدار هادي لي بغاو يعاينوني :like_1::like_1::like_1: هههههههه

 

[momoude]

بصحتكم لغدا لبنات
عفاف الجزائرية الجمدلله على سلامتك
ام ايناس بصحتك التحويسة وعودة ميمونة لدارك

 

[nada242008]

مساء الخير عليكم
اسيا الميني بيتزا جاتك تشهي اممم
مومود طرطة هايلة وعيد ميلاد سعيد
عفاف مرحبا بيك منورة الركن
ام دودو حسبت عندك طفل هههه ربي يخليهالك مالا كاينين 3 ام ندى
انا وانت وام منصف
ام ايناس حوسي وزيدي بصحتك يالالة :sheer:
غدايا سردين وبطاطا مقلية وشوي طماطم

 

[عفاف الجزائرية]

بصحتكم الغداواااااااات
انا راني مازال لدرك مع الميناج
لبارح رحن حوسنا ورجعنا نلقاو الدنيا بالغبار متكسل وراقد فيها
راني نتعافر انا وياه
نتلاقاكم في العشاء ان شالله

الله يسلمك حبيبتي ندوش وحسناء