شوفوا حكايتي ؟؟؟؟؟؟؟؟؟؟؟؟؟؟؟؟؟؟؟

[nour el yakine]

مبروك عليك أختي
بالشوية برك مع باباك ماتعنديهش وأعرفي الوقت لي تهدري معاه وإما أبعثيلو واحد قريب منو يحاول يقنعو .
وماتقلقيش روحك مدام نجحتي وشهادة الباك في يدك وين كتبلك ربي تكملي دراستك تكمليها .
بالتوفيق
دمتي
​

 

[*RAHMA]

ربي يهديهم و يفتح لبواب في وجهك ختي ربي يكون معاك .
و مهما يصرى هذا باباك
حاولي و متباسيش و الله لحمي تشوك كقريت واش كتبتي بصح معلباليش كيفاش نعاونك ؟؟؟؟؟

 

[الجوهرة الجزائرية]

شكرا لكي اخت رحمة ونور اليقين وربي يعطيكم واش تتمناو ويوفقكم
ربي يجيب لي فيه الخير ويهدي الوالد يااارب

 

[tear of angel]

سلام الله عليكم ​

الف مبروك لكل الناجحين في شهادة الباكالوريا وبالتوفيق للذين لم يحالفهم الحظ
كنت غايبة بسبب شهادة الباكالوريا والحمد لله انا من الناجحين وبمعدل12 ولله الحمد شعبة تسيير واقتصاد
المهم انا نجحت ولكن مافرحتش كيما فرحت الناس في العايلة تاعنا انا الاولى لي قريت في الثانوية وانا الاولى لي ديت الباك اكيد العايلة فرحت بلكبيرة والصغيرة وانا علاه مافرحتش قالولي ماكانش تقراي في الجامعة وانا كيفاه ندير
والجامعة تاعنا بعيدة ماشي بزاف انا في الدائرة وهي في الولاية
حاولت بابا قالي ماكانش غير اتهناي قالي اانتي مهبولة كل يوم طالعة هابطة من كار لكار نبات قالي لا ومن بعد قالي اصلا الشعبة تاعك ماعندها ماتخرج
والله عييت نفهم هدا الدنيا انا غير نبكي
ارجوكم ادعيوربي يهدي بابا ويوافق
وادعيولي ربي يصبرني
بالتوفيق والنجاح لكم
اسالكم الدعاء
​

ربي يكون فى عونك يالحبيبة ويهدى باباك

 

[الجوهرة الجزائرية]

اللهم امين

 

[نسيم الربيع]

شكرا لكم ولتفاعلكم يااخت نسيم الربيع اصلا العايلة تاعنا الكل رافضة الجامعة والثانوية اصلا انا اول وحدة نقرا فيها
وبالتوفيق لكم

اييييييييييييه اذا هكا مشكل
ماعليك غير تدعي ربي
عليك وعلى الثلث الأخير
وفاللخر نقولك ماتيأسيش والله ماتعرفي الخير وين
القرايه مليحه بصح مهيش كلشي وان شاء الله يقبلك باباك
ربي يكون فالعون​

 

[فــلة]

ماتقلقيش روحك ختي بلاك ربي يهديه حتى في العام التاني ليك واخر حل ليك بلوكي العام وخلاص
وبلاك تلقاي ولد الحلال يتزوجك ويقريك في الجامعة
المهم انتي ابقاي بلوكي في العوام حتان ربي يفرجها
بلاك راه يعاند ويكابر ومن بعد يقبل
واتبعي نصيحتي لخاطر باباك باين خايف عليك ويحبك انا نقولك وش تديري
ابكي كل ماتشوفيه و ارقدي وابكي كل مايكون في الدار ابكي برك وكي يقولك وش بيك قولو الناس كامل راحو قراو غير انا و جيبيلو امثلة في بنات نجحو حذاكم
وماتتفرجي ما تروحي للميكرو قدامو المهم عيشيه في حالة من البؤس و الملل اكيد كبدتو تتحرك ويخليك وقولو مانروحش كل يوم نروح غير في ايام ليتيدي و الكونترولات وخلاص ومن بعد ديري رايك ههههههه
​

