ماذا ستطبخين اليوم سيدتي الجزء 4

[imane27]

روز بلا تاعك راه يبان مليح ويشهى بصحتك راكى تبروفيتى كولى لعجاجن حتى تشبعى
لبنات صح رمشانكم وانشاء الله تصمو بالصحة والهناء

 

[ibtesem]

بصحتك روز الغدا امممممممممممممم جى هايل
انا وقيلة وقيلة نعمل طعام
ام دودو عندي ليك وصفة هايلة وتجي بنينة تاع المايوناز انا البارح عملتها خبيتها للرمضان
ملعقة خل
ملعقة عصير ليمون
ملح
2 ملاعق اكل حليب بودرا
تخلطيهم مليح
ثم تضيفي الويت تجيك تشهي
ادا حبيتي انت تضيفي سنة ثوم وموطارد وفلفل اسود هدا اختياركي

 

[عفاف الجزائرية]

هذا كان غدانا
فلفل حميص
سلاطة خضار
ومحشي جريوات وقرنون وبطاطا
وطاجين حلو
بصحتكم كامل غداواتكم
​

 

[عفاف الجزائرية]

بصحتك روز الغدا امممممممممممممم جى هايل
انا وقيلة وقيلة نعمل طعام
ام دودو عندي ليك وصفة هايلة وتجي بنينة تاع المايوناز انا البارح عملتها خبيتها للرمضان
ملعقة خل
ملعقة عصير ليمون
ملح
2 ملاعق اكل حليب بودرا
تخلطيهم مليح
ثم تضيفي الويت تجيك تشهي
ادا حبيتي انت تضيفي سنة ثوم وموطارد وفلفل اسود هدا اختياركي

حلل وناقش اشرحيلي واش هيا هاذي الويت_o:
​

 

[روز]

اهلا ايمان كليت قطعة وحدة برك
شهاني كي ذقتو ,,,جاي في قلبي المحاجب بالاك نخدمهم في الليل
بسومة سمي بسم الله كولي ماتحشميش نوصيك طيبي الطعام ماتخليهش في قلبك ديري كي حالتي ههه
بصحتك عفاف وش طيبتي ديجا راكم بديتو بطاجين الحلو بصحتكم

 

[روز]

حلل وناقش اشرحيلي واش هيا هاذي الويت_o:
​

هذاك يعني الزيت هههههه
راني نفهم ابتسام حتى كي تغلط:tongue_1:

 

[عفاف الجزائرية]

هذاك يعني الزيت هههههه
راني نفهم ابتسام حتى كي تغلط:tongue_1:

ههه ياودي حتى انا نفهمها راها كانت تقري فيا كل يوم ساعتين وعندي مدة ما حضرتلهاش برك:showoff:
تفكرت ايامات الساعتين في النهار ربي يذكرهم بالخير
يخي ماكيش ناسية يا بسومة
​

 

[عفاف الجزائرية]

بنات حبيت نسقسيكم على البوراك اللي صنعتوه في الدار
نقدرو نستحفطو بيه لمدة يومين
حابة نخدم ليوم ونخبيه لاول ايام رمضان

وثانيا اللي عندها وصفتو وناجحلها تنفعني بيها
​

 

[روز]

ماخبيتوش انا طيبتو تم تم يجي فري ويتقرمش عفاف اخدميه برك في نهارو يجي هايل
انا راني حالفة عليه في رمضان هادي مدة ماكليتش بوراك الديول نتاعو مليح هكذا
بسومة توريك اسكو يصبر ولا لا
مي نظن اذا دهنتيه بين الطبقات باش مايتلصقش ودفيتيه مايصرالو والو بسكو غير يضربو الهوا ييبس
بصحتكم

 

[imane27]

عفاف فطوركم يشهى بصحتكم راكى دشنتى طاجين لحلو
روز سعات الواحد مايدى والو فى هاد الدنيا

 

[روز]

باش نسقسي صحاب الخبرة
الخط لي تكتب بيه ام ندى اسمها على الاطباق وش اسمو عجبني وماعرفتش كفاش نخرجو
لي تعرف تقلي

 

[ام انيس]

