وش جاب الشوك لحب الملوك....

[مفآهيمـ الخجل]

السلااام عليكــــــــم

واشراكم يا لحباب ؟؟ ان شاء الله لباس عليكم

و ان شاء الله ملاح مع هاذ السخانة

ايا الحمد لله

اتبردو شوية ...و لي يكمل يخلي صاحبو يتبرد ...ماتكونوش انانيين

ايا بلا مانكثر الهريف ....ندخلو للميضوع
:shiny:
**

قاعدة ندور في المنتديات كي العادة و نشوف في المواضيع ...بالاك كشما نزرم ميضوع i-o:

حتى لقيتـ وحد الموضوع ....جذبني من العنوان

كي قريتو ....قد ماضحكتـ ....قد مااستغربتـ ...قد ماغاضني الحــــال

اقراوه و نتلاقاو التحتـ نقلكم وش كاين

{ الفرق بين نظرة الرجل العربي و الغربي للمرأة }

-مواصفات الرجل في شريكة حياته؟؟؟
الرجل الأجنبي:يريدها مثقفه.. واعية.. ناضجة.. متفهمه.. ينسجم معه
الرجل العربي: يريدها جميله.. طويله.. بيضا.. شعرها طويل وناعم

-إذا أراد الرجل التقرب من امرأة؟؟؟
الرجل الأجنبي يبين لها انه مثقف ويحترم ويقدر المرأه
الرجل العربي: يبين لها انه إنسان داشر ويعرف عشرين بنت غيرها

-إذا تحدثت امرأة غريبة لرجل ماذا يلفت انتباهه؟؟؟
الرجل الاجنبي..ينظر الى عقليتها وطريقة تفكيرها واسلوبها
الرجل العربي:ينظر الى جسمها وشكلها

**


صحــــا وش رايكــــم؟؟ ...طبعا هاذي ثلاث امثلة برك راني حذفت لخرين

انا هاذا وش يهمني في هاذ الموضوع

طبعا وش جاب الشوك لحب الملوك ........فرق كبييييير بين نظرة الرجل العربي و صاحبو الغربي للمرا

ماعلينا......... يا درا فعلا هاذا كل وش يشوف الرجل العربي في لمرا ؟؟؟!

يعني الشكل الخارجي برك؟؟ المضــــــمون خلاص نساه؟؟

مثلا:....كي تشوف واحد رايح يخطب ...واش يقول ؟؟ ...انا ... نجيبها زين و اطاي ...

صحا ماتحوسش على الاخلاق؟ ماتحوسش على مضمونها ؟ يعني كيفاش تفكر ؟آسكو واعية و متفهمة و مثقفة و من مستواك ؟؟ آسكو راها قد المسؤولية نتاع الزواج و لا لالا ؟ آسكو قادرة تتحمل مسؤوليتك انت برك؟ و كي يجو لولاد قادرة عليهم و لا لالا ؟؟ الخ ...........

يعني اختصارا .... نظرة الرجل العربي للمرا خاطئــــة 100 بالمية ...و جابلي ربي سوء اختيار شريكة الحياة .... عندو اثرو في المجتمع ....من نقص و كثر المشاكل في العلاقة

صحا ..... مادابيا نتناقشو سيريو في هاد الميضوع ....و ان شاء الله برك هاد المواصفات ماشي كامل عند الرجال

ايا في لامان

:re_gards:​

​

 

[khaoulahiba]

موضوع مدهش و غريب و مضحك
:laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh:
شكررا
موضوعك رائع​

 

[مفآهيمـ الخجل]

مــآآآرسي على قبول الموضوع

!!​

 

[yacino1993]

ممكن كلامك صحيح مع بعض الرجال بصح اسكو المرأة العربية كيما الاجنبية؟؟؟؟؟؟؟؟؟؟؟
وكيما قلتي واش جاب الشوك لحب لملوك
​

 

[07 _H@yThm]

ممكن كلامك صحيح مع بعض الرجال بصح اسكو المرأة العربية كيما الاجنبية؟؟؟؟؟؟؟؟؟؟؟
وكيما قلتي واش جاب الشوك لحب لملوك
​

كي تجاوبيه نرد عليك
​

 

[BREAVE-HEART-91]

رايي انو نعتبر كلامك صحيح60% لانك متقدريش تحكمي على الرجال العرب انهم لهم نفس النظرة نحو المراة لانوفيه من له نظرة ايجابية جدا نحو المراة ويحبها ويقدرها وينسجم معها
بارك الله فيك على الميضوع
شكرا جزيلاااااااااااا

 

[مفآهيمـ الخجل]

موضوع مدهش و غريب و مضحك

:laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh:
شكررا

موضوعك رائع​

صحيتي ختي

شكراا​

 

[hiba14]

ممكن كلامك صحيح مع بعض الرجال بصح اسكو المرأة العربية كيما الاجنبية؟؟؟؟؟؟؟؟؟؟؟
وكيما قلتي واش جاب الشوك لحب لملوك
​

تاع الصح ماشي كيفكيف العربية خير من الاجنبية بزاف بزاف
الاجنبية اللي ماشي مليحة اديرها و راك علابالك و مانيش نهدرلك على الحالات تاع العربيات اللي ما يعجبوش وافع و نتقبلوه
العربية خير من الاجنبية
اه نسيتك حتى الرجل العربي هو حب الملوك على الاقل من وجهة النظر تاعي بزاف عليا كي راهو مسلم و الجزايري قاع خير منهم نتفاهمو حتى نهار اللي ندابزو نفهمو بعضانا مليح شا رانا متعايرين ههههههه

