ماذا ستطبخين اليوم سيدتي الجزء 4

[omhaneen]

سلام

حنا اليوم غدانا :
شربة وبوراك وسلاطة بطاطا

ونتوما وش طيبتوا​

بصحتك ياأختي ريمة 29 غدا يشهي سخفتيني بالشربة شحال عندي ما كليتهاش

 

[omhaneen]

tassnim55 و أم ندى الله يسلمكم
شكرا tassnim على السؤال تعجبيني ماتنساي حتى وحدة وبصحتك لمحاجب جاوك هايلين ولغريف تاعك روعة عيشك قوليلي كيفاش ديريه؟؟؟
أم ندى صح عشاك
ibtessem ممممم شخشوخة تشهي بصحتك نتي و imane سلميلي عليها
pricesse wa يعطيك الصحة
عشايا سباقيتي

يعطيك الصحة لالجيرواز حبيت نسقسيك إنت سطايفية ولا ساكن ثم برك انا راني سطايفية

 

[l'algeroise]

مساء الخير عليكم واش راكم يعطيكم الصحة راكم شاطرين
ابتسام لخفاف جاك هايل
روز لبوراك شهنى بصحتك راح الرحيم
ندى الدوبارة تشهى بصحتك وبلعقل على روح هدا وين تهنيت كنت منقدر ندير والو
لامى الحار للجميع باش مننسا حتى واحدة
هادو طييبات لطيبتهم هدا وين عندى الوقت

imane المقروط جاك هايل أنا نموووووت عليه ولازم يحضر في كل المناسبات وهدا لقاطو تاع العيد الصغير لي فات

 

[روعة2005]

الله يبارك عليكم ويزيدكم من نعيمو امممم ريمة الغالية بصحتك والله راني ساخفة على البوراك.......مممم
امينة اهلا نورتيي بحضورك والتحلية تشهي حنونة
كل حبيبات قلبي صحه غداكم وقهوتكم ...........باش ماننسى حتى وحدة....خخخخ
المهم هذه مجموعة من واش كنت نطيب
غدا اليوم درت شربة فريك/قلت نجرب الفريك والتوابل لي راح نصوم بيهم/وجات رائعة بشهادة حماتي وخدمت عصير الخوخ /على طريقة ميميشة/وخبيتو لرمضان فعلا بنة ومنعش

هذا تليتلي

هذه بطاطا وجاج با الكاتشب على طريقة ايمان27 تجي روووووعة شكرا امونة مع حميص فلفل وباذنجال

هذا زعمة ميلونج خخخخخخخ

العشاء راح ندير كاك مالح با الجاج وبقاتلي شوية شربة
صح فطورك ام ندى ربي يتقبل

 

[l'algeroise]

الله يسلمك omhaneen خيار الناس أنا مالعاصمة و مزوجة في سطيف بصح الأصول سطايفية

 

[روعة2005]

على سلامتك الجيغواز بصحتك الفاكونس
والله يبارك راكي سبقتينا بقاطوات العيد....ههه يشهو بصحتك قوليلي هذيك صامصة ديريها بديول ولا العجينة

 

[ايمان التلمسانية]

السلام عليكم
اليوم امي دارت مبسس باش تقهوينا مع تاي

​

 

[l'algeroise]

الله يسلمك فوفة الصامصة درتها في رمضان و قعدتلي حطيتها فالعيد نديرها بلعجينة ماشي بالديول

 

[l'algeroise]

فوفة أطباق هايلين بصحتكم تقدري تحطي الوصفة تاع العصير ؟؟؟؟
إيمان التلمسانية بصحتكم لمبسس

 

[روعة2005]

الله يسلمك الجيغواز تعرفي العصير ساهل ورائع والله غير خير من المشري اللف المرات
نعطيك هذه المقادير وانت تحبي تضاعفي
2ك خوخ+1ك سكر+شرائح ليمون اقل من نص حبة
حطي 2كيسان ماء+كاس سكر+شرائح الليمون على النار وخليه هو يغلي وانت ضيفيلو براج الخوخ المغسولة واتركيه يطيب مدة ربع ساعة /مع نزع الريم/ وهو يبرد وانت نحي قشور القارص وارحيه في الروبو وانا نزيد نصفيه/انا خبيتو مباشرة يعني مركز
والماء والحلاوة حسب رغبتك