السلام عليكم اخواتي الكريمات كيف احوالكم راني عضوة جديدة معكن فهل تقبلونني بينكم لقد قرات صفحاتكن 76 وعجبتوني بزاف والله تقول عايلة وحدة ربي يخليكم ديما هكا اتمنى ان استفيد وافيد تحياتي لكم جميعا دون استثناء

 

[أم فاروق]

مساء لخير لبنات بصحتك روز ياروز
وعفاف طابلة تشهي تاكلوا بالصحة ولهناء
انا مادرتش لغدا راني ب les angine وليوم لول تاعهم يجي صعيب شوية نهار كامل ونا متصطحة نشاء الله للعشاء ندير ونحطلكم صور معولة ندير بقلاوة سورية وشوية عوامة تاني راني نحطلكم صور مبعد خارجين نشري لينيسيسار تاعهم وشوية ماعن نموت عالماعن المهم طولت عليكم لعشيا ونقرعجو
حقا لبنات الي تعرف ام منصف شخصيا تحاول تسقسينا على سلفتها لمخلوقة ماراحتش من بالي خلاص ربي يجعللها شفا نشاء الله

 

[أم فاروق]

السلام عليكم اخواتي الكريمات كيف احوالكم راني عضوة جديدة معكن فهل تقبلونني بينكم لقد قرات صفحاتكن 76 وعجبتوني بزاف والله تقول عايلة وحدة ربي يخليكم ديما هكا اتمنى ان استفيد وافيد تحياتي لكم جميعا دون استثناء

عالسلامة ياخا ام انيس لمنتدى تاعك وحنا ضياف عندك مرحبا بيك اختي بيناتنا وحنا نفرحو كيما تزيد تكبر عايلتنا دزي لباب ودخلي

 

[روز]

مرحبا بيك ام انيس اهلا وسهلا في عائلتك الجديدة
ام فاروق لابأس عليك صعاب les angine ربي يشافيك كثري من لعسل الحر وعصير الليمون والقرنفل على الريق وقبل لترقدي

 

[omhaneen]

مساء لخير لبنات بصحتك روز ياروز
وعفاف طابلة تشهي تاكلوا بالصحة ولهناء
انا مادرتش لغدا راني ب les angine وليوم لول تاعهم يجي صعيب شوية نهار كامل ونا متصطحة نشاء الله للعشاء ندير ونحطلكم صور معولة ندير بقلاوة سورية وشوية عوامة تاني راني نحطلكم صور مبعد خارجين نشري لينيسيسار تاعهم وشوية ماعن نموت عالماعن المهم طولت عليكم لعشيا ونقرعجو
حقا لبنات الي تعرف ام منصف شخصيا تحاول تسقسينا على سلفتها لمخلوقة ماراحتش من بالي خلاص ربي يجعللها شفا نشاء الله

ربي يشافيك حبيبتي أم فاروق خصوصا مع السخانة ربي يكون في عونك :sadwalk::sadwalk:

 

[ام انيس]

عالسلامة ياخا ام انيس لمنتدى تاعك وحنا ضياف عندك مرحبا بيك اختي بيناتنا وحنا نفرحو كيما تزيد تكبر عايلتنا دزي لباب ودخلي

:sheer: بارك الله فيك حبيبتي ام فاروق الله يخليك والله حشمتيني :shay:ربي يقدرني ونكون معاكم دايما
ربي يشفيك ان شاء الله

 

[أم فاروق]

تعيشو لبنات :tears::tears: ربي يخليكم

 

[ام انيس]

مرحبا بيك ام انيس اهلا وسهلا في عائلتك الجديدة
ام فاروق لابأس عليك صعاب les angine ربي يشافيك كثري من لعسل الحر وعصير الليمون والقرنفل على الريق وقبل لترقدي

شكرا اختي روز :sheer:نتمنى نكون عند حسن ظنكم بي تحياتي

 

[ام انيس]

نتمنى منكم حبيباتي تعطوني وصفة مليحة للبيتزا والله الاولاد راح يهبلوني وانا بغيت وصفة تكون كيما تاع البيزيريات نتمنى ما طنشونيش والله الفرينة راهي في القصعة تسنا سلام