حيمشي..... حيمشي خلاااااااص يا بشــــــــــــــــــــــــر
سامعين.. شايفين... حاسين
حيمشي ..... حيمشي
حيمشييييييييييييييييييييييييي ..... اجروا بسرعة اووووووووووووووووي
انا لسه بكامل قوايا العقلية بس الفرحة بقى
يا جماعة حيمشي اللي تاعبنا و خانقنا طول السنة ... ... إبليس عليه لعنة الله ...الشيطان
اللي مش بيبطل وسوسة مش بيبطل خفض همة اي حد
انتو عارفين وسوسات الشيطان ديه مع اي حد عاملة زي ايه ؟؟
زي واحد عمال بيجري عايز يوصل لهدف معين بس الارض اللي بيمشي عليها كلها طوب ممكن يتكعبل في طوبة يقع ولو هو عنده ارادة حيكمل ويقوم تاني ام لو ما عندوش حيرجع ويقول لأ اصل الطريق ده مليان طوب ....
اهو الطوب ده بقى هو الشيطان اللي بيأخر الناس عن حاجات كتيييير اللي بيجي في سكة اي واحد او واحدة ملتزمة ويحاول يفقدهم الهمة عشان يبعدهم عن الطريق ولو هو ملتزم بجد وحصل انو وقع يبقى حيقوم ويكمل تاني ولو لأ يبقى خلاص حيرجع زي ما كان ويحقق هدف الشيطان ...
بس انهاردة خلاص الطوب كله حيمشي والطريق حيبقى فاضي وممهد وجمييييييييل وكلنا حنجري براحتنا بقى ..
بس اجروا بسرعة ما حدش يقف ولا ثانية "سابقوا إلى مغفرة من ربكم " انتوا عارفين في مسابقات الجري الفرق في الوقت بين المركز الأول والتاني اجزاء من الثانية ...
ربنا بيقول "ففروا إلى الله " اجري بسرعة كأن مثلا بيجري وراك أسد حتعمل ايه ساعاتها ... اهو كده بالظبط في العبادة اجري كأن حد بيجري وراك ... الوقت بيجري وراك كل ما تضعف همتك افتكر ان في اللحظة ديه ممكن يكون واحد تاني بيعبد ربنا وحيحصلك وحيسبقك
كل حاجة محسوبة وعلى قد ما نعمل عل قد ما حنلاقي ربنا بيقول " وكل صغير وكبير مستطر" يبقى حتما ولابد ولاااااااااااازم الوقت في رمضان يبقى عبادة يبقى معظمه صلاة وقراءة قرآن
طب حتقولوا طبعا حنعبد ربنا وكل حاجة وحنجري على قد ما نقدر بس افرضي
تعبت
اقرا قرأن برضه بس مش شرط يبقى تبع الختمة ممكن اي سورة بتحبها
حتقولي ماشي قريت خلاص
وتعبت
اقرا قران برضه بس تفسير
تعبت
اسمع قران عادي بس بتدبر
طب مش قادر اقرا قران عشان عيني وجعتني من القراءة
وتعبت
افضل ادعي كتير جدا بكل الادعية اللي انت حافظها ولو مش حافظ كتب الدعية موجودة في كل مكان امسك كتاب واقعد ادعي او اقرا عن اسماء الله الحسني او سيرة الرسول او احاديث
طب خلصت الادعية كلها ودعيت كتير
وتعبت بقى
عادي جدا افضل اشغل وقتك كله بالذكر والاستغفار والتسبيح والصلاة على النبي
طيب خلصت الحاجات ديه كله وتعببببببببت ومن الاخرعايز انام بقى
عادي جدا هو النوم حرام يعني نام بس بدل ما تنام علطول افضل سبح واذكر الله لحد ما تنام.... بس اصحاب الهمم العالية مش بيناموا كتير في رمضان ماشي وللا مش ماشي
وكان فيه دعاء مأثور عن النبي صلى الله عليه وسلم بيقول فيه (اللهم بارك لنا في شهر رجب وشعبان وبلغنا رمضان و أعنا فيه على الصيام والقيام ورضنا فيه اليسير من النوم )
اليسير يعني مثلا 4 ساعات ووللا حاجة 6 بالكتير ويبقى الحمد لله على كده مش قبل الفطار نوم وبعد الفطار نوم
اشمعنا في وقت الامتحانات بقى الناس بتبقى عندها قدرة وبتطبق يومين ورا بعض .... رمضان شهر واحد في السنة يعني لو نمت 4 ساعات في اليوم وقول 3 ساعات وقت بدل ضايع يبقى 210 ساعة في الشهر
بس طبعا لا يمكن يروحوا كده ابداااااااااااا
احنا حتى وقت النوم او الشغل او اعداد الطعام حنحتسبه بفضل الله عبادة ازااااااااااي ؟؟؟
بالنية الصالحة ان شاء الله وهو انك بتنام بنية التقوي على الطاعة والعبادة
او بتعملي الاكل بنية افطار الصائم واطعام اهل بيتك
وتحتسب بقى كل حاجة في حياتك على انها عبادة
كلها كام ساعة والشيطان حيمشي يبقى من انهاردة بقى ما حدش له حجة في اي حاجة
لو كنت ما بتصليش الله لايقدر او بتصلي بسرعة كده وتقول اصله الشيطاااااااااااان
اهو حيمشي خلاص
لو كانت صلاة الفجر ساعات بتروح عليك وتقول اصله الشيطاااااان
اهو حيمشي خلاص
لو كنت بتسمع اغاني او بتتفرج على مسلسلات وافلام وتقول اصله
الشيطااااااااااااااااان
اهو حيمشي خلاص
لوكنت مش بتقرا قران كتير وتقول اصله الشيطاااااااااااااااان
اهو حيمشي خلاص
رمضان ده يا جماعة اختبار لينا عشان كل واحد يعرف درجة التزامه الحقيقة ويعرف حقيقة نفسه ... فمن انهاردة بقى اعرف ....
لو كسلت تقرا قران
يبقى ده ما كانش شيطانك ديه
نفسك
لو كسلت تصلي النوافل او التروايح او القيام
يبقى ده ما كانش شيطانك ديه
نفسك
لو زهقت او حسيت انك خلاص مش عايز تسبح او تستغفر
يبقى ده ما كانش شيطانك ديه
نفسك
لو كسلت تقرا الاذكار
يبقى ده ما كانش شيطانك ديه
نفسك
لو فضلت تسرح كتير في الصلاة وتصلي وانت عايز تخلص بسرعة
يبقى ده ما كانش شيطانك ديه
نفسك
لو سمعت اغاني ... اتفرجت على مسلسلات وانت عارف انها من الممنوعات
يبقى ده ما كانش شيطانك ديه
نفسك
لو نميتي واغتبتي الناس وفضلتي على لبسك
يبقى ده ما كانش شيطانك ديه
نفسك
لو لو لو لو ................
خلاص حيمشي وما حدش ليه حجة في اي حاجة
الشيطان حيمشي
الملايكة بتقول يا باغي الخير اقبل
معظم الناس بتحاول تقلل من المعاصي
حتى الاصحاب تلاقيهم ممكن يكونوا طول السنة مش بيعملو طاعات كتير بس في رمضان بيجاهدوا وبيشدوا اصحابهم معاهم
يبقى ما حدش يتحجج بحاجة خاااااااااالص
كله يجري بسرعة عشان نلحق الرحمة والمغفرة والعتق من النار
وفي ذلك فليتنافس المتنافسون
دلوقتي بقى كل واحد يغيظ شيطانه ويقوله
شهر بحاله حنستريح منك بقى
شهر بحاله حصلي الفجر والضحى والنوافل والتراويح والقيام بانتظام ومش حضيع ولا يوم ان شاء الله
شهر بحاله حختم القران فيه 10 ختمات او اكتر ان شاء الله
شهر بحاله مش حبطل تسبيح وذكر واستغفار وحقول الاذكار كلها كككككككككل يوم ان شاء الله
ومش حتعرف تعملي حاجة عشان حتكون محبوووووس :P
حتمشي وبعد رمضان حترجع حتلاقيني غير الاول
حترجع تلاقيني اقوى
حترجع تلاقي كل الحاجات اللي كنت بتضعف همتي فيها خلاااااااااااص بقيت بعملها ودعيت ربنا كتير انه يثبتني عليها ...حفضل اعمل الحاجة اللي بسبب استكبارك طردتك من رحمة ربنا
حطيع ربنا من غير مناقشة ومن غير جدال ومن غير ما اقول ليه ومن غير ما استكبر على غيري واقول اشمعنا انا حسن منه
وانت
مش حتعرف ساعتها بإذن الله تعملي اي حاجة
اما دلوقتي
. انت حتمشي واحنا قاعدين
انت حتتحبس واحنا احرار وحنعبد ربنا زي ما احنا عايزيييييين
واما شياطين الانس اللي مربيهم انت على ايدك... شيطاين الانس اللي عملوا المسلسلات والخيم الرمضانية والذي منه
مش حيقدروا بإذن الله يأثروا فيا لان فيه ناس تانية صناعة ربانية .... علماؤنا وشيوخنا تأثيرهم اقوى علينا من ملييييييييييييييييييون من شياطين الانس
لان فيه كلام ربنا وكلام رسوله وحب ربنا في قلوبنا اقوى ملييييييييييييار مرة من اي حاجة
ولا ايه يا جماعة بالله عليكم استحلفكم بالله مش عايزين نشمته فينا مش عايزنيه بعد رمضان يرجع يلاقينا زي الاول ابداااااااااااا عايزنه يرجع يلاقينا اقوى واحسن
وكل المعاصي اللي كان مخلي اي حد مصر عليها خلاص كلنا حنبطلها
ولا ايه ؟؟؟؟؟؟؟؟؟؟؟؟؟
دلوقتي كل واحد يجدد نيته ولو كان ناوي يعمل طاعة معينة يحاول ينوي انو يضاعف فيها وبإذن الله ربنا حيعينه
استعدوا عشان من بكرة لا من انهاردة ان شاء الله ماراثون الجري حيبدأ بقى
وسابقوا إلى مغفرة من ربكم
ويوم القيامة بقى حنشوف مين سبق التاني
انا عارفة انكم زهقتوا مني بس معلش استحملوا شوية
فيه شوية حاجات كده عايزة اذكركم ونفسي بيها هي اي بقى
النصيحة الأولى
لما تسبح او تستغفر خليك ذكي يعني بدل ما تقول سبحان الله وبحمده مثلا وتفضل تكرر فيها 200 مرة
لا قول سبحان الله وبحمده عدد خلقه ورضا نفسه وزنة عرشه ومداد كلماته
وافضل ردد فيها زي ما انت عايز وبإذن الله شوف صحيفتك يوم القيامة حيبقى فيها اد ايه حسنات
لان شوف بقى "عدد خلقه" يعني كل حااجة ربنا خلقها من اول ما ابتدى الخلق لحد دلوقتي كل بشر وكل حجر وكل حبة رمل وكل وكل وكل .....
"رضا نفسه " لا يعرف قدرها إلا الله ...
"زنة عرشه " وسع كرسيه السموات والأرض ..
"مداد كلماته "قال الله تعالى (وَلَوْ أَنَّمَا فِي الْأَرْضِ مِن شَجَرَةٍ أَقْلَامٌ وَالْبَحْرُ يَمُدُّهُ مِن بَعْدِهِ سَبْعَةُ أَبْحُرٍ مَّا نَفِدَتْ كَلِمَاتُ اللَّهِ إِنَّ اللَّهَ عَزِيزٌ حَكِيمٌ) [لقمان : 27]
وعلى كده بقى قيس كل الأذكار
يعني الاستغفار مثلا
اللهم اغفر للمؤمنين والمؤمنات
او سيد الاستغفار
او تقول مثلا استغفر الله عدد ما كان وعدد ما يكون وعدد الحركات والسكون
وده مثلا تقوله بنية ان ربنا يغفرلك عدد ما كان وما يكون من ذنوبك وعدد حركاتك وسكونك
كده يعني .....
لسه ما خلصتش معلش بالله عليك استحمل شوية
النصيحة الثانية
ساعات لما الواحد بيقرأ قرآن بيشوف آية كده وبيبقى حاسس انو الآية ديه قريبة من قلبه او أثرت فيه جامد
ما تستناش
اكتب اللي ربنا يفتح عليك بيه في الآية ديه وانشره يبقى اخدت ثواب الدعوة إلى الله وتحبيب الناس في كتاب الله
النصيحة الثالثة
بلاش افلام ومسلسلات في رمضان
مش حقول حرام وحلال لاني عارفة انك عارفة انها حرام والكلام موجه للبنات بالذات عشان هما الغالبية العظمى من المشاهدين
حتقوليلي لا مش حرام ايه الحرام في كده
حقول طيب مش حقولك حرام بس حسألك بما انها مش حرام تحبي تموتي وانتي بتتفرجي على مسلسل ؟؟؟
لو الرسول شافك وانتي بتتفرجي حتفضلي قاعدة وللا حتجري من قدامه ؟؟؟
لو داعية او شيخ انتي بتحبيه واتكلمتي معاه وسألك عن المسلسلات حتقوليله اه بتفرج وللا حتتحرجي منه ؟؟؟
فما بالك ربنا هو اللي شايفك
هو شهر واحد في السنة ولو خلاص مش قادرة لازم تتفرجي يعني لازم تتفرجي ومش بتحبي تضيعي وللا سيئة يبقى اتفرجي بعد رمضان المسلسلات بتتعاد عشراتشر مرة
بس بلاش رمضان بلاش تشمتي الشيطان فيكي بعد رمضان
طيب بعد الرغي الكتييييييير ده اللي يا رب تكونوا استفتدوا اي حاجة منه
جايبلكم هدية
شنطـــــــــــــــة رمضــــــــــــــان
ما فيهاش اكل عشان ما حدش يحلم يعني
(وَتَزَوَّدُوا فَإِنَّ خَيْرَ الزَّادِ التَّقْوَى)
الشنطة بقى فيها اييييييييييه ؟؟
1- الأربعون النووية + الشرح عشان لو ربنا قدرنا كل يوم حديثين كده
2- كتاب الرحيق المختوم وده كتاب جميل عن سيرة الرسول صلى الله عليه وسلم
3- كتاب صفة صلاة النبي صلى الله عليه وسلم
4- كتاب صفة صوم النبي صلى الله عليه وسلم
5- كتاب حصن المسلم للأذكار اليومية
6- كتاب الورد المصحفي ده كتاب للأدعية المختارة من الكتابة والسنة وأقل ما يوصف به انه رائع
7- مفكرة نيتي وكانت أخت وضعتها في موضوع جعله الله في ميزان حسناتها
8- كتاب شرح اسماء الله الحسنى للدكتور محمد راتب النابلسي يعني كل يوم برضه نقرأ اسمين او تلاتة كده
9- نسخة نادرة لكتاب صحيح البخاري كامل بس ديه للأسف ما عرفتش انزلها لأن حجمها كبير انا حاطة صفحة التحميل بتاعتها والتحميل مباشر يعني على التحميل بس
10- موقع جميل وميسر لتفسير القرآن الكريم مباشر بالضغط بالماوس على الآية
11- موقع المكتبة الوقفية وديه فيها كنوز من الكتب بصراحة جزاهم الله خيرا
12- كتاب الإعجاز العلمي في القرآن والسنة للدكتور زغلول النجار وده عشان لو واحد همته ضعفت شوية ومش قادر على العبادة يقرا فيه ويتدبر في آيات ربنا ويشحن إيمانه
إليكم برابط مباشر
شنـــــــــــــــطة رمضــــــــــــان
فيه حاجة ما اعرفتش احطها جوه الشنطة
دورة الخشوع في الصلاة للشيخ مشاري خراز
انا بفضل الله حملتها وجمعت الحلقات كلها في رابط واحد والسلسلة بالمناسبة mb3 عشان لو حد حب يحطها على الموبايل ويسمعها
سبحان الله وبحمده سبحان الله العظيم
الحاجات ديه كلها ليكم وليا ان شاء الله عشان اكيد مش حسيبكوا تجروا لوحدكم ويا ريت تستفادوا بأي حاجة من الحاجات ديه ولو بجزء بسيط كل يوم
واللي يعرف ينشرالموضوع يبقى جزاه الله خيرا ولو حد عايز يا خد الروابط يحطها في مواضيع خاصة بيه يا ريت
انا كده خلصت الحمد لله حتستريحوا مني
ما تنسوش تغيظووووووووووووووووووه بقى
خلاص حتمشي..................وحنجري بسرعة
استعودعكم الله واعوذ بالله ان اكون جسرا تعبرون به إلى الجنة ويلقي به في جهنم
التوقيع
رمضـــــــــ في ــــــــــــان
.
.
↓
حيمشي خلاص .. اجروا بسرعة .. ما تجروا بقى
رمضان ..... الدحيحة بيصلوا...... واحنا معاهم
.
.
↓
حيمشي خلاص .. اجروا بسرعة .. ما تجروا بقى
رمضان ..... الدحيحة بيصلوا...... واحنا معاهم
منقوووووووووووووووووووووووووووووووووووووول
