ماذا ستطبخين اليوم سيدتي

[عفاف الجزائرية]

اهلا بيك اختي سمورة ومرحبا بيك معانا
عفاف تبان هايلة يعطيك الصحة ام فاروق اانشا الله تكون تتوحم ياااارب هي وفلووووسة
بوزلوف هبلني مازال ماطاب رايحة نهبل :cra_zy::cra_zy::cra_zy::cra_zy:

ايه والله جات بنينة انا كنت خايفة ما تعجبهمش ويطيشوهالي
اياي الحمد لله عجبتهم وكلاوها
البوزلوف كون فورتيه في الالمنيوم كيما عملناه مرة في الدورة والله ضربة بضربة يطيب بالخف

--------
ان شالله يااااااربي من فمك لربي يرزق الاخت ام فاروق والاخت فلوسة وزوجة اخي اللي في الغربة يعمر حجرهم يا رب
​

 

[ايمان التلمسانية]

السلام عليكم يا بنات
واش راكم
انا هاد اليامات ما رانيش ندخل للموضوع بزاااااااف
زعما الانشغالات ...يا ودي غير الراحة مي ما رانيش نجمع فالميكرو بزاف سايي جا الجو نتاع لقراية وبديت نحس بالخوف من الباك ان شاء الله كامل نربحو
صح عشاكم
​

 

[ايمان التلمسانية]

عفوفة ان شاء الله يرجعلنا ام فاروق بالف صحة وعافية
​

 

[بنت الجسور المعلقة]

سلام حبوبات طيبنا ليوم رشتة هدا صحن بابا هههه

وزدت معاها ميني بيتزااا

ان شاء الله يعجبكم عشايا سلام حبوباتتتت ​

 

[ايمان التلمسانية]

سلام حبوبات طيبنا ليوم رشتة هدا صحن بابا هههه

وزدت معاها ميني بيتزااا

ان شاء الله يعجبكم عشايا سلام حبوباتتتت ​

اممممممممممممممممممممم شهيتيني
تسلم ايديك
​

 

[عفاف الجزائرية]

بصحتك اختي بنت الجسور(على فكرة واش هو اسمك؟؟)
شهيتيني في الرشتة والله راني شاريتها وحاطتها في لاقلاص وكل مرة نقول نطيبها
مي كي عدت مانيش موالفة نطيبها كل مرة ناجلها
وبصحتك الميني بيتزا
بصحتكم كامل البنات
انا درتلهم سباقيتي بالفرماج
في الغدا زعمى عملتلهم شخشوخة
بابا وخويا وماما ومرت خويا تغداو عند جيراننا دايرين الفيونصاي نتاع بنتهم
انا بقيت مع اختي المتزوجة جات ضيفة
ايا وليت حطيت الشخشوخة في لاقلاص
وللعشا درتلهم سباقيتي
​

 

[بنت الجسور المعلقة]

يعيشك ايمان و عفاف وصحا عشاكم نتوما تاني
انا أسمي رقية يا حنونة
​

 

[assia dz]

مساء الخيرات
وين راكم الحالة راقدة مازلتوا صايمين؟
سلامي للجميع بدون استثناء
اسيا طلب صغير ليك
اذا ممكن تحطيلنا وصفات الحلويات اللي عملتيهم هكذا نديروهم مرجع لينا في المناسبات وربي يحفظك
​

والله على قولك أنا وحدة منهم راني راقدة خلاص، راني ندخل مرات قليلة للنت نقرا الشروق والنهار ونضرب إطلالة خفيفة على اللمة ونخرج، مارانيش قاعدة.
بالنسبة للحلويات اصبروا عليا شوية راني كل ما نقعد نحط وصفة في موضوع مستقل حتى يستفيد الجميع.

