ماذا ستطبخين اليوم سيدتي الجزء 4

[imane27]

طريق سلامة ندى
وانشاء الله نمعوا اخبار مليحة على لوست ام منصف الله يكون معها

 

[ام سامي]

انا درتلهم في العشاء


محاجب سخونين حارييييييييييييييين

 

[l'algeroise]

الله يسلمكم أم ندى لا موس تبان تشهي أنا ديما ننساها حورية المطبخ
ibtessem والله غير سخفتوني فالدوبارة جامي دقتها كون غير وحدة مالبسكريات تطوع و تعطيلي الوصفة بالتفصيل
tassnim55 وين راكي أختي خصيتي توحشناك

 

[عفاف الجزائرية]

عشانا ليوم
لابيري +سكالوب+فلفل حميص وخبز الدار
بصحتكم عشاواتكم

 

[زهرة الجنوب9]

كديري بطوط في ليلة رمضان وين درتي رجيم يخي قتلك خليها برك على ربي علاه نتعب روحي في رجيم لنحبها ناكولها مانخلي شخشوخة ما نخلي بطوط وبربوشة

 

[nada242008]

ايمان يعطيك الصحة على الوصفة باينة بنينة
عفوفة عشاكم يشهي امممم
ام سامي بصحت المحاجب ومرحبا بيك بيناتنا ان شاء الله تشاركينا باطباقك في رمضان
الله يسلمك لاجيغواز تعرفي الدوبارة حطيتها في مواضيع الدورة بالتفصيل الممل وطبقوها الاخوات كوثر الوهرانية وعفاف وعجبتهم

راني محتفظة بالصور بصح مالقيتش الوقت برك باش نعاود نحط المواضيع
الوصفة كالتالي
--
ترنخي الفول مع كيس خميرة حلوى وما وتخليها ليلة كاملة يبات
في الغد تطيبي الفول مع شرائح ليمون في طنجرة الضغط حتان يطيب مليح وتحتفظي بالما اللي طاب معاه
توجدي لاصوص
ترابي الطماطم تكون حمرا وطايبة وفصوص ثوم + زيت زيتون + دبشة (حشيش) مقطعة + فلفل حار احمر + راس الحانوت + كمون + م ك طماطم مصبرة وشرائح فلفل اخضر حار وشرائح ليمون
تخلطيهم مليح بلا ماتطيبيهم
تسخني الفول مع الما اللي طاب فيه مليح
وتسقي في صحن التقديم وتحطي فوقو الصلصة تاع الطماطم ماهيش طايبة
وتخلطي
تقدري تضيفي الهريسة معاه
تزينيها بقطرات من زيت الزيتون وتقدميها
تؤكل ساحنة
تقدري تبدلي الفول بالحمص ولا تخلطيهم في زوج مع بعضاهم

 

[imane27]

عفاف عشاكم يشهى بصحتكم

 

[l'algeroise]

merci أم ندى يعطيك الصحة

 

[omhaneen]

مرحبا

بصحتكم لبنات ختي لالجرواز سخفتيني في الرشتة
تهبل
انا لعشى تعشيت في دار جدي وجيت

تعشينا كسكسي ابيض​

راني نحب الكسكسي لبيض بصح كيفاش تعملوه إحنا نطيبوه احمر

 

[omhaneen]

بصحتك ام حنين بلا يشهى

شكرا إيمان ربي يحفضك حتي بلا الحوت روعة بدون تعليق_o:

 

[أم فاروق]

مساء الخير جميعا انشاء الله تكونو بخير وعافية انشاء الله انا للعشا بقالي لكباب من هاذاك نهار خرجتو من كونجيلاتار وطيبتوا فالفور هاذي لمرا ودرت قدامو فتوش وكوكا وديسار ربي يدمها نعمة انشاء الله
اختي ام منصف يارب يشفي سلفتك يارب طهورا انشاء الله ويقويكم انتو اهلها باش تقدرو توقفوا معاها في محنتها يارب واجزيكم الخير يارب