 

[nada242008]

اممممم يافوفة واش داني ندخل اطباق رائعة
الجاري جاك امممممم
عجبتني البطاطا والدجاج بالكاتشاب حاطاتو ايمان من قبل ولالا
سي نو قوليلي كيفاه الطريقة
لالجيغواز يعطيك الصحة على القاطو
ايمان بصحتك لمبسس
امينة امونة نورتينا وشرف لينا انظمامك الينا بصحتك المحلبي يبان بنين
ابتسام راكي في القلب :wink:
----
انا معولة نزيد مع الجاري خميرة الفرينة لابتسام قلت نجربها قبل رمضان
و الروز تاع الدورة كان تشفاو عليه بالكرام الفراش والفطر
نوض نطيب :showoff:

 

[روعة2005]

بطاطا جاج ملح فلفل اسود
بابريكا راس الحنوت مكعب دجاج
زيت زيتون شوية كتشوب
التحظير
خلطى قاع التوابل فى صحن وغلى مكعب جاج فى شوية ماء وحطى لجاج يتبل فلتبيلة وقطعى البطاطا براج وظفيها وخليها تتبل حوالا نصف ساعة وبعد ظيفى مرق الجاج وغلقيها بالمنيوم وخلها طيب اومبعد حلى عليها وخليها تتحمر من فوق

هاي ليك الطريقة ام ندى وغير جربيها تجي هايلة
وبغيت نسقسيك على طريقة لف المعجنات تاع البارح شكلهم هايل اممممممم
---------
ايمان المبسس شكلو يذوب في الفم بصحتكم

 

[تسنيم الهناء]

السلام عليكن حبوباتي
يعطيكم الصحة كل وحدة باسمها راكم قايمين بالحالة حالة
ام ندوش ربي يقبل صيامك في الجنة باذن الله


انا جبتلكم شوي سفنج

انا نحبهم هكا باش نعمرهم معجون الداخل i-o:

و هنا بعد ما تعسلو

و هذي نظرة عن قرب

​

 

[رآج ـية العفو]

السلـآم عليكم ورحمة الله​

أهلآآ يآ بنآت وآش رآكم توحشتتتتكم
لنترنت كآنت مقطوعة من ذيك الليلة اللي كنت معآكم فيهآ حتى لدرك رآهم طلقوها بالرغم أنهم قآلو في التيلي حتى الأربعآء تنصنع زعمآ كي
كنت قآعدة وقلت نقعد معآكم قبل مآ يجي رمضآن رآحتلي النت
الله يع ـطيكم الصحة على كآمل وآش طيبتو والله مآ شآء الله كل أطبآقكم تشهي وروووعة وأهلييييين عفوفة توحشتتتتتتتك بصحتك التصييفة
رآني من قبيل نقرآ وآش فآتني ههههههه
بسوووومة طلبت منك وصفة السفنج وآقيلآ مآ شفتيش طلبي
أنآ البآرح درت بآبآ بالنوآة كوكو جآت هآيلة من بعد رآني نحط الوصفة ​

من بعد نرجع ليكم يآ بنآت​

 

[nada242008]

فوفة الف شكر على الوصفة تبان بنينة لازم نجربها:showoff:
بالنسبة لطريقة لف المعجنات راهي طريقتك كان تشفاي عليها هههه
غير بدلت الشكل الى مثلثات وطبعا طريقة اللف كيما الصامصة
تسنيم الهنا سفنج قريب ينطق سيرتو هذاك المعسل اممممم
راجية مرحبا بيك وماتنسايناش باطباقك
كوثر كوكو راني نشوف في اسمك من تحت منورة اللمة برجوعك والضياف تاوعك وكتاه يفهمو رواحهم ههههه
قريب يفرج ربي ونحطلكم فطوري

 

[رآج ـية العفو]

أهلآ بيك حبيبتي أم ندى صح فطورك وربي يتقبل منك
وكوكو وينك البآرنح عيطت ليك ومآ كنتيش في الدآر​

 

[رآج ـية العفو]