 

[مفآهيمـ الخجل]

ممكن كلامك صحيح مع بعض الرجال بصح اسكو المرأة العربية كيما الاجنبية؟؟؟؟؟؟؟؟؟؟؟

وكيما قلتي واش جاب الشوك لحب لملوك​

اكيـــد مش كيف كيف

بالصح المشكل هنا في نظرة الرجل للمرا

يعني بغض النظر عربية ولا اجنبية نظن يشتركو في صفات كثيرة ...ومنها صفة الجاذبية

و هنا المشكل ...كيفاش يشوف الراجل للمرا ...سواء العربي و الغربي​

 

[مفآهيمـ الخجل]

كي تجاوبيه نرد عليك​

صحا راني سيييت نجاوبو :shiny:

نستنى ردك​

 

[مفآهيمـ الخجل]

رايي انو نعتبر كلامك صحيح60% لانك متقدريش تحكمي على الرجال العرب انهم لهم نفس النظرة نحو المراة لانوفيه من له نظرة ايجابية جدا نحو المراة ويحبها ويقدرها وينسجم معها
بارك الله فيك على الميضوع
شكرا جزيلاااااااااااا

اكيـــــد ...ماهمش كامل كيف كيف

بالصح الاغلبية الساحقة هاذي نظرتهم للمرأة

اما لي عندهم نظرة ايجابية فهما قلاااال ياسر

و انا نحب نفهم علاش الاغلبية هاذي نظرتهم ؟؟

و فيك بركة شكراا اخي​

 

[flona radia]

صح و الله قليل ما شي قاع رجال كاين الي فاهمين و يقدرو المسؤلية

 

[Estrella]

راكي قلتيها واش جاب الشوك لحب للملوك
شكراااااااااااااااااااااااااااااااااااااااااااااااا

 

[مفآهيمـ الخجل]

تاع الصح ماشي كيفكيف العربية خير من الاجنبية بزاف بزاف
الاجنبية اللي ماشي مليحة اديرها و راك علابالك و مانيش نهدرلك على الحالات تاع العربيات اللي ما يعجبوش وافع و نتقبلوه
العربية خير من الاجنبية
اه نسيتك حتى الرجل العربي هو حب الملوك على الاقل من وجهة النظر تاعي بزاف عليا كي راهو مسلم و الجزايري قاع خير منهم نتفاهمو حتى نهار اللي ندابزو نفهمو بعضانا مليح شا رانا متعايرين ههههههه

العكــــــــــــــــس​

 

[*سيف الحق*]

فيه هيك وهيك
شكرا
.
.
.

سيفووووووووووووووووووووو*

 

[hiba14]

العكــــــــــــــــس​

كيفاش العكس راني ما فهمتش قصدك نيشان

 

[Tear]

سلامو
كي قريت الموضوع قلت على الاقل راح نلقى 3ردود يقولو فيهم كيما قال الاخ ياسين
انا في رايي هذا موضوع يناقش حاجة محددة و انتوما تهربوا من الاجابة بسؤال اخر(حالة كامل الجزائريين)
الاخت قالت علاه نظرة الاجنبي و العربي للمراة مختلفة مع انو الكلام اللي قلتيه مانقدروش نعمموه على كامل الرجال
انا حسب رايي الراجل من حقو تكون مرتو زينة هذي الرسول قالها مي ماشي بالطريقة اللي العرب متبعينها واحد يقلك نحوسها خدود فلانة و عنين فلتانة
وحاجة خلاف اللي يحوس على الزين يكون يستاهلو ماشي هو مافيه مايحب ربي و يحوس على مرا مخدومة بالقياس
في اللخرة نقول الزين عمروا ماعمر دار يجي الوقت و يروح ويبقى الصح ياك الرسول صلى الله عليه و سلم قال ((فاظفر بذات الدين تربت يداك)) ​

 

[loula1]

merciiiiiiiiiii

 

[w@hiba2010]

موضوع رائع

هذا ان دل على شيئ يدل على ثقافة
الرجل الاجنبي

عكس الرجل العربي
لا يهمه ان كانت مثقفة ام لا
وكاين بزاف حتى انهم يرفضون المرأة العاملة او المتحصلة على شهادات عليا
لايهتمون بامستواها الثقافي او التعليمي
المهم انها امراة شابة كاملة ومكمولة

اما مايوجد برأسها لا يهمهم ابدا
وهاذا واقعنا للاسف
وفي الكثير ماتصتدم بعد الزواج العقليات بين الرجل والمراة
وسوء التفاهم
يؤدي الى الطلاق
ودوك واش من الفايدو تع الزين ولا طاي

راني خرجت شوية على الموضوع

لكن حقا هناك فرقا شاسعا
عن طريقة التفكير الرجل الاجنبي والعربي


الف شكر اختي على الموضوع
تقبل مروري

 

["غزالة الجزائر"]

صـــح..!
عندك الحق بصح ماتنسايش اصابع يدك ماتشابهش
هي معظم الرجال هكدا بصح ماشي كامل
كاين الي يقدر المرا بصح بنسبة قليلة

شكراا لك اختي​