6 ساعات = 12 مليوووون

[بنت الجزائر و افتخر]

السلام عليكم

واش راكم لاباس الحمد لله ؟ ايا مليييح

المهم

من سيمانه هاكا جاتنا ضيفه و عندها مده ماجاتش

كان عندها عرس بنتها

ايا كملت عرس بنتها و جات تحكيلنا على العرس كي فات و في نفس الوقت جات تباركلي على البيام ههه

انا طبعا بحكم اني لازم نضيفها و ندير لاتاي و نشوف القاطو و كلشي

سلمت عليها و رحت

هو انا راني فالكوزينه و ودنيا فالصاله مالGري بين الكوينه و الصاله بزااااف هه

بغيت نسمع العرس كي فات هادا مكان هه

المهم قعدت تحكيلنا على العراس اللي في alger ايا و تبدا قالتلنا العادات و التقاليد نتاعهم

و كلشي ........الخ

اكيد غادي تقولو وعلاه درتي الموضوع اصلا

درك نقولكم ...

المفاجعه الكبرى .... قالتلنا اهل العريس عرضو .......(فلانه) و اللي هي اخت مطربه مشهوره جزايريه

في ميزكم شحال اعطاوها 12 مليوووووووون صدق اولا تصدق

12 مليوووووووووووون ....انا قلت بالاك قعدت عندهم 4 ايام 6 ايام ولا هاكا اعطارها هاد المبلغ المذهل

امالا نقولكم قالتلنا قعدت مالزوج الي الثمنيه نتاع العشيه ( من 14:00 الي 20:00 )

انا كي خرجت الضيفه قلت لماما راني باغيه نغني خلاص

الواحد يقرا و ينكشف و يتبهدل باش فالاخير ما يلقاش خدمه

ووحدين يروحو يجمعو في عراس و يتمتعو يدو 12 مليون !!!!!!!!!!

هههههه ايا واش رايكم ماشي الغنا خير ؟؟؟

ايا تهلاو في رواحكم ...في انتظار ردودكم

جميع الحقوق محفوظه لمنتدى اللمه الجزائرية و فقط

 

[adel-mz]

سلام اختاه
مبروك عليك البيام
هادي الشىء حرام ونحن لاندري
ان تصرف الاموال في مالا يرضي الله
الله يهدي الامة

 

[نسيم الربيع]

هذي مليحه يعرضو ها ويزيدو يسلكوها
حنا عندنا هي تسلك ومتدخلش
ربي يهدي ماخلق
مارسي عليك​

 

[ماكانش]

ههههههههههه
هذي بقعدتها برك وتخلص ههههه
الله غالب لمسوقرين هوما ألي طلعولهم الشان ...
​

 

[بنت الجزائر و افتخر]

سلام اختاه
مبروك عليك البيام
هادي الشىء حرام ونحن لاندري
ان تصرف الاموال في مالا يرضي الله
الله يهدي الامة

يسلمك اخي

فعلا هو شئ حرام

لانو كاين بزااف فقراء اولى بهاد الدراهم اللي يضيعو فالهوا

و اللي خلعتني كتر 6 سوايع برك و غنتلهم اغنيه وخلاص دات 12 مليون

هاد الدراهم ممكن يعاونو واحد من ليجان يخدم على روحه ولا يتزوج

شكرا على المرور
​

 

[بنت الجزائر و افتخر]

هذي مليحه يعرضو ها ويزيدو يسلكوها
حنا عندنا هي تسلك ومتدخلش
ربي يهدي ماخلق
مارسي عليك​

فعلا اختي عيشي تشوفي و تحيري هه

امييييييين ربي يهديهم

اللي غاضتني الفقراء اولى بهاد الدراهم

العفو اختي الشكر ليك
​

 

[بنت الجزائر و افتخر]

ههههههههههه
هذي بقعدتها برك وتخلص ههههه
الله غالب لمسوقرين هوما ألي طلعولهم الشان ...
​

عندك الحق خويا لوكان ما طلعولهمش الشان ما يديروش هاكا فالبلاد

انا تبانلي بهاداك الدراهم يزوجو كاش جون يكون محتاج ولا يعطوهم لكاش واحد يبدا بيهم خدمه بسيطه

ولا يقسموهم على الفقراء

حرام خسارة الدار كيماهاك

نورت الموضوع خويا ........شكرا على المرور
​

 

[amina_b]

وعليكم والسلام
مبرووك عليك البيام مع انها جات متاخرة معليش اقبليها برك ولعقوبة للباك
ياختي كيما نقولوالمال الحرام يروح في الظلام
تلقاي هذ 12 مليون متكفيهم لوالو
وكيما قلتي هذ الاموال كاين الي اولي بيهم.....ا 12 مليون
قداه بيت رايحة تفتح
وقداه يتيم رايحا تفرحو
وقداه وقداه
المهم تسلمي علي الموضوع
وان شاء الله الناس يرجعوا لعقولهم
ويفكوا من هذ التفاهات
​

