في عمرها ثلاتين 30........

[ماكانش]

ربي يزهيلك ليام يا اختي فاطة ....
واخيرا وجت جزائرية تتحدى المجتمع .......ربي يعطيك ما تتمني ..... الله انا في رايي عمر الثلاثين هو ربيع العمر لانو كل حاجة تشوفها بلونها الحقيقي هدا مجرد راي

ماراهي تتحدى لا في المجتمع ماوالو راهي غير تهدر برك
يجيها مكتوبها الي ترضى بيه تزوج على روحها ...​

اخي لاجودان شاف اسمحلي نقولك هذا الانسان لي يهدر هكذا ما عرف ما شاف لانه

المرأه في عمر الثلاثين تزداد جمال عن سن العشرين وكلما تقدمت في العمر كلما زادت جمالآ و أنوثه الى سن مابعد الثلاثين

_أن أنوثة المرأه وعلامات الأنوثه تبرز أكثر بهذا العمر ويكتمل نموها الجسماني

_تزداد العاطفه لدى المرأه بهذا العمر عن السنوات السابقه فتصبح أكثر عاطفة وحنانآ ودفئآ وأكثر أحتوئآ للرجل من الناحيه والعاطفيه

_المرأه بهذا العمر أكثر تمسكآ بالرجل وأكثر أخلاصآ
_
ِالمرأه بهذا العمر أكثر ذكاءآ و أكثر فهمآ لمتطلبات الرجل ايضآ من الناحيه العاطفية

_المرأه بهذا العمر تختار الرجل الشريك لحياتها بعنايه بعكس سن العشرينات فهي تختار الرجل الذي يحركها من الناحيه العاطفيه والي تثق فيه بأن يكون مخلصآ لها مدى العمر

_أن المرأه في هذا العمر تفكر كثيرآ قبل اختيار شريك حياتها فهي تفضل ان تعيش
وحيده افضل من شريك ابله و
مزعج وغير رمنسي تفضل الرومنسيه والشريك الذي لايجلب لها المشاكل

_المرأه بهذا العمر تكون اكثر عقلانيه و تملك شخصيه قويه وجميله ومؤثره بمن حولها

تعلم ما تريد وتكون اكثر أدراكآ بحل مشاكلها وتحدد مصير حياتها

_المرأه بهذا العمر أكثر دقه عن السنوات السابقه في أختيار اللباس الملائم لجذب الزوج ولفت نظر ه
_المرأه بهذا العمر اكثر جرأه وقوة بصريح العبارة امراة كاملة من ما جميعو

احم
راهي قنعتني طمطومة غير شوفولي وحدة ذات الثلاثين
نحفظ عبارة لعمر بن الخطاب رضي الله عنها
قال " بنت عشر سنين تسر الناظرين، وبنت العشرين لذة في المعانقين، وبنت الثلاثين ذات شحم ولين، وبنت الأربعين عجوز في الغابرين" ذكره ابن جوزي في تفسيره ...
ههههههههههههههه

ملاحظة:
كلام طمطومة انصح العزاب بعدم قراءته هههه​

 

[لاجودان شاف]

اخي لاجودان شاف اسمحلي نقولك هذا الانسان لي يهدر هكذا ما عرف ما شافمن ما جميعو

هههههه صح
ما قرا ماشاف لانو اجودان شاف كيما أنا

صح والله كلامك صحيح أختي
وأكبر دليل على صحتو
هو العمر لي اختارو الله عزوجل للنساء في الجنة مع أزواجهم
وهو 33سنة كما ثابت
ومادام اختارو الله عزوجل فأكيد لان فيه كل ما يسعد الرجل
من زوجته

كلامك وصواب​

 

[لاجودان شاف]

ماراهي تتحدى لا في المجتمع ماوالو راهي غير تهدر برك

يجيها مكتوبها الي ترضى بيه تزوج على روحها ...​

احم
راهي قنعتني طمطومة غير شوفولي وحدة ذات الثلاثين
نحفظ عبارة لعمر بن الخطاب رضي الله عنها
قال " بنت عشر سنين تسر الناظرين، وبنت العشرين لذة في المعانقين، وبنت الثلاثين ذات شحم ولين، وبنت الأربعين عجوز في الغابرين" ذكره ابن جوزي في تفسيره ...
ههههههههههههههه​

ملاحظة:

كلام طمطومة انصح العزاب بعدم قراءته هههه​

هههههه
صح سفيان والله نحيتلي هاذ العبارة من فمي تفركتها

​

 

[ماكانش]

هههههه صح

ما قرا ماشاف لانو اجودان شاف كيما أنا​

صح والله كلامك صحيح أختي
وأكبر دليل على صحتو
هو العمر لي اختارو الله عزوجل للنساء في الجنة مع أزواجهم
وهو 33سنة كما ثابت
ومادام اختارو الله عزوجل فأكيد لان فيه كل ما يسعد الرجل
من زوجته​

كلامك وصواب​

هههه
غير ماتقولش هكذا راني نحكم من لسانك ونشوفلك جارتك لقديمة ههههه​

 

[ماكانش]

المفيد كل عمر والبنة تاعو ...​

 

[لاجودان شاف]

المفيد كل عمر والبنة تاعو ...​

والله يا سفيان راني مشوكي دايخ​

سمعت ليوم بلي بنت عمي في عمرها 21 سنة​

عطاوها لواحد 36 سنة ​

والله يا سفيان راسي شعل​

مليحتلو شكوى لحقوق الانسان​

 

[عائد.26]

انسانة عادية كباقي النساء مي ديري في بلك كاين حاخة مليحة بزاف كي تتزوج البنت كبيرة تكون يعني واعية وتعرف واش هو الزوج والمسؤليا وكل حاجة بالمكتوب ودير في بلك لي خلق ما غديش يضيعك

 

[ماكانش]

والله يا سفيان راني مشوكي دايخ​

سمعت ليوم بلي بنت عمي في عمرها 21 سنة​

عطاوها لواحد 36 سنة ​

والله يا سفيان راسي شعل​

مليحتلو شكوى لحقوق الانسان​

ههههههههه
ماتقليش ألي قرات مع زاكي برك ؟؟؟
ولا هذيك 23
علابالك مارانيش قادر نتخيل هشام خويا مزوج مع مموشة تاع 21 كاريثة صح صح
باين يا الشيخ زواج مصالح ...
حقا ياخي ماهيش ميمينا ولا مانعرف كيفاش يسمسوها تاع مروانة هذيك ليا هههههههه​

 

[الخيزران]

هههههه
صح سفيان والله نحيتلي هاذ العبارة من فمي تفركتها

​

وينا عبارة ؟ ههههههههههههههههههههههههه

 

[لاجودان شاف]

​

لالا خت لي قرات مع زاكي

بفففففف والله جرييييمة crime ياخويا

والله كون جيت من وليها نقولو كان نعطيوك أمها خير هي مازال صغييييرة​

 

[لاجودان شاف]

وينا عبارة ؟ ههههههههههههههههههههههههه

قول عمر بن الخطاب
امرأة في الثلاثين ذات شحم ولين
وهذا اكبر دليل يؤكد صحة كلامك أختي
يعني راكي علابالك وش تهدري​

 

[ماكانش]

لالا خت لي قرات مع زاكي

بفففففف والله جرييييمة crime ياخويا

والله كون جيت من وليها نقولو كان نعطيوك أمها خير هي مازال صغييييرة[/center]

ماتقليش ألي قلتنا عليها زينونة وعينيها خوضر
والله عيب بصح يتلامو الوالدين وهيا ثاني ....
حيرة صح صح

 

[لاجودان شاف]

ماتقليش ألي قلتنا عليها زينونة وعينيها خوضر

والله عيب بصح يتلامو الوالدين وهيا ثاني ....
حيرة صح صح

ههههههههههههههههه
هيه
والله عياااااااااات فيا لعجوووووووووووووووز
نبانو حرقنا الجوااااااامع ​

 

[ماكانش]

ههههههههههههههههه

هيه
والله عياااااااااات فيا لعجوووووووووووووووز

نبانو حرقنا الجوااااااامع ​

هههههههههههههه
تعرف هذيك ألي نقولوها بكري با... هذيك هيا
نتا لاخاطر ديما لاعبها هههه
وهيا مسكينة واش دارت ياخي زينونة ربي بارك ؟؟؟
مالا أنا ألي راني حاقر روحي ونقول مانيش خدام خدمة باهية مانتقدمش
نولي ألي نشوفها وتعجبني نتقدم وراسي مرفوع
ربي بارك صغير وزين ورزين وعقالة ودين وكويزين وديسيبلين وكلش ههههه​

 

[لاجودان شاف]