بصحتكم لبنات لعشاوات فلوسة بصحتك لمحاجب وام حنيبن خرجت علكيف لوبيا خضرا ايمان بصحتك لحوت طريقة متل مانديرها انا بصح نفرش كل لبلا بالرند بصح مع طون سالمون جامي طيبتوا وريدة سوفلي خرجو علكيف مشاء الله عليكي حنونة فحلة لالجيرواز بصحتك رشتة حنا جامي طيبناها حنا رشتة عندا تجي شوية عريضة ونطيبوها مرقة حمرا ماذا بيا تعلميني كيفاش ديريها مرة كنت محكومة فالسبيطار وداروهانا للغدا تاع محرم مرقة بيضة وبالخردل من هاذاك نهار وهي في بالي
ندى شابو ماشاء الله خرجلك لاموس يهبل انشاء الله تروحي وترجعي بالسلامة يارب وسلمينا على داركوم ورمضانهم كريم

 

[omhaneen]

مساء الخير جميعا انشاء الله تكونو بخير وعافية انشاء الله انا للعشا بقالي لكباب من هاذاك نهار خرجتو من كونجيلاتار وطيبتوا فالفور هاذي لمرا ودرت قدامو فتوش وكوكا وديسار ربي يدمها نعمة انشاء الله
اختي ام منصف يارب يشفي سلفتك يارب طهورا انشاء الله ويقويكم انتو اهلها باش تقدرو توقفوا معاها في محنتها يارب واجزيكم الخير يارب

بصحتكم لبنات لعشاوات فلوسة بصحتك لمحاجب وام حنيبن خرجت علكيف لوبيا خضرا ايمان بصحتك لحوت طريقة متل مانديرها انا بصح نفرش كل لبلا بالرند بصح مع طون سالمون جامي طيبتوا وريدة سوفلي خرجو علكيف مشاء الله عليكي حنونة فحلة لالجيرواز بصحتك رشتة حنا جامي طيبناها حنا رشتة عندا تجي شوية عريضة ونطيبوها مرقة حمرا ماذا بيا تعلميني كيفاش ديريها مرة كنت محكومة فالسبيطار وداروهانا للغدا تاع محرم مرقة بيضة وبالخردل من هاذاك نهار وهي في بالي
ندى شابو ماشاء الله خرجلك لاموس يهبل انشاء الله تروحي وترجعي بالسلامة يارب وسلمينا على داركوم ورمضانهم كريم

شكرا عزيزتي ام فاروق ماشاء الله ذاكرة قوية ذاكرة كل وحدة بإسمها الله يحفضك ورمضان مبارك وصيام مقبول إنشاءالله ليك ولعائلتك وكل بنات اللمة

 

[l'algeroise]

الله يسلمك أختي أم فاروق هاديك الرشتة لي جي عريضة و مرقة حمرا يسموها هنا في سطيف لمقطعة جي هايلة يديروها فالعرس تاع الطفلة نهار تروح للحمام

 

[ibtesem]

صباح الخير عليكم يالبنات واش راكم
بصحتكم قهوة تاع الصباح
خلاص غدا يمكن اخر يوم للقهوة

 

[l'algeroise]

أختي أم فاروق أصبري عليا شوي نحط الوصفة تاع الرشتة ماعنديش العربية فالميكرو لازم ندخل clavier arabe خدمة كبيرة بصح ماشي خسارة فيكم أنا فالنصفية ديما نديرها

 

[l'algeroise]

صباح الخير ibtessem

 

[أم فاروق]

نهاركم مبروك لبنات وشاركي ابتسام واختي لالجيرواز تعيشي
طمنوني على سلفة ام منصف يارب تكون رتاحت شوية ربي يجيبلها الشفاء انشاء الله

 

[imane27]

صباح الخير عليكم واش راكم وقيلا بديتو الصيام من ليوم
ام حنين سبق انى وضعت طعام مرقة بيضاء بصح معلباليش ولا مزالو ولا راح كى غلق المنتدى

 

[روز]

اهلا بالكل نهاركم سعيد ايمان ام فاروق ابتسام ام ندى العفوفات ام سامي لالجيرواز وكلكم
اليوم درتلهم روز من اختراعي:showoff:
جا هايل بالفرماج والبيشاميل ان شاءالله يعجبكم

 

[أم دودو]

واش راكم يالبنات
صح غداواتكم كامل
أنا اليوم غداي شكشوكة و فريت مانيش قادرة نطيب تعبانة في حالة
قلت العشية نخدم شوي الفينيقرات و نديرها في القرعة تاعها و نخدم المايونيز و نجهز الشابلير هذا ما بقالي كملت كلشي و لله الحمد
أم منصف ما ظهرتش تكمننا على سلفتها
يا رب يشافيها و يعافيها
​