سفنجك هآيل تسنيك هذآ وين رآني نشوف فيه
من كثر مآ قريت صفحآت مآ شفتوش هههههه
ممكن الوصفة ربي يخليك يع ـطيك الصحة​

 

[تسنيم الهناء]

سفنجك هآيل تسنيك هذآ وين رآني نشوف فيه
من كثر مآ قريت صفحآت مآ شفتوش هههههه
ممكن الوصفة ربي يخليك يع ـطيك الصحة​

غير شفت طلبك رجعت نقولك لا يصرالك كيما وفاء قاتلي على القاطوات غير اليوم وين بعثتهملها في الخاص من تالمون الخدمة قتلتني حتى الويكاند كي الناس ما عنديش
المهم
هذا درت كيلة و نص دقيق رطب'' الدقاق '' كيما نقولو في جيهتنا و نص فرينة
و الكيلة هنا كانت طاوة انتاع 1 لتر
+
الملح عينك ميزانك
+
بيضة كاملة

+
خميرة الدار 2 و نص مغارف كبار
+
ماء دافي

تعجني مليح مليح و من بعد تلوحي الماء و تخبطي حتى تتحصلي على عجينة طرية زي انتاع الشخشوخة
تخليها تختمر و من بعد تلوزي و تقليها في زيت مسخنة من قبل و للتزيين تحطيلها عسل و لا سكر قلاصي و لا تخليهم مدورين و تحشيهم بالمعجون حسب الذوق

نتمنى نكون افدتك
​

 

[رآج ـية العفو]

مرسي ختي يع ـطيك الصحة ان شآء الله
نجربهم بآين هآيلين وربي يكون في عونك ​

 

[ibtesem]

السلـآم عليكم ورحمة الله​

أهلآآ يآ بنآت وآش رآكم توحشتتتتكم
لنترنت كآنت مقطوعة من ذيك الليلة اللي كنت معآكم فيهآ حتى لدرك رآهم طلقوها بالرغم أنهم قآلو في التيلي حتى الأربعآء تنصنع زعمآ كي
كنت قآعدة وقلت نقعد معآكم قبل مآ يجي رمضآن رآحتلي النت
الله يع ـطيكم الصحة على كآمل وآش طيبتو والله مآ شآء الله كل أطبآقكم تشهي وروووعة وأهلييييين عفوفة توحشتتتتتتتك بصحتك التصييفة
رآني من قبيل نقرآ وآش فآتني ههههههه
بسوووومة طلبت منك وصفة السفنج وآقيلآ مآ شفتيش طلبي
أنآ البآرح درت بآبآ بالنوآة كوكو جآت هآيلة من بعد رآني نحط الوصفة ​

من بعد نرجع ليكم يآ بنآت​

السلام عليكم يعطيكم الصحة وش طيبتو مشاااااء الله
اختي ايمان و لالجيرواز طريقة السفنج كالتالي
في جفنة حطي 500غ فرينة+ 3ملاعق صغار خميرة فورية + شوية ملح +3ملاعق كبار زيت وبسيها وبعد لميها بالحليب دافي دريها مثل الكسرة وفي الاخير ضيفي بيضة وهنا خبطيها بيدك وتكون مرخوفة على الكسرة شوية غطيها خليها تخمر وبعد لوزيها في صنية مدهونة امليح بالزيت ولوزيها مثل الكسرة ولما تخمر غير شوية تكوني حضرتي 2 مقالي الاولى فيها 3 ملاعق زيت والثانية فيها الزيت عادي كي يسخن ارفدي بالوزة عبسي في الوسط بصوبعك وجبدي على شكل اسوارة وطيبها في المقلة الاولى غير يتغير اللون لوحيها في المقلة الزوجة وفي نفس الاتجاه وين تغير اللون وبعد قلبيها للاتجاه الاخر
وفي بعض الاحيان نستعمل ملعقة تاع الايسكريم نديرها في الماء وبعد في العجين وبعد في الزيت ولما اطيب اندرها في السكر قلاصي وهذي الطريقة رووووووووووووووعة بزاف وهنا يصبح بيني ويجي خفيف رائع والحبات قدقد مثل المحلات عدنا هنا اي استفسار راني هنا
ملاحظة كل ماتكون لعجينة مرخوفة كل ما تجي هايلة