 

[ibtesem]

اممممممممممممممممممممممممممممممممممم عليكم وانا صايمة
بنت قسنطينة شهتيني

 

[ام ايناس]

راهو جا البوزلوف

 

[ibtesem]

اه ياانوسة جاك اشهي عمري ماعملتو بهدي الطريقة
نجربها ان شاء الله
بصحتكم حبيبتي

 

[ibtesem]

بنت قسنطينة لعجينة تاع 10 دقايق

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 25 (13 عضو و 12 ضيف) ‏عفاف الجزائرية, ‏assia dz, ‏أم عبدالصمد, ‏ام ايناس, ‏DARINE05+, ‏بنت الجسور المعلقة+, ‏faloussa, ‏ibtesem, ‏imane27, ‏nassima88, ‏om mima, ‏samora68, ‏كوثر الوهرانية

تخصنا ام ندى روز ام فاروق راجية العفو ام ايناس وفاروق فوفة2011 بائعة الكبريت نبع اليقين وردة الرمال الذهبية وكاين اللي نستهم ذكرونا بيهم
​

 

[assia dz]

مساء الخير عليكم كامل صح فطور الصايمات، وصح عشاء الفاطرات . بصحتكم واش طيبتوا، بوزلوف تاع ام إيناس، وكفتة أم كوثر، وشكشوكة ابتسام، سباقيتي عفاف، الرشتة والميني بيتزا تاع بنت الجسور، وتليتلي أم منصف.. نتمنى ما نسيت حتى وحدة،ام ندى راهي غايبة نتمناو يتحللها مشكل الميكرو وترجعلنا بطياباتها..طياباتكم كلها تشهي.أنا عشايا لوبيا مونجتو بالجاج، والتصوير مازال مؤجل .

 

[ام ايناس]

امممم رقية عشا يشهي يعطيك الصحة
عفاف والله ماني شافية عليه كون غير تعاودولنا الدورة

 

[ام ايناس]

ابتسام راجلي هو لي قالي ديريه كيما هاكا ههههههه
الله يسلمكم كااامل وصح عشاكم
هاهو رابط البوزلوف https://www.4algeria.com/vb/showthread.php?p=3674083#post3674083

 

[imane27]

سلام لبنات صح عشاكم
بنت الجسور راكي قتلتينى وانا صايمة راكي طيبي غير لحوايج لنحبهم دوارة ورشتا بصحتكم
انوسة بزلوف جاء هايل بصحتكم جامي درتو فالكوشة
بصحتكم سباقيتي عفاف

 

[ibtesem]

فوفو نزيدك ام دودو لالجرواز مريم حاسي

 

[tasnim55]

بنت الجسور وشراكي اختي الله يبارك اطباق تشهي امممممم والبسبوسة رووعة ورشتة تسخف بصحتكم قوليلي طريقتك يالغالية لحميص ليدرتيه والبسبوسة جات تشهي كيفاه الوصفة انشاء الله مانكونش ثقلت اعليك

 

[عفاف الجزائرية]

بنت الجسور وشراكي اختي الله يبارك اطباق تشهي امممممم والبسبوسة رووعة ورشتة تسخف بصحتكم قوليلي طريقتك يالغالية لحميص ليدرتيه والبسبوسة جات تشهي كيفاه الوصفة انشاء الله مانكونش ثقلت اعليك

يا اختي الحميص شوفي كيفاه تعمليه
تشوي حبات الفلفل ومباعد تحطيهم في علبة مغلقة ولا كيس بلاستيكي وتربطيه باه تتنحالك القشرة بالخف
ومباعد ترابي الطماطم ولا تشويها تاني
اذا رابيتيها ديريها في المقلة ومع شوي ثوم وملح وزيتوخليها تطيب
واذا شويتيها نقيها وهرسيها في المهراس
هرسي معاها الفلفل
وحطيهم في المقلة مع شوي زيت وملح
ونقصيلها النار وخليها تطيب في غرضها
اما اذا رابيتيها خلي تكون الطماطم نص طياب ولوحيلها الففل الي هرستيه في المهراس
نقصيلهم النار وخلي تطيب بالعقل
كي يطيب اذا جاك حار زيديلو زيت زيتونة
واذا جاك ماش حار بصحتكم
​