 

[07 _H@yThm]

بلاك حتا انا ندورها غنا خيرلي ههههههههه
​

 

[mira.21]

مبروك عليك ختي البيام ولعقوبة للباك نشاء الله
اكي تشوف الصوارد وين يطيشو فيهم
ناس ملاقياش واش تاكل وناس تتمسخر على روحا
وزيد هادي على القعدا و 12 مليون مالا كون شطحت خلات مطيحش على 40 مليون ههههههههه
ربي يهدينا اجمعين
مرسي على الموضوع

 

[DARINE05]

اييييييييي لغناء والله الفنان عايش هههههههه

 

[النورس]

وي راهم يدو في دراهم كبار
الشاب خالد اخر سهرة في تيمقاد بـ 500 مليون
ساعة ونص غنى
​

 

[نجاة40]

لوكان طلي عليها تلقايها مايش مهنية في حياتها
2 دورو بالهنا خير من 12 مليون ومايباركش فيهم ربي​

 

[NeيRسNe]

السلام عليكم ورحمة الله تعالى وبركاته
اولاا مبروك عليك البيام لعقوبة للباك وحاجة اخرى مهم ماشي الغنا
المغنيات تاع العراس و الشباب كتروو غير ماتزيديش نتي فلاليست
قرايتك تلقيها وتفيدك واما شطيح و الرديح يخلصو فالدنيا 12 مليوون و الاخيرة 12 بروصي
شكراااا على الموضوع
​

 

[nina bonoise]

ايه كيما في عرس فامي تاعنا
جابت محمد لمين
روح بكابا تاع صوارد
​

 

[بنت الجزائر و افتخر]

وعليكم والسلام
مبرووك عليك البيام مع انها جات متاخرة معليش اقبليها برك ولعقوبة للباك
ياختي كيما نقولوالمال الحرام يروح في الظلام
تلقاي هذ 12 مليون متكفيهم لوالو
وكيما قلتي هذ الاموال كاين الي اولي بيهم.....ا 12 مليون
قداه بيت رايحة تفتح
وقداه يتيم رايحا تفرحو
وقداه وقداه
المهم تسلمي علي الموضوع
وان شاء الله الناس يرجعوا لعقولهم
ويفكوا من هذ التفاهات
​

يسلمك حنونه

نقبلها منك في اي وقت و كيفاش ما نقبلهاش

ان شاء الله حنونه

فعلا ناس تافهيييييين جداااا و الدراهم الحرام يروحو غير هاكا كيما قلتي

مي مادام يروحو غير هاكا انا تبانلي يعطوهم للي يحتاجوهم بزااااف خييير

على العموم شكرا على المرور و الرد المميز
​

 

[بنت الجزائر و افتخر]

بلاك حتا انا ندورها غنا خيرلي ههههههههه
​

هههههه ياخويا دورها غنا و توسطلي معاك

كاش ما نربح دراهم ههه

شكرا على المرور
​

 

[بنت الجزائر و افتخر]

مبروك عليك ختي البيام ولعقوبة للباك نشاء الله
اكي تشوف الصوارد وين يطيشو فيهم
ناس ملاقياش واش تاكل وناس تتمسخر على روحا
وزيد هادي على القعدا و 12 مليون مالا كون شطحت خلات مطيحش على 40 مليون ههههههههه
ربي يهدينا اجمعين
مرسي على الموضوع

اميييييييين

والله يسلمك حنونه

فعلا حنونه و هادي اللي غاضتني كاين بزااااف ماهمش لاقيين شا ياكلو

و هاد الدراهم ممكن يديرو بيهم بزاااف صوالح يفيدوهم في حياتهم

ضحكتني نتاع لوكان شطحت تدي 40 مليون

يا اختي ممكن كلشي pوسيبل في بلاد ميكي

شكرا على المرور
​

 

[بنت الجزائر و افتخر]

اييييييييي لغناء والله الفنان عايش هههههههه

صح حنونه راهم عايشين نتاع الصح

مي في التالي هوما الخاسرين في لافار

حنا عندنا ربي و هوما عندهم الدراهم

شكرا على المرور

​

 

[بنت الجزائر و افتخر]

وي راهم يدو في دراهم كبار
الشاب خالد اخر سهرة في تيمقاد بـ 500 مليون
ساعة ونص غنى
​

ساعه و نص = 500 مليوون _o:

هههه انا تبانلي الدوله تدير بهادوك الدراهم كاش شركه تخدم بيهم الشباب

ماشي خير ما تخسرهم على ساعه و نص

ربي يستر

على العموم شكرا على المرور و المعلومه
​