هههههههههههههه

تعرف هذيك ألي نقولوها بكري با... هذيك هيا

​

هههههههههههه
هههههههههههههههههه
هههههههههههههههههههههههه
هههههههههههههههههههههههههههههه
علابالك وش راح ندير في عرسها
نطلعلها وين قاعدة هي ووراجلها
ونغنيلها كيما هذاك تاع ألحان وشباب لي زعما المناعي

مبرووووك علينا مبرووووووك علينا
هههههههه​

 

[ماكانش]

هههههههههههه
هههههههههههههههههه
هههههههههههههههههههههههه
هههههههههههههههههههههههههههههه
علابالك وش راح ندير في عرسها
نطلعلها وين قاعدة هي ووراجلها
ونغنيلها كيما هذاك تاع ألحان وشباب لي زعما المناعي

مبرووووك علينا مبرووووووك علينا
هههههههه[/center]

ههههههههههههههههه
وادير بيدك كيفو ؟؟؟ هههههههه
والله يا الشيخ ياخويا حيرة صح صح
انا غير نعتلي هذيك تاع مروانة نخطب على روحي ههههه​

 

[AnGeL*dZ]

علبالك واش يعني 30 يعين خطر العنوسة
و خطر ماتجيبش الدراري وخطر التجاعيد اللي بدات تبان في وجها هههههههههه
بالنسبة ليا ال30 نبـدا نعـيش حيآتي تآع الصـح ونتمتع
والزواج يامنعاش .......
​

 

[لاجودان شاف]

​

بالنسبة ليا ال30 نبـدا نعـيش حيآتي تآع الصـح ونتمتع
والزواج يامنعاش .......​

وهل توجد حياة ممتعة تاع الصح من دون زواااااج

لا أظن​

 

[zahya]

اخي لاجودان شاف اسمحلي نقولك هذا الانسان لي يهدر هكذا ما عرف ما شاف لانه

المرأه في عمر الثلاثين تزداد جمال عن سن العشرين وكلما تقدمت في العمر كلما زادت جمالآ و أنوثه الى سن مابعد الثلاثين

_أن أنوثة المرأه وعلامات الأنوثه تبرز أكثر بهذا العمر ويكتمل نموها الجسماني

_تزداد العاطفه لدى المرأه بهذا العمر عن السنوات السابقه فتصبح أكثر عاطفة وحنانآ ودفئآ وأكثر أحتوئآ للرجل من الناحيه والعاطفيه

_المرأه بهذا العمر أكثر تمسكآ بالرجل وأكثر أخلاصآ
_
ِالمرأه بهذا العمر أكثر ذكاءآ و أكثر فهمآ لمتطلبات الرجل ايضآ من الناحيه العاطفية

_المرأه بهذا العمر تختار الرجل الشريك لحياتها بعنايه بعكس سن العشرينات فهي تختار الرجل الذي يحركها من الناحيه العاطفيه والي تثق فيه بأن يكون مخلصآ لها مدى العمر

_أن المرأه في هذا العمر تفكر كثيرآ قبل اختيار شريك حياتها فهي تفضل ان تعيش
وحيده افضل من شريك ابله و
مزعج وغير رمنسي تفضل الرومنسيه والشريك الذي لايجلب لها المشاكل

_المرأه بهذا العمر تكون اكثر عقلانيه و تملك شخصيه قويه وجميله ومؤثره بمن حولها

تعلم ما تريد وتكون اكثر أدراكآ بحل مشاكلها وتحدد مصير حياتها

_المرأه بهذا العمر أكثر دقه عن السنوات السابقه في أختيار اللباس الملائم لجذب الزوج ولفت نظر ه
_المرأه بهذا العمر اكثر جرأه وقوة بصريح العبارة امراة كاملة من ما جميعو

يعطيك الصحة يا اختي راكي بردتيلي قلبي ..... ربي يعطيك واش تتمني انتي الوحيدة لي وصلت لواش كنت نهدر ..بردتيلي قلبي يا فطومة

 

[الشلفي02]

نورمالمو راكي مجاوبة روحك في الدخلة أنت تبدلي في ليشان
و طحتي في كاش شان لبنانية و لة تاع الخليج و حنا رانا الدزاير ديجة مونبا تفوت الطفلة 24 تكره حياتها
و تولي تخمم بلي بارت ولة لحقت 30 رانا سمعنا عليهم لي نتاحرو بعيد الشر و زيد وزيد
..........................