مارانيش ملاك

[sisilya]

السلام عليكم ورحمة الله وبركاته
صح رمضانكم خاوتي
انا كنت مشاركة في المنتدى بعضوية اخرى بصح جات ظروف خلاتني بعدت على المنتدى
وللاسف نسيت العضوية
المهم رجعت بعضوية جديدة
و b1 sur موضوع جديد
موضوع خفيف ظريف نبداو بيه

الموضوع تاعي راكب على واحد المقولة شفتها
قالك
أحيانا نشكي عمّا فعله ٱلاخــرون (بنــا)
ولا نبالي بما فعلناه (نحــن) بالاخريـــن

انا نشوف بلي راهي عبارة صحيحة مليون في المية

على خاطر كاين بزاف ناس شغلهم الشاغل
يشكيو من الناس
هذاك فلان دارلي وقالي
هذاك خدعني هذاك ظلمني
هذاك ماراهوش ناس ملاح سبني وحقرني
فلانة ماهيش مليحة نهار كامل تشك في الناس ودايما تظلمني وتشك فيا

واحنا bien sur نصدقو الطرف لي قاعد يشكيلنا ونقولو
ايييييه مسكين شفت واش درالو هذاك الكلب ونبداو نسبو

بصح عمرنا سألنا رواحنا الطرف لي قاعد يشكي بلي راهو فلان سبه وظلمه وكسره

انت واش درتلو؟
شكون لي بدى اللول وجرح لوخر؟


بصح احنا للاسف دايما نسمعه من الطرف لي نعرفوه ونصدرو الحكم غيابي
puisque واحد ماراهو رايح يجي يقول على روحو
انا ظالم انا خداع انا خاين انا كذى انا كذى
سؤالي
ياترى تقدرو تعترفو بلي ظلمتو ولا جرحتو انسان؟
شكون فيكم لي ظلم من قبل؟ ولا جرح انسان ؟ وعلاه ؟

انا نقدر نكون تجرحت وتكسرت وتظلمت من ناس بزاف
بصح تاني جرحت وظلمت ناس اخرين
وبصراحة لي يظلمني نظلمه ولي يجرحني نجرحه على خاطر ببساطة انا انسانة ما نقدرش نقبل الظلم على روحي

معليش طولت عليكم
واش رايكم في الموضوع
وصح فطوركم
​

 

[نسيم الربيع]

والله ياختي مكانش اللي ماظلمش ولا ماجرحش عن قصد او دون قصد وكيما قلتي منيش ملاك منيش متفكره مواقف مي جامي نتعمد نجرح واحد بصح ساعات ندير حوايج بلا منفيق بللي راح نقيس بيهم عبد
مارسي عليك
صح فطورك​

 

[adel-mz]

ادا وانا صغير بلاك ظلمت باسكو منعرفش صلاحي ،مي واحنا كبار الحمدلله جامي ظلمت الناس .
بارك الله فيك اختاه
صح فطورك

 

[معاك يا الخضراء]

صحيتي ختي
صح عندك الحق
قالك الجمل ديما يشوف حدبة خوه
انا نغلط احيانا ونجرح الناس لكن والله عن غير قصد
ونرجع ونحاسب روحي
قبل مانهدر على اي عبد نتفكر روحي وش اني مدايرة
يسلمو ايديكي
​

 

[DARINE05]

مرسيييييييي موضوع مليح

 

[hiba14]

السلام عليكم
عندك الحق في شا راكي تقولي بصح الانسان يشوف تاني للغلطات
التفاهات هاديك ماكاشا اللي معصوم بصح الخطا الباين تاني ما جاياش
ربي يهدينا
و صحا فطورك

 

[AHLEM1992]

باه نظلم الناس عن قصد جامي درتها
مي ديفوا نلقا روحي قستهم و جرحتهم بدون قصد

يعطيك الصحة ختي​

 

[adraa]

ياترى تقدرو تعترفو بلي ظلمتو ولا جرحتو انسان؟ >> ويي انا والله تامني بربي كون نحس روحي ظلمت واحد/ة والله ما نرقد افلليل... و نطلب منو السماح في اقرب وقت... >> و اما كي يظلموني واللا صح نمرض روحي و نحزن بصح مع الاخر نقول وكيلهم ربي...

شكون فيكم لي ظلم من قبل؟ >> ماكانش اللي ما يظلمش ختي..

ولا جرح انسان ؟ >> انا؟؟ ممكن في مرات قلال...مي الله غالب هاكذا تكون الحياة

وعلاه ؟ >> علاه؟؟ هههههههههههه قضايا شخصية و غرامية ههههههههههههه

صحيتي اختي على الموضووع هاايل

سلاام

 

[adraa]

صحيتي ختي
صح عندك الحق
قالك الجمل ديما يشوف حدبة خوه
انا نغلط احيانا ونجرح الناس لكن والله عن غير قصد
ونرجع ونحاسب روحي
قبل مانهدر على اي عبد نتفكر روحي وش اني مدايرة
يسلمو ايديكي

​

صح كووزيينتيي كاااااااااااينة...

ربي يحفظك حنونتي شو البك حنوون :shay:
​

 

[مابقاش بزاف.Dz]

اهلا اختي
موضوع باهي و راقي
صح ماكانش واحد فينا ما ظلمش و الواحد قبل ما يشكي من الناســــــ واش عملولو يسقم روحو اولا
سلام

 

[انتصار*]

صراحة انا منظلمش الناس بصح نقلقهم هواية واش راح ندير .
​