 

[الجوهرة الجزائرية]

مشكوووورة اخت فلة والله رايوا مدايروا انا كي يجي هو غير نبكي وراقدة ومانكلش بصح والله ماعلابالوا بيا
المهم لي فيه الخير ربي يجيبوا راني صليت صلاة الاستخارة وكلشي بالمكتوب
بارك الله فيكم

 

[حنان18]

ربي يهديه و ان شاء الله يتقبل الموضوع و لكن حذاري ان تسمحي في دراستك انا نعرف بزاف بنات قصدتهم كيما أنت و فتالي خلوهم و راحوا يقراو أعلاه الجامعة حرام و حتى اذا كانت بعيدة ممبعد و راه المشكل.

 

[امل2823]

twakli ala rabi w ad3ih w nchalah yaHdi babak

 

[فــلة]

مشكوووورة اخت فلة والله رايوا مدايروا انا كي يجي هو غير نبكي وراقدة ومانكلش بصح والله ماعلابالوا بيا
المهم لي فيه الخير ربي يجيبوا راني صليت صلاة الاستخارة وكلشي بالمكتوب
بارك الله فيكم

[/quote]
ان شاء الله ربي يفرجها ونقولك اختي بلي ماكانش في هذي الدنيا الي مايبدلش رايو حتى لو يكون حجر
مازال الحال اصبري برك اكيد راه يقول راهي مصدومة يوم يومين وترجع عادي بصح انتي اقعدي كيما راكي دايما جامي تضحكي
وعندك تضيعي صحتك كولي عادي بصح موش قدامو يعني كي يخرج كولي اشبعي
او تاني هو كي يشوف زميلاتك راحو يقراو في الجامعة والله موش بعيد هو الي يحزن الاف اضعاف المرات ويخليك تقراي
وحاولي توصليلو معلومة انك تروحي مرة في الاسبوع ليتيدي باي طريقة هكذا رايح يفكر مليح وماتقوليش يدير غير رايو لخاطر راهو اكيد يفكر في اليوم الاف المرات وبلاك ربي يهديه
و سكوتو والامبالات الي راهو عايش فيها اعرفيها بلي العكس تماما و هو يحاول يخفي شعورو
وتذكري ان النخلة كلاتها دودة املا ماتستهينيش بواش راكي تديري ومع الوقت يلين انتي برك اثبتي على موقفك
​

 

[islam-php]

ان شاء الله ربي يفرج عليك

 

[EL General]

اختاه : الجوهرة الجزائرية

كلام الوالدين من ذهب و الله تبعي واش يقولولك واقيل الراي لي يبكيك خير من لي يضحكك

نتمنا لك كل الخير و الصلاح

سلام .
​

 

[خولة93]

ربي يكتب يلي فيه الخير
​

 

[rima barcaouia]

rabi ysahalak ya khti yarham babak chhal mn 3am kraya bach ki tawasli llbac nn ljami3a diri aliha croi rouge rabi yjib li fih lkhir chofi mamak li akid andha silah bach tsaytar alih nchalah tkoni fljami3a l3am jay aaaaaaaammmmiiiiiiiinnnnnneeeee ya rab

 

[sara_k]

اختــي شوفــي أي حـل
المـهِـم مـآأتفرطــيش فقرآأيتكـ
وربــي يوفقــكـ~

​

 

[الجوهرة الجزائرية]

بارك الله فيكم وفي ردودكم وشكرا خويا مارادونا على الرد

 

[مروة 95]

ربي يهدي باباك و يخليك تكملي
و الله ماكانش أحسن من لقراية ​

 

[sabrina17]

اختي ربي يهدي الوالد نتاعك
والمهم ديتي الباك وبمعدل مليح
ربي يجيب الي فيه الخير

 

[lamou]

الله يهدي الوالد نتاعك ويخليك تكملي قرايتك