ظاهرة دخيلة على منتدى اللمة الجزائرية؟؟؟

[BARCA232]

السلام عليكم ورحمة الله تعالى وبركاته
أن شاء الله الجميع بخير
يعني راني في كم يوم نخمم في هذا الموضوع
ومالقيت ليه حل
قلت كي العادة ديما الحل معاكم
وهو وحد الظاهرة دخيلة على المنتدى وتخص التواقيع
وبعض الردود.
وعليه حتى افصل جيدا،وبلا مانحكي على التواقيع اللي سبقني كم من عضو،
ودار مواضيع عليها وحتى الادارة راهي دايرة بلاكة الاعمى يشوفها مي احنا ديما نديروا العكس.
راني نشوف في وحد التواقيع:
* للأسف لاأقبل صداقات من الجنس الآخر
* لاأقبل طلبات صداقة من الذكور
* قولي عني معقدة او أي شيء؟؟؟؟؟؟
والله وهم كثر وخاصة في الايام الأخيرة كثرة بزاف
مانعرف علاش ،وواش الهدف منها
نظن مادام أحنا في منتدى وبالأخص
والله منتدى اللمة الجزائرية فيه حرية كبيرة
وتعامل طيب مع الأعضاء
وهو ليس بجديد على منتدى اللمة؟؟؟؟
أنا تبانلي بالعكس نظن لفت الانتباه في التوقيع لاغير
وعليه مادمنا في منتدى اللمة الجزائرية
وبحكم التجربة والله والحمد لله كسبنا
اخوة وأخوات كانت لهم معي مواقف
لم اجدها من أصدقائي في أرض الواقع
والحمد لله على هذه النعمة
فنصيحة لكم اخوتي يامن تقومون
بهذا الشيء او حتى بعض الردود
والله لن تجد أحسن من الصداقة والأخوة والمحبة خاصة هنا في منتدى اللمة الجزائرية

وياريت يشرفني من هم في صلب موضوعي
بالرد، وأنا هنا للرد عليهم
*********************


​

 

[فؤاد الورقلي]

سلام

اهلا خويا
راه غايب حسك
هه
عندك الحق
مي كاين بعض الناس مزعجيييييييييييين مما يترك البنت تضع مثل هذه التواقيع
راني معاك
كاين ناس في اللمة ماشاء الله وبلاك اكثر من اصدقاء الواقع كيما قلت
مي ثاني كاين الانتهازيييييييييين بزاف

ربي يجيب الخير ان شاء الله

ورايي انا كل واحد حر في نفسه


ربي يوفقك اخي​

 

[adel-mz]

والله عند ك الحق خويا
من المفروض رانا خاوة هنا .
الله يهدينا

 

[ziassia]

صح خويا كلامكــ جواهر
كاين أصدقاء لهنا في اللمة مشاء الله
ولازم متتحسسش من هدى الأمور عادي جدا
شكرا على الموضوع ​

 

[hiba14]

انا تاني و الله ما عرفت لوكان غي يجاوبو بالاك كاينة حكمة راها دارقة علينا

 

[meriem150491]

السلام عليكم

خويا انا كانت عندي نفس نظرتك لهد الامر مي كي سجلت ضايقوني بزاف عباد هنا ولا داعي لذكر الاشخاص عليها حطيت توقيعي وانا محطيتوش باش نلفت الانتباه + الحمد لله نعرف قدري + كاين خاوة هنا والحمد لله ويعرفو قدرك ويعرفو كيفاش يحكيو وميفهموش بالنقص مي خرين تحكي معاهم يعودو يفهمو بالنقص وانا فهامة النقص نكرها وكون غير تحد هنا يعودو يفهمو بلي راك ناقص معريفة ولا معلاباليش كيفاش يشوفو فيها

وانا مرحبا باي اخ واكيد رانا خاوة مي منحبش الدسارة وحكاية ابعثيلي النميرو وحكاية نحبك ومعلاباليش انا + صح كاينين خرين يديروها باش لفتو الانتباه ويديرو رواحهم معلاباليش يعني مابين قوسين نفاق مي في ردي هدا اني نحكي على نفسي وبس وكيفاش حطيت توقيعي والحمد لله انا النفاق ميدورش بيا باش مثلا نكتب توقيع كي هدا ونبعث لواحد نقولو نتعارفو منقولكش منعرف حتى واحد في اللمة مي كاينين عباد يفهمو معنى القدر والاحترام ,,,, تحياتي صحا رمضانكم


​

 

[BARCA232]

السلام عليكم
وعليكم السلام ورحمة الله تعالى وبركاته اختي مريم
خويا انا كانت عندي نفس نظرتك لهد الامر مي كي سجلت ضايقوني بزاف عباد هنا ولا داعي لذكر الاشخاص
والله معك حق لكن اختي الادارة موفرة كل وسائل الحماية وأهمها التبليغ؟؟
عليها حطيت توقيعي وانا محطيتوش باش نلفت الانتباه +
الحمد لله نعرف قدري +
أكيد ولا أحد ينكر هذا؟؟؟
كاين خاوة هنا والحمد لله ويعرفو قدرك ويعرفو كيفاش يحكيو وميفهموش بالنقص
قوليها وعاودي اختي مريم والحمد لله كسبنا جواهر والله العظيم خذيها من مجرب
مي خرين تحكي معاهم يعودو يفهمو بالنقص وانا فهامة النقص نكرها وكون غير تحد هنا يعودو يفهمو بلي راك ناقص معريفة ولا معلاباليش كيفاش يشوفو فيها
كيما قلت ليك اختي مريم كاين التبليغ احسن حل وتتنهني من تكسار الراس
وانا مرحبا باي اخ واكيد رانا خاوة مي منحبش الدسارة وحكاية ابعثيلي النميرو وحكاية نحبك ومعلاباليش انا
هذه الامور على حساب شخصية البنت والحدود بينها وبين الناس لخرين صح؟؟
+ صح كاينين خرين يديروها باش لفتو الانتباه ويديرو رواحهم معلاباليش يعني مابين قوسين نفاق مي في ردي هدا اني نحكي على نفسي
وهذا اللي يهمني انا اختي مريم كيف هو تفكيركم واعلاش دايرينها؟؟؟
وبس وكيفاش حطيت توقيعي والحمد لله انا النفاق ميدورش بيا باش مثلا نكتب توقيع كي هدا ونبعث لواحد نقولو نتعارفو منقولكش منعرف حتى واحد في اللمة مي كاينين عباد يفهمو معنى القدر والاحترام ,,,, تحياتي صحا رمضانكم


​

وعليكم السلام ورحمة الله تعالى وبركاته
شكرا ليك مريم
وكيما قلت ليك باه الانسان مايطيحش في متاهات كاين احسن شيء تبليغ الادارة
والحمد لله الادارة ساهرة وماتخلي حتى تلاعب
وخذيها من مجرب
من كلا الجنسين أعضاء ماشاء الله
بنات ورجال اولاد فاميليا
بارك الله فيك
​

 

[meriem150491]

وعليكم السلام ورحمة الله تعالى وبركاته
شكرا ليك مريم
وكيما قلت ليك باه الانسان مايطيحش في متاهات كاين احسن شيء تبليغ الادارة
والحمد لله الادارة ساهرة وماتخلي حتى تلاعب
وخذيها من مجرب
من كلا الجنسين أعضاء ماشاء الله
بنات ورجال اولاد فاميليا
بارك الله فيك
​

اهلا اخي هيه بلغت الادارة اكيد , وباش ننكر ونقول مكانش خاوة وخواتات نعم الناس وجواهر راح نكون غلطانة فاكيد اكيد اكيد كاين المليح والقبيح مش راح نحكم على الناس جميعا على انهم مش ملاح بسبب تصرف صبياني من احد الاشخاص او العكس مش راح نحكم على الناس انهم جواهر من تصرف رائع جاني من شخص + كل واحد وكيفاش واكيد ونعاودها كاين اللي حط توقيعو على انو يلفت الانتباه مي تلقا ناس حطو توقيع كي هدا لاسباب اخرى كما ذكرت انا وكل واحد كيفاش

ايا تحياتي الحارة وشكرا على الموضوع واكيد في المنتدى او في اي بلاصة رانا كامل كامل خاوة :re_gards:
​

 

[Rosa2]

السلام عليكم ورحمة الله تعالى وبركاته

و ع ـليكمـ الـسلآمـ ورحـمة الله وبركآته
//
آمممـ
ع’ـندكـ الصح’ فـ " الشي " اللي قلتهـ
بالاخير حنا رآنآ " اخوة & ع ـآيلة وحدة " هنآيآ

أنا تبانلي بالعكس نظن لفت الانتباه في التوقيع لاغير

مي كآينـ " شي نآاس " [ لآ تع’ـرف من خلال المشاركة فـ المنتديات الا الازعآج ]
و اغلبهمـ يكونوا ولآد [ مآ نقصدهمش ga3 ,, البع’ـض فقط ]
على هآاديكـ رانا نشوفوا هـآد التواقيع

//
شكـ’ـرآ ليكـ محمد على الموضوع & ع ـلى الطرح
يع’ـطيكـ الصح ـه ..~
​

 

[Autumn leaves]

وعليكم السلام..

بصراحة انا من كم يوم كنت افكر أطرح موضوع مشابه للأعضاء اللمة،،

انا مو جزائرية وكنت في البداية ملاقيه الموضوع صعب.. وكيف راح اتصرف..

لكن ماشاء الله .. وجدت صداقة طيبة هنا..وأخوّة من البعض رغم معرفتي وعلاقتي المحدودة جدا..بالاعضاء..

والمتطفلين موجودين في اي مكان في الدنيا ،، سواء في الواقع او في النت!

والتعميم أحيانا ممكن يؤثر على نفسياتنا.. وزي ما قلت ،،

الإدارة موجودة وفيه شي اسمه التجاهل،، الي يتطفل تجاهله تماما..

أنا ما لمست هنا غير الطيبة والتعاون ،،أقولها حقيقة...

ربما لدي تحفظات على بعض أشياء.. ولكن بصفة عامة..

اللمة ناسها طيبين_^


​

 

[meriem150491]

وعليكم السلام..

بصراحة انا من كم يوم كنت افكر أطرح موضوع مشابه للأعضاء اللمة،،

انا مو جزائرية وكنت في البداية ملاقيه الموضوع صعب.. وكيف راح اتصرف..

لكن ماشاء الله .. وجدت صداقة طيبة هنا..وأخوّة من البعض رغم معرفتي وعلاقتي المحدودة جدا..بالاعضاء..

والمتطفلين موجودين في اي مكان في الدنيا ،، سواء في الواقع او في النت!

والتعميم أحيانا ممكن يؤثر على نفسياتنا.. وزي ما قلت ،،

الإدارة موجودة وفيه شي اسمه التجاهل،، الي يتطفل تجاهله تماما..

أنا ما لمست هنا غير الطيبة والتعاون ،،أقولها حقيقة...

ربما لدي تحفظات على بعض أشياء.. ولكن بصفة عامة..

اللمة ناسها طيبين_^


​

اهلا بالاخت كون حطيتو موضوع مش مشكل هههه راح نتقبلوه وبصدر رحب ثاني

اكيد اختي فاهل اللمة ماشاء الله عليهم ومستحيل انو نقولو مش ملاح اهل اللمة في جرة زوج اعضاء ولا 3 جا منهم تصرف صبياني رانا كاااااامل اخوة وكاااامل عرب وكااامل مسلمين واكيد التعميم مش مليح تحياتي

 

[Jeune Sghir Mc]

نقولك يا شريكي الكاتالوني
كل واحد وعندو قناعتو الخاصة وتختلف العقلية و التفكير من شخص لآخر
كاينين شباب يديرونجيو لبنات على هاذي مايبغوش صداقة
مام كاينين بنات يديرونجيو الذكور وصرات لصاحبي خطرة
المهم لازم نقدرو الظروف واختلاف العقليات

سلام
.
.
.


​

 

[BARCA232]

اهلا اخي هيه بلغت الادارة اكيد
والحمد لله كان التصرف أظن؟
, وباش ننكر ونقول مكانش خاوة وخواتات نعم الناس وجواهر راح نكون غلطانة فاكيد اكيد اكيد كاين المليح والقبيح
في كل مكان الا والله العظيم شخصيا هنا في اللمة تقولوا خيروهم
مش راح نحكم على الناس جميعا على انهم مش ملاح بسبب تصرف صبياني من احد الاشخاص
ركزيلي على هاذي
او العكس مش راح نحكم على الناس انهم جواهر من تصرف رائع جاني من شخص + كل واحد وكيفاش واكيد ونعاودها كاين اللي حط توقيعو على انو يلفت الانتباه مي تلقا ناس حطو توقيع كي هدا لاسباب اخرى كما ذكرت انا وكل واحد كيفاش

ايا تحياتي الحارة وشكرا على الموضوع واكيد في المنتدى او في اي بلاصة رانا كامل كامل خاوة :re_gards:
​

أجدد تشكراتي ليك ميرم
لكن كيما قلتي ممكن تصرف صبياني ولا يدع لك شك في الحكم على الجميع
فربما في ناس كثيرة تعجب بشخصيتك ويورد ان يتشرف بصداقتك وعندما يشوف توقيعك يهرب منك
ويخليك تبن لي وحيدة
شكرا ليك
وربي يبارك فيك
​

 

[BARCA232]

سلام
وعليكم السلام ورحمة الله تعالى وبركاته
اهلا خويا
راه غايب حسك
الله غالب فؤاد خويا شوية متاعب وخلاص الحمد لله
هه
عندك الحق
مي كاين بعض الناس مزعجيييييييييييين مما يترك البنت تضع مثل هذه التواقيع
صح ولكن هذا الشيء انا تبان لي بالعكس يأثر على البنت حتى من جانب الجنس نفسه
راني معاك
كاين ناس في اللمة ماشاء الله وبلاك اكثر من اصدقاء الواقع كيما قلت
مي ثاني كاين الانتهازيييييييييين بزاف
وهوما كثر أخي فؤاد
ربي يجيب الخير ان شاء الله

ورايي انا كل واحد حر في نفسه


ربي يوفقك اخي​

اهلا اخي فؤاد ربي يبارك فيك
وشكرا ليك
والحمد لله على سلامتك
​

 

[touffik]

كل وحد وكيف يخمام بصح تبلى عادى ليكتب فى توقيع رسالة او تنبيه

 

[meriem150491]

أجدد تشكراتي ليك ميرم
لكن كيما قلتي ممكن تصرف صبياني ولا يدع لك شك في الحكم على الجميع
فربما في ناس كثيرة تعجب بشخصيتك ويورد ان يتشرف بصداقتك وعندما يشوف توقيعك يهرب منك
ويخليك تبن لي وحيدة
شكرا ليك
وربي يبارك فيك
​

شكرا اخي

هيه اكيد منقدروش نحكمو على الناس من تصرف واحد

هههههه لا توقيعي كتبتو اني منحبش الدسارة من لولاد ( يعني منحبش خروج عن الصداقة والاخوة يعني تعارف الدسارة منحبوش) بلا هدو مرحبا بيهم في اي وقت



:re_gards:تحياتي مرة اخرى
​

ان شاء الله منكونوش ثقلنا عليك في الموضوع ههه

 

[BARCA232]

وعليكم السلام..
وعليكم السلام ورحمة الله تعالى وبركاته
بصراحة انا من كم يوم كنت افكر أطرح موضوع مشابه للأعضاء اللمة،،
وهو كذلك ان الذكرى تنفع المؤمنين
انا مو جزائرية وكنت في البداية ملاقيه الموضوع صعب.. وكيف راح اتصرف..
هنا شيء يجب ان تعرفيه والله المنتدى الوحيد الذي يجد فيه الشخص من دولة شقيقة سهولة في التعامل مع الاعضاء
كأنه معهم في زمن بعيد
لكن ماشاء الله .. وجدت صداقة طيبة هنا..وأخوّة من البعض رغم معرفتي وعلاقتي المحدودة جدا..بالاعضاء..
وهذا ما سبق ذكره اختي
والمتطفلين موجودين في اي مكان في الدنيا ،، سواء في الواقع او في النت!
صح أينما تروحي يوجدون لكن الادارة دوائهم صح؟؟؟
والتعميم أحيانا ممكن يؤثر على نفسياتنا.. وزي ما قلت ،،
ليس تعميم وانما هم أشخاص معينين ويجب معاودة المحاولة في تفكيرهم لأنه واحد لايحكم على الجميع اي تصرف واحد
الإدارة موجودة وفيه شي اسمه التجاهل،، الي يتطفل تجاهله تماما..
ونعم الرأي أختي
أنا ما لمست هنا غير الطيبة والتعاون ،،أقولها حقيقة...
الحمـــــــد لله هي شهادة
ربما لدي تحفظات على بعض أشياء.. ولكن بصفة عامة..

اللمة ناسها طيبين_^


​

وعليكم السلام ورحمة الله تعالى وبركاته
اختي مهاجرة ان شاء الله يكون هذه الهجرة الأخيرة
وتحطي الرحال وتطيلين المكوث عندنا في منتدى اللمة الجزائرية
بارك الله فيك
​

 

[BARCA232]

شكرا اخي

هيه اكيد منقدروش نحكمو على الناس من تصرف واحد
وهذا المغزى من موضوعي اختي مريم
هههههه لا توقيعي كتبتو اني منحبش الدسارة من لولاد ( يعني منحبش خروج عن الصداقة والاخوة يعني تعارف الدسارة منحبوش)
والله مافهمت كيف تعارف الدسارة؟؟؟
بلا هدو مرحبا بيهم في اي وقت



:re_gards:تحياتي مرة اخرى
​

ان شاء الله منكونوش ثقلنا عليك في الموضوع ههه

لالا الموضوع ثقيل من عندهم غير ماتخميش مريم مرحبا بك
شكرا ليك
وبارك الله فيك
​

 

[meriem150491]

لالا الموضوع ثقيل من عندهم غير ماتخميش مريم مرحبا بك
شكرا ليك
وبارك الله فيك
​

يعني نقصد انو خرين يبعثو رسائل لا سلام لا كلام ممكن نتعرفو ختي هاو النيميرو عيطيلي اني نسنا ؟ هدا واش نقصد بتعارف الدسارة

العفو وفيك بارك الله تحياتي لك اخي:re_gards:

 

[*nassima*]

و الله يعني انا مش من مرتادي اللمة بكثرة مي ساعات نضرب عليه طلة خفيفة و يعني لقيت الاعضاء ما شاء الله مكونين اسرة روعة و تحس بلي كاين بيناتهم رابط اخوة و تلقاهم متعاونين و يقدمو مساعدات على قدر المستطاع يعني ما عندي ما نقول فيهم بنات و دراري ماشاء الله ربي يدومها عليكم