ماذا ستطبخين اليوم سيدتي

[imane27]

حلويات هايلة اسيا يعطيك الصحة
انا رانى نطيب لحوت فالكوشة

 

[ام فاروق و ايناس]

السلام عليكم كامل البنات
كيراكم نتمنى تكونو كامل بخير(ايمان27-ام ندى-ابتسام-عفاف -ام كوثر-فوفة -فلوسة..............)
اليوم درت السفة بالحليب مع العنب ولدي فاروق طلبها مني يموت عليها

 

[ام فاروق و ايناس]

حبيت نقول لام ريما رجعت نتوحش ريما و نحوس على ردودك باش نشوف صورتها و حتى بنتي ايناس تفرح كي تشوفاو تقولي كون غير جاتني قريبة باش نبوسها الله يبارك عليها ربى يحفظها
الى خاطر حنا معندناش الصغير في الدار
سلااااااااااااااااااااااااااااااااااااااااااااااااام

 

[ام ايناس]

سلام لقاع الحاضرات توحشتكم كان عندي خلل في الميكرو تاعي
فوفة طابلة تشهي يعطيك الصحة
اسيا مرحبا بيك توحشناك وتوحشنا لمتنا مع بعض
وصح صيااااام قاع لي راهم صايمين
ايمان راني نتخيل الحوت في الكوشة بصحتكم

 

[ام منصف]

مساء الخير حبيباتي
توحشتكم كامل كل وحدة باسمها
اسيا حمد الله ع السلامة
توحشناك خليتي بلاصتك وكالعادة حلوياتك رائعة راكي في top ماشاء الله عليك
بصحتك
​

 

[ibtesem]

مساء الخيرات عليكم يالبنات
راني نشوف في الحالة راقدة خلاص غير الخير
المهم انا رايحا نعمل بدنجال في الفرن
وبيتزا للبنات

 

[بنت الجسور المعلقة]

صحا فطور الصاييمن كامل ربي يتقبل نشاله [/center]

 

[ام ايناس]

اهلا بيك ام منصف توحشناك
ابتسام راكي تشوفي في الحالة مازال رمضان حاكم فينا ههههه
بنت الجسور فطور يشهي يعطيك الصحة
انا اليوم درت بيري قراتان انشا الله نصورها ونحطلكم منبعد

 

[imane27]

مساء الخير عليكم واش راكم وينكم مراكمش طيبو
ام ايناس وفاروق الله يسلمك لوكان راكي قريبة عليا نبعتلك ريما اوموا تهنيني منها التربية شوية
هدا عشايا تاع لبارح

 

[روعة2005]

سلام لبنات واش راكم كي زعمة ولاتلي النفحة تاع التصوير بطلتو نتوما هههههههههها
العفوفات وين راهم غير الخير ام ندوش نشوفها كوناكتي بصح متكتب والو تبالي مزال المشكل تاع الميكرو تاعها متعدلش
وروز يادرى كيفاش راهي دايرة في دزاير :sheer:
ايمان بصحتك الحوت جاك اممممممم يشهي

ودرت تحلية تاع لوليتا

صحا عشات الفاطرين:shiny:وفطور الصايمين:sheer:​

 

[ام ايناس]

يعطيكم الصحة ايمان وفوفة شهيتونا اطباق روععة تسلم الايادي انا جيت رايحة نصور لقيت راجلي على النص

 

[nada242008]

مساء الفل عليكم
بصحتكم فوفة ههههه ماني نشوف في والو غير نتخيل برك
غدانا كان دوبارة وفي العشا درت سندويتشات الخبز العربي
بصحتكم كامل:sheer:

 

[حكيك]

لينا شرف كبير ما نتعارفو على العائلة ابتسام

الله يبارك
​

 

[روعة2005]

اوكي عفوفة تخيلي مالاا بصحتك الدوبارة ولي سندويتش
وينهي اللمة تاعنا اين انتم .........هههه خاطيتني هذه تاع القذافي

 

[ام ايناس]

اهلا ام ندوش توحشناااك
فوفة والله ظحكتيني هههههههه ....... نحن هنا . نحن هنا . نحن هنا .

 

[بنت الجسور المعلقة]

لينا شرف كبير ما نتعارفو على العائلة ابتسام

الله يبارك
​

يآآآآآآآآ مآآ لحنانة على صحباتتتتتتي يهبلو ربي يحفظهمللللك

 

[faloussa]

سلام لبنات واش راكم كامل ليكم وحشة والله
اههههههههههه فوفة والله غير فتلتينى بالضحك على هاذاك الفلوس

 

[tasnim55]

السلام عليكم وشراكم توحشتكم كااااااااال ام ندى فوفة كوثر بسومة راجية العفو لالجيرواز ايمانو ام ايناس اسيادز ام فاروق ام منصف ام دودو عفاف مريومة فلوسة......انشاء الله راكم بخير راني جبت لعشاء ومعاه القاطو تاع العيد

 

[assia dz]

مساء الخير عليكم وصح فطور الصايمات، وربي يتقبل منكم إن شاء الله، فطور يشهي فوفة طابلة تاع رمضان، وانت إيمان ما عندي مانقول في الحوت متألقة كالعادة، أنا الصيام مازالني عيانة ، للعشا درت حميس وفريت وللغدا لابيري.راني صورتلك الطابع فوفة

 

[assia dz]

صح عشاك تسنيم،حلوياتك روعة خاصة الباقلاوة الكاري يعطيك